شي جينپيڭ چۇڭچيڭدە قىزمەت تەكسەرگەندە بىلاي دەپ باسا دارىپتەدى
رەفورما جاساۋدى، ەسىك اشۋدى اناعۇرلىم جاپپاي تەرەڭدەتىپ، جۇڭگو ۇلگىسىندەگى وسىزامانداندىرۋدىڭ چۇڭچيڭ تاراۋىن ۇزدىكسىز جازۋ كەرەك
ساي چي قىزمەت تەكسەرۋدە بىرگە بولدى
4 ـ ايدىڭ 22 ـ كۇنىنەن 24 ـ كۇنىنە دەيىن، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ چۇڭچيڭدە قىزمەت تەكسەردى. سۋرەتتە: 4 ـ ايدىڭ 22 ـ كۇنى تۇستەن كەيىن شي جينپيڭ چۇڭچيڭ حالىقارالىق زات اينالىمى تورابى باقشا رايونى چۇڭچيڭ تەمىر جول كونتينەر ورتالىق ۆوگزالىندا جۇك اۆتوموبيل شوفەرلەرى، پويەز شوفەرلەرى، جۇك تيەۋ ـ ٴتۇسىرۋ جۇمىسشىلارى، الاڭ ـ ۆوگزال باسقارۋشىلارى قاتارلىلارمەن ىستىق ىقىلاسپەن اڭگىمەلەسۋدە.
□ سۋرەتتى شينحۋا اگەنتتىگىنىڭ ٴتىلشىسى ۋاڭ يە تۇسىرگەن
4 ـ ايدىڭ 22 ـ كۇنىنەن 24 ـ كۇنىنە دەيىن، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ چۇڭچيڭدە قىزمەت تەكسەردى. سۋرەتتە: 4 ـ ايدىڭ 22 ـ كۇنى تۇستەن كەيىن، شي جينپيڭ جيۋلۇڭپو رايونى شيەجيا ـ ۋان ٴمالىسى مينجۋ قىستاعى الەۋمەتتىك اۋماعىندا قىزمەت تەكسەرگەن كەزدە، الەۋمەتتىك اۋماق تۇرعىندارىمەن ىستىق ىقىلاسپەن اڭگىمەلەسۋدە.
□ سۋرەتتى شينحۋا اگەنتتىگىنىڭ ٴتىلشىسى جۇي پىڭ تۇسىرگەن
شينحۋا اگەنتتىگىنىڭ 4 ـ ايدىڭ 24 ـ كۇنى چۇڭچيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ جۋىقتا چۇڭچيڭدە قىزمەت تەكسەرگەندە بىلاي دەپ باسا دارىپتەدى: چۇڭچيڭ جاڭا ٴداۋىردىڭ جاڭا جورىعىندا پارتيانىڭ وزەكتى مىندەتى مەن پارتيا ورتالىق كوميتەتى جۇكتەگەن بورىشقا تۋرالانىپ، سالىستىرمالى باسىمدىعىن، سوڭىنان دامۋ باسىمدىعىن تولىق ساۋلەلەندىرىپ، رەفورما جاساۋدى، ەسىك اشۋدى اناعۇرلىم جاپپاي تەرەڭدەتىپ، جاڭا دامۋ ارناسىنا ىرىقتىلىقپەن قىزمەت وتەپ جانە توعىسىپ، جوعارى ساپالى دامۋدى كۇش سالا ىلگەرىلەتىپ، جاڭا داۋىردە باتىس بولىكتى قاۋىرت اشۋدىڭ ماڭىزدى ستراتەگيالىق تىرەگىن، ىشكى قۇرلىقتىق ەسىك اشۋدىڭ ۋنيۆەرسال تورابىن قۇلشىنا تۇلعالاپ، ”ٴۇش رولدى“ ساۋلەلەندىرۋ جاعىندا اناعۇرلىم زور ىسكەرلىك ايگىلەپ، جۇڭگو ۇلگىسىندەگى وسىزامانداندىرۋدىڭ چۇڭچيڭ تاراۋىن ۇزدىكسىز جازۋى كەرەك.
4 ـ ايدىڭ 22 ـ كۇنىنەن 24 ـ كۇنىنە دەيىن، شي جينپيڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، چۇڭچيڭ قالالىق پارتكومنىڭ شۋجيى يۋان جياجۇن مەن قالا باستىعى حۋ حىڭحۋانىڭ سەرىك بولۋىندا، زات اينالىمى باقشا رايونى، قالا الەۋمەتتىك اۋماعى، سيفرلانعان قالا اينالىمى جانە باسقارۋ ورتالىعى سياقتىلاردى ىشكەرىلەي ارالاپ قىزمەت تەكسەردى، تەكسەرۋ ـ زەرتتەۋ جۇرگىزدى.
4 ـ ايدىڭ 22 ـ كۇنى تۇستەن كەيىن، شي جينپيڭ الدىمەن چۇڭچيڭ حالىقارالىق زات اينالىمى تورابى باقشا رايونىندا قىزمەت تەكسەردى. ول باتىس بولىك قۇرلىق، تەڭىز جاڭا ارناسى چۇڭچيڭ سۋسىز پورتىنىڭ اينالىم _ ورنالاستىرۋ ورتالىعىنا كەلىپ، جاڭا ارنا قۇرىلىسى جاعدايى جونىندەگى مالىمەتتى تىڭدادى. شي جينپيڭ بىلاي دەپ باسا دارىپتەدى: زات اينالىمى ناقتى تۇلعالىق ەكونوميكانىڭ ”تامىرى“. باتىس بولىك قۇرلىق، تەڭىز جاڭا ارناسىن قۇرۋ ”قۇرلىق، تەڭىز جولى ارقىلى ٴىش پەن سىرتتا بىرلەسە ارەكەتتەنەتىن، شىعىس پەن باتىس قوس باعىتتا ٴوزارا دەمەيتىن“ سىرتقا ەسىك اشۋ ارناسىن قالىپتاستىرۋدى ىلگەرىلەتۋدە ماڭىزدى مانگە يە. قاتىستى جاقتار ٴبىر نيەتپەن كۇش قوسا سەلبەسىپ، وسى بەلگى سيپاتتى نىساندى ويداعىداي قۇرىپ، ويداعىداي جۇرگىزىپ، باتىس بولىك پەن ىشكى قۇرلىقتىق وڭىرلەردى جوعارى دەڭگەيدە سىرتقا ەسىك اشۋعا جەتەكتەۋى كەرەك. زات اينالىمى باقشا رايونى وزىق تەحنيكالاردان بەلسەندى پايدالانىپ، بىرلەسىپ تاسىمالداۋ ۇلگىسىندە ۇزدىكسىز جاڭالىق اشىپ، عىلمي باسقارۋ دەڭگەيىن جوعارىلاتىپ، وسى زامانعى زات اينالىمى جۇيەسىن قۇرۋدا اناعۇرلىم زور رول اتقارۋى كەرەك.
وسىدان سوڭ شي جينپيڭ چۇڭچيڭ تەمىر جول كونتينەر ورتالىق ۆوگزالىنا كەلىپ، زاتتاردى جيناۋ ـ جونەلتۋ، تاسىمالداۋ جولى، جۇمىس جۇرگىزۋ نارقى جانە پايداسى سياقتىلار جونىندەگى تانىستىرۋدى تىڭداپ، جۇك اۆتوموبيل شوفەرلەرى، پويەز شوفەرلەرى، جۇك تيەۋ ـ ٴتۇسىرۋ جۇمىسشىلارى، الاڭ ـ ۆوگزال باسقارۋشىلارى قاتارلىلارمەن ىستىق ىقىلاسپەن اڭگىمەلەسىپ، ولاردىڭ قىزمەت كۇشەمەلىلىگىن، ەڭبەگىنىڭ قورعالۋىن، مەرەكە ـ مەيرام دەمالىسىن جانە كىرىس جاعدايىن سۇراستىردى. شي جينپيڭ بىلاي دەدى: كوپشىلىك زات اينالىمىنىڭ ٴبىرىنشى شەبىندە ٴارى ەسىك اشۋدىڭ ٴبىرىنشى شەبىندە ٴجۇر، سىزدەردىڭ قاجىرلى ەڭبەكتەرىڭىزدىڭ ارقاسىندا كوپتەگەن تاۋار تاۋ اسىپ، تەڭىزدەردەن ٴوتىپ، دۇنيە جۇزىنە بەت الۋدا، سىزدەردىڭ قىزمەتتەرىڭىز وتە ٴماندى. باتىس بولىكتى جاپپاي اشىق ۇستاۋدى ىلگەرىلەتۋدە، باتىس بولىكتى قاۋىرت اشۋدى جەبەۋدە زات اينالىمى وتە ماڭىزدى، كوپشىلىك تىنباي قۇلشىنىپ، ۇزدىكسىز تىڭ ناتيجە جاراتىپ، جاڭا ۇلەس قوسۋى كەرەك.
شي جينپيڭ تاعى چۇڭچيڭنىڭ چىڭدۋ _ چۇڭچيڭ ٴوڭىرى قوس قالا ەكونوميكالىق شەڭبەرى قۇرىلىسىن ىلگەرىلەتۋ جاعدايىنان بەرگەن مالىمەتتى تىڭداپ، چۇڭچيڭ عىلىم ـ تەحنيكادا جاڭالىق اشۋ جانە كاسىپ سالاسىن دامىتۋ جەتىستىگى كورمەسىن ەكسكۋرسيالادى. شي جينپيڭ مىنالاردى ٴبىلدىردى: چىڭدۋ _ چۇڭچيڭ ٴوڭىرى قوس قالا ەكونوميكالىق شەڭبەرىن قۇرۋ _ پارتيا ورتالىق كوميتەتى جاساعان كەلەلى ستراتەگيالىق شەشىم. چۇڭچيڭ، سىچۋان ەكى جەر تىعىز سەلبەسىپ، دامۋ قابىلەت دەڭگەيىن ۇزدىكسىز جوعارىلاتىپ، جاڭا داۋىردەگى باتىس بولىك ”قوس قالا ەستەلىگىن“ بىرگە ويداعىداي ورىنداۋى كەرەك. تىرەكتى كاسىپ سالالارى _ جاڭاشا وندىرگىش كۇشتى دامىتۋدىڭ نەگىزگى شەبى. چۇڭچيڭنىڭ جاساۋ كاسىبىنىڭ وزىندىك قۇرىلىم ەرەكشەلىگى، سايكەستى باسىمدىعى بار، چۇڭچيڭنىڭ عىلىم ـ تەحنيكادا جاڭالىق اشۋ سىندى ”بۇيدانى“ مىقتاپ يگەرىپ، ارتىقشىلىعىن ساۋلەلەندىرىپ، ولقىلىقتارىن تولىقتاپ، كوز الداعىنى يگەرىپ، بولاشاق جونىندە جوسپار جاساپ، بۇلجىماس تاباندىلىق كورسەتىپ، ۇزاق ۋاقىت كۇش سالىپ، جاساۋ كاسىبىنىڭ جوعارى ساپالى دامۋىن قۇلشىنا ىلگەرىلەتۋىن ٴۇمىت ەتەمىن.
جيۋلۇڭپو رايونى شيەجياۋان ٴمالىسى مينجۋ قىستاعى الەۋمەتتىك اۋماعى كونە شاعىن اۋماق، 2022 ـ جىلدىڭ باسىندا جاڭالاۋ، وزگەرتۋ نىسانىن باستاعان ٴارى بۇكىل ەلدىڭ قاتىستى سىناق تۇيىنىنە ەنگىزىلگەن. شي جينپيڭ وسى اراعا كەلىپ، شاعىن اۋماقتى وزگەرتۋ جانە حالىققا قولايلى قىزمەت وتەۋ جاعدايىن تەكسەرىپ كورىپ، نەگىزگى ساتىنى باسقارۋ ونىمدىلىگىن جوعارىلاتۋ، نەگىزگى ساتىنىڭ اۋىرتپالىعىن جەڭىلدەتۋ جاعدايى جونىندەگى تانىستىرۋدى تىڭدادى. ول تاعى الەۋمەتتىك اۋماق اسحاناسىنا كىرىپ، تاماقتانىپ جاتقان بۇقارامەن ىستىق ىقىلاسپەن اڭگىمەلەسىپ، الەۋمەتتىك اۋماق اسحاناسىن باياندى دامۋدى جۇزەگە اسىرۋعا جىگەرلەندىردى. شي جينپيڭ بىلاي دەپ اتاپ كورسەتتى: كونە، ەسكى شاعىن اۋماقتاردى وزگەرتۋ _ قالانى جاڭالاۋدىڭ ماڭىزدى ٴتۇيىنى، سونداي ـ اق حالىق تۇرمىسى ينجەنەرياسى، ٴارى تاريحي ەستەمەلەر مەن ەرەكشەلىككە يە بەينەسىن ساقتاپ قالۋ، ٴارى تۇرعىندار نازار اۋدارىپ وتىرعان ٴىس جۇزىندىك ماسەلەلەردى شەشۋ كەرەك. وسى جاقتارداعى ٴساتتى تاجىريبەلەردى قورىتىندىلاپ، جالپىلاستىرىپ، قالىڭ الەۋمەتتىك اۋماق تۇرعىندارىنا اناعۇرلىم ويداعىداي تيىمدىلىك جەتكىزۋ كەرەك. قالا باسقارۋداعى كوپتەگەن قىزمەتتەر نەگىزگى ساتى پارتيا ۇيىمى سىندى جاۋىنگەر قامالعا جانە الەۋمەتتىك اۋماق سىندى تۇعىرعا سۇيەنىپ تياناقتاندىرىلادى، قالاداعى الەۋمەتتىك اۋماقتار قىزمەت جاۋاپكەرشىلىگى ىستەرىن ايقىنداپ، بايلىقتى نەگىزگى ساتىعا ٴتۇسىرۋدى، قىزمەت وتەۋ قۇرىلعىلارىن كەمەلدەندىرۋدى ۇزدىكسىز ىلگەرىلەتىپ، تور كوزدەندىرىپ باسقارۋدى، ينفورماتسيالاندىرىلعان تىرەك ازىرلەۋدى كۇشەيتىپ، الەۋمەتتىك اۋماقتىڭ ەگجەي ـ تەگجەيلى باسقارۋ، دالمە ـ ٴدال قىزمەت وتەۋ دەڭگەيىن جوعارىلاتۋى كەرەك.
اتتانار ساتتە، الەۋمەتتىك اۋماق تۇرعىندارى قاۋمالاي كەلىپ باس شۋجيدى اتتاندىرىپ سالدى. شي جينپيڭ كوپشىلىككە بىلاي دەدى: جۇڭگو ۇلگىسىندەگى وسىزامانداندىرۋدا حالىق تۇرمىسى ماڭىزدى ورىنعا قويىلادى. پارتيا مەن ۇكىمەتتىڭ بارلىق قىزمەتى بۇقارانىڭ ٴتىپتى دە باقىتتى تۇرمىس كەشىرۋىن ماقسات ەتەدى. ٴار دارەجەلى پارتكوم مەن ۇكىمەتتىڭ حالىق تۇرمىسىنداعى ماسەلەلەردى شەشۋ ٴۇشىن ٴتىپتى دە كوپ قازىنا كۇشىن، زات كۇشىن قوسىپ، جىل سايىن حالىق تۇرمىسىندا ٴبىر قىدىرۋ ناقتى ىستەردى ىستەپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋىن ٴۇمىت ەتەمىن.
4 ـ ايدىڭ 23 ـ كۇنى تۇستەن بۇرىن شي جينپيڭ چۇڭچيڭ قالالىق سيفرلانعان قالا اينالىمى جانە باسقارۋ ورتالىعىندا قىزمەت تەكسەرىپ، جەرگىلىكتى ورىننىڭ قالانىڭ سيفرلانۋعا بۇرىلىس جاساۋىن جەدەلدەتۋ، اسا ٴىرى قالانى باسقارۋدىڭ جاڭا جولى جونىندە ىزدەنىس جاساۋ سياقتى جاعدايلاردان بەرگەن مالىمەتىن تىڭداپ، جۇيەنىڭ ناقتى قولدانىلۋ كورسەتپەسىن كوردى. شي جينپيڭ بىلاي دەپ اتاپ كورسەتتى: باسقارۋ جۇيەسى مەن باسقارۋ قابىلەتىن وسىزامانداندىرۋ _ جۇڭگو ۇلگىسىندەگى وسىزامانداندىرۋدا بولۋعا ٴتيىستى مازمۇن. سيفرلى قۋات ۇستەۋدى كۇشەيتىپ، قالانى باسقارۋدىڭ وسىزاماندانۋىن ىلگەرىلەتۋدە ٴىرى ساندى مالىمەت تۇعىرى مەن تور جۇيەسىن عىلمي جوبالاپ، قۇرىپ، بىرلەسىپ قولباسشىلىق ەتۋ مەن ٴار جاقتىڭ سايكەسۋىن كۇشەيتىپ، اتقارۋ قابىلەتىن شىنايى كۇشەيتۋ كەرەك. قالانى باسقارۋ ٴتۇرلى جاقتارعا سايادى، ەڭ ماڭىزدىسى، ”ٴاردايىم قام جەپ تۇراتىن“ جاۋاپكەرشىلىك سەزىممەن دايىندىق جوباسىن ويداعىداي ىستەپ، دالمە ـ ٴدال باسقارىپ ـ تىزگىندەپ، جەدەل قيمىلداپ، ٴتۇرلى جاعدايلاردى ٴونىمدى ٴبىر جاقتى ەتىپ، قالانىڭ حاۋىپسىز، ٴتارتىپتى اينالىمىنا شىنايى كەپىلدىك ەتۋ كەرەك. سىزدەردىڭ ۇزدىكسىز ىزدەنىس جاساپ، جاڭا تاجىريبە توپتاۋلارىڭىزدى ٴۇمىت ەتەمىن.
4 ـ ايدىڭ 24 ـ كۇنى تۇستەن بۇرىن شي جينپيڭ چۇڭچيڭ قالالىق پارتكوم مەن قالالىق ۇكىمەتتىڭ قىزمەت مالىمەتىن تىڭداپ، چۇڭچيڭنىڭ ٴتۇرلى قىزمەتتەردە قول جەتكىزگەن ناتيجەلەرىن تۇراقتاندىردى.
شي جينپيڭ بىلاي دەپ اتاپ كورسەتتى: چۇڭچيڭنىڭ جاساۋ كاسىبىنىڭ نەگىزى ٴبىرشاما جاقسى، عىلىم جانە وقۋ ـ اعارتۋ، دارىندىلار بايلىعى مول، وزىق جاساۋ كاسىبىن نەگىزگى تىرەك ەتكەن وسىزاماندانعان كاسىپ سالاسى جۇيەسىن كۇش سالا قۇرۋى كەرەك. جاساۋ كاسىبىندەگى كەلەلى تەحنيكالاردى وزگەرتۋ، دەڭگەيىن جوعارىلاتۋ جانە زور كولەمدە جابدىقتاردى جاڭالاۋ ينجەنەرياسىن ىشكەرىلەي اتقارىپ، ٴداستۇرلى كاسىپ سالالارىنىڭ تيبىن جاڭالاپ، دارەجەسىن ٴوسىرۋدى جەدەلدەتىپ، حالىقارالىق وزىق دەڭگەيگە جانە باسەكەلىك قۋاتقا يە ستراتەگيالىق جاڭادان گۇلدەنگەن كاسىپ سالاسىن بەلسەنە جەتىلدىرۋ كەرەك. كەلەلى عىلىم ـ تەحنيكادان قامال الۋدى كۇشەيتىپ، عىلىم ـ تەحنيكادا جاڭالىق اشۋ مەن كاسىپ سالاسىندا جاڭالىق اشۋدىڭ تەرەڭ توعىسۋىن كۇشەيتىپ، جاڭا كاسىپ كۇيىن، جاڭا ۇلگىنى، جاڭا قوزعاۋشى قۋاتتى بەلسەنە جەتىلدىرىپ، جاڭاشا وندىرگىش كۇشتى جەرگىلىكتى جاعدايعا قاراي دامىتۋ كەرەك. چىڭدۋ ـ چۇڭچيڭ ٴوڭىرى قوس قالا ەكونوميكالىق شەڭبەرى قۇرىلىسىن بەلسەنە ىلگەرىلەتىپ، بۇكىل ەلدىڭ جوعارى ساپالى دامۋىنداعى ماڭىزدى ارتۋ ۇيەگى مەن جاڭا قوزعاۋشى كۇش قاينارى رولىن اناعۇرلىم ويداعىداي ساۋلەلەندىرۋى كەرەك. جاسىل دامۋدى زور كۇشپەن ىلگەرىلەتىپ، كورىكتى چۇڭچيڭ قۇرىپ، چاڭجياڭنىڭ جوعارعى اعارىنداعى ماڭىزدى ەكولوگيالىق قالتقىنى بەرىك ورناتۋ كەرەك.
شي جينپيڭ بىلاي دەپ باسا دارىپتەدى: چۇڭچيڭ اتويلاپ الدا جۇرەتىن باتىلدىعىمەن رەفورمانى جاپپاي تەرەڭدەتىپ، جوعارى دەڭگەيدە سىرتقا ەسىك اشۋدى كەڭەيتۋى كەرەك. ”ەكىدەن تيتتەي دە اۋىتقىماۋعا“ تاباندى بولىپ جانە ونى تياناقتاندىرىپ، ٴبىر جاعىنان، مەملەكەت مەنشىگىندەگى كاسىپورىندار رەفورماسىن تەرەڭدەتۋدى، وزەكتى باسەكەلىك قۋاتى كۇشتى مەملەكەت مەنشىگىندەگى كاسىپورىنداردى جەتىلدىرۋدى يگەرىپ، ەندى ٴبىر جاعىنان، حالىقتىق شارۋاشىلىقتىڭ دامۋىن، زورايۋىن جەبەۋدى، ٴتۇرلى شارۋاشىلىق تۇلعالارىنىڭ ومىرشەڭدىك كۇشىن تاسقىنداتۋدى يگەرۋ كەرەك. بۇكىل ەلدىڭ ٴبىر تۇتاس ٴىرى بازار قۇرىلىسىمەن بەلسەنە توعىسىپ، مەملەكەتتىڭ كەلەلى ستراتەگياسىمەن ىرىقتىلىقپەن توعىسىپ جانە وعان قىزمەت وتەپ، ”ٴبىر بەلدەۋ، ٴبىر جولدى“ بىرگە قۇرۋدىڭ، چاڭجياڭ ەكونوميكالىق بەلدەۋىنىڭ، باتىس بولىك قۇرلىق، تەڭىز جاڭا ارناسىنىڭ بىرلەسە ارەكەتتەنىپ دامۋىن ىلگەرىلەتۋ بارىسىندا اناعۇرلىم زور رول ساۋلەلەندىرۋ كەرەك. جوعارى ولشەمدى حالىقارالىق ەكونوميكا ـ ساۋدا ەرەجەسىمەن ىرىقتىلىقپەن ٴتۇيىلىسىپ، بازارلانعان، زاڭمەن باسقارىلاتىن، حالىقارالانعان ماڭداي الدى شارۋاشىلىق ـ ساۋدا ورتاسىن قالىپتاستىرۋ كەرەك.
شي جينپيڭ بىلاي دەپ اتاپ كورسەتتى: چۇڭچيڭ _ ەلىمىزدەگى قاراستى اۋماعى مەن جان سان كولەمى ەڭ ۇلكەن قالا، حالىق قالاسى ۇستانىمىن امالياتتا ىشكەرىلەي ايگىلەپ، اسا ٴىرى قالانىڭ وسىزاماندانعان باسقارۋ جاڭا جولى جونىندە بەلسەندى ىزدەنىس جاساۋ كەرەك. زەردەلى قالا قۇرىلىسى اياق الىسىن جەدەلدەتىپ، قالا اينالىمى مەن باسقارۋدىڭ زەردەلى تورابىن قۇرىپ، ”كولەمدى امبەباپ، ٴبىر تۇلعالانعان“ قالانى كەشەندى باسقارۋ ٴتۇزىلىس ـ مەحانيزمىن ورناتىپ، اقاۋسىزداندىرىپ، قالانى باسقارۋدىڭ اناعۇرلىم زەردەلى، اناعۇرلىم جوعارى ٴونىمدى، اناعۇرلىم دالمە ـ ٴدال بولۋىنا مۇمكىندىك جاساۋ كەرەك. پارتيا قۇرىلىسى ارقىلى نەگىزگى ساتىنى باسقارۋعا جەتەكشىلىك ەتۋدى تىڭعىلىقتى ىلگەرىلەتىپ، جاڭا داۋىردەگى ”فىڭچياۋ تاجىريبەسىنە“ تاباندى بولىپ جانە ونى دامىتىپ، قالا ـ اۋىل رۋحاني وركەنيەت قۇرىلىسىن تەرەڭدەتىپ، ەسكى سالت ـ سانانى وزگەرتۋدى ىلگەرىلەتىپ، تۇتاس قوعامنىڭ وركەنيەت دەڭگەيىن جوعارىلاتۋ كەرەك. سەرپىمدى قالا قۇرىلىسىن جاپپاي ىلگەرىلەتىپ، اپاتتان ساقتانۋ، اپات زيانىن ازايتۋ، اپاتتان قۇتقارۋ قابىلەتىن ٴونىمدى جوعارىلاتۋ كەرەك.
شي جينپيڭ بىلاي دەپ باسا دارىپتەدى: چۇڭچيڭدە ٴىرى قالا، ٴىرى اۋىل ـ قىستاق، ٴىرى تاۋلى ٴوڭىر، ٴىرى قامبا رايونى ٴبىر تۇلعالانعان، قالا مەن اۋىلدىڭ توعىسا دامۋىن بار كۇشپەن ىلگەرىلەتۋ كەرەك. اۋدان (رايون) ورتالىعىن ماڭىزدى دانەكەر ەتكەن جاڭاشا قالا، قالاشىقتاندىرۋ قۇرىلىسىن بەلسەندى ىلگەرىلەتىپ، قالالارداعى ونەركاسىپ ـ ساۋدا كاپيتالىنىڭ جانە عىلىم ـ تەحنيكانىڭ، دارىندىلاردىڭ اۋىل ـ قىستاققا بەتتەۋىنە ٴتارتىپتى جەتەكشىلىك ەتىپ، زاڭ بويىنشا جۇيەلىلەندىرىپ، اۋىل ـ قىستاقتىڭ جاپپاي گۇلدەنۋىنە دەم بەرۋ كەرەك. استىق ٴوندىرىسىن مىقتى يگەرىپ، ناقتى يگەرىپ، تاۋ جاعدايىنا قاراي ەكولوگيالىق ەرەكشە اۋىل شارۋاشىلىعىن دامىتۋ كەرەك. ”مىڭ قىستاق ۇلگى كورسەتۋ، 10 مىڭ قىستاقتى رەتتەۋ ـ وڭاۋ ينجەنەرياسى“ تاجىريبەسىنەن ويداعىداي ۇيرەنىپ، پايدالانىپ، اۋىل ـ قىستاق قۇرىلىسىن جەرگىلىكتى جاعدايعا قاراي ورىستەتىپ، نازاردى قازىرگى كەزەڭدەگى شارۋا بۇقاراسىنىڭ قاجەتى كۇشتى بولعان، يگەرۋگە بولاتىن، بىرنەشە جىل يگەرسە ـ اق ٴونىمى كورىنەتىن ٴتۇيىندى ناقتى ىستەرگە شوعىرلاندىرىپ، يگەرگەن ىستەردە ونىمدىلىككە قول جەتكىزىپ، شارۋا بۇقاراسىنا سەزىندىرۋ، ولاردىڭ قولىن جەتكىزۋ، ولاردى ناقتى يگىلىككە كەنەلتۋ كەرەك. كەدەيلىكتەن ارىلتۋدان قامال الۋ جەتىستىگىن بەكەمدەپ، كەڭەيتىپ، كولەمدى قايتا كەدەيلەسۋدىڭ تۋىلماۋىنا شىنايى كەپىلدىك ەتۋ كەرەك.
شي جينپيڭ بىلاي دەپ اتاپ كورسەتتى: ەش بۇلجىماي پارتيانىڭ باسشىلىعىنا تاباندى بولۋ، پارتيا قۇرىلىسىن كۇشەيتۋ كەرەك. نەگىزگى تاقىرىپتىق تاربيەنىڭ جەتىستىگىن بەكەمدەپ، كەڭەيتىپ، ۇزاق ٴونىمدى مەحانيزمدى ورناتىپ، كەمەلدەندىرىپ، پارتيا مۇشەلەرىنىڭ، كادرلاردىڭ، اسىرەسە، باسشى كادرلاردىڭ ساياسي قابىلەتتى كۇشەيتۋىن، قىزمەت دەڭگەيىن جوعارىلاتۋىن ىلگەرىلەتىپ، شىنايى يگەرىپ، ناقتى ىستەپ، بەلسەندى ىلگەرىلەپ، جاۋاپكەرشىلىك ارقالاپ، ىسكەرلىك كورسەتۋ كەرەك. فورماشىلدىقتى تۇزەتىپ نەگىزگى ساتىنىڭ اۋىرتپالىعىن جەڭىلدەتۋدى ۇزدىكسىز تەرەڭدەتىپ، نەگىزگى ساتى كادرلارىنىڭ ٴىس تىندىرىپ، ناتيجە شىعارۋىنا تاماشا شارت ـ جاعداي ازىرلەۋ كەرەك. پارتيا ٴتارتىبىن ۇيرەنۋ تاربيەسىن تىڭعىلىقتى ورىستەتىپ، پارتيا مۇشەلەرىنىڭ، كادرلاردىڭ ٴتارتىپتى، ەرەجەنى ساياسي سانالىلىققا، يدەيا سانالىلىعىنا، ارەكەت سانالىلىعىنا شىنايى اينالدىرۋىنا جەتەكشىلىك ەتۋ كەرەك. شىرىكتەسۋگە قارسى تۇرۋدى جانە جازالاۋدى دايەكتى جۇرگىزىپ، شىرىكتەسۋدىڭ ٴوسىپ ـ ونەتىن توپىراعىن جانە شارت ـ جاعدايىن باتىل الاستاپ، ستيلى پاك، سالتى دۇرىس ساياسي ەكولوگيا قالىپتاستىرۋ كەرەك.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت كەڭسەسىنىڭ مەڭگەرۋشىسى ساي چي قىزمەت تەكسەرۋدە بىرگە بولدى.
لي گانجيە، حى ليفىڭ جانە ورتالىق پەن مەملەكەت ورگاندارىنداعى قاتىستى تاراۋلاردىڭ جاۋاپتى جولداستارى قىزمەت تەكسەرۋدە بىرگە بولدى.
