كۇش ۇستىنە كۇش قوسىپ، اپاتتان كەيىنگى قالپىنا كەلتىرۋدى، قايتا قۇرۋدى ويداعىداي يگەرىپ، قالىڭ حالىق بۇقاراسىنىڭ تىنىش ءومىر، شات - شادىمان تىرشىلىك كەشىرۋىنە، قىستان جىلى وتۋىنە شىنايى كەپىلدىك ەتۋ كەرەك

شي جينپيڭ بەيجيڭدە، حىبەيدە اپاتتان كەيىنگى قالپىنا كەلتىرۋ، قايتا قۇرۋ قىزمەتىن تەكسەرگەندە بىلاي دەپ باسا دارىپتەدى

كۇش ۇستىنە كۇش قوسىپ، اپاتتان كەيىنگى قالپىنا كەلتىرۋدى، قايتا قۇرۋدى ويداعىداي يگەرىپ، قالىڭ حالىق بۇقاراسىنىڭ تىنىش ءومىر، شات - شادىمان تىرشىلىك كەشىرۋىنە، قىستان جىلى وتۋىنە شىنايى كەپىلدىك ەتۋ كەرەك

ساي چي قىزمەت تەكسەرۋدە بىرگە بولدى

　　11 - ايدىڭ 10 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ بەيجيڭدە، حىبەيدە اپاتتان كەيىنگى قالپىنا كەلتىرۋ، قايتا قۇرۋ قىزمەتىن تەكسەردى. سۋرەتتە: 11 - ايدىڭ 10 - كۇنى تۇستەن بۇرىن شي جينپيڭ بەيجيڭ مىنتوۋگوۋ مياۋفىڭشان ۇلتتار مەكتەبىندە كوپتىڭ مۇددەسى جولىندا قۇربان بولعان قۇرباندار وتباسىنداعىلاردىڭ جانە تاسقىننان ساقتانۋ، تاسقىنعا قارسى اتتانۋ، اپاتتان قۇتقارۋعا ات سالىسقان نەگىزگى ساتىداعى پارتيا مۇشەلەرىنىڭ، كادرلاردىڭ، بۇقارانىڭ، ءورت ءسوندىرۋ، ورتتەن ساقتانۋ جانە شۇعىل جاعدايعا توتەپ بەرۋ، قۇتقارۋ - كومەكتەسۋ قىزمەتكەرلەرىنىڭ، مەملەكەت مەنشىگىندەگى كاسىپورىندارداعى جۇمىسشى - قىزمەتكەرلەردىڭ، ەرىكتىلەردىڭ ۋاكىلدەرى قاتارلىلاردان شىنايى حال سۇراۋدا.

□ سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن

　　11 - ايدىڭ 10 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ بەيجيڭدە، حىبەيدە اپاتتان كەيىنگى قالپىنا كەلتىرۋ، قايتا قۇرۋ قىزمەتىن تەكسەردى. سۋرەتتە: 11 - ايدىڭ 10 - كۇنى تۇستەن كەيىن شي جينپيڭ حىبەي باۋديڭ جوجوۋ قالاسىنىڭ بايگوۋ وزەنىن وڭاۋ ينجەنەرياسىندا (جوجوۋ بولىگى) قىزمەت تەكسەرگەندە، سۋ يگىلىگى ينجەنەرياسى قۇرىلىسشىلارىنىڭ جانە كەزىندە جوجوۋدا تاسقىنعا قارسى اتتانىپ، اپاتتان قۇتقارۋعا ات سالىسقان ازاتتىق ارميا مەن قارۋلى ساقشى بولىمدەرىنىڭ وفيتسەر - اسكەرلەر، حالىق جاساقتارى، زاپاستاعىلار، ءورت ءسوندىرۋ، قۇتقارۋ - كومەكتەسۋ قوسىنى سياقتى جاقتاردىڭ ۋاكىلدەرىمەن ىقىلاستى اڭگىمەلەسۋدە.

□ سۋرەتتى شينحۋا اگەنتتىگىنىڭ ءتىلشىسى يۋە يۋەۋي تۇسىرگەن

　　شينحۋا اگەنتتىگىنىڭ 11 - ايدىڭ 10 - كۇنى بەيجيڭنەن \ حىبەيدىڭ باۋديڭىنان بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 11 - ايدىڭ 10 - كۇنى بەيجيڭدە، حىبەيدە اپاتتان كەيىنگى قالپىنا كەلتىرۋ، قايتا قۇرۋ قىزمەتىن تەكسەرگەندە بىلاي دەپ باسا دارىپتەدى: ءار دارەجەلى پارتكومدار مەن ۇكىمەتتەر، ءارقايسى قاتىستى جاقتار پارتيا ورتالىق كوميتەتىنىڭ شەشىمدەرىن، ورنالاستىرۋلارىن مۇقيات دايەكتىلەندىرىپ، تياناقتاندىرىپ، اپاتتان كەيىنگى قالپىنا كەلتىرۋدى، قايتا قۇرۋدى كۇش ۇستىنە كۇش قوسىپ ويداعىداي يگەرىپ، قالىڭ حالىق بۇقاراسىنىڭ تىنىش ءومىر، شات - شادىمان تىرشىلىك كەشىرۋىنە، قىستان جىلى وتۋىنە شىنايى كەپىلدىك ەتۋى كەرەك. باستان - اياق حالىقتى وزەك ەتۋگە تاباندى بولىپ، جۇيە كوزقاراسىنا تاباندى بولىپ، شىندىققا جۇگىنىپ ناقتى ءىس ىستەۋگە، عىلمي جوبالاۋعا، ۇيلەسىمدى ورنالاستىرۋعا تاباندى بولىپ، ولقىلىقتاردى تولىقتاۋدى، ءالسىز تۇستاردى كۇشەيتۋدى مىقتى يگەرىپ، تاسقىننان ساقتانۋ ينجەنەرياسى جۇيەسىن، شۇعىل جاعدايعا توتەپ بەرۋدى باسقارۋ جۇيەسىن جەدەل كەمەلدەندىرىپ، اپاتتان ساقتانۋ، اپات زيانىن ازايتۋ، اپاتتان قۇتقارۋ قابىلەتىن ۇزدىكسىز جوعارىلاتۋ كەرەك.

　　بيىل 7 - ايدىڭ سوڭى مەن 8 - ايدىڭ باسىندا حۋابەي، حۋاڭحى − حۋايحى وزەن الابى سياقتى جەرلەردە قالىڭ جاڭبىر جاۋىپ، تاسقىن جانە گەولوگيالىق اپاتقا اپارىپ سوعىپ، بەيجيڭ، حىبەي سياقتى جەرلەردە اۋىر ءولىم - ءجىتىم تۋىلدى. شي جينپيڭ اپاتقا ۇشىراعان بۇقارانى باستان - اياق ەسىنەن شىعارماي، تاسقىننان ساقتانۋ، تاسقىنعا قارسى اتتانۋ، اپاتتان قۇتقارۋ جانە اپاتتان كەيىنگى قالپىنا كەلتىرۋ، قايتا قۇرۋ قىزمەتىنە وسكەلەڭ ءمان بەرىپ، تالاي رەت ماڭىزدى نۇسقاۋ بەرىپ، بەكىتۋ جاساپ، قاتىستى جەرلەر مەن تاراۋلاردان حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن بار كۇشپەن قامتاماسىز ەتىپ، اپات تۋىلعان وڭىرلەردىڭ قالىپتى ءوندىرىس، تۇرمىس ءتارتىبىن تەز ارادا قالپىنا كەلتىرۋدى تالاپ ەتتى. 9 - ايدىڭ باس شەنىندە شي جينپيڭ حيلۇڭجياڭنىڭ شاڭجى قالاسىنا بارىپ اپاتقا ۇشىراعان بۇقاراعا امانداسىپ، ولاردان حال سۇرادى. سولتۇستىكتە قىس كىرۋ قارساڭىندا، شي جينپيڭ تاعى بەيجيڭدەگى، حىبەيدەگى اپات ءبىرشاما اۋىر بولعان قاتىستى وڭىرلەرگە بارىپ، اپاتقا ۇشىراعان بۇقاراعا امانداسىپ، ولاردان حال سۇراپ، اپاتتان كەيىنگى قالپىنا كەلتىرۋ، قايتا قۇرۋ قىزمەتىن تەكسەردى جانە وعان جەتەكشىلىك ەتتى.

　　11 - ايدىڭ 10 - كۇنى شي جينپيڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، بەيجيڭ قالالىق پارتكومنىڭ شۋجيى يىن لي مەن قالا باستىعى يىن يۇڭ، حىبەي ولكەلىك پارتكومنىڭ شۋجيى ني يۋەفىڭ مەن ولكە باستىعى ۋاڭ جىڭپۋدىڭ جەكە - جەكە سەرىك بولۋىندا ىلگەرىندى - كەيىندى مىنتوۋگوۋ، باۋديڭ سياقتى جەرلەرگە بارىپ، اپاتتان كەيىنگى قالپىنا كەلتىرۋ، قايتا قۇرۋ جاعدايىن جۇمىس باسىندا ۇعىستى.

　　يۇڭديڭحى وزەنى سانجياديان سۋ باستاۋ تورابى − يۇڭديڭحى وزەنى گۋانتيڭشان قىساڭى بولىگىندەگى تىزگىندەۋ سيپاتتى ينجەنەريا. 11 - ايدىڭ 10 - كۇنى تۇستەن بۇرىن شي جينپيڭ وسى اراعا كەلىپ، بەيجيڭ قالاسىنىڭ سۋ جۇيەسى، يۇڭديڭحى وزەنىن قالپىنا كەلتىرۋ، وڭاۋ، وزەن بوگەۋ تيەگىنىڭ جۇمىس جۇرگىزۋى سياقتى جاعدايلار جونىندەگى مالىمەتتى تىڭداپ، اپاتتان كەيىنگى قالپىنا كەلتىرۋ، قايتا قۇرۋ اياق الىسىن ۇعىستى. شي جينپيڭ بىلاي دەپ اتاپ كورسەتتى: مىنتوۋگوۋ، فاڭشان سياقتى تاۋلى وڭىرلەردىڭ تاۋى بيىك، اڭعارى تەرەڭ، ءۇرتىس قالىڭ نوسەر جاۋعاندا ەرەكشە اۋىر تاسقىن وڭاي تۋىلادى، ول بەيجيڭنىڭ تاسقىننان ساقتانۋ، تاسقىنعا قارسى اتتانۋداعى ءتۇيىندى ءوڭىرى. سۋ قويماسى سياقتى تىزگىندەۋ سيپاتتى ينجەنەريالاردى ويداعىداي سالىپ جانە ودان ويداعىداي پايدالانۋمەن بىرگە، تاۋلى وڭىرلەردەگى جول، ءۇي سياقتى قۇرىلىستاردىڭ تاسقىننان ساقتانۋ ولشەمىن كەمەلدەندىرىپ، تاسقىننان ساقتانۋ، تاسقىنعا توتەپ بەرۋ قابىلەتىن شىنايى جوعارىلاتۋ كەرەك. بەيجيڭنىڭ سۋ جۇيەسى ەرەكشەلىگىن تياناق ەتىپ، تاريحي تاجىريبەلەردى قورىتىندىلاپ، كورنەكتى ماسەلەلەر مەن ءالسىز بۋىندارعا باعىتتاي وتىرىپ، ”جوعارعى اعاردا ىركۋ، ورتاڭعى اعاردا ىركىلىسسزدەندىرۋ، تومەنگى اعاردا ىعىستىرۋ، تاسقىندى ءونىمدى تىزگىندەۋ“ پرينسيبى بويىنشا، تاسقىن سۋى بۇلدىرگەن قۇرىلعىلاردى قالپىنا كەلتىرۋدى مىقتى يگەرىپ، ءتۇيىندى سۋ يگىلىگى ينجەنەريالارى قۇرىلىسىن كۇشەيتىپ، استانانىڭ تاسقىننان ساقتانۋ حاۋىپسىزدىگىن قامتاماسىز ەتۋگە پارمەندى تىرەك ازىرلەۋ كەرەك.

　　وسىدان كەيىن، شي جينپيڭ اۆتوكولىكپەن مياۋفىڭشان ۇلتتار مەكتەبىنە كەلدى. بيىلعى تاسقىن مەزگىلىندە بۇل جەر ۋاقىتشا اپاتتان قورعانۋ ورنى جانە تاسقىننان ساقتانۋ، تاسقىنعا قارسى اتتانۋ، اپاتتان قۇتقارۋ قىزمەتكەرلەرى تۇراتىن ورىن بولعان. شي جينپيڭ ءبىر ساباقحاناعا كىرگەندە، بالالار مۇعالىمنىڭ جەتەكشىلىگىندە نەگىزگى تاقىرىپتىق كلاس جيىنىن اشىپ جاتىر ەكەن. بالالار تۇس - تۇستان شي جينپيڭ اتايلارىنا وزدەرىنىڭ تاسقىنعا قارسى اتتانىپ، اپاتتان قۇتقارۋدى نەگىزگى تاقىرىپ ەتكەن قولونەر بۇيىمدارىن كورسەتتى ءارى وزدەرىنىڭ تاسقىن اپاتى الدىنداعى كەشىرمەلەرى مەن اسەرلەرىن ايتتى، شي جينپيڭ مۇنى ەستىپ قاتتى قۋاندى. ول بىلاي دەدى: اپاتقا ۇشىراعان وقۋشىلاردىڭ ۋاعىندا وقۋ باستاۋىنا، مەكتەپكە ورالۋىنا كەپىلدىك ەتۋ − پارتيا ورتالىق كوميتەتىنىڭ اپاتتان كەيىنگى قالپىنا كەلتىرۋ، قايتا قۇرۋدا العا قويعان ايقىن تالابى. ءارقايسى جاقتاردىڭ ورتاق قۇلشىنۋى ارقىلى اپات تۋىلعان وڭىرلەردەگى بارلىق مەكتەپ ۋاعىندا وقۋ باستادى، بالالاردىڭ باقىتتى كۇلكىسىن كورىپ كوڭىلىم جاي تاپتى، وتە ريزا بولدىم. مەكتەپتەرىڭىز وسى رەتكى تاسقىننان ساقتانۋ، تاسقىنعا قارسى اتتانۋ بارىسىندا قاتەردەن ءساتتى ساقتاندى، ونىڭ ۇستىنە ”حاۋىپسىز ارالدىق“ رولىن وتە جاقسى ساۋلەلەندىردى، وسى جاندى وقۋلىقتان ويداعىداي پايدالانىپ، حاۋىپسىزدىك تاربيەسىن ورىستەتىپ، بالالاردىڭ حاۋىپسىزدىك تانىمى مەن قاتەردەن ساقتانۋ قابىلەتىن جوعارىلاتۋ كەرەك. وسى رەتكى تاسقىنعا قارسى اتتانىپ، اپاتتان قۇتقارۋدى بالالار ءومىر بويى ەستەن شىعارمايدى، ولاردىڭ العىس ايتۋدى ۇيرەنىپ، مۇرات ورناتىپ، سوتسياليزم ىستەرىنىڭ قۇرۋشىلارى مەن ءىزباسارلارى بولۋعا مۇمكىندىك جاساۋ كەرەك.

　　مەكتەپ الاڭىندا شي جينپيڭ كوپتىڭ مۇددەسى جولىندا قۇربان بولعان قۇرباندار وتباسىنداعىلاردىڭ جانە تاسقىننان ساقتانۋ، تاسقىنعا قارسى اتتانۋ، اپاتتان قۇتقارۋعا ات سالىسقان نەگىزگى ساتىداعى پارتيا مۇشەلەرىنىڭ، كادرلاردىڭ، بۇقارانىڭ، ءورت ءسوندىرۋ، شۇعىل جاعدايعا توتەپ بەرۋ بويىنشا قۇتقارۋ - كومەكتەسۋ قىزمەتكەرلەرىنىڭ، مەملەكەت مەنشىگىندەگى كاسىپورىندارداعى جۇمىسشى - قىزمەتكەرلەردىڭ، ەرىكتىلەردىڭ ۋاكىلدەرى قاتارلىلاردان شىنايى حال سۇرادى. شي جينپيڭ بىلاي دەدى: وسى رەتكى تاسقىنعا قارسى اتتانۋ، قاتەردەن اراشالاۋ، اپاتتان قۇتقارۋ كۇرەسىندە نەگىزگى ساتىداعى پارتيا مۇشەلەرى مەن كادرلار اتويلاپ الدا ءجۇرىپ، جاۋاپكەرشىلىكتى باتىلدىقپەن ارقالادى، حالىق ازاتتىق ارمياسى، قارۋلى ساقشى اسكەري بولىمىندەگى وفيتسەر - اسكەرلەر، ءورت ءسوندىرۋ، قۇتقارۋ - كومەكتەسۋ قوسىنىنىڭ كوماندير - جاۋىنگەرلەرى كوكىرەك كەرىپ العا شىعىپ، حاۋىپ - قاتەرگە قاراماي العا ىلگەرىلەدى، مەملەكەت مەنشىگىندەگى كاسىپورىندارداعى جۇمىسشى - قىزمەتكەرلەر تاسقىن اپاتىن ەستي سالا ارەكەتتەنىپ، جەدەل كومەككە اتتاندى، قوعامنىڭ ءارقايسى سالاسىنداعىلار جانە ەرىكتىلەر بەلسەنە ات سالىسىپ، مەيىر جەتكىزىپ، تاسقىن مەيىرىمسىز بولعانىمەن، ادامدار مەيىرىمدى دەگەن ۇلى سۇيىسپەنشىلىكتى جازدى، سوتسياليستىك ءتۇزىمنىڭ ءبىر جاق قيىنشىلىققا ۇشىراسا، جان جاق كومەك بەرەتىن ايقىن باسىمدىعى مەن بۇكىل ەل حالقىنىڭ جۇدىرىقتاي جۇمىلىپ، تار جول، تايعاق كەشۋلەردەن بىرگە ءوتۋ سىندى كۇرەس رۋحىن ايگىلەپ، كوپتەگەن اسەرلى اڭگىمەلەردى جارىققا شىعاردى. كوپتەگەن پارتيا مۇشەسى مەن كادر تاسقىنعا قارسى اتتانىپ، قاتەردەن اراشالاۋ بارىسىندا قۇربان بولدى، ءبىز ولاردى ماڭگى ساعىنا ەسكە الىپ، ولاردىڭ ەرلىك ىستەرىن بارىنشا ۇگىتتەۋىمىز كەرەك، قاتىستى جاقتار ولاردىڭ وتباسىنداعىلارعا ويداعىداي كوڭىل ءبولۋى، قامقورلىق جاساۋى كەرەك.

　　تۇسكە تاياۋ شي جينپيڭ مياۋفىڭشان قالاشىعى شۇييۇيزۇي قىستاعىنا كەلىپ قىزمەت تەكسەردى. قىستاققا كىرە بەرىستەگى وزەن بويىنداعى تەكشەدە شي جينپيڭ وسى قىستاقتىڭ جاعدايى جونىندەگى تانىستىرۋدى تىڭدادى، سونان سوڭ جاياۋ ءجۇرىپ قىستاق بەت - بەينەسىن كوزدەن كەشىرىپ، نەگىزدىك قۇرىلعىلاردىڭ قالپىنا كەلۋ، قۇرىلىستىڭ دارەجەسىن جوعارىلاتۋ سياقتى جاعدايلاردى ۇعىستى. شي جينپيڭ بىلاي دەپ اتاپ كورسەتتى: اۋىر تاسقىن اپاتىنان كەيىن، ءسوز جوق، قاۋىرت قۇرىلىس جۇرگىزىپ، جاپپاي وڭاپ، سۋ يگىلىگى قۇرىلعىلارى، تاسقىننان ساقتانۋ قۇرىلعىلارى دەڭگەيىن بارىنشا جوعارىلاتۋ كەرەك. حالىقتى وزەك ەتۋگە تاباندى بولىپ، ۇزاق بولاشاقتى كوزدەپ، عىلمي جوبالاپ، قالپىنا كەلتىرۋدى، قايتا قۇرۋدى جوعارى ساپالى دامۋدى ىلگەرىلەتۋمەن، يكەمدى قالا قۇرىلىسىن ىلگەرىلەتۋمەن، اۋىل - قىستاقتى گۇلدەندىرۋدى ىلگەرىلەتۋمەن، ەكولوگيالىق وركەنيەت قۇرىلىسىن ىلگەرىلەتۋمەن، ت . ب تىعىز ۇشتاستىرىپ، شارالاردى باعىتتامالى قولدانىپ، اپاتتان ساقتانۋ، اپات زيانىن ازايتۋ، اپاتتان قۇتقارۋ قابىلەتىن جاپپاي جوعارىلاتۋ كەرەك. اسىرەسە، قالا، اۋىل نەگىزگى ساتىسىنىڭ شۇعىل جاعدايعا توتەپ بەرۋ بويىنشا باسقارۋ ۇيىمدىق جۇيەسىن كەمەلدەندىرىپ، نەگىزگى ساتىنىڭ اپاتتان ساقتانىپ، قاتەردەن اراشالاۋ جانە ءوزىن قۇتقارۋ، ءبىرىن - ءبىرى قۇتقارۋ قابىلەتىن جوعارىلاتۋ كەرەك.

　　قىستاق تۇرعىنى لي مىڭنىڭ ۇيىندە شي جينپيڭ ءۇيدىڭ ءبۇلىنۋى، ءۇي جوندەۋ شىعىسى، جىلىتۋ سياقتى جاعدايلاردى ەگجەي - تەگجەيلى ۇعىستى. شي جينپيڭ مىنالاردى ءبىلدىردى: اپاتقا ۇشىراعان بۇقارانىڭ قىستان حاۋىپسىز، جىلى وتۋىنە شىنايى كەپىلدىك ەتۋ − بۇلتارماس مىندەت. سولتۇستىكتىڭ قىسى ۇزاق، تاۋ ءىشى قىستا ەرەكشە سۋىق بولادى، جىلىتۋ قىزمەتىن، ءسوز جوق، ءاربىر وتباسىنا دەيىن تياناقتاندىرۋ، ەگجەي - تەگجەيلىلەندىرۋ كەرەك. ءۇيدى جوندەپ بەكەمدەۋ نەمەسە قايتا سالۋ جۇمىسى اياقتاپ، كوشىپ كىرۋ شارتىن ازىرلەگەن اپاتقا ۇشىراعان وتباسىلاردىڭ قىسقى جىلىنۋدى تياناقتاندىرۋىنا جەتەكشىلىك ەتۋ، كومەكتەسۋ كەرەك. ءۇيدى قايتا سالۋ جۇمىسىن ءالى اياقتاتپاعان اپاتقا ۇشىراعان وتباسىلاردىڭ تۋىس - تۋعان، دوس - جاراندارىنا سۇيەنۋ، ءۇي جالداۋ، ۇكىمەت ورنالاستىرۋ سياقتى تاسىلدەردى قولدانۋ ارقىلى قىستان جىلى وتۋىنە شىنايى كەپىلدىك ەتۋ كەرەك.

　　قىستاقتان اتتاناردا جەرگىلىكتى بۇقارا باس شۋجيدى ىقىلاستى بەينەدە اتتاندىرىپ سالدى. شي جينپيڭ كوپشىلىككە بىلاي دەدى: اپات تۋىلعان وڭىرلەردەگى حالىق بۇقاراسىنىڭ قامىن جەپ كەلەمىن. كوممۋنيستىك پارتيا حالىق ءۇشىن قىزمەت ەتەتىن پارتيا، بۇقاراعا ماڭگى كوڭىل تورىنەن ورىن بەرەدى، مەيلى قاتەردەن اراشالاپ، اپاتتان قۇتقارۋ بولسىن، الدە اپاتتان كەيىنگى قالپىنا كەلتىرۋ، قايتا قۇرۋ بولسىن، بارلىعىندا بار كۇشىن جۇمسايدى. اۋىلداستاردىڭ سەنىمدى بەكەمدەپ، مەكەندى اناعۇرلىم كوركەم ەتىپ قۇرۋعا قۇلشىنۋىن ءۇمىت ەتەمىن.

　　بيىلعى تاسقىن مەزگىلىندە باۋديڭ جوجوۋ قالاسى ەرەكشە اۋىر تاسقىن اپاتىنا ۇشىراعان، قازىر قالىپتى ءوندىرىس، تۇرمىس ءتارتىبى نەگىزىنەن قالپىنا كەلدى. 11 - ايدىڭ 10 - كۇنى تۇستەن كەيىن شي جينپيڭ شۋاڭتا ءمالىسى يۇڭجيشيۋيۋان شاعىن اۋماعىنا كەلدى. ول الدىمەن شاعىن اۋماق قاقپاسىنداعى ءدارى دۇكەنىنە، ەرەن بازارعا كىرىپ، ساۋداگەرلەردەن تيجاراتتىڭ قالپىنا كەلۋ جاعدايىن ەگجەي - تەگجەيلى ۇعىستى، سونان سوڭ شاعىن اۋماقتىڭ جىلۋمەن قامداۋ پۋنكتىنە كەلىپ، جىلۋمەن قامداۋ قۇرىلعىلارىنىڭ جۇمىس جۇرگىزۋ جاعدايىن ۇعىستى. شي جينپيڭ مىنالاردى ءبىلدىردى: بۇل جولعى اۋىر اپاتتى باستان وتكىزگەن تۇرعىندار مەن ءىشىنارا ءوندىرىس - تيجارات ورىندارى ءبىرتالاي زيانعا ۇشىرادى، ءار دارەجەلى پارتكومدار مەن ۇكىمەتتەر كوپ ءتۇرلى شارانى قاتار قولدانىپ، اپاتقا ۇشىراعان بۇقارانىڭ جانە كاسىپورىنداردىڭ، ساۋداگەرلەردىڭ قيىن وتكەلدەن وتۋىنە قۇلشىنا كومەكتەسۋى كەرەك. قالا قالپىنا كەلتىرۋدە، قايتا قۇرۋدا اپاتتان ساقتانۋ، اپات زيانىن ازايتۋ بويىنشا دالەلدەۋ جوباسىن ويداعىداي ىستەپ، قاتەردەن اراشالاۋدى، اپاتتان ساقتانۋدى تولىق ويلاستىرىپ، تاسقىن جۇرەتىن ارنانى جانە تاسقىن جۇرگىزۋ ءوڭىرىن، تاسقىن بوگەۋ ءوڭىرىن قالدىرىپ، سۋ ىعىستىرۋ قۇبىر تورى سياقتى نەگىزدىك قۇرىلعىلاردى جاڭالاپ، قالانىڭ جۇمىس اينالىمىن قامتاماسىز ەتۋ قابىلەتىن جوعارىلاتۋ كەرەك.

　　شي جينپيڭ تۇرعىن دۇڭ ساييىڭنىڭ ۇيىنە بارىپ، وعان امانداسىپ، حال سۇراپ، تاسقىن سۋ دەڭگەيى، شۇعىل جاعدايعا توتەپ بەرۋ بويىنشا قونىستانۋ، ءۇي جيھازدارىن، ءۇي ەلەكتر جابدىقتارىن جاڭالاۋ، جىلۋمەن قامداۋ، قاتىستى كومەك قاراجات سياقتى جاعدايلاردى ەگجەي - تەگجەيلى سۇراستىردى. دۇڭ ساييىڭ باس شۋجيگە: ”پارتيا مۇشەلەرىنىڭ، كادرلاردىڭ كومەگىندە ءۇيدى تازالاۋ، جوندەۋ جۇمىستارى اياقتادى ءارى كوشىپ كىردىك، قىستان جىلى وتۋدە ماسەلە جوق“، - دەدى. شي جينپيڭ بىلاي دەپ باسا دارىپتەدى: قالانى اپاتتان كەيىن قالپىنا كەلتىرۋدە، قايتا قۇرۋدا ماڭداي الدى ءىس − وتباسىلاردىڭ تۇرمىسىن جانە الەۋمەتتىك اۋماقتاردىڭ قونىس ورتاسىن قالپىنا كەلتىرۋ. ولقىلىقتى تەكسەرىپ، كەم - كەتىكتى تولىقتاپ، قىزمەتتى اناعۇرلىم ەگجەي - تەگجەيلى، ناقتى ىستەۋ، نەگىزگى ساتى ۇيىمدارى، پارتيا مۇشەلەرى، كادرلار، كورشى - قولاڭدار، ءار جاقتاعى كاسىپتىك كۇشتەر جانە ەرىكتىلەر بىرگە قۇلشىنۋى كەرەك.

　　شاعىن اۋماقتان اتتاناردا شي جينپيڭ شاعىن اۋماقتاعى تۇرعىندارمەن ىستىق ىقىلاسپەن پىكىر اۋىستىردى. شي جينپيڭ كوپشىلىككە بىلاي دەدى: جوجوۋدىڭ بۇل جولعى اپات جاعدايى توتەنشە اۋىر بولدى، سول كەزدە مەن ءار كۇنى سىزدەردىڭ وسى ارانىڭ جاعدايىنا نازار اۋدارىپ، كوپشىلىكتىڭ قامىن جەۋمەن بولدىم، بۇگىن قالا اكىمشىلىك الەۋمەتتىك قىزمەت وتەۋ قۇرىلعىلارىنىڭ قالىپتى جۇمىس جۇرگىزۋدى قالپىنا كەلتىرگەندىگىن، كوپشىلىكتىڭ تۇرمىسىنىڭ دا نەگىزىنەن قالپىنا كەلگەندىگىن كورىپ، كوڭىلىم نەداۋىر جاي تاپتى. جاۋىن - شاشىننان كەيىن كۇن كۇلىمدەيتىن بولادى. پارتيا ورتالىق كوميتەتىنىڭ پارمەندى باسشىلىعىندا، كوپشىلىك ءبىر نيەتپەن سەلبەسسە بولعانى، ءسوز جوق، اناعۇرلىم تاماشا تۇرمىسقا كەنەلە الادى، 2 - توپتاعى نەگىزگى تاقىرىپتىق تاربيە ىشكەرىلەي ورىستەتىلۋدە، اپات تۋىلعان وڭىرلەردەگى ءار دارەجەلى پارتيا ۇيىمدارى نەگىزگى تاقىرىپتىق تاربيەنى اپاتتان كەيىنگى قالپىنا كەلتىرۋمەن، قايتا قۇرۋمەن تىعىز ۇشتاستىرىپ، تاسقىنعا قارسى اتتانىپ، اپاتتان قۇتقارۋ رۋحىن بار كۇشپەن اسقاقتاتىپ، نەگىزگى ساتى پارتيا ۇيىمدارىنىڭ جاۋىنگەر قورعاندىق رولى مەن پارتيا مۇشەلەرىنىڭ، كادرلاردىڭ اۆانگاردتىق، ۇلگىلىك رولىن تولىق ساۋلەلەندىرىپ، قالپىنا كەلتىرۋدىڭ، قايتا قۇرۋدىڭ جەتىستىكتەرى جانە حالىق بۇقاراسىنىڭ رازى بولۋ دارەجەسى ارقىلى نەگىزگى تاقىرىپتىق تاربيەنىڭ ونىمدىلىگىن سىننان وتكىزۋ كەرەك.

　　دياۋ - ۋو قالاشىعىنىڭ ۋانچۋانجۋاڭ قىستاعى لانگوۋۋا تاسقىن ىركۋ وڭىرىنە ورنالاسقان، بيىلعى تاسقىن مەزگىلىندە بۇكىل قىستاقتاعى 311 وتباسى تۇگەلدەي اپاتقا ۇشىرادى. شي جينپيڭ قىستاق جولى، ءۇي سياقتىلاردى قالپىنا كەلتىرۋ، قايتا سالۋ جاعدايىن ەگجەي - تەگجەيلى كوردى. ول ۇيلەر قايتا سالىنىپ جاتقان جۇمىس باسىنا بارىپ، اپات زيانى، قۇرىلىستىڭ اياق الىسى، وتپەلى كەزەڭدە ءۇيدى جالعا الۋ سياقتى جاعدايلاردى سۇراستىرىپ، ولاردى جۇدىرىقتاي جۇمىلىپ، قيىندىقتاردى بىرگە ەڭسەرىپ، بەرەكەلى دە كورىكتى اۋىل - قىستاقتى قايتا قۇرۋعا شابىتتاندىردى.

　　قىستاق تۇرعىنى ياڭ پەيران ءۇيى جەڭىل بۇلىنگەندىكتەن بەكەمدەلىپ، جوندەلىپ بولعان سوڭ كوشىپ كىرگەن ەدى. شي جينپيڭ ياڭ پەيراننىڭ ۇيىنە بارىپ، ولاردىڭ وتباسى كىرىسى، جوندەۋ قاراجاتى، ءوندىرىستى قالپىنا كەلتىرۋى سياقتى جاعدايلارىن ۇعىستى. شي جينپيڭ بىلاي دەپ اتاپ كورسەتتى: ۇيلەردى جوندەۋ، بەكەمدەۋ، قايتا سالۋ − اپاتتان كەيىنگى قالپىنا كەلتىرۋدەگى، قايتا قۇرۋداعى ماڭداي الدى ءىرى ءىس. قازىرگى جاعدايدان قاراعاندا، جوندەۋ، بەكەمدەۋ مىندەتى نەگىزىنەن ورىندالىپ بولىپتى، مىندەتى ەڭ اۋىرى، ەڭ قيىنى جانە دە قايتا قۇرۋ. ءۇيىن قايتا سالاتىن وتباسىلارىنا ءار دارەجەلى پارتكومدار مەن ۇكىمەتتەر ايرىقشا كوڭىل ءبولىپ، وتپەلى مەزگىلدە ەرەكشە قيىنشىلىعى بار، وزدەرى قونىستانۋ ماسەلەسىن شەشە الماعانداردى لايىقتى ورنالاستىرۋى كەرەك. شىنايى ءونىمدى شارالار قولدانىپ، اپات سەبەبىنەن قايتا كەدەيلەسۋدەن ساقتانۋ كەرەك.

　　اتتاناردا قىستاق تۇرعىندارى كوتەرىڭكى داۋىسپەن باس شۋجيگە قوش ايتتى. شي جينپيڭ كوپشىلىككە بىلاي دەدى: تاريحتا سيرەك كەزدەسەتىن تاسقىن اپاتى الدىندا اۋىلداستار وتە زور زيانعا ۇشىرادى، مەن كوپشىلىكتەن حال سۇرايمىن! ءار دارەجەلى پارتكومدار مەن ۇكىمەتتەر كوپ جاقتى شارا قولدانىپ، اپاتتان كەيىنگى قالپىنا كەلتىرۋدى، قايتا قۇرۋدى تىڭعىلىقتى ىلگەرىلەتۋدە. اۋىلداستاردىڭ ءوز كۇشتەرىنە سۇيەنىپ ءومىر ءسۇرىپ، قاجىرلىلىقپەن كۇرەس جۇرگىزىپ، وزدەرىنىڭ ەڭبەكشىل قوس قولدارىمەن قالپىنا كەلتىرۋدى، قايتا قۇرۋدى جەدەلدەتىپ، اۋىل - قىستاقتى گۇلدەندىرۋدى ىلگەرىلەتۋىن ءۇمىت ەتەمىن.

　　شي جينپيڭ تاعى قىستاق شەتىندەگى ەگىس اتىزىنا بارىپ، دۇمبە ءبيداي مەن كۇزدىك بايسايدىڭ ءوسۋ جاعدايىن كوردى. ول بىلاي دەپ اتاپ كورسەتتى: اۋىل شارۋاشىلىق ءوندىرىسى − اپاتتان كەيىنگى قالپىنا كەلتىرۋدىڭ، قايتا قۇرۋدىڭ ماڭىزدى جاعى، ول وتباسىلاردىڭ كىرىسىنە تىكەلەي قاتىستى بولىپ عانا قويماي، مەملەكەتتىڭ استىق حاۋىپسىزدىگىنە دە سايادى. اپاتتا ويراندالعان اتىزدار مەن اۋىل شارۋاشىلىق قۇرىلعىلارىن قالپىنا كەلتىرۋدى ۇزدىكسىز مىقتى يگەرىپ، اۋىل شارۋاشىلىق ءوندىرىس ماتەريالدارىمەن قامداۋدى قامتاماسىز ەتۋ تەبىنىن ارتتىرىپ، اۋىل شارۋاشىلىعىنا تەحنيكالىق جاقتان جەتەكشىلىك ەتۋدى كۇشەيتىپ، بيىل قىس پەن كەلەر جىلعى كوكتەمدەگى اۋىل شارۋاشىلىق ءوندىرىسىن ۇيىمداستىرىپ، ورنالاستىرىپ، كەلەر جىلى جاقسى ءونىم الۋعا قۇلشىنۋ كەرەك.

　　بايگوۋحى وزەنى − داچيڭحى وزەنى الابىنداعى تاسقىن اعاتىن نەگىزگى وزەن ارناسى ەسەپتەلەدى. شي جينپيڭ بايگوۋحى وزەنىن وڭاۋ ينجەنەرياسىنا (جوجوۋ بولىگى) كەلىپ، ينجەنەريانىڭ اياق الىسىن كورىپ، حىبەي ولكەسىنىڭ اپاتتان كەيىنگى قايتا قۇرۋ جاعىنداعى كەلەلى سۋ يگىلىگى ينجەنەريالارىنىڭ جاعدايى جونىندەگى مالىمەتىن تىڭدادى. شي جينپيڭ بىلاي دەپ اتاپ كورسەتتى: بەيجيڭ − تيانجين − حىبەيدىڭ سۋ جۇيەسى تۇتاسقان، تاسقىننان ساقتانۋ، تاسقىنعا قارسى اتتانۋ − ءبىر تۇتاس جۇيە، بەيجيڭ − تيانجين − حىبەي ءوڭىرىنىڭ تاسقىننان ساقتانۋ ينجەنەريا جۇيەسى قۇرىلىسىن ىشكەرىلەي زەرتتەۋ، ىلگەرىلەتۋ كەرەك. جۇيە كوزقاراسىنا تاباندى بولىپ، الاپ پەن ءوڭىردى ءبىر تۇتاس جوسپارلاپ، جوعارعى، تومەنگى اعىنداردىڭ، وڭ - سول جاعالاۋلاردىڭ، نەگىزگى، تارماق اعىنداردىڭ قاتىناسىن ويداعىداي ءبىر جاقتى ەتىپ، سۋ قويماسى، وزەن ارناسى، توسپا، تاسقىن ىركۋ ءوڭىرى سياقتى فۋنكسيالىق قۇرىلىستاردى عىلمي ورنالاستىرىپ، بەيجيڭ − تيانجين − حىبەي ءوڭىرىنىڭ تاسقىننان ساقتانۋ قابىلەتىن جالپى تۇلعالىق جاقتان جوعارىلاتۋ كەرەك.

　　توسپا باسىندا شي جينپيڭ سۋ يگىلىگى ينجەنەريا قۇرىلىسشىلارى مەن كەزىندە جوجوۋداعى تاسقىنعا قارسى اتتانىپ، قۇتقارۋ - كومەكتەسۋگە ات سالىسقان ازاتتىق ارميا مەن قارۋلى ساقشى بولىمدەرىنىڭ وفيتسەر - اسكەرلەرىنىڭ، حالىق جاساقتارىنىڭ، زاپاستاعىلاردىڭ، ءورت ءسوندىرۋ، قۇتقارۋ - كومەكتەسۋ قوسىنى سياقتى جاقتاردىڭ ۋاكىلدەرىنە شىن ىقىلاسپەن امانداسىپ، ولاردان حال سۇرادى. ول بىلاي دەدى: وسى رەتكى تاسقىنعا قارسى اتتانىپ، اپاتتان قۇتقارۋدا ءار جاقتاعى كۇشتەر قالىڭ حالىق بۇقاراسىمەن جاپا - ماشاقاتتا بىرگە بولىپ، تاسقىننان ساقتانۋدىڭ، اپاتتان قۇتقارۋدىڭ، مەكەندى قورعاۋدىڭ بەرىك قورعانىس شەبىن بىرگە قۇرىپ، پارتيامىز بەن مەملەكەتىمىزدىڭ قۇدىرەتتى ساياسي ابزالدىلىعىن تولىق ايگىلەدى. حالىق بۇقاراسى سىزدەرگە العىس ايتادى، پارتيا مەن ۇكىمەت سىزدەرگە العىس ايتادى!

　　بەيجيڭگە قايتۋدىڭ الدىندا، شي جينپيڭ ساپارلاستارىنا جانە جەرگىلىكتى كادرلارعا بىلاي دەدى: پارتيا ورتالىق كوميتەتىنىڭ دۇرىس شەشىم جاساۋى مەن ورنالاستىرۋىندا، ءار دارەجەلى، ءار جاق پارمەندى، ءونىمدى شارالار قولدانىپ، 100 جىلدا ءبىر كەزىگەتىن تاسقىن اپاتىنىڭ زيانىن ەڭ تومەنگى شەككە ءتۇسىردى. اپاتتان كەيىنگى قالپىنا كەلتىرۋدىڭ، قايتا قۇرۋدىڭ ساياتىن اۋماعى كەڭ، ينجەنەريا نىساندارى كوپ، قارجى ۇسىنىلىمى زور بولدى. تاياۋدا ورتالىق اپاتتان كەيىنگى قالپىنا كەلتىرۋ، قايتا قۇرۋدى قولداۋ جانە اپاتتان ساقتانۋ، اپات زيانىن ازايتۋ، اپاتتان قۇتقارۋ قابىلەتىن جوعارىلاتۋ نىسان قۇرىلىستارىنا ىستەتۋ ءۇشىن ءبىر تريلليون يۋان ۇستەمە زايوم تاراتۋدى ۇيعاردى. ءار دارەجەلى پارتكومدار مەن ۇكىمەتتەر، قاتىستى تاراۋلار شىندىققا جۇگىنىپ، ناقتى ءىس ىستەۋگە، عىلمي جوبالاۋعا، ۇيلەسىمدى ورنالاستىرۋعا تاباندى بولىپ، قارجىنى ەڭ قاجەتتى جەرگە جۇمساپ، نىسان قۇرىلىسىن جوعارى ساپامەن ىلگەرىلەتىپ، ءتۇرلى ينجەنەريالاردى حالىق تىلەگى ينجەنەرياسى، ساپالى ينجەنەريا، پاكتىك ينجەنەرياسى ەتىپ سالۋى كەرەك.

　　جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت كەڭسەسىنىڭ مەڭگەرۋشىسى ساي چي قىزمەت تەكسەرۋدە بىرگە بولدى.

　　حى ۋيدۇڭ قاتىستى قيمىلدارعا قاتىناستى، ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار قىزمەت تەكسەرۋدە بىرگە بولدى.