شي جينپيڭ تەلەگرامما جولداپ، شاھبازدىڭ پاكيستاننىڭ زۇڭليـى بولىپ سايلانعاندىعىن قۇتتىقتادى
لي چياڭ شاھباز زۇڭليگە قۇتتىقتاۋ تەلەگرامماسىن جولدادى
شينحۋا اگەنتتىگىنىڭ 3 ـ ايدىڭ 3 ـ كۇنى بەيجيڭنەن بەرگەن حابارى. 3 ـ ايدىڭ 3 ـ كۇنى مەملەكەت ٴتوراعاسى شي جينپيڭ شاھباز شەرىپكە تەلەگرامما جولداپ، ونىڭ پاكيستان ٴىسلام رەسپۋبليكاسىنىڭ زۇڭليى بولىپ سايلانعاندىعىن قۇتتىقتادى.
شي جينپيڭ بىلاي دەپ اتاپ كورسەتتى: شاھباز زۇڭليدىڭ جانە پاكيستاننىڭ جاڭا كەزەكتى ۇكىمەتىنىڭ باسشىلىعىندا، پاكيستانداعى ٴار سالانىڭ ىنتىماقتاسىپ قۇلشىنۋىندا پاكيستان جاقتىڭ، ٴسوز جوق، مەملەكەتتىڭ دامۋ، العا باسۋ ىستەرىندە تىڭ دا اناعۇرلىم زور تابىسقا قول جەتكىزەتىندىگىنە سەنەمىن.
شي جينپيڭ بىلاي دەپ اتاپ كورسەتتى: جۇڭگو مەن پاكيستان ەكى ەل ٴداستۇرلى دوستىقتى ۇزبەي جالعاستىرىپ، ٴار سالاداعى اۋىس ـ كۇيىستى، سەلبەستىكتى كۇشەيتىپ، جۇڭگو _ پاكيستان ەكونوميكا ٴدالىزى قۇرىلىسىنىڭ دارەجەسى جوعارىلاتىلعان نۇسقاسىن بىرگە سومداپ، جۇڭگو مەن پاكيستاننىڭ بارلىق جاعدايدا بىردەي ستراتەگيالىق سەلبەستىك سەرىكتەستىك قارىم ـ قاتىناسىن ۇزدىكسىز تەرەڭدەتىپ، جاڭا داۋىردەگى اناعۇرلىم تىعىز جۇڭگو _ پاكيستان تاعدىرلاس ورتاق تۇلعاسىن قۇرىپ، ەكى ەل حالقىنا اناعۇرلىم كوپ قۇت ـ ىرىس جاراتۋى كەرەك.
سول كۇنى مەملەكەتتىك كەڭەستىڭ زۇڭليى لي چياڭ شاھباز زۇڭليگە قۇتتىقتاۋ تەلەگرامماسىن جولدادى.
