جۇڭگوشا سوتسياليستىك ايەلدەر ىستەرىن دامىتۋ جولىمەن بۇلجىماي ءجۇرىپ، قالىڭ ايەلدەردى جۇڭگو ۇلگىسىندەگى وسىزامانداندىرۋ قۇرىلىسىنا جەلەكتىلەر كۇشىن قوسۋعا ۇيىمداستىرۋ، جۇمىلدىرۋ كەرەك

شي جينپيڭ مەملەكەتتىك ايەلدەر بىرلەستىگى جاڭا كەزەكتى باسشىلىق القاسىنىڭ مۇشەلەرىمەن توپتىق اڭگىمەلەسكەندە بىلاي دەپ باسا دارىپتەدى

　　جۇڭگوشا سوتسياليستىك ايەلدەر ىستەرىن دامىتۋ جولىمەن بۇلجىماي ءجۇرىپ، قالىڭ ايەلدەردى جۇڭگو ۇلگىسىندەگى وسىزامانداندىرۋ قۇرىلىسىنا جەلەكتىلەر كۇشىن قوسۋعا ۇيىمداستىرۋ، جۇمىلدىرۋ كەرەك

　　ساي چي قاتىناستى

　　10 - ايدىڭ 30 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جۇڭنانحايدا مەملەكەتتىك ايەلدەر بىرلەستىگىنىڭ جاڭا كەزەكتى باسشىلىق القاسىنىڭ مۇشەلەرىمەن توپتىق اڭگىمەلەستى ءارى ماڭىزدى ءسوز سويلەدى.

　　 سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن

　　شينحۋا اگەنتتىگىنىڭ 10 - ايدىڭ 30 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 10 - ايدىڭ 30 - كۇنى تۇستەن كەيىن جۇڭنانحايدا مەملەكەتتىك ايەلدەر بىرلەستىگىنىڭ جاڭا كەزەكتى باسشىلىق القاسىنىڭ مۇشەلەرىمەن توپتىق اڭگىمەلەستى ءارى ماڭىزدى ءسوز سويلەدى. شي جينپيڭ بىلاي دەپ باسا دارىپتەدى: جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋ جالپى حالىقتىڭ ىنتىماقتاسا كۇرەس جاساۋىن قاجەت ەتەدى، مۇندا ايەلدەردىڭ رولىن ەشكىم اتقارا المايدى. جۇڭگوشا سوتسياليستىك ايەلدەر ىستەرىن دامىتۋ جولىمەن بۇلجىماي ءجۇرىپ، قالىڭ ايەلدەردى ءوزىن قادىرلەپ، وزىنە سەنىپ، ءوز كۇشىنە سۇيەنىپ، ءوزىن الۋەتتەندىرىپ، جاڭا جورىقتا ەكپىندەي ىلگەرىلەپ، جاڭا داۋىردە ۇلەس قوسىپ، جۇڭگو ۇلگىسىندەگى وسىزامانداندىرۋ قۇرىلىسىنا جەلەكتىلەردىڭ اقىل - پاراساتى مەن كۇش - قۋاتىن ارناۋعا شابىتتاندىرۋ كەرەك.

　　جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ساي چي توپتىق اڭگىمەلەسۋگە قاتىناستى.

　　شي جينپيڭ الدىمەن مىنالاردى ءبىلدىردى: پارتيا 18 - قۇرىلتايىنان بەرى پارتيا ورتالىق كوميتەتى ايەلدەر قىزمەتىنە باسشىلىقتى جاپپاي كۇشەيتىپ، ايەلدەر بىرلەستىگى رەفورماسىن ىلگەرىلەتىپ، ايەلدەردىڭ ۇقىق - مۇددەسىن قامتاماسىزداندىرۋ زاڭمەن باسقارۋ جۇيەسىن ۇزدىكسىز اقاۋسىزداندىرىپ، ايەلدەر دامۋ ورتاسىن ءۇرتىس ساپالىلاندىرىپ، ايەلدەر ىستەرىن ىلگەرىلەتۋدە تاريحي سيپاتتى تابىسقا قول جەتكىزدى. وتكەن 5 جىلدا ءار دارەجەلى ايەلدەر بىرلەستىگى ۇيىمدارى پارتيا ورتالىق كوميتەتىنىڭ شەشىمدەرىن، ورنالاستىرۋلارىن مۇقيات دايەكتىلەندىرىپ، تياناقتاندىرىپ، جەتەكشىلىك ەتۋ، قىزمەت وتەۋ، بايلانىس جاساۋ قىزمەت جاۋاپكەرشىلىگىن شىنايى اتقارىپ، قالىڭ ايەلدەردى جوعارى ساپالى دامۋدى ىلگەرىلەتۋ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزۋ، كەدەيلىكتەن ارىلتۋدان قامال الۋ شەشۋشى شايقاسىن جۇرگىزۋ، جاڭا تيپتى ايدارشا ۆيرۋس ىندەتىنە قارسى اتتانۋ، عىلىم - تەحنيكادا جاڭالىق اشۋ، اۋىل - قىستاقتى گۇلدەندىرۋ سياقتى نەگىزگى شايقاس مايداندارىندا ەرلىكپەن شايقاس جۇرگىزۋگە جۇمىلدىرىپ، ۇيىمداستىرىپ، وتباسى، وتباسى تاربيەسى، وتباسى ستيلى قۇرىلىسىن جاسامپازدىقپەن ىلگەرىلەتىپ، ۇقىقتى قورعاۋدى، قامقورلىق جاساۋدى، قىزمەت وتەۋدى دەن قويا، سۇيىسپەنشىلىكپەن ويداعىداي ىستەپ، ايەلدەر بىرلەستىگى رەفورماسىن ءۇرتىس تەرەڭدەتتى، ساياسي سيپاتى، العاباسارلىق سيپاتى، بۇقارالىق سيپاتى ۇزدىكسىز كۇشەيىپ، كوپىرلىك، دانەكەرلىك رولىن ونان ارى ساۋلەلەندىردى. پارتيا ورتالىق كوميتەتى ايەلدەر بىرلەستىگى قىزمەتىن تولىق تۇراقتاندىرادى، مەملەكەتتىك ايەلدەر بىرلەستىگىنىڭ جاڭا كەزەكتى باسشىلىق القاسىنا ىقىلاستى ءۇمىت ارتادى.

　　شي جينپيڭ بىلاي دەپ باسا دارىپتەدى: ايەلدەر ىستەرى مەن ايەلدەر بىرلەستىگى قىزمەتىندە دۇرىس ساياسي بەتالىسقا باستان - اياق تاباندى بولىپ، پارتيامەن نيەتتەس، ساپارلاس بولۋ كەرەك. پارتيانىڭ جاپپاي باسشىلىعىنا تاباندى بولىپ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، پارتيا ورتالىق كوميتەتىمەن باستان - اياق وسكەلەڭ ءبىر اۋىزدىلىقتى ساقتاۋ كەرەك. ساياسي جاقتاعى سەرگەكتىكتى جانە تاباندىلىقتى باستان - اياق ساقتاپ، ەلىمىزدىڭ ايەلدەر ىستەرىنىڭ ساياسي سيپاتى مەن ايەلدەر بىرلەستىگى ۇيىمىنىڭ ساياسي ورنىن مىقتاپ يگەرىپ، ايەلدەرگە يدەيالىق - ساياسي جاقتان جەتەكشىلىك ەتۋدى كۇشەيتىپ، جاڭا داۋىردەگى جۇڭگوشا سوتسياليزم يدەياسىمەن زەيىن - زەردەنى ۇيىستىرىپ، رۋحتى سومداۋعا قاجىماي - تالماي تاباندى بولىپ، قالىڭ ايەلدەردى بۇلجىماي پارتيانىڭ ۇنىنە قۇلاق اسۋعا، پارتياعا ىلەسۋگە جەتەكتەۋ كەرەك.

　　شي جينپيڭ بىلاي دەپ اتاپ كورسەتتى: پارتيا 20 - قۇرىلتايىنىڭ ستراتەگيالىق ورنالاستىرۋلارىن دايەكتىلەندىرۋدى، تياناقتاندىرۋدى تىعىز ارقاۋ ەتە وتىرىپ، قىزمەتتىڭ كۇش سالۋ ءتۇيىنىن ءدال تاۋىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن ايەلدەر بىرلەستىگى قىزمەتىنىڭ ناقتى مىندەتىنە اينالدىرۋ كەرەك. قالىڭ ايەلدەردى جاڭا دامۋ ۇستانىمىن دايەكتىلەندىرۋ، جاڭا دامۋ ارناسىن قالىپتاستىرۋ، جوعارى ساپالى دامۋدى ىلگەرىلەتۋ، جوعارى دەڭگەيلى عىلىم - تەحنيكادا ءوز كۇشىنە سۇيەنۋدى، ءوزىن الۋەتتەندىرۋدى جۇزەگە اسىرۋ، اۋىل - قىستاقتى گۇلدەندىرۋدى جاپپاي ىلگەرىلەتۋ بارىسىندا وزىندىك باسىمدىعى مەن بەلسەندى رولىن ساۋلەلەندىرۋگە شابىتتاندىرۋ كەرەك.

　　شي جينپيڭ بىلاي دەپ باسا دارىپتەدى: وتباسى تاتۋ - ءتاتتى، وتباسى تاربيەسى تاماشا، وتباسى ستيلى دۇرىس بولعاندا عانا، پەرزەنتتەر اقاۋسىز ەسەيىپ - ەرجەتەدى، قوعام اقاۋسىز داميدى. ايەلدەر قىزمەتىن ويداعىداي ىستەۋ ايەلدەردىڭ وزىندىك دامۋىنا قاتىستى بولىپ عانا قويماي، ونىڭ ۇستىنە وتباسىنىڭ تاتۋ - ءتاتتى، قوعامنىڭ جاراسىمدى بولۋىنا دا، مەملەكەتتىڭ دامۋىنا، ۇلتتىڭ العا باسۋىنا دا قاتىستى، وتباسى ستيلى حيكاياسىن ويداعىداي بايانداپ، قالىڭ ايەلدەردى جۇڭحۋا ۇلتىنىڭ ءداستۇرلى تاماشا ءمورالىن اسقاقتاتۋ، تاماشا وتباسى ستيلىن ورناتۋ جاقتارىنداعى وزگەشە رولىن ساۋلەلەندىرىپ، وتباسى وركەنيەتىنىڭ جاڭا سالتىن قالىپتاستىرۋعا جەتەكتەۋ كەرەك. جاڭاشا ۇيلەنۋ جانە بالالى بولۋ مادەنيەتىن بەلسەنە جەتىلدىرىپ، جاستارعا ۇيلەنۋ جانە ماحاببات كوزقاراسى، تۋىت كوزقاراسى، وتباسى كوزقاراسى جونىندەگى جەتەكشىلىكتى كۇشەيتىپ، تۋىتتى قولداۋ ساياساتىن كەمەلدەندىرۋدى جانە تياناقتاندىرۋدى جەبەپ، جان سانىنىڭ دامۋ ساپاسىن جوعارىلاتىپ، جان سانىنىڭ قارتتانۋىنا بەلسەنە توتەپ بەرۋ كەرەك.

　　شي جينپيڭ بىلاي دەپ اتاپ كورسەتتى: ايەلدەر مەن بالالاردىڭ زاڭدى ۇقىق - مۇددەسىن قامتاماسىزداندىرۋ، ەر - ايەل تەڭدىگىن جانە ايەلدەر مەن بالالاردىڭ جان - جاقتى دامۋىن جەبەۋ − جۇڭگو ۇلگىسىندەگى وسىزامانداندىرۋدىڭ ماڭىزدى مازمۇنى. ءار دارەجەلى ايەلدەر بىرلەستىگى ۇيىمدارى بەلسەندى، ىرىقتى تۇردە ىسكەرلىك كورسەتىپ، ايەلدەر مەن بالالاردىڭ ۇقىق - مۇددەسىنە ىقپال كورسەتەتىن جانە زيان جەتكىزەتىن كورنەكتى ماسەلەلەردى شەشۋدى كۇش سالا ىلگەرىلەتۋى كەرەك. تومەن كىرىستى ايەلدەر، ەگدە ايەلدەر، مۇگەدەك ايەلدەر سياقتى قيىنشىلىعى بار ايەلدەرگە قامقورلىق جاساپ، كومەكتەسىپ - سۇيەمەلدەپ، قاتىستى تاراۋلارعا سايكەسىپ جىلجىمالى تۇرعىنداردىڭ بالالارىنا، ۇيدە قالعان بالالارعا قامقورلىق جاساۋدى، قىزمەت وتەۋدى ويداعىداي ىستەۋ كەرەك. ايەلدەر مەن بالالاردىڭ ۇقىق - مۇددەسىن قورعاۋ قىزمەتىن جايشىلىقتا دا جاقسى ىستەۋ، ۇنەمى مىقتى يگەرۋ، نەگىزگى ساتىلاردا تياناقتاندىرۋ كەرەك.

　　شي جينپيڭ بىلاي دەپ باسا دارىپتەدى: ايەلدەر بىرلەستىگى − پارتيا مەن ۇكىمەتتىڭ ايەلدەر قاۋىمىمەن بايلانىس جاسايتىن كوپىرى، دانەكەرى. ساياسي سيپاتتى، العاباسارلىق سيپاتتى، بۇقارالىق سيپاتتى ساقتاۋدى جانە كۇشەيتۋدى ارقاۋ ەتە وتىرىپ، ايەلدەر بىرلەستىگى ۇيىمى رەفورماسىن ۇزدىكسىز تەرەڭدەتىپ، ولقىلىقتاردى تولىقتاۋعا، ءالسىز تۇستاردى كۇشەيتۋگە، نەگىز قالاۋعا، ومىرشەڭدىك كۇشتى ارتتىرۋعا كۇش سالىپ، ايەلدەر بىرلەستىگىندە پارتيانىڭ ءتۇرلى قۇرىلىسىن جاپپاي كۇشەيتۋ كەرەك. نەگىزگى ساتىنى جاپپاي يگەرۋ سىندى ايقىن بەتالىس ورناتىپ، تەكسەرۋ - زەرتتەۋدى تەرەڭدەتىپ، نەگىزگى ساتىداعى ايەلدەردىڭ وي - ارماندارىن جانە ايەلدەر قىزمەتىنىڭ قاجەت - سۇرانىسىن ۇعىسىپ، بايلىق پەن قىزمەت وتەۋدى نەگىزگى ساتىعا اناعۇرلىم كوپ بەيىمدەۋدى ىلگەرىلەتۋ كەرەك. جاڭا ەكونوميكالىق ۇيىم، جاڭا قوعامدىق ۇيىم، تىڭنان جۇمىستانعان قاۋىم سياقتى جاڭا سالالاردا ايەلدەر بىرلەستىگى ۇيىمىن قۇرۋ تەبىنىن ارتتىرىپ، تۇگەل قامتۋدى جۇزەگە اسىرىپ، ينتەرنەت بۇقارالىق لۋشيانىمەن ويداعىداي ءجۇرىپ، پارتيانىڭ بيلىك جۇرگىزۋدەگى ايەلدەر قاۋىمى نەگىزىن بەكەمدەۋ كەرەك. جوعارى ساپالى، ماماندانعان ايەلدەر بىرلەستىگى كادرلارى قوسىنى قۇرىلىسىن كۇشەيتىپ، ايەلدەر ىستەرىنىڭ جوعارى ساپالى دامۋىن ىلگەرىلەتۋ، قالىڭ ايەلدەر قاۋىمىنا قىزمەت وتەۋ، ايەلدەر سالاسىنداعى حاۋىپ - قاتەرلەردەن ساقتانۋ جانە ونى جويۋ قابىلەتىن ۇزدىكسىز كۇشەيتۋ كەرەك.

　　شي جينپيڭ بىلاي دەپ اتاپ كورسەتتى: ءار دارەجەلى پارتكومدار پارتيا ايەلدەر قىزمەتىن باسقارۋ پرينسيبىنە تاباندى بولىپ، ەر - ايەل تەڭدىگى سىندى نەگىزگى مەملەكەت ساياساتىن دايەكتىلەندىرىپ، ايەلدەر بىرلەستىگى قىزمەتىنە باسشىلىقتى كۇشەيتىپ، ايەلدەر بىرلەستىگى قىزمەتىندەگى ماڭىزدى ماسەلەلەردى دەر كەزىندە اقىلداسىپ شەشىپ، ايەلدەر بىرلەستىگى ۇيىمدارىنىڭ قىزمەت ورىستەتۋىنە قولداۋ كورسەتۋى، شارت - جاعداي جاراتۋى كەرەك. ءار دارەجەلى ۇكىمەتتىڭ ايەلدەر مەن بالالار قىزمەت كوميتەتتەرى فۋنكتسيالىق رولىن شىنايى ساۋلەلەندىرىپ، ۇيىمداستىرۋدى، سايكەستىرۋدى جانە جەتەكشىلىك ەتۋدى، قۋزاۋ سالۋدى كۇشەيتىپ، پارتيا ورتالىق كوميتەتىنىڭ ايەلدەر مەن بالالار ىستەرىن دامىتۋ جونىندەگى ءتۇرلى شەشىمدەرىن، ورنالاستىرۋلارىن ويداعىداي تياناقتاندىرۋى كەرەك.

　　مەملەكەتتىك ايەلدەر بىرلەستىگىنىڭ ءتوراعاسى شىن يچين مەملەكەتتىك ايەلدەر بىرلەستىگىنىڭ جاڭا كەزەكتى باسشىلىق القاسى اتىنان جۇڭگو ايەلدەر 13 - قۇرىلتايىنىڭ قاتىستى جاعدايلارى مەن الداعى قىزمەت ويلارى جونىندە مالىمەت بەردى. مەملەكەتتىك ايەلدەر بىرلەستىگىنىڭ ورىنباسار ءتوراعالارى حۋاڭ شياۋۋي، مىڭ مان، ۋاڭ ياپيڭ ءسوز سويلەدى.

　　شى تايفىڭ، لي گانجيە، لي شۋلەي، چىن ۋىنچيڭ، ليۋ جينگو اڭگىمەسۋگە قاتىناستى.