ساي چي، لي شي كەزدەسۋگە قاتىناستى
11 - ايدىڭ 6 - كۇنى پارتيا مەن مەملەكەت باسشىلارىنان شي جينپيڭ، ساي چي، لي شي قاتارلىلار بەيجيڭ حالىق سارايىندا مەملەكەتتىك ”فىڭچياۋ ۇلگىسىندەگى قىزمەت ءادىسى“ تىزىمدىگىنە ەنگىزىلگەن ورىنداردىڭ ۋاكىلدەرىمەن كەزدەستى. سۋرەتتە: شي جينپيڭ ۋاكىلدەرگە قول بۇلعاپ، قۇرمەت بىلدىرۋدە.
□ سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن
شينحۋا اگەنتتىگىنىڭ 11 - ايدىڭ 6 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 11 - ايدىڭ 6 - كۇنى تۇستەن بۇرىن بەيجيڭ حالىق سارايىندا مەملەكەتتىك ”فىڭچياۋ ۇلگىسىندەگى قىزمەت ءادىسى“ تىزىمدىگىنە ەنگىزىلگەن ورىنداردىڭ ۋاكىلدەرىمەن شىن ىقىلاسپەن كەزدەسىپ، ولاردان شىنايى حال سۇرادى جانە قىزۋ قۇتتىقتادى، ولاردى كۇش ۇستىنە كۇش قوسىپ، جاڭا داۋىردەگى ”فىڭچياۋ تاجىريبەسىنە“ تاباندى بولىپ جانە ونى ويداعىداي دامىتىپ، اناعۇرلىم جوعارى دەڭگەيدەگى تىنىش جۇڭگو قۇرىلىسىن ىلگەرىلەتۋگە تىڭ دا اناعۇرلىم زور ۇلەس قوسۋعا شابىتتاندىردى.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت كەڭسەسىنىڭ مەڭگەرۋشىسى ساي چي، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق ءتارتىپ تەكسەرۋ كوميتەتىنىڭ شۋجيى لي شي كەزدەسۋگە قاتىناستى.
تۇستەن بۇرىن ساعات 10نان 30 مينۋت وتكەندە شي جينپيڭ قاتارلىلار حالىق سارايىنىڭ شىعىس زالىنا كەلگەندە، بۇكىل زالدان قىزۋ شاپالاق ءۇنى كوتەرىلدى. شي جينپيڭ قاتارلىلار ۋاكىلدەرگە قول بۇلعاپ قۇرمەت ءبىلدىرىپ، كوپشىلىكپەن ىقىلاستى تۇردە اڭگىمەلەستى ءارى توپتىق ەستەلىك سۋرەتكە ءتۇستى.
چىن ۋىنچيڭ، ۋاڭ شياۋحۇڭ، ۋ جىڭلۇڭ، جاڭ جۇن، يىڭ يۇڭ كەزدەسۋگە قاتىناستى.
پارتيا 18 - قۇرىلتايىنان بەرى باس شۋجي شي جينپيڭ جاڭا داۋىردەگى ”فىڭچياۋ تاجىريبەسىنە“ تاباندى بولۋ جانە ونى دامىتۋ جونىندە ءبىر قىدىرۋ ماڭىزدى نۇسقاۋ بەردى، جەر - جەر باس شۋجي شي جينپيڭنىڭ ماڭىزدى نۇسقاۋلارىنىڭ رۋحىن مۇقيات دايەكتىلەندىرىپ، تياناقتاندىرىپ، بۇقاراعا تىعىز ارقا سۇيەي وتىرىپ ىزدەنىس جاساپ جاڭالىق اشىپ، جۇڭگو ۇلگىسىندەگى وسىزامانداندىرۋ قۇرىلىسىنا حاۋىپسىز، ورنىقتى قوعامدىق ورتا ازىرلەۋگە قۇلشىندى. ورتالىق ساياسي - زاڭ كوميتەتى بۇكىل ەل كولەمىندە 104 ”فىڭچياۋ ۇلگىسىندەگى قىزمەت ءادىسى“ ورنىن تاڭداپ شىقتى.
