شينحۋا اگەنتتىگىنىڭ 11 - ايدىڭ 24 - كۇنى بەيجيڭنەن بەرگەن حابارى. 11 - ايدىڭ 24 - كۇنى مەملەكەت ءتوراعاسى شي جينپيڭ دۇنيە جۇزىلىك جۇڭگو تانۋ جينالىسى. شاڭحاي تالقى مىنبەرىنە قۇتتىقتاۋ حاتىن جولدادى.
شي جينپيڭ بىلاي دەپ اتاپ كورسەتتى: جۇڭگو تانۋ تاريحتاعى جۇڭگونى تانۋ عىلمى، سونداي - اق زامانىمىزداعى جۇڭگونى تانۋ عىلمى. جۇڭحۋا وركەنيەتى ارىدان جالعاسقان، دۇنيە جۇزىندەگى باسقا دا وركەنيەتتەرمەن اۋىس - كۇيىس جاساسىپ، ءوزارا ۇلگى الۋ بارىسىندا بايىپ دامىعان، جۇڭگو ۇلگىسىندەگى وسىزامانداندىرۋعا مايەكتى نەگىز سيلادى. تاريحتىڭ قاينارىنا كوز جىبەرگەندە عانا رەال دۇنيەنى تۇسىنۋگە بولادى، مادەنيەتتىڭ نەگىزىنە باعىنعاندا عانا قازىرگى جۇڭگونى قانىق بىلۋگە بولادى، وركەنيەتتەردىڭ ءوزارا ۇلگى الۋى بولعاندا عانا بىرگە العا باسۋدى جۇزەگە اسىرۋعا بولادى. ءار ەل مامان - وقىمىستىلارىنىڭ جۇڭگو مەن شەتەل وركەنيەتتەرى توعىسۋىنىڭ ەلشىسى بولىپ، ءبارىن تۇگەل قامتۋدى، اشىق سيىسىمدى بولۋدى ۇستانىپ، دۇنيە ءجۇزىنىڭ جۇڭگو تانۋ زەرتتەۋىن ۇزدىكسىز ىلگەرىلەتىپ، وركەنيەتتەردىڭ اۋىس - كۇيىس جاساسۋىن، ءوزارا ۇلگى الۋىن ىلگەرىلەتىپ، دۇنيە ءجۇزى وركەنيەتىنىڭ گۇلباقشاسىنىڭ گۇلدەنىپ - كوركەيۋىنە يدەيا جانە مادەنيەت كۇشىن ۇستەۋىن ءۇمىت ەتەمىن.
جينالىستىڭ نەگىزگى تاقىرىبى: ”الەم نازارىنداعى جۇڭحۋا وركەنيەتى جانە جۇڭگو جولى“، جينالىستى مەملەكەتتىك كەڭەس اقپارات كەڭسەسى، شاڭحاي قالالىق حالىق ۇكىمەتى بىرگە ۇيىمداستىرىپ وتكىزدى، سول كۇنى شاڭحايدا اشىلدى.
