شي جينپيڭ جاڭا داۋىردە باتىس بولىكتى قاۋىرت اشۋدى ىلگەرىلەتۋ اڭگىمە ٴماجىلىسىن باسقارىپ اشقاندا بىلاي دەپ باسا دارىپتەدى
جاپپاي قورعاۋ، جاپپاي اشىق ۇستاۋ، جوعارى ساپالى دامۋ جاڭا جاعدايىن ونان ارى قالىپتاستىرىپ، باتىس بولىكتى قاۋىرت اشۋدىڭ جاڭا تاراۋىن قۇلشىنا جازۋ كەرەك
لي چياڭ، ساي چي، ديڭ شۋەشياڭ قاتىناستى
4 ـ ايدىڭ 23 ـ كۇنى تۇستەن كەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ چۇڭچيڭدە جاڭا داۋىردە باتىس بولىكتى قاۋىرت اشۋدى ىلگەرىلەتۋ اڭگىمە ٴماجىلىسىن باسقارىپ اشتى ٴارى ماڭىزدى ٴسوز سويلەدى.
□ سۋرەتتى شينحۋا اگەنتتىگىنىڭ ٴتىلشىسى جۇي پىڭ تۇسىرگەن
4 ـ ايدىڭ 23 ـ كۇنى تۇستەن كەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ چۇڭچيڭدە جاڭا داۋىردە باتىس بولىكتى قاۋىرت اشۋدى ىلگەرىلەتۋ اڭگىمە ٴماجىلىسىن باسقارىپ اشتى ٴارى ماڭىزدى ٴسوز سويلەدى.
□ سۋرەتتى شينحۋا اگەنتتىگىنىڭ ٴتىلشىسى ۋاڭ يە تۇسىرگەن
شينحۋا اگەنتتىگىنىڭ 4 ـ ايدىڭ 23 ـ كۇنى چۇڭچيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ 4 ـ ايدىڭ 23 ـ كۇنى تۇستەن كەيىن چۇڭچيڭدە جاڭا داۋىردە باتىس بولىكتى قاۋىرت اشۋدى ىلگەرىلەتۋ اڭگىمە ٴماجىلىسىن باسقارىپ اشتى ٴارى ماڭىزدى ٴسوز سويلەدى. ول بىلاي دەپ باسا دارىپتەدى: باتىس بولىك ٴوڭىرى بۇكىل ەلدىڭ رەفورما، دامۋ، ورنىقتىلىق كەلەلى جاعدايىندا وتە ماڭىزدى. پارتيا ورتالىق كوميتەتىنىڭ باتىس بولىكتى قاۋىرت اشۋدى ىلگەرىلەتۋ ساياسات ـ شارالارىن دايەكتىلەندىرۋدى، تياناقتاندىرۋدى باستان ـ اياق مىقتى يگەرىپ، جاپپاي قورعاۋ، جاپپاي اشىق ۇستاۋ، جوعارى ساپالى دامۋ جاڭا جاعدايىن ونان ارى قالىپتاستىرىپ، ٴوڭىردىڭ جالپى تۇلعالىق قۋاتى مەن باياندى دامۋ قابىلەتىن جوعارىلاتىپ، جۇڭگو ۇلگىسىندەگى وسىزامانداندىرۋ قۇرىلىسىندا باتىس بولىكتى قاۋىرت اشۋدىڭ جاڭا تاراۋىن قۇلشىنا جازۋ كەرەك.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي چياڭ، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت كەڭسەسىنىڭ مەڭگەرۋشىسى ساي چي، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى ديڭ شۋەشياڭ اڭگىمە ماجىلىسىنە قاتىناستى.
اڭگىمە ماجىلىسىندە مەملەكەتتىك دامۋ جانە رەفورما كوميتەتىنىڭ مەڭگەرۋشىسى جىڭ شانجيە، چۇڭچيڭ قالالىق پارتكومنىڭ شۋجيى يۋان جياجۇن، سىچۋان ولكەلىك پارتكومنىڭ شۋجيى ۋاڭ شياۋحۇي، شانشي ولكەلىك پارتكومنىڭ شۋجيى جاۋ يدى، شينجياڭ ۇيعۇر اۆتونوميالى رايوندىق پارتكومنىڭ شۋجيى ما شيڭرۇي ىلگەرىندى ـ كەيىندى ٴسوز سويلەپ، باتىس بولىكتى قاۋىرت اشۋدى ىلگەرىلەتۋ جونىندە قىزمەت جاعدايىنان مالىمەت بەرىپ، پىكىر ـ ۇسىنىستارىن ورتاعا قويدى. اڭگىمە ماجىلىسىنە قاتىناسقان باسقا ولكە، اۆتونوميالى رايونداردىڭ جانە شينجياڭ ٴوندىرىس ـ قۇرىلىس بيڭتۋانىنىڭ نەگىزگى جاۋاپتى جولداستارى جازباشا ٴسوز تاپسىردى.
كوپشىلىكتىڭ ٴسوزىن تىڭداعاننان كەيىن، شي جينپيڭ ماڭىزدى ٴسوز سويلەدى. ول بىلاي دەپ اتاپ كورسەتتى: پارتيا ورتالىق كوميتەتى جاڭا داۋىردە باتىس بولىكتى قاۋىرت اشۋدى ىلگەرىلەتۋدىڭ جاڭا جاعدايىن قالىپتاستىرۋ جونىندە ورنالاستىرۋ جاساعان 5 جىلدان بەرى، باتىس بولىك وڭىرلەرى ەكولوگيالىق ورتانى قورعاۋدا، قالپىنا كەلتىرۋدە كەلەلى تابىستارعا قول جەتكىزىپ، جوعارى ساپالى دامۋ قۋاتىن كورنەكتى جوعارىلاتىپ، اشىق ەكونوميكالىق جاعدايدى جەدەل قالىپتاستىرىپ، نەگىزدىك قۇرىلعىلار شارت ـ جاعدايىن بارىنشا جاقسارتىپ، حالىقتىڭ تۇرمىس دەڭگەيىن ورنىقتى جوعارىلاتىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە ۋاعىندا قول جەتكىزىپ، بۇكىل ەلمەن بىرگە جاپپاي دوڭگەلەك داۋلەتتى قوعام قۇرىپ شىعىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىنا قادام تاستادى. سونىمەن بىرگە باتىس بولىك ٴوڭىرىنىڭ دامۋى ٴالى دە كوپتەگەن قيىنشىلىقتار مەن سايىستارعا ٴدوپ كەلىپ وتىرعاندىعىن، ونى شىنايى زەرتتەپ شەشۋ كەرەكتىگىن كورە ٴبىلۋىمىز كەرەك.
شي جينپيڭ بىلاي دەپ باسا دارىپتەدى: ەرەكشەلىككە، باسىمدىققا يە كاسىپ سالالارىن دامىتۋدى نەگىزگى قامال الۋ بەتالىسى ەتۋگە تاباندى بولىپ، جاڭادان گۇلدەنگەن كاسىپ سالالارىن جەرگىلىكتى جاعدايعا قاراي دامىتىپ، باتىس بولىك ٴوڭىرىنىڭ كاسىپ سالاسىنىڭ تيبىن وزگەرتىپ، دارەجەسىن جوعارىلاتۋدى جەدەلدەتۋ كەرەك. عىلىم ـ تەحنيكادا جاڭالىق اشۋ مەن كاسىپ سالاسىندا جاڭالىق اشۋدىڭ ىشكەرىلەي توعىسۋىن كۇشەيتىپ، جوعارى دەڭگەيدەگى عىلىم ـ تەحنيكادا جاڭالىق اشۋ دارىندىلارىن بەلسەنە جەتىلدىرىپ، ەنگىزىپ، ويداعىداي پايدالانىپ، ٴبىر توپ شەشۋشى، وزەكتى تەحنيكالاردان قامال الۋعا قۇلشىنۋ كەرەك. شىعىس، ورتا، باتىس بولىكتەردىڭ عىلىم ـ تەحنيكادا جاڭالىق اشۋ سەلبەستىگىن تەرەڭدەتىپ، مەملەكەتتىك دەربەس جاڭالىق اشۋدان ۇلگى كورسەتۋ رايونىن، عىلىم ـ تەحنيكا جەتىستىكتەرىن اۋىستىرۋدان، كادەگە جاراتۋدان ۇلگى كورسەتۋ رايونىن ويداعىداي قۇرۋ كەرەك. ٴداستۇرلى كاسىپ سالالارىنىڭ تەحنيكاسىن وزگەرتۋدى جەدەلدەتىپ، ٴتۇيىندى كاسىپتەردەگى جابدىقتاردى جاڭالاۋدى، وزگەرتۋدى ىلگەرىلەتىپ، ٴداستۇرلى باسىمدىققا يە كاسىپ سالالارىنىڭ دارەجەسىن جوعارىلاتۋدى، ساپاسىن ٴوسىرۋدى، ونىمدىلىگىن ارتتىرۋدى ىلگەرىلەتىپ، بايلىقتان جان ـ جاقتى پايدالانۋ ونىمدىلىگى مەن ونىمدەردى جىنتىكتەي وڭدەۋ دارەجەسىن جوعارىلاتۋ كەرەك. ورتالىق كاسىپورىندارى مەن باتىس بولىك وڭىرلەرىنىڭ توعىسا دامۋىن جەبەۋ كەرەك. ساياحات سياقتى قىزمەت وتەۋ كاسىپتەرىن ٴوڭىردىڭ تىرەكتى كاسىپ سالاسىنا اينالدىرۋ كەرەك. جاڭاشا وندىرگىش كۇشتەردى جەرگىلىكتى جاعدايعا قاراي دامىتىپ، وسى زامانعى جاساۋ كاسىبى مەن ستراتەگيالىق جاڭادان گۇلدەنگەن كاسىپ سالاسىن دامىتۋ جاعىندا ىزدەنىس جاساپ، بولاشاق كاسىپ سالالارىن ورنالاستىرىپ، قۇرىپ، وڭىرلىك دامۋدىڭ جاڭا قوزعاۋشى قۋاتىن قالىپتاستىرۋ كەرەك.
شي جينپيڭ بىلاي دەپ اتاپ كورسەتتى: جوعارى دەڭگەيدە قورعاۋ ارقىلى جوعارى ساپالى دامۋعا تىرەك بولۋعا تاباندى بولىپ، مەملەكەتتىڭ ەكولوگيالىق حاۋىپسىزدىك قالتقىسىن بەكەمدەۋ كەرەك. مەملەكەت جەرى كەڭىستىگىن اشۋ، قورعاۋ جۇلگەسىن ساپالىلاندىرىپ، ەكولوگيالىق ورتانى رايوندارعا ٴبولىپ باسقارۋ ـ مەڭگەرۋدى كۇشەيتىپ، ماڭىزدى ەكولوگيالىق جۇيەنى قورعاۋ جانە قالپىنا كەلتىرۋ كەلەلى ينجەنەرياسىن جەدەل ىلگەرىلەتىپ، ”ٴۇش تەرىستىك ينجەنەرياسى“ سىندى 3 ۇلكەن بەلگى سيپاتتى شايقاستى ويداعىداي جۇرگىزۋ كەرەك. ەكولوگيالىق بايلىقتى قورعاۋدى كۇشەيتىپ، ورمان، جايلىم ورتىنەن ساقتانۋ، ٴسوندىرۋ قۋاتى قۇرىلىسىن كۇشەيتىپ، ٴتۇيىندى وڭىرلەردە، ٴتۇيىندى سالالاردا لاستانۋدان ساقتانۋ جانە ونى وڭاۋدى تەرەڭدەتۋ كەرەك. ٴداستۇرلى كاسىپ سالالارىن ەنەرگيا ۇنەمدەۋ، كومىر قىشقىل گازىن شىعارۋدى تومەندەتۋ بويىنشا وزگەرتۋدى كۇش سالا ىلگەرىلەتىپ، كومىردى تازا، جوعارى ٴونىمدى پايدالانۋدى تارتىپپەن ىلگەرىلەتۋ كەرەك. ەكولوگيالىق ونىمدەردىڭ قۇنىن جۇزەگە اسىرۋ مەحانيزمى مەن ەندىك ەكولوگيانى قورعاۋعا تولەم بەرۋ مەحانيزمىن كەمەلدەندىرۋ كەرەك.
شي جينپيڭ بىلاي دەپ باسا دارىپتەدى: جاپپاي اشىق ۇستاۋ ارقىلى قاۋىرت اشۋدى جەبەۋگە تاباندى بولىپ، باتىس بولىك وڭىرلەرىنىڭ ىشكە، سىرتقا ەسىك اشۋ دەڭگەيىن جوعارىلاتۋ كەرەك. باتىس بولىكتىڭ قۇرلىق، تەڭىز جاڭا ارنا قۇرىلىسىن كۇش سالا ىلگەرىلەتىپ، جەلى بويىنداعى وڭىرلەردى وركەندەتۋدى، اشىق ۇستاۋدى ىلگەرىلەتىپ، ”ٴبىر بەلدەۋ، ٴبىر جولدى“ بىرگە قۇرۋمەن تەرەڭ توعىستىرۋ كەرەك. شەكارا بويىنداعى وڭىرلەردەگى ٴتۇرلى كاسىپ سالاسى باقشا رايوندارىنىڭ، شەكارا ەكونوميكالىق سەلبەستىك رايوندارىنىڭ، شەكارا اتتاعان ەكونوميكالىق سەلبەستىك رايوندارىنىڭ ورنالاسىمىن كەمەلدەندىرىپ، ەركىن ساۋدا سىناق رايوندارىنىڭ جوعارى ساپالى دامۋىن ىلگەرىلەتۋ كەرەك. تۇزىمدىك ەسىك اشۋدى ورنىقتى كەڭەيتىپ، بازارلانعان، زاڭمەن باسقارىلاتىن، حالىقارالانعان شارۋاشىلىق ـ ساۋدا ورتاسىن تۇلعالاۋ كەرەك. وڭىرلىك كەلەلى ستراتەگيالارعا اناعۇرلىم ىرىقتىلىقپەن قىزمەت وتەپ، ٴتۇيىلىسىپ، بۇكىل ەلدىڭ ٴبىر تۇتاس ٴىرى بازار قۇرىلىسىمەن بەلسەنە توعىسىپ، شىعىس، ورتا، باتىس بولىكتەردىڭ ەسىك اشۋ تۇعىرلارىن ۇشتاستىرۋ مەحانيزمىندە جاڭالىق اشىپ، شىعىس، ورتا بولىكتەرمەن، شىعىس سولتۇستىك رايوندارمەن ناقتى ىستەر سەلبەستىگىن تەرەڭدەتۋ كەرەك.
شي جينپيڭ بىلاي دەپ اتاپ كورسەتتى: دامۋ مەن حاۋىپسىزدىكتى ٴبىر تۇتاس جوسپارلاۋعا تاباندى بولىپ، ەنەرگيا، بايلىق سياقتى ٴتۇيىندى سالالارداعى حاۋىپسىزدىكتى قامتاماسىز ەتۋ قابىلەتىن جوعارىلاتۋ كەرەك. جاڭاشا ەنەرگيا جۇيەسىن قۇرۋدى جەدەلدەتىپ، ٴبىر توپ ماڭىزدى مەملەكەت ەنەرگيا بازاسىن زورايتۋ، كۇشەيتۋ كەرەك. قۇبىر تورىن ۇلاستىرۋدى، تۇتاستىرۋدى كۇشەيتىپ، ”ەلەكتردى باتىستان شىعىسقا جەتكىزۋ“ قۋاتىن جوعارىلاتۋ كەرەك. كەن بايلىعىن جوبالاۋدى، باسقارۋ ـ مەڭگەرۋدى جانە كولەمدى، شوعىرلى اشىپ پايدالانۋدى كۇشەيتىپ، مەملەكەت دارەجەلى ٴبىر توپ كەن بايلىعىن اشۋ جانە وڭدەۋ بازاسىن جەدەل قالىپتاستىرۋ كەرەك. سۋ بايلىعى حاۋىپسىزدىگىن قامتاماسىزداندىرۋ دەڭگەيىن جوعارىلاتۋ كەرەك. ٴوڭىر اتتاعان كاسىپ سالاسى ىستەستىگى مەن ساپالى ورنالاستىرۋ مەحانيزمىندە جاڭالىق اشىپ، كاسىپ سالاسىنىڭ ساتىلى اۋىسۋىن تارتىپپەن قابىلداۋ كەرەك. چىڭدۋ _ چۇڭچيڭ ٴوڭىرى قوس قالا ەكونوميكالىق شەڭبەرى قۇرىلىسىن كۇش سالا ىلگەرىلەتىپ، قالا شوعىرىن بەلسەنە جەتىلدىرىپ، ولكە وڭىرىندەگى ٴبىر توپ قوسالقى ورتالىق قالالاردى دامىتىپ، زورايتىپ، قالالار اراسىنداعى نەگىزدىك قۇرىلعىلاردى ۇلاستىرۋدى، الەۋمەتتىك قىزمەت وتەۋدەن بىرگە يگىلىكتەنۋدى جەبەۋ كەرەك.
شي جينپيڭ بىلاي دەپ باسا دارىپتەدى: جاڭاشا قالا ـ قالاشىقتاندىرۋ مەن اۋىل ـ قىستاقتى جاپپاي گۇلدەندىرۋدىڭ ورگانيكالى ۇشتاسۋىن ىلگەرىلەتۋگە تاباندى بولىپ، دامۋ بارىسىندا حالىق تۇرمىسىن قامتاماسىز ەتۋ جانە جاقسارتۋ كەرەك. اۋىل ـ قىستاقتى گۇلدەندىرۋ ستراتەگياسىن ىشكەرىلەي اتقارىپ، مەملەكەت اۋىل ـ قىستاقتى گۇلدەندىرۋدە ٴتۇيىندى كومەك كورسەتەتىن، سۇيەمەلدەيتىن اۋدانداردى قولداۋ تەبىنىن ارتتىرىپ، كىرىسى تومەن جان سانى مەن دامۋى كەنجە وڭىرلەردى ۇدايىلاندىرىپ كومەكتەسۋ ـ سۇيەمەلدەۋ مەحانيزمىن ورناتىپ، كولەمدەنگەن قايتا كەدەيلەسۋدىڭ تۋىلۋىنان باتىل ساقتانۋ كەرەك. ”مىڭ قىستاق ۇلگى كورسەتۋ، 10 مىڭ قىستاقتى رەتتەۋ ـ وڭاۋ ينجەنەرياسىنىڭ“ تاجىريبەلەرىن ۇيرەنىپ جانە قولدانىپ، وڭىرلىك ەرەكشەلىككە يە اۋىل ـ قىستاق قۇرىلىسى ۇلگىسىن قالىپتاستىرۋ كەرەك. وزىندىك ەرەكشەلىككە يە اۋدان ٴوڭىرى ەكونوميكاسىن دامىتىپ، اۋىل شارۋاشىلىعىنداعى قۋاتتى اۋدانداردان، ونەركاسىپتەگى ٴىرى اۋدانداردان، ساياحاتتاعى ايگىلى اۋدانداردان ٴبىر توبىن جەتىلدىرىپ، شارۋا بۇقاراسىنىڭ جاقىن ماڭدا جۇمىستانىپ، كىرىسىن ارتتىرۋىن جەبەپ، قالا ـ قالاشىقتانۋ اياق الىسىن جەرگىلىكتى جاعدايعا قاراي ىلگەرىلەتۋ كەرەك. جوعارى ولشەمدى ەگىنجاي قۇرىلىسىن ىلگەرىلەتىپ، ماڭىزدى اۋىل شارۋاشىلىق ونىمدەرىن ورنىقتى ٴوندىرۋ، قامداۋدى قامتاماسىز ەتۋ جاۋاپكەرشىلىگىن ويداعىداي ارقالاپ، مەملەكەتتىڭ استىق حاۋىپسىزدىگىن قامتاماسىز ەتۋگە ٴتيىستى ۇلەس قوسۋ كەرەك. اۋىل ـ قىستاق رۋحاني وركەنيەت قۇرىلىسىن كۇشەيتىپ، ەسكى سالت ـ سانانى وزگەرتۋدى ىلگەرىلەتىپ، ٴداۋىردىڭ جاڭا سالتىن، جاڭا كەلبەتىن بەلسەنە جەتىلدىرۋ كەرەك. پارتيا ۇيىمى باسشىلىعىنداعى نەگىزگى ساتىنى باسقارۋ جۇيەسىن اقاۋسىزداندىرىپ، جاڭا داۋىردەگى ”فىڭچياۋ تاجىريبەسىنە“ تاباندى بولىپ جانە ونى دامىتىپ، قارا كۇشتەردى الاستاۋدى، سۇرقيا كۇشتەردى جويۋدى ۇدايىلاندىرۋدى جۇزەگە اسىرىپ، نەگىزگى ساتىنىڭ ورنىقتىلىعىن، بۇقارانىڭ اماندىعىن ساقتاۋ كەرەك.
شي جينپيڭ بىلاي دەپ اتاپ كورسەتتى: جۇڭحۋا ۇلتى ورتاق تۇلعا تانىمىن بەرىك ورناتۋعا تاباندى بولىپ، ۇلتتار ىنتىماعى مەن شەكارا ٴوڭىردىڭ ورنىقتىلىعىن شىنايى قورعاۋ كەرەك. ۇلتتار وڭىرلەرى جۇڭحۋا ۇلتى ورتاق تۇلعا تانىمىن بەرىك ورناتۋدى دامۋدىڭ تۇتاس بارىسى مەن ٴارقايسى جاقتارىندا دايەكتىلەندىرۋى كەرەك. حالىق تۇرمىسىنا تىعىز جاناسا وتىرىپ ەكونوميكانىڭ، قوعامنىڭ دامۋىن ىلگەرىلەتىپ، قوعامدىق قامتاماسىزداندىرۋ جۇيەسىن اقاۋسىزداندىرىپ، حالىق تۇرمىسىنىڭ تومەنگى شەگىن بەكەمدەپ، بۇقارانىڭ شۇعىل، قيىن، ۋايىمداعان، ٴزارۋ ماسەلەلەرىن كۇش سالا شەشۋ كەرەك. پارتيانىڭ ۇلت ساياساتىن جاپپاي، دالمە ـ ٴدال دايەكتىلەندىرىپ، ٴوزارا كىرىكپەلى قوعامدىق قۇرىلىم مەن الەۋمەتتىك اۋماق ورتاسىن جەدەل قۇرىپ، ٴار ۇلت بۇقاراسىنىڭ ارالاسۋىن، ىشتەسۋىن، توعىسۋىن جەبەۋ كەرەك. پارتيانىڭ ٴدىن قىزمەتى نەگىزگى باعىتىن جاپپاي دايەكتىلەندىرىپ، ەلىمىزدىڭ ٴدىندى جۇڭگوشالاندىرۋ بەتالىسىنا تاباندى بولىپ، زاڭسىز ٴدىني قيمىلداردى ۇزدىكسىز جونگە سالۋ كەرەك. جاڭا داۋىردەگى شەكارانى گۇلدەندىرۋ، حالىقتى بايىتۋ ارەكەتىن ىشكەرىلەي ىلگەرىلەتىپ، شەكارا وڭىرلەردىڭ نەگىزدىك قۇرىلعىلارى مەن الەۋمەتتىك قىزمەت وتەۋ قۇرىلعىلارى قۇرىلىسىن كۇشەيتىپ، شەكارا ساياحاتى سياقتى كاسىپ سالالارىن دامىتىپ، شەكارا تۇرعىندارىنىڭ بايۋىن، شەكارا وتكەلىنىڭ كوركەيۋىن، شەكارانىڭ ورنىقتىلىعىن، شەكارا قورعانىسىنىڭ بەكەمدەلۋىن قۇلشىنا جۇزەگە اسىرۋ كەرەك.
شي جينپيڭ سوڭىندا بىلاي دەپ باسا دارىپتەدى: ورتالىقتىڭ وڭىرلەردى سايكەستى دامىتۋ باسشىلىق گرۋپپاسى ٴبىر تۇتاس جوسپارلاپ سايكەستىرۋدى جانە قۋزاۋ ـ تەكسەرۋدى كۇشەيتۋى، ورتالىقتىڭ قاتىستى تاراۋلارى باعىتتامالى ساياسات ـ شارالاردى اقىلداسىپ العا قويۋى كەرەك. باتىس بولىك وڭىرلەرىنىڭ ٴار دارەجەلى پارتكومدارى مەن ۇكىمەتتەرى نەگىزگى تۇلعالىق جاۋاپكەرشىلىكتى ارقالاپ، پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ ناقتى تياناقتانۋىن ىلگەرىلەتۋى كەرەك. شىعىس، باتىس بولىكتەردىڭ ىستەستىك مەحانيزمىن كەمەلدەندىرىپ، باعىتتامالى كومەكتەسۋدى، تۇيىندە كومەكتەسۋ ـ سۇيەمەلدەۋدى تەرەڭدەتۋ كەرەك. نەگىزگى تاقىرىپتىق تاربيەنىڭ جەتىستىكتەرىن بەكەمدەپ جانە كەڭەيتىپ، پارتيا ٴتارتىبىن ۇيرەنۋ تاربيەسىن ويداعىداي يگەرىپ، فورماشىلدىقتى ۇزدىكسىز تۇزەتىپ، نەگىزگى ساتىنىڭ اۋىرتپالىعىن جەڭىلدەتۋ كەرەك. شەشىم جاساۋ مەحانيزمىن كەمەلدەندىرىپ، كەلەلى ساياساتتار، اسىرەسە، حالىق تۇرمىسىنا ساياتىن ساياساتتار شىعارىلۋدان بۇرىن تولىق دالەلدەۋ جانە حاۋىپ ـ قاتەردى باعالاۋ، اتقارۋ بارىسىندا ماسەلە بايقالسا دەر كەزىندە تەكسەرۋ، باتىل ٴبىر جاقتى ەتۋ كەرەك. ادال، كىرشىكسىز، جاۋاپكەرشىلىك ارقالايتىن جوعارى ساپالى ماماندانعان كادرلار قوسىنىن قۇرىپ، باعالاۋ، شابىتتاندىرۋ ٴتۇزىمىن ورناتىپ جانە كەمەلدەندىرىپ، نەگىزگى ساتى كادرلارىنا، اسىرەسە، شارت ـ جاعدايى جاپالى رايوندارداعى كادرلارعا كوڭىل ٴبولىپ، قامقورلىق جاساپ، كادرلاردى قايراتتانا العا ۇمتىلۋعا، باتىلدىقپەن ٴورىس اشۋعا، جاۋاپكەرشىلىك ارقالاپ، ىسكەرلىك كورسەتۋگە شابىتتاندىرۋ كەرەك.
لي چياڭ سوزىندە مىنالاردى ٴبىلدىردى: باس شۋجي شي جينپيڭنىڭ ماڭىزدى ٴسوزىنىڭ رۋحىن مۇقيات ۇيرەنىپ، ٴتۇسىنىپ، ىشكەرىلەي دايەكتىلەندىرىپ، تياناقتاندىرىپ، ٴارى ۇلكەن جاقتان كوز جىبەرىپ، باتىس بولىكتى قاۋىرت اشۋدى جۇڭگو ۇلگىسىندەگى وسىزامانداندىرۋ قۇرىلىسىنىڭ جالپى جاعدايىنا قويا وتىرىپ ورىن بەلگىلەپ، وي جۇگىرتىپ، ٴبىر تۇتاس جوسپارلاپ ىلگەرىلەتۋ؛ ٴارى نازىك جاقتاردان ىسكە كىرىسىپ، جەر ـ جەردىڭ ابزال شارت ـ جاعدايى، دامۋ كومەسكى كۇشى سياقتى پارىقتارىنا نەگىزدەلىپ، جەرگىلىكتى جاعدايعا قاراي ىستەۋ، تۇرلەر بويىنشا شارا قولدانۋ كەرەك. ەرەكشەلىكتى، باسىمدىقتى تياناق ەتىپ، وڭىرلەردىڭ دامۋىن جەبەيتىن اناعۇرلىم كوپ ارتۋ ۇيەگىن، ارتۋ بەلدەۋىن جەتىلدىرىپ، مەملەكەتتىڭ ەكولوگيالىق حاۋىپسىزدىك قالتقىسىن بەكەمدەپ، ەرەكشە تۇردەگى وڭىرلەردىڭ دامۋ قابىلەتىن جوعارىلاتىپ، جەرگىلىكتى ورىنداردىڭ قارىز حاۋىپ ـ قاتەرىن جويۋ مەن ورنىقتى دامۋىن ٴبىر تۇتاس ويداعىداي جوسپارلاۋ كەرەك. ىشكە، سىرتقا ەسىك اشۋدى كەڭەيتىپ، ەل ىشىندەگى باسقا دا وڭىرلىك ستراتەگيالارمەن ىرىقتىلىقپەن ٴتۇيىلىسىپ، حالىقارالىق اينالىممەن بەلسەنە توعىسىپ، باتىس بولىكتىڭ دامۋ قوزعاۋشى كۇشىن، ومىرشەڭدىك كۇشىن ارتتىرۋ كەرەك.
ديڭ شۋەشياڭ سوزىندە مىنالاردى ٴبىلدىردى: باس شۋجي شي جينپيڭنىڭ ماڭىزدى ٴسوزىنىڭ رۋحىن مۇقيات ۇيرەنىپ، دايەكتىلەندىرىپ، جاڭا دامۋ ۇستانىمىن تولىق، دالمە ـ ٴدال، جاپپاي دايەكتىلەندىرىپ، جوعارى ساپالى دامۋ مەن جوعارى دەڭگەيدە قورعاۋدى ٴبىر تۇتاس جوسپارلاپ ىلگەرىلەتىپ، باتىس بولىكتى قاۋىرت اشۋدىڭ ۇزدىكسىز تىڭ ساتىعا كوتەرىلۋىن ىلگەرىلەتۋ كەرەك. مەملەكەتتىڭ ەكولوگيالىق حاۋىپسىزدىگىن قورعاۋ كەلەلى بورىشىن ويداعىداي ارقالاپ، ەكولوگيانى قورعاۋدى جانە قالپىنا كەلتىرۋدى كۇشەيتىپ، ەكولوگيالىق جۇيەنىڭ الۋان تۇرلىلىگىن، ورنىقتىلىعىن، باياندىلىعىن جوعارىلاتۋ كەرەك. لاستانۋدان ساقتانۋ جانە ونى وڭاۋدان قامال الۋ شايقاسىن ۇزدىكسىز ىشكەرىلەي ويداعىداي جۇرگىزىپ، لاستانۋدى دالمە ـ ٴدال، عىلمي، زاڭ بويىنشا وڭاۋعا تاباندى بولىپ، ەكولوگيالىق ورتانىڭ ساپاسىن ۇزدىكسىز جاقسارتۋ كەرەك. دامۋ تاسىلىندە جاسىل، تومەن كومىر قىشقىل گازدى بولۋعا بۇرىلىس جاساۋدى جەدەل ىلگەرىلەتىپ، جەرگىلىكتى جاعدايعا قاراي جاڭاشا وندىرگىش كۇشتەردى دامىتىپ، كومىر قىشقىل گازىنىڭ شىعارىلۋىن ەڭ جوعارى مانگە جەتكىزۋدى، كومىر قىشقىل گازىن بەيتاراپتاندىرۋدى بەلسەنە، ورنىقتى ىلگەرىلەتۋ كەرەك.
لي گانجيە، حى ليفىڭ، ۋ جىڭلۇڭ، مۋ حۇڭ، جياڭ شينجى اڭگىمە ماجىلىسىنە قاتىناستى، ورتالىق پەن مەملەكەت ورگاندارىنىڭ قاتىستى تاراۋلارىنداعى، قاتىستى جەرگىلىكتى ورىندارداعى، قاتىستى كاسىپورىندارداعى جاۋاپتى جولداستار اڭگىمە ماجىلىسىنە قاتىناستى.
