شي جينپيڭ چاڭجياڭ اتىراۋىن ءبىر تۇلعالاندىرا دامىتۋدى ىشكەرىلەي ىلگەرىلەتۋ اڭگىمە ءماجىلىسىن باسقارىپ اشقاندا بىلاي دەپ باسا دارىپتەدى
چاڭجياڭ اتىراۋىن ءبىر تۇلعالاندىرا دامىتۋدا تىڭ دا كەلەلى سەرپىلىسكە قول جەتكىزۋدى ىلگەرىلەتىپ، جۇڭگو ۇلگىسىندەگى وسىزامانداندىرۋ بارىسىنداعى جەتەكشىلىك ەتۋ، ۇلگى كورسەتۋ رولىن اناعۇرلىم ويداعىداي ساۋلەلەندىرۋ كەرەك
لي چياڭ، ساي چي قاتىناستى
11 - ايدىڭ 30 - كۇنى تۇستەن بۇرىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ شاڭحايدا چاڭجياڭ اتىراۋىن ءبىر تۇلعالاندىرا دامىتۋدى ىشكەرىلەي ىلگەرىلەتۋ اڭگىمە ءماجىلىسىن باسقارىپ اشتى ءارى ماڭىزدى ءسوز سويلەدى.
□ سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن
شينحۋا اگەنتتىگىنىڭ 11 - ايدىڭ 30 - كۇنى شاڭحايدان بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 11 - ايدىڭ 30 - كۇنى تۇستەن بۇرىن شاڭحايدا چاڭجياڭ اتىراۋىن ءبىر تۇلعالاندىرا دامىتۋدى ىشكەرىلەي ىلگەرىلەتۋ اڭگىمە ءماجىلىسىن باسقارىپ اشتى ءارى ماڭىزدى ءسوز سويلەدى. ول بىلاي دەپ باسا دارىپتەدى: چاڭجياڭ اتىراۋىن ءبىر تۇلعالاندىرا دامىتۋدى ىشكەرىلەي ىلگەرىلەتىپ، جاڭالىق اشۋ قابىلەتىن، كاسىپ سالاسىنىڭ باسەكەلىك قۋاتىن، دامۋ قابىلەت - دارەجەسىن اناعۇرلىم جوعارىلاتىپ، اناعۇرلىم جوعارى دەڭگەيدەگى رەفورما جاساۋ، ەسىك اشۋ جاڭا ارناسىن الدىمەن قالىپتاستىرۋ ەلىمىزدىڭ جاڭا دامۋ ارناسىن قالىپتاستىرىپ، جوعارى ساپالى دامۋدى ىلگەرىلەتىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋى جونىنەن كەلەلى ءمان الادى. جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، ءبىر تۇلعالاندىرۋ جانە جوعارى ساپالى بولۋ سىندى وسى ەكى كىندىك سوزبەن تىعىز بايلانىستىرىپ، الەمدىك كوز ايا جانە ستراتەگيالىق وي قالىپتاستىرىپ، رەفورمانى بۇلجىماي تەرەڭدەتىپ، جوعارى دەڭگەيدە ەسىك اشۋدى كەڭەيتىپ، عىلىم - تەحنيكادا جاڭالىق اشۋ مەن كاسىپ سالاسىندا جاڭالىق اشۋدى ءبىر تۇتاس جوسپارلاپ، كوشباسشى بولۋدى، جەتەكشىلىك ەتۋدى جانە اركىم ءوز ارتىقشىلىعىن ساۋلەلەندىرۋدى ءبىر تۇتاس جوسپارلاپ، قاتتى بولشەكتەردى بايلانىستىرۋ مەن مەحانيزمدەردى سايكەستىرۋدى ءبىر تۇتاس جوسپارلاپ، ەكولوگيالىق ورتانى قورعاۋ مەن ەكونوميكالىق دامۋدى ءبىر تۇتاس جوسپارلاپ، بىرگە بايۋدى ىلگەرىلەتۋ جاعىندا الدىمەن ۇلگى كورسەتىپ، جۇڭحۋا ۇلتىنىڭ وسى زامانعى وركەنيەتىن كوركەيتۋ جاعىندا بەلسەنە ىزدەنىس جاساپ، چاڭجياڭ اتىراۋىن ءبىر تۇلعالاندىرا دامىتۋدا تىڭ دا كەلەلى سەرپىلىسكە قول جەتكىزۋدى ىلگەرىلەتىپ، جۇڭگو ۇلگىسىندەگى وسىزامانداندىرۋ بارىسىندا الدىڭعى لەكتە ءجۇرىپ، الدىمەن ءجۇرىپ جول ىزدەۋ، جەتەكشىلىك ەتىپ ۇلگى كورسەتۋ، ىقپال جاساپ باستاماشىلدىق ەتۋ رولىن اناعۇرلىم ويداعىداي ساۋلەلەندىرۋ كەرەك.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي چياڭ، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت كەڭسەسىنىڭ مەڭگەرۋشىسى ساي چي اڭگىمە ماجىلىسىنە قاتىناستى.
شي جينپيڭ شاڭحايدا تەكسەرۋ - زەرتتەۋ جۇرگىزگەن كەزدە وسى رەتكى اڭگىمە ءماجىلىسىن ارناۋلى اشتى. اڭگىمە ماجىلىسىندە مەملەكەتتىك دامۋ جانە رەفورما كوميتەتىنىڭ مەڭگەرۋشىسى جىڭ شانجيە، شاڭحاي قالالىق پارتكومنىڭ شۋجيى چىن جينيڭ، جياڭسۋ ولكەلىك پارتكومنىڭ شۋجيى شين چاڭشيڭ، جىجياڭ ولكەلىك پارتكومنىڭ شۋجيى ي ليانحۇڭ، انحۇي ولكەلىك پارتكومنىڭ شۋجيى حان جۇن ىلگەرىندى - كەيىندى ءسوز سويلەپ، چاڭجياڭ اتىراۋىن ءبىر تۇلعالاندىرا دامىتۋدى ىلگەرىلەتۋ جونىندە قىزمەت جاعدايىنان مالىمەت بەردى، پىكىر - ۇسىنىستارىن العا قويدى.
كوپشىلىكتىڭ ءسوزىن تىڭداعاننان كەيىن، شي جينپيڭ ماڭىزدى ءسوز سويلەدى. ول بىلاي دەپ اتاپ كورسەتتى: چاڭجياڭ اتىراۋىن ءبىر تۇلعالاندىرا دامىتۋ ستراتەگياسى العا قويىلعان ءارى اتقارىلعان 5 جىلدان بەرى جوبا، ساياسات جۇيەسى قالىپتاستى ءارى ۇزدىكسىز كەمەلدەندى، سەرپىندى، جاندى ارتۋ ۇيەگىنىڭ يقۋاتى ۇزدىكسىز بەكەمدەلدى، جوعارىلاتىلدى، وسىزاماندانعان كاسىپ سالاسى جۇيەسى جىلدام ورناتىلدى، وڭىرلىك سايكەستى دامۋ كەلەلى سەرپىلىسكە قول جەتكىزدى، رەفورما جاساۋ، ەسىك اشۋدا تىڭ قادام تاستالدى، ەكولوگيالىق ورتانى بىرگە قورعاۋ، بىرلەسىپ وڭاۋ تىڭعىلىقتى ىلگەرىلەتىلدى، چاڭچياڭ اتىراۋى ءوڭىرىنىڭ تۇتاس تۇلعالىق ناقتى قۋاتى مەن كەشەندى باسەكەلىك قۋاتى ءۇرتىس بۇكىل ەلدىڭ الدىڭعى قاتارىن يەلەدى، جۇڭگوشا سوتسياليزم ءتۇزىمىنىڭ ابزالدىلىعىن ايگىلەيتىن ماڭىزدى تەرەزەلىك جانە ەلىمىزدىڭ حالىقارالىق باسەكەگە، سەلبەستىككە ات سالىساتىن ماڭىزدى تۇعىرلىق رولى كۇن سايىن كورنەكتىلەنىپ، جاڭا دامۋ ارناسىن قالىپتاستىرۋدا، جوعارى دەڭگەيدە سىرتقا ەسىك اشۋدى ىلگەرىلەتۋدە ستراتەگيالىق ىرىقتىلىققا قول جەتكىزدى. سونىمەن بىرگە مىنانى دا كورە ءبىلۋىمىز كەرەك: چاڭجياڭ اتىراۋىن ءبىر تۇلعالاندىرا دامىتۋدا كوپتەگەن تەرەڭ قاتپارلى ماسەلەلەردى ونان ارى شەشۋگە تۋرا كەلەدى، دامۋ ساپاسىن، ونىمدىلىگىن جانە ىقپال جاساۋ، باستاماشىلدىق رولىن ءالى دە جوعارىلاتۋ قاجەت، ءتۇيىندى سالالاردى، ءتۇيىندى وڭىرلەردى ءبىر تۇلعالاندىرۋدا ءالى دە قۇلشىنىس جاساۋ قاجەت، كاسىپ سالاسى تىزبەگىنىڭ، قامداۋ تىزبەگىنىڭ جۇمىس ءبولىسى ىستەستىگى دەڭگەيىن جوعارىلاتۋعا تۋرا كەلەدى، بۇكىل ەل بويىنشا ءبىر تۇتاس ءىرى بازاردىڭ كوشباسشىلىق جەتەكشىلىك رولىن ونان ارى ساۋلەلەندىرۋگە تۋرا كەلەدى، رەفورما جاساۋ، ەسىك اشۋ ونان ارى ىشكەرىلەي كەڭەيتۋدى ءالى دە قاجەت ەتەدى، اسا ءىرى، ەرەكشە ءىرى قالالاردى باسقارۋ مەن دامىتۋدا ءالى ءبىرتالاي ولقىلىق بار. چاڭجياڭ اتىراۋىن ءبىر تۇلعالاندىرا دامىتۋدى ىلگەرىلەتۋ − ۇلكەن جۇمىس، ورنىقتىلىق بارىسىندا ىلگەرىلەۋگە تاباندى بولىپ، كەزەكتەن - كەزەككە جالعاپ ىستەپ، چاڭجياڭ اتىراۋىن ءبىر تۇلعالاندىرا دامىتۋدىڭ جاڭا تاراۋىن ۇزدىكسىز جازۋ كەرەك.
شي جينپيڭ بىلاي دەپ باسا دارىپتەدى: چاڭجياڭ اتىراۋى ءوڭىرى عىلىم - تەحنيكادا جاڭالىق اشۋ مەن كاسىپ سالاسىندا جاڭالىق اشۋدىڭ ءوڭىر اتتاعان سايكەستىگىن كۇشەيتۋى كەرەك. عىلىم - تەحنيكادا جاڭالىق اشۋدى بار كۇشپەن ىلگەرىلەتىپ، عىلىم - تەحنيكادا جاڭالىق اشۋ مەن كاسىپ سالاسىندا جاڭالىق اشۋدىڭ تەرەڭدەي توعىسۋىن كۇشەيتىپ، جاڭا كاسىپ سالاسىن، جاڭا كاسىپ كۇيىن، جاڭا ۇلگىنى جارىققا شىعارىپ، دامۋدىڭ جاڭا كەڭىستىگىن كەڭەيتىپ، دامۋدىڭ جاڭا قوزعاۋشى قۋاتىن جەتىلدىرىپ، چاڭجياڭ ەكونوميكالىق بەلدەۋىمەن ءتىپتى جاقسى بىرلەسىپ قيمىلداۋ، بۇكىل ەلگە ىقپال كورسەتۋ كەرەك. عىلىم - تەحنيكادا جاڭالىق اشۋ كۇشى مەن ابزال بايلىقتاردى ءوڭىر اتتاپ، تاراۋ اتتاپ بىرىكتىرىپ، مىقتىلار مەن مىقتىلاردىڭ بىرلەسۋىن جۇزەگە اسىرىپ، عىلىم - تەحنيكادا جاڭالىق اشۋ قاينارىن تۇلعالاۋ كەرەك. اناعۇرلىم اشىق وي جانە شارا ارقىلى حالىقارالىق عىلىم - تەحنيكا سەلبەستىگىنە ات سالىسىپ، اناعۇرلىم الەمدىك باسەكەلىك قۋاتقا يە جاڭالىق اشۋ ەكولوگياسىن قالىپتاستىرۋ كەرەك.
شي جينپيڭ بىلاي دەپ اتاپ كورسەتتى: چاڭجياڭ اتىراۋى ءوڭىرى ءبىر تۇلعالاندىرا دامىتۋ ءتۇزىلىس - مەحانيزمىن جەدەل كەمەلدەندىرۋى كەرەك. ءسوز جوق، ءتۇزىلىس - مەحانيزم جاعىندا وڭىرگە ايىرۋ مەن اكىمشىلىك قامالداردى تالقانداپ، ءبىر تۇلعالاندىرا دامىتۋعا تۇزىمدىك قامتاماسىزدىق ازىرلەۋ كەرەك. ءبىر تۇلعالاندىرۋ تانىمىن كۇشەيتىپ، ءبىر تۇتاس جۇيە يدەياسىنا تاباندى بولىپ، تۇزىمدە جانە ءتۇزىلىس - مەحانيزمدە جاڭالىق اشۋ تەبىنىن ارتتىرىپ، ءتۇيىندى سالالاردا، ءتۇيىندى وڭىرلەردە اناعۇرلىم زور سەرپىلىستى جۇزەگە اسىرىپ، ءتۇرلى رەفورما شارالارىنىڭ جۇيەلى شوعىرلانۋىن جانە سايكەسۋىن، قيىسۋىن كۇشەيتىپ، ءبىر تۇلعالاندىرۋدىڭ اناعۇرلىم تەرەڭ قاتپارعا، اناعۇرلىم كەڭ سالاعا قاراي كەڭەيۋىن ىلگەرىلەتۋ كەرەك. نەگىزگى الەۋمەتتىك قىزمەت وتەۋ ءتۇزىمىن ۇشتاستىرۋدى، ساياساتتاردى سايكەستىرۋدى، ولشەمدى ءتۇيىلىستىرۋدى تارتىپپەن بىرتىندەپ ىلگەرىلەتىپ، ءار سالاداعى الەۋمەتتىك قىزمەت وتەۋدىڭ قولايلى بولۋىن، بىرگە يگىلىكتەنۋدى تۇرلەر بويىنشا ىلگەرىلەتۋ كەرەك. ءتۇرلى قاتىناس تورابى نەگىزدىك قۇرىلعى ولشەمىن ءوڭىر اتتاپ ۇشتاستىرۋدى كۇشەيتىپ، نەگىزدىك قۇرىلعىلاردى ۇلاستىرۋ، تۇتاستىرۋ دەڭگەيىن جوعارىلاتۋ كەرەك. چاڭجياڭ اتىراۋى ەكولوگياسىن جاسىل ءبىر تۇلعالاندىرا دامىتۋدان ۇلگى كورسەتۋ رايونى قۇرىلىسىن تەزدەتىپ، ۇلگى كورسەتۋ رايونىنىڭ مەملەكەت جەرى كەڭىستىك جوباسى جۇيەسىن كەمەلدەندىرىپ، جوبا، جەر، نىسان قۇرىلىستارىن ءوڭىر اتتاپ سايكەستىرۋدى جانە ورگانيكالى ۇشتاستىرۋدى كۇشەيتىپ، وڭىرلىك نىسانداردى سايكەستىرۋدەن وڭىرلىك ءبىر تۇلعالاندىرۋعا بەت العان تۇزىمدە جاڭالىق اشۋدى تەزدەتۋ كەرەك. ءوڭىر اتتاپ بىرگە قۇرۋدى، بىرگە يگىلىكتەنۋدى ىلگەرىلەتىپ، كاسىپ سالاسىنىڭ ءوڭىر اتتاپ ويىسۋىن جانە ءوندىرىس فاكتورلارىنىڭ ۇيلەسىمدى جايعاسۋىن ءتارتىپتى ىلگەرىلەتىپ، چاڭجياڭ اتىراۋىن وڭىرلىك دامۋ ورتاق تۇلعاسىنا شىن مانىندە اينالدىرۋ كەرەك.
شي جينپيڭ بىلاي دەپ باسا دارىپتەدى: چاڭجياڭ اتىراۋى ءوڭىرى جوعارى دەڭگەيدە سايكەسە ەسىك اشۋدى بەلسەنە ىلگەرىلەتۋى كەرەك. تۇزىمدىك ەسىك اشۋدى ءتۇيىن ەتكەن جوعارى دەڭگەيدە سىرتقا ەسىك اشۋدى ىلگەرىلەتىپ، رەفورما تاجىريبەلەرىن ءوزارا ۇيرەنۋدى، ءوزارا ۇلگى الۋدى جانە كوشىرىپ جالپىلاستىرۋدى كۇشەيتىپ، ەلىمىزدىڭ ەكونوميكالىق ۇلكەن اينالىمىن ىركىلىسسىزدەندىرەتىن قۋاتتى قوزعالتقىشقا جانە ەل ءىشى، حالىقارا سىندى قوس اينالىمدى ۇلاستىراتىن ستراتەگيالىق توراپقا قۇلشىنا اينالۋى كەرەك. شاڭحاي ”بەس ورتالىق“ قۇرىلىسىن تەزدەتىپ، پۋدۇڭ جاڭا رايونى كەشەندى رەفورما سىناق ءتۇيىنىن جەدەل ىلگەرىلەتىپ، حۇڭچياۋ حالىقارالىق ەسىك اشۋ تورابىنىڭ ىقپالىن، قابىلەت دارەجەسىن اناعۇرلىم جوعارىلاتىپ، ەركىن ساۋدا سىناق رايونىنىڭ دارەجەسىن جوعارىلاتۋ ستراتەگياسىن بار كۇشپەن اتقارىپ، شاڭحاي ەركىن ساۋدا سىناق رايونىنىڭ پورت ماڭى جاڭا اۋماعىنىڭ اناعۇرلىم جوعارى دەڭگەيدە سىرتقا ەسىك اشۋىن ىلگەرىلەتۋى كەرەك. چاڭجياڭ اتىراۋىن ءبىر تۇلعالاندىرا دامىتۋ مەن ”ءبىر بەلدەۋ، ءبىر جولدى“ بىرگە قۇرۋدى جوعارى ساپالى دامىتۋدىڭ تەرەڭ توعىسۋىن جەبەپ، چاڭجياڭ اتىراۋىنىڭ باسىمدىققا يە ءوندىرىس قۋاتىن، ساپالى جابدىقتارىن، قولدانىلمالى تەحنيكالارى مەن ولشەمدەرىن ”سىرتقا شىعارۋدى“ ىلگەرىلەتۋ كەرەك. حالىقتىق شارۋاشىلىقتىڭ اقاۋسىز دامۋىنا شابىت بەرەتىن، قولداۋ كورسەتەتىن، جەتەكشىلىك ەتەتىن ساياسات - شارالاردى باستاماشىلدىقپەن تياناقتاندىرىپ، حالىقتىق كاسىپورىنداردىڭ دامۋ ورتاسىن اناعۇرلىم ساپالىلاندىرىپ، حالىقتىق شارۋاشىلىقتىڭ اقاۋسىز دامۋىن، جوعارى ساپالى دامۋىن ىلگەرىلەتۋ كەرەك.
شي جينپيڭ بىلاي دەپ اتاپ كورسەتتى: چاڭجياڭ اتىراۋى ءوڭىرى ەكولوگيالىق ورتانى بىرگە قورعاۋدى، بىرلەسىپ وڭاۋدى كۇشەيتۋى كەرەك. ءۇش ولكە، ءبىر قالانىڭ ەكولوگياسىن قورعاۋ قىزىل سىزىعىنىڭ جىكسىز ۇشتاسۋىن كۇشەيتىپ، ماڭىزدى ەكولوگيالىق قالتقى مەن ەكولوگيالىق ءدالىزدى بىرگە قورعاۋدى ىلگەرىلەتىپ، اتموسفەرانىڭ، سۋدىڭ، توپىراقتىڭ لاستانۋىنان جالپىلىق ساقتانۋ - وڭاۋدى كۇشەيتىپ، شەكارا اتتاعان سۋ ايدىنىن بىرگە قورعاۋ، بىرلەسىپ وڭاۋدى ىشكەرىلەي ورىستەتىپ، ەنەرگيا ۇنەمدەۋ، لاس زاتتاردىڭ شىعارىلۋىن ازايتۋ، كومىر قىشقىل گازىنىڭ شىعارىلۋىن ازايتۋ وڭىرلىك ساياساتتارىن سايكەستىرۋدى كۇشەيتىپ، وڭىرلىك جاسىل جاساۋ جۇيەسىن قۇرۋ كەرەك. تازا ءوندىرىستى جاپپاي ىلگەرىلەتىپ، ءتۇيىندى سالالاردا جانە ءتۇيىندى كاسىپتەردە ەنەرگيا ۇنەمدەۋدى، كومىر قىشقىل گازىنىڭ شىعارىلۋىن ازايتۋدى، ونىمدىلىكتى ارتتىرۋدى جەبەپ، جاسىل تومەن كومىر قىشقىل گازدى كاسىپ سالالارىن كۇشەيتىپ، ساپالىلاندىرىپ، جاسىل كاسىپ سالاسى جۇيەسىن ورناتىپ، اقاۋسىزداندىرىپ، باياندى ءوندىرىس، تۇرمىس ءتاسىلىن جەدەل قالىپتاستىرۋ كەرەك. ءوڭىر اتتاعان لاس زاتتاردى شىعارۋ ۇقىعىن ساۋداعا سالۋ ءتۇزىمىن ورناتىپ، كومىر قىشقىل گازىنىڭ شىعارىلۋىن ەڭ جوعارى مانگە جەتكىزۋدى، كومىر قىشقىل گازىن بەيتاراپتاندىرۋدى بەلسەنە، ورنىقتى ىلگەرىلەتۋ كەرەك. جاڭاشا ەنەرگيا جۇيەسىن جوبالاپ، قۇرىپ، ولكە، قالالار اراسىندا ەلەكتر قۋاتى جاعىندا ءوزارا كومەكتەسۋدى سايكەسە ىلگەرىلەتۋ كەرەك. چاڭجياڭ وزەنىندە ”10 جىل بالىق اۋلاۋعا تيىم سالۋدى“ ءۇرتىس ىلگەرىلەتىپ، بىرلەسىپ زاڭ اتقارۋدى كۇشەيتۋ كەرەك. ەكولوگيالىق ءونىم قۇنىن جۇزەگە اسىرۋ مەحانيزمىن اقاۋسىزداندىرىپ، ەكولوگيالىق باسىمدىقتى ەكونوميكالىق باسىمدىققا اينالدىرۋ جولىن كەڭەيتۋ كەرەك.
شي جينپيڭ بىلاي دەپ باسا دارىپتەدى: چاڭجياڭ اتىراۋى ءوڭىرى حاۋىپسىزدىك دامۋ قابىلەتىن كۇش سالا جوعارىلاتۋى كەرەك. جالپى تۇلعالىق مەملەكەت حاۋىپسىزدىگى كوزقاراسىن دايەكتىلەندىرىپ، تومەنگى شەكتە ويلاۋعا تاباندى بولىپ، دامۋ مەن حاۋىپسىزدىكتى ويداعىداي ءبىر تۇتاس جوسپارلاپ، مەملەكەت پەن وڭىرلەر حاۋىپسىزدىگىنە ساياتىن عىلىم - تەحنيكا، كاسىپ سالاسى، فينانس سياقتى سالالاردى جانە كەلەلى نەگىزدىك قۇرىلعىلاردى قاداعالاپ، حاۋىپ - قاتەردەن ساقتانۋ - تىزگىندەۋ جۇيەسى مەن قابىلەت قۇرىلىسىن كۇشەيتىپ، حاۋىپسىز دامۋ نەگىزىن بەكەمدەۋ كەرەك. چاڭجياڭ اتىراۋىنىڭ كاسىپ سالاسى جۇيەسى كەمەلدى جانە سايكەستى قابىلەتى كۇشتى بولۋ باسىمدىعىن تولىق ساۋلەلەندىرىپ، مەملەكەت جوسپارى مەن حالىق تۇرمىسىنا ساياتىن ماڭىزدى سالالاردا جانە شەشۋشى بۋىنداردا تىزبەكتى كۇشەيتۋ، تىزبەكتى تولىقتاۋ ارەكەتىن اتقارۋ ءارى ورتا، باتىس بولىك وڭىرلەرىمەن كاسىپ سالاسى سەلبەستىگىن كۇشەيتىپ، كاسىپ سالاسى تىزبەگىنىڭ، قامداۋ تىزبەگىنىڭ سەرپىمدىلىگىن جانە حاۋىپسىزدىك دەڭگەيىن كۇش سالا جوعارىلاتۋ كەرەك. فينانس سالاسىنداعى تۇزىمدىك ۇلگىدە اشىق ۇستاۋدى نىق قاداممەن كەڭەيتىپ، شەكارا اتتاعان قارجى قوسۋدىڭ، قارجى قۇراۋدىڭ قولايلىلانۋىن جوعارىلاتىپ، جالپى بارىستىق حاۋىپ - قاتەردەن ساقتانۋدى - تىزگىندەۋدى كۇشەيتىپ، مەملەكەتتىڭ فينانس حاۋىپسىزدىگىن اناعۇرلىم ويداعىداي قورعاۋ كەرەك. سىرتقا باعىتتالعان سەلبەستىك حاۋىپسىزدىگىنە ايرىقشا ءمان بەرىپ، كاسىپ سالاسى تىزبەگىنىڭ ۇيلەسىمدى، ءتارتىپتى شەكارا اتتاعان ورنالاسىمىنا جەتەكشىلىك ەتۋ كەرەك. حالىقتىڭ قالاسىن حالىق قۇرۋعا تاباندى بولىپ، قالالاردىڭ وسىزاماندىق باسقارۋ دەڭگەيىن جوعارىلاتىپ، سەرپىمدى قالا قۇرىلىسىن جەدەل ىلگەرىلەتىپ، قالالاردىڭ حاۋىپسىزدىك ساقتانۋ جۇيەسىن اقاۋسىزداندىرىپ، قالالاردىڭ نەگىزگى اينالىمىن قامتاماسىز ەتۋ جۇيەسىن كۇشەيتىپ، اپاتتان ساقتانۋ، اپات شىعىنىن ازايتۋ، اپاتتان قۇتقارۋ قابىلەتىن جوعارىلاتۋ كەرەك.
شي جينپيڭ بىلاي دەپ اتاپ كورسەتتى: چاڭجياڭ اتىراۋىن ءبىر تۇلعالاندىرا دامىتۋدى ىشكەرىلەي ىلگەرىلەتۋدە، ءسوز جوق، پارتيانىڭ جالپى بەتتىك باسشىلىعىنا تاباندى بولۋ جانە ونى كۇشەيتۋ كەرەك. ورتالىق كوميتەت وڭىرلىك سايكەستى دامىتۋ باسشىلىق گرۋپپاسىنىڭ ءبىر تۇتاس جوسپارلاپ سايكەستىرۋ فۋنكتسياسىن تولىق ساۋلەلەندىرىپ، جوبا باعدارلاماسىنىڭ ستراتەگيالىق جەتەكشىلىك ەتۋ يقۋاتىنا تاباندى بولۋ كەرەك. ءۇش ولكە، ءبىر قالا پارتيا ورتالىق كوميتەتىنىڭ شەشىمدەرىن، ورنالاستىرۋلارىن مۇقيات دايەكتىلەندىرىپ، ۇيىمدىق باسشىلىقتى جانە تەكسەرۋ - زەرتتەۋدى كۇشەيتىپ، سايكەستىرۋدى، بىرگە اقىلداسۋدى جانە قۋزاۋ - تەكسەرۋدى كۇشەيتىپ، ەلەۋلى ماسەلەلەردى شەشۋدى ىلگەرىلەتۋى، كەلەلى رەفورمالاردىڭ تياناقتانۋىن ىلگەرىلەتۋى، ءتۇيىندى مىندەتتەردىڭ تياناقتانۋىن ىلگەرىلەتۋى كەرەك. ادال، كىرشىكسىز، جاۋاپكەرشىلىك ارقالايتىن جوعارى ساپالى ماماندانعان كادرلار قوسىنى قۇرىلىسىن كۇشەيتىپ، كادرلاردى جۇرەكتىلىكپەن ءورىس اشۋعا، جاۋاپكەرشىلىك ارقالاپ، ىسكەرلىك كورسەتۋگە شابىتتاندىرۋ كەرەك. 2 - توپتاعى نەگىزگى تاقىرىپتىق تاربيەنى شىنايى يگەرىپ، پارتيانى جاپپاي قاتاڭ باسقارۋدى ىشكەرىلەي ىلگەرىلەتىپ، شىرىكتەسۋگە باتىلدىق ەتكىزبەۋدى، شىرىكتەسۋگە مۇمكىندىك بەرمەۋدى، شىرىكتەسۋدى ويىنا الدىرماۋدى ءبىر تۇلعالى ىلگەرىلەتىپ، ءار دارەجەلى پارتيا ۇيىمدارىنىڭ ساياسي يقۋاتى مەن ۇيىمدىق يقۋاتىن كۇشەيتىپ، قاتاڭ ءتارتىپ، شىنايى ستيل، پاك قۇلىق ارقىلى ءتۇرلى قىزمەتتەردىڭ ناقتى تياناقتانۋىنا شىنايى كەپىلدىك ەتۋ كەرەك.
لي چياڭ سوزىندە مىنالاردى ءبىلدىردى: باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات ۇيرەنىپ، ءتۇسىنىپ، ىشكەرىلەي دايەكتىلەندىرىپ، تياناقتاندىرىپ، چاڭجياڭ اتىراۋىن ءبىر تۇلعالاندىرا دامىتۋعا مەملەكەتتىڭ دامۋ كەلەلى جاعدايى تۇرعىسىنان ورىن بەلگىلەپ، وي جۇگىرتىپ، بۇكىل ەلدىڭ جوعارى ساپالى دامۋىنا جەتەكشىلىك ەتۋ، دەم بەرۋ تۇرعىسىنان ورنالاستىرىپ، جوبالاپ، ەكونوميكانىڭ ارتۋ ۇيەگى، دامۋدىڭ قوزعاۋشى كۇش قاينارى، رەفورمانىڭ سىناق اتىزى رولىن ويداعىداي ساۋلەلەندىرىپ، جۇڭگو ۇلگىسىندەگى وسىزامانداندىرۋعا اناعۇرلىم ويداعىداي تىرەك بولۋ جانە وعان قىزمەت وتەۋ كەرەك. ەكونوميكالىق اينالىمدى ونان ارى ىركىلىسسىزدەندىرىپ، بايلىق فاكتورلارىنىڭ ۇيلەسىمدى اينالىمىن جانە جوعارى ءونىمدى ورنالاسىمىن جۇزەگە اسىرىپ، بۇكىل ەل بويىنشا ءبىر تۇتاس ءىرى بازار قۇرىلىسىن جەبەپ، كاسىپ سالاسى مەن ەكونوميكانىڭ ۇيلەسىمدى ورنالاسىمىنا جەتەكشىلىك ەتۋ كەرەك. جوعارى ولشەمدى حالىقارالىق ەكونوميكا - ساۋدا ەرەجەسىمەن ىرىقتىلىقپەن ءتۇيىلىستىرىپ، تۇزىمدىك ەسىك اشۋدى كەڭەيتىپ، جوعارى دەڭگەيدە سىرتقا ەسىك اشۋ قاقپاسىن تۇلعالاپ، حالىقارالىق تاۋارلاردى، بايلىق فاكتورىن باۋراۋ قۋاتىن كۇشەيتۋ كەرەك. باسىمدىقتى تولىق ساۋلەلەندىرىپ، ەرەكشەلىكتى كورنەكتىلەندىرىپ، سەلبەستىكتى تەرەڭدەتىپ، ءوزارا قۋات ۇستەپ، جەر - جەردىڭ وزىندىك باسىمدىعىن وڭىرلىك باسىمدىققا اينالدىرىپ، ارتىقشىلىقتى بىرگە ساۋلەلەندىرىپ، وڭىرلىك دامۋدىڭ تۇتاس تۇلعالىق رولىن جوعارىلاتۋ كەرەك.
لي گانجيە، حى ليفىڭ، ۋ جىڭلۇڭ، مۋ حۇڭ، جياڭ شينجى اڭگىمە ماجىلىسىنە قاتىناستى، ورتالىق پەن مەملەكەت ورگاندارىنىڭ قاتىستى تاراۋلارىنداعى، قاتىستى جەرگىلىكتى ورىندارداعى، قاتىستى كاسىپورىندارداعى جاۋاپتى جولداستار اڭگىمە ماجىلىسىنە قاتىناستى.
