شي جينپيڭ قارۋلى ساقشى تەڭىز ساقشى باس اترەتى دۇڭحاي تەڭىز رايونى قولباسشىلىق شتابىن كوزدەن كەشىرگەندە بىلاي دەپ باسا دارىپتەدى
تەڭىز ساقشى كۇشتەرىن قۇرۋ، پايدالانۋ ەرەكشەلىگىن، زاڭدىلىعىن يگەرىپ، تەڭىزدە ۇقىق قورعاپ، زاڭ اتقارۋ قابىلەتىن جوعارىلاتۋ كەرەك
11 - ايدىڭ 29 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قارۋلى ساقشى تەڭىز ساقشى باس اترەتى دۇڭحاي تەڭىز رايونى قولباسشىلىق شتابىنا بارىپ كوزدەن كەشىردى. سۋرەتتە: شي جينپيڭ ماڭىزدى ءسوز سويلەۋدە.
□ سۋرەتتى شينحۋا اگەنتتىگىنىڭ ءتىلشىسى لي گاڭ تۇسىرگەن
شينحۋا اگەنتتىگىنىڭ 12 - ايدىڭ 1 - كۇنى شاڭحايدان بەرگەن حابارى (ءتىلشى مەي چاڭۋي). جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 11 - ايدىڭ 29 - كۇنى قارۋلى ساقشى تەڭىز ساقشى باس اترەتى دۇڭحاي تەڭىز رايونى قولباسشىلىق شتابىنا بارىپ كوزدەن كەشىرگەندە ”پارتيا 20 - قۇرىلتايىنىڭ رۋحىن ىشكەرىلەي دايەكتىلەندىرىپ، تەڭىز ساقشى كۇشتەرىن قۇرۋ، پايدالانۋ ەرەكشەلىگىن، زاڭدىلىعىن يگەرىپ، تەڭىزدە ۇقىق قورعاپ، زاڭ اتقارۋ قابىلەتىن جوعارىلاتۋ كەرەك“ دەپ باسا دارىپتەدى.
قىس باسىنداعى شاڭحاي كورىنىسى كوركەم، سالقىن دا جانعا جايلى. تۇستەن بۇرىن ساعات 10نان 15 مينۋت مولشەرىندە، شي جينپيڭ دۇڭحاي تەڭىز رايونى قولباسشىلىق شتابى ورگانىنا بارىپ، قىزۋ قول شاپالاق ءۇنى ىشىندە وسى قولباسشىلىق شتابىنداعى قاتىستى جولداستاردى ىستىق ىقىلاسپەن قابىلداپ، كوپشىلىكپەن بىرگە سۋرەتكە ءتۇسىپ ەستەلىك قالدىردى.
وسىدان كەيىن، شي جينپيڭ دۇڭحاي تەڭىز رايونى قولباسشىلىق شتابىنىڭ قىزمەت مالىمەتىن تىڭداپ، بەينە ەكران ارقىلى تەڭىز ساقشى كەمەسى اسكەري قۇراماسىنىڭ مىندەت اتقارۋ جاعدايىن كوردى. شي جينپيڭ دۇڭحاي تەڭىز رايونى قولباسشىلىق شتابىنىڭ قۇرىلىسى مەن مىندەت ورىنداۋ جاعدايىن تۇراقتاندىردى.
شي جينپيڭ بىلاي دەپ باسا دارىپتەدى: ءونىمدى تۇردە ۇقىقتى قورعاپ، زاڭ اتقارىپ، ەلىمىزدىڭ تەرريتوريا يەلىك ۇقىعى مەن تەڭىز - مۇحيت ۇقىق - مۇددەسىن باتىل قورعاۋ كەرەك. تەڭىزدە زاڭ اتقارۋ سەلبەسۋ، سايكەسۋ مەحانيزمىن ورناتىپ، كەمەلدەندىرىپ، تەڭىزدەگى زاڭعا قايشى قىلمىستىق قيمىلدارعا زاڭ بويىنشا قاتاڭ سوققى بەرىپ، ەلىمىز تەڭىز - مۇحيت ەكونوميكاسىنىڭ اقاۋسىز دامۋىن قورعاۋ كەرەك. تەڭىزدە زاڭ اتقارۋ بويىنشا سىرتپەن اۋىس - كۇيىستى، سەلبەستىكتى ناقتى ورىستەتىپ، حالىقارالىق جانە وڭىرلىك تەڭىز - مۇحيتتى وڭاۋعا بەلسەنە ات سالىسۋ كەرەك.
شي جينپيڭ بىلاي دەپ اتاپ كورسەتتى: قازىرگىنى تياناق ەتىپ، ۇزاق بولاشاقتى كوزدەپ، جالپى تۇلعالىق جوبالاۋدى جانە قىزمەتتى ءبىر تۇتاس جوسپارلاۋدى كۇشەيتىپ، جول كارتاسىن، قۇرىلىس جۇرگىزۋ كارتاسىن ويداعىداي جاساپ، قولباسشىلىق شتابىنىڭ قۇرىلىس دەڭگەيىن تىڭعىلىقتى جوعارىلاتۋ كەرەك. قاتىستى رەفورما مىندەتتەرىن تياناقتاندىرۋدى ويداعىداي يگەرىپ، كۇش جۇيەسىن ساپالىلاندىرىپ، دارەجەسىن جوعارىلاتۋدى ىلگەرىلەتىپ، قولباسشىلىق شتابى قۇرىلىسىنا اناعۇرلىم تاماشا شارت - جاعداي جاراتۋ كەرەك.
شي جينپيڭ بىلاي دەپ باسا دارىپتەدى: قولباسشىلىق شتابىنىڭ پارتيا قۇرىلىسىن جاپپاي كۇشەيتىپ، ساياسيدا ىسىلۋعا شىنايى كەپىلدىك ەتۋ كەرەك. 2 - توپتاعى نەگىزگى تاقىرىپتىق تاربيە ىشكەرىلەي ورىستەتىلۋدە، فورماشىلدىقتان، تورەشىلدىكتەن ساقتانىپ، ءىس جۇزىندىك ماسەلەلەردى شىن مانىندە شەشىپ، تىڭعىلىقتى ونىمدىلىكتەرگە قول جەتكىزۋ كەرەك. تاربيەلەۋدى، باسقارۋدى قاتايتىپ، ۇنەمىلىك، نەگىزدىك قىزمەتتەردى تياناقتاندىرۋدى مىقتى يگەرىپ، ءتارتىپتىڭ جۇيەلى، حاۋىپسىز، ورنىقتى بولۋىنا شىنايى كەپىلدىك ەتۋ كەرەك. نەگىزگى ساتى قۇرىلىسىنا ايرىقشا ءمان بەرىپ، بەرىك جاۋىنگەر قورعان تۇلعالاپ، نەگىزگى ساتىنىڭ ءوزىن - ءوزى قۇرۋ قابىلەتىن جوعارىلاتۋ كەرەك. ءار دارەجەلى ورىندار شىن ىقىلاسىمەن نەگىزگى ساتىنى ۋايىمنان ارىلتىپ، قيىنشىلىعىن شەشىپ، كوپشىلىكتىڭ ءىس تىندىرىپ، ناتيجە شىعارۋ بەلسەندىلىگىن قاۋلاتىپ، ءبىر نيەتپەن سەلبەسە قولباسشىلىق شتابى قۇرىلىسىنىڭ جاڭا جاعدايىن اشۋى كەرەك.
حى ۋيدۇڭ قاتارلىلار قيمىلعا قاتىناستى.
