10 - ايدىڭ 25 - كۇنى تۇستەن كەيىن مەملەكەت ءتوراعاسى شي جينپيڭ بەيجيڭ حالىق سارايىندا جۇڭگوعا مەملەكەتتىك ساپارمەن كەلگەن كولۋمبيا زۇڭتۇڭى پەترومەن كەڭەس وتكىزدى. سۋرەتتە: كەڭەستەن بۇرىن شي جينپيڭ حالىق سارايىنىڭ سولتۇستىك ۇلكەن زالىندا پەترونى قارسى الۋ سالتىن وتكىزۋدە.
سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن
شينحۋا اگەنتتىگىنىڭ 10 - ايدىڭ 25 - كۇنى بەيجيڭنەن بەرگەن حابارى (ءتىلشى ليۋ حۋا). 10 - ايدىڭ 25 - كۇنى تۇستەن كەيىن مەملەكەت ءتوراعاسى شي جينپيڭ حالىق سارايىندا جۇڭگوعا مەملەكەتتىك ساپارمەن كەلگەن كولۋمبيا زۇڭتۇڭى پەترومەن كەڭەس وتكىزدى. ەكى ەلدىڭ مەملەكەت باسشىلارى جۇڭگو − كولۋمبيا قارىم - قاتىناسىن ستراتەگيالىق سەرىكتەستىك قارىم - قاتىناس دەڭگەيىنە كوتەرەتىندىكتەرىن جاريالادى.
شي جينپيڭ بىلاي دەپ اتاپ كورسەتتى: جۇڭگو مەن كولۋمبيا ديپلوماتيالىق قارىم - قاتىناس ورناتقان 43 جىلدان بەرى، ەكى ەل قارىم - قاتىناسى حالىقارالىق اۋمالى - توكپەلى وزگەرىستەردىڭ سىنىنان ءوتىپ، باستان - اياق تاماشا دامۋ تەبىنىن ساقتادى. ەكى جاق ءبىر - ءبىرىنىڭ وزەكتى مۇددەسىنە ساياتىن جانە كەلەلى ءجىتى قاداعالاپ وتىرعان ماسەلەلەردە ءوزارا ءتۇسىنىسىپ جانە قولداۋ كورسەتىپ، ءار سالاداعى سەلبەستىكتى تىڭعىلىقتى ىلگەرىلەتتى، حالىقتار دوستىعى كۇن سايىن جۇرت جۇرەگىنە تەرەڭ ۇيالادى. جۇڭگو مەن كولۋمبيانىڭ ستراتەگيالىق سەرىكتەستىك قارىم - قاتىناس ورناتۋى − ەكى ەلدەگى ءار سالانىڭ ۇزاق ۋاقىت قۇلشىنۋىنىڭ ناتيجەسى، سونداي - اق ەكى جاقتىڭ ءوزارا سەنىمدىلىگى مەن سەلبەستىگىنىڭ ءساتتى بولعاندىعىنىڭ بەينەسى، ەكى جاقتىڭ ايرىقشا قاستەرلەۋىن جانە ۇزدىكسىز بايىتۋىن، دامىتۋىن قاجەت ەتەدى. جۇڭگو جاق كولۋمبيا جاقپەن بىرگە جۇڭگو − كولۋمبيا ستراتەگيالىق سەرىكتەستىك قارىم - قاتىناسىنىڭ ەكى ەل حالقىن اناعۇرلىم ويداعىداي باقىتقا كەنەلتۋىن ىلگەرىلەتىپ، دۇنيە ءجۇزىنىڭ بەيبىتشىلىگى مەن دامۋىنا وڭ ەنەرگيا ۇستەۋدى قالايدى.
شي جينپيڭ جۇڭگو ۇلگىسىندەگى وسىزامانداندىرۋدىڭ ماندىك مازمۇنىن تەرەڭدەي بايىمدادى. شي جينپيڭ بىلاي دەپ باسا دارىپتەدى: جۇڭگو كولۋمبيانىڭ ءوز ەلىنىڭ مەملەكەت جاعدايىنا ۇيلەسەتىن دامۋ جولىن دەربەس، ءوز - وزىنە قوجايىن بولا وتىرىپ قاراستىرۋىن قولدايدى، كولۋمبيانىڭ بەيبىتشىلىك اياق الىسىن قولدايدى، كولۋمبيانىڭ جالپى بەتتىك، ۇزاق ۋاقىتتىق، باياندى بەيبىتشىلىكتى ەرتەرەك جۇزەگە اسىرۋىن ءۇمىت ەتەدى، جۇڭگونىڭ جوعارى ساپالى دامۋى مەن وسىزاماندانۋ اياق الىسىنىڭ كولۋمبيانى قامتىعان دۇنيە جۇزىندەگى ەلدەرگە دامۋدىڭ جاڭا ورايىن الا كەلەتىندىگىنە سەنەدى. جۇڭگو مەن كولۋمبيا قارىم - قاتىناسى تەڭدىكتى، ءوزارا تيىمدىلىكتى، تەڭ يگىلىككە كەنەلۋدى نەگىز ەتەدى. كولۋمبيانىڭ ”ءبىر بەلدەۋ، ءبىر جولدى“ بىرگە قۇرۋ ۇلكەن شاڭىراعىنا ەرتەرەك قاتىناسىپ، بىرگە دامۋدى، گۇلدەنۋدى جۇزەگە اسىرۋىن قارسى الامىز. ەكى جاق ەكونوميكا - ساۋدا ارالاس كوميتەتى مەحانيزمىنەن ويداعىداي پايدالانىپ، ەكى جاقتى ساۋدا قۇرىلىمىن ساپالىلاندىرىپ، ينفورماتسيا، حابارلاسۋ، سيفرلى ەكونوميكا سياقتى سالالارداعى سەلبەستىكتى كۇشەيتۋى كەرەك، جۇڭگو كولۋمبيانىڭ اناعۇرلىم كوپ ەرەكشە، ساپالى ونىمدەرىنىڭ جۇڭگو بازارىنا كىرۋىنە دەم بەرەدى. كولۋمبيا جاقتىڭ جۇڭگو جاق العا قويعان الەمدىك تازا ەنەرگيا سەلبەستىك سەرىكتەستىك قارىم - قاتىناسى باستاماسىنا قاتىناسىپ، جاسىل دامۋ ورايىنان بىرگە يگىلىكتەنۋىن قارسى الادى. ەكى جاق حانزۋ ءتىلى وقىتۋى، كوركەمونەر ۇيىرمەلەرىنىڭ ءوزارا ساپاردا بولۋى، ساياحات سياقتى گۋمانيتارلىق اۋىس - كۇيىستى كۇشەيتىپ، ەسىرتكىگە تيىم سالۋ، ەل ارالىق قىلمىستارعا سوققى بەرۋ سياقتى سالالارداعى ەكى جاقتى زاڭ اتقارۋ سەلبەستىگىن كۇشەيتۋى كەرەك، كولۋمبيا جاقتىڭ كولۋمبياداعى جۇڭگو ازاماتتارىنىڭ، كاسىپورىندارىنىڭ، قۇرىلىمدارىنىڭ حاۋىپسىزدىگىن ويداعىداي قامتاماسىزداندىرۋىن ءۇمىت ەتەمىن. جۇڭگو مەن كولۋمبيا ەكەۋى دە وركەندەپ كەلە جاتقان ەلدەر، ەكى جاق حالىقارالىق ىستەردەگى بايلانىستى، سەلبەسۋدى كۇشەيتىپ، وركەندەپ كەلە جاتقان ەلدەردىڭ ورتاق مۇددەسىن جانە حالىقارالىق ادىلدىك پەن تۋراشىلدىقتى قورعاۋى كەرەك.
شي جينپيڭ كولۋمبيانىڭ لاتىن امەريكاسى مەن كارايب ەلدەرى ورتاق تۇلعاسىنىڭ 2025 - جىلعى كەزەكتى ءتوراعا ەلى مىندەتىن وتكىزىپ العاندىعىن قۇتتىقتاپ، بىلاي دەپ اتاپ كورسەتتى: جۇڭگو جاق جۇڭگو − لاتىن امەريكاسى قارىم - قاتىناسىن دامىتۋعا ايرىقشا ءمان بەرەدى، لاتىن امەريكاسى مەن كارايب ءوڭىرىنىڭ ءبىر تۇلعالانۋ اياق الىسىن بۇرىنعىداي قولدايدى، لاتىن امەريكاسىمەن بىرگە كەلەر جىلعى جۇڭگو − لاتىن امەريكاسى جانە كارايب ەلدەرى ورتاق تۇلعاسى تالقى مىنبەرى قۇرىلعاندىعىنىڭ 10 جىلدىعىن وراي ەتىپ، جاڭا داۋىردەگى جۇڭگو − لاتىن امەريكاسى قارىم - قاتىناسىنىڭ ورنىقتى قاداممەن الىسقا جەتۋىن ىلگەرىلەتۋدى قالايدى.
پەترو مىنالاردى ءبىلدىردى: اراعا تالاي جىل سالىپ جۇڭگوعا تاعى دا ساپارلاي كەلگەنىمە وتە قۋانىشتىمىن، بۇگىنگى جۇڭگو مەن دۇنيە جۇزىندە وراسان زور وزگەرىستەر تۋىلدى، جۇڭگو توڭكەرىسىنىڭ جانە قۇرىلىسىنىڭ نازارياسى مەن امالياتى ماڭىزدى وي سالۋ مانىنە يە. كولۋمبيا جاق ءتوراعا شي جينپيڭ العا قويعان ”ءبىر بەلدەۋ، ءبىر جول“ باستاماسىنا وسكەلەڭ ءمان بەرەدى. كولۋمبيا مەن جۇڭگو ستراتەگيالىق سەرىكتەستىك قارىم - قاتىناس ورناتقاننان كەيىن، كولۋمبيا جاق ءوزىنىڭ وڭىرلىك ورىن باسىمدىعى مەن دامۋ ستراتەگياسىن ”ءبىر بەلدەۋ، ءبىر جول“ باستاماسىمەن ۇشتاستىرىپ، نەگىزدىك قۇرىلعى، تازا ەنەرگيا سياقتى سالالارداعى سەلبەستىكتى كۇشەيتۋدى قالايدى، جۇڭگو كاسىپورىندارىنىڭ كولۋمبياعا كەلىپ قارجى قوسۋىن، ەكى جاقتى ساۋدا قارىم - قاتىناسىنىڭ اناعۇرلىم بىركەلكى دامۋىن ىلگەرىلەتۋىن قارسى الادى، بۇل كولۋمبيانىڭ ەل ءىشىنىڭ بەيبىتشىلىك اياق الىسىن ىلگەرىلەتۋىنە، حالىق اڭساعان بەيبىتشىلىكتى، ورنىقتىلىقتى جانە جۇمىستاندىرۋدى ارتتىرۋدى جۇزەگە اسىرۋىنا سەپتىگىن تيگىزەدى ءارى ءوڭىردىڭ جانە دۇنيە ءجۇزىنىڭ ۇلاسۋىن، تۇتاسۋىن كۇشەيتەدى. كولۋمبيا جاق جۇڭگو جاقپەن پالەستينا − يزرايل جاعدايى سياقتى ماسەلەلەر جونىندە تىلدەسۋدى ساقتاپ، سوعىستى توقتاتىپ، جاعدايدىڭ ۋشىعۋىن باسەڭدەتۋدىڭ شەشۋ جوباسىن تەز ارادا تابۋدى ىلگەرىلەتۋدى قالايدى. كولۋمبيا جاق ءتوراعا شي جينپيڭ العا قويعان الەمدىك دامۋ باستاماسىن، الەمدىك حاۋىپسىزدىك باستاماسىن، الەمدىك وركەنيەت باستاماسىن قارسى الادى، جۇڭگو جاقپەن كوپ جاقتى مەحانيزم ىشىندە بايلانىستى، ىستەستىكتى كۇشەيتۋدى قالايدى. كولۋمبيا جاق لاتىن امەريكاسى جانە كارايب ەلدەرى ورتاق تۇلعاسى − جۇڭگو تالقى مىنبەرى قۇرىلىسىن قولدايدى، 2025 - جىلى لاتىن امەريكاسى مەن كارايب ەلدەرى ورتاق تۇلعاسىنىڭ كەزەكتى ءتوراعا ەلى بولۋ ورايىنان پايدالانىپ، لاتىن امەريكاسى − جۇڭگو قارىم - قاتىناسىنىڭ ۇزدىكسىز دامۋىن بەلسەنە ىلگەرىلەتۋدى قالايدى.
كەڭەستەن كەيىن ەكى ەلدىڭ مەملەكەت باسشىلارى كاسىپ سالاسىنا قارجى قوسۋ، ساۋدا، سيفرلى ەكونوميكا، جاسىل دامۋ، اۋىل شارۋاشىلىعى، عىلىم - تەحنيكا، وقۋ - اعارتۋ، مادەنيەت، تەكسەرۋ - كارەنتيندەۋ سياقتى سالالارداعى كوپ ءتۇرلى ەكى جاقتى سەلبەستىك حۇجاتتارىنا قول قويىلۋىنا بىرگە كۋا بولدى.
ەكى جاق «جۇڭحۋا حالىق رەسپۋبليكاسى مەن كولۋمبيا رەسپۋبليكاسىنىڭ ستراتەگيالىق سەرىكتەستىك قارىم - قاتىناس ورناتۋ جونىندەگى بىرلەسكەن مالىمدەمەسىن» جاريالادى.
كەڭەستەن بۇرىن شي جينپيڭ حالىق سارايىنىڭ سولتۇستىك ۇلكەن زالىندا پەترونى قارسى الۋ سالتىن وتكىزدى.
تيان - انمىن الاڭىندا 21 رەت ساليۋت اتىلىپ، قۇرمەت قاراۋىلى قاتار تۇزەپ قۇرمەت ءبىلدىردى. ەكى ەلدىڭ مەملەكەت باسشىلارى كوزدەن كەشىرۋ مىنبەسىنە شىقتى، اسكەري وركەستر جۇڭگو مەن كولۋمبيا ەكى ەلدىڭ مەملەكەت ءانىن ورىندادى. پەترو شي جينپيڭنىڭ سەرىك بولۋىندا جۇڭگو حالىق ازاتتىق ارمياسىنىڭ قۇرمەت قاراۋىلىن كوزدەن كەشىردى ءارى سالتانات قاتارىن تاماشالادى.
سول كۇنى كەشتە شي جينپيڭ حالىق سارايىنىڭ جينسى زالىندا پەترونى قارسى الۋ قوناعاسىن وتكىزدى.
ۋاڭ ي جوعارىداعى قيمىلدارعا قاتىناستى.
