شي جينپيڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ 9 - رەتكى توپتىق ۇيرەنۋىندە بىلاي دەپ باسا دارىپتەدى
جۇڭحۋا ۇلتى ورتاق تۇلعا تانىمىن بەرىك ورناتىپ، جاڭا داۋىردەگى پارتيانىڭ ۇلت قىزمەتىنىڭ جوعارى ساپالى دامۋىن ىلگەرىلەتۋ كەرەك
شينحۋا اگەنتتىگىنىڭ 10 - ايدىڭ 28 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى 10 - ايدىڭ 27 - كۇنى تۇستەن كەيىن جۇڭحۋا ۇلتى ورتاق تۇلعا تانىمىن بەرىك ورناتۋ جونىندە 9 - رەتكى توپتىق ۇيرەنۋ وتكىزدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ۇيرەنۋدى باسقارعاندا بىلاي دەپ باسا دارىپتەدى: جۇڭحۋا ۇلتى ورتاق تۇلعا تانىمىن بەرىك ورناتۋدا ءار ۇلت حالقىن بەينەت پەن زەينەتتى بىرگە وتكەرەتىن، داڭق پەن نامىستا بىرگە بولاتىن، اششى - تۇششىنى بىرگە تاتاتىن، تاعدىرلاس بولاتىن ورتاق تۇلعا ۇستانىمىن بەرىك ورناتۋعا جەتەكتەۋ كەرەك. پارتيا 20 - قۇرىلتايىنىڭ ورنالاستىرۋلارىن جاپپاي دايەكتىلەندىرىپ، پارتيانىڭ ۇلت قىزمەتىنىڭ جاڭا كەزەڭدىك ەرەكشەلىگىن دالمە - ءدال يگەرىپ، جۇڭحۋا ۇلتى ورتاق تۇلعا تانىمىن بەرىك ورناتۋدى پارتيانىڭ ۇلت قىزمەتىنىڭ جانە ۇلتتار وڭىرلەرىنىڭ ءتۇرلى قىزمەتتەرىنىڭ نەگىزگى جەلىسى ەتىپ، پارتيانىڭ ۇلت قىزمەتىن ۇزدىكسىز كۇشەيتىپ جانە جاقسارتىپ، ۇلتتار ىنتىماعى، العاباسارلىعى ىستەرىن تىڭعىلىقتى ىلگەرىلەتىپ، جاڭا داۋىردەگى پارتيانىڭ ۇلت قىزمەتىنىڭ جوعارى ساپالى دامۋىن ىلگەرىلەتۋ كەرەك.
جۇڭگو قوعامدىق عىلىمدار اكادەمياسى ەتنولوگيا جانە ادامزات ءىلىمىن زەرتتەۋ ورنىنىڭ باستىعى ۋاڭ يانجۇڭ جولداس وسى ماسەلە جونىندە تۇسىنىك جاساپ، قىزمەت ۇسىنىسىن ورتاعا قويدى. ورتالىق كوميتەتتىڭ ساياسي بيۋروسىنداعى جولداستار ءتۇسىندىرۋدى مۇقيات تىڭدادى ءارى تالقى جۇرگىزدى.
شي جينپيڭ ءتۇسىندىرۋدى جانە تالقىنى تىڭداعاننان كەيىن ماڭىزدى ءسوز سويلەدى. ول بىلاي دەپ اتاپ كورسەتتى: ەجەلدەن بەرى، ەلىمىزدەگى ءار ۇلت حالقى كوزدىڭ جاۋىن الاتىن جۇڭحۋا وركەنيەتىن بىرگە جاراتىپ، ۇلى جۇڭحۋا ۇلتىن تۇلعالادى. پارتيامىز ەجەلدەن ۇلت ماسەلەسىنە، ۇلت قىزمەتىنە ايرىقشا ءمان بەرىپ، ۇلت قاتىناسىن دۇرىس ءبىر جاقتى ەتىپ كەلەدى. پارتيا 18 - قۇرىلتايىنان بەرى، پارتيامىز جۇڭحۋا ۇلتى ۇلى شاڭىراعى، جۇڭحۋا ۇلتى ورتاق تۇلعاسى، جۇڭحۋا ۇلتى ورتاق تۇلعا تانىمىن بەرىك ورناتۋ، جۇڭحۋا ۇلتى ورتاق تۇلعا قۇرىلىسىن ىلگەرىلەتۋ سياقتى ۇستانىمداردى باسا دارىپتەپ، جۇڭحۋا ۇلتى ورتاق تۇلعا تانىمىن بەرىك ورناتۋدى جاڭا داۋىردەگى پارتيانىڭ ۇلت قىزمەتىنىڭ نەگىزگى جەلىسى ەتۋدى، ۇلتتار وڭىرلەرىنىڭ ءتۇرلى قىزمەتتەرىنىڭ نەگىزگى جەلىسى ەتۋدى ايقىن ورتاعا قويىپ، ۇلت ماسەلەسىن شەشۋدىڭ جۇڭگوشا دۇرىس جولىن ونان ارى كەڭەيتىپ، پارتيانىڭ ۇلت قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن قالىپتاستىرىپ، ماركسيزمنىڭ ۇلت نازارياسىنىڭ جۇڭگوشالانۋ، زامانالانۋ جاڭا ءورىسىن اشىپ، پارتيانىڭ ۇلت قىزمەتىندە جاڭا تاريحي سيپاتتى تابىسقا قول جەتكىزدى.
شي جينپيڭ بىلاي دەپ باسا دارىپتەدى: پارتيا 20 - قۇرىلتايىنان كەيىن، بۇكىل ەلدەگى ءار ۇلت حالقى جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋ جاڭا جورىعىنا قادام تاستادى، پارتيانىڭ ۇلت قىزمەتى جاڭا جاعدايلار مەن مىندەتتەرگە ءدوپ كەلدى. جاپپاي سوتسياليستىك وسىزاماندانعان قۇدىرەتتى مەملەكەت قۇرۋدا بىردە - ءبىر ۇلتتى قاعىس قالدىرۋعا بولمايدى. ءبىز ۇلتتاردىڭ بىرگە ىنتىماقتاسا ەكپىندەي ىلگەرىلەۋىن بار كۇشپەن جەبەپ، مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ءۇشىن قۋاتتى كۇش ۇيىستىرۋىمىز؛ ۇلتتاردىڭ بىرگە گۇلدەنىپ - كوركەيۋىن، دامۋىن جاپپاي جۇزەگە اسىرىپ، ءار ۇلت حالقىن مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ ۇلى داڭقىنان بىرگە يگىلىكتەندىرۋىمىز كەرەك.
شي جينپيڭ بىلاي دەپ اتاپ كورسەتتى: جۇڭحۋا ۇلتى ورتاق تۇلعا تانىمىن بەرىك ورناتۋ عىلمي، كەمەلدى جۇڭحۋا ۇلتى ورتاق تۇلعا نازاريا جۇيەسىن ورناتۋدى قاجەت ەتەدى. جۇڭحۋا ۇلتىنىڭ ۇزاق تاريحىن تياناق ەتىپ، ماركسيزمنىڭ ۇلت نازارياسىن جۇڭگونىڭ ناقتى ءىس جۇزىندىگىمەن ءوزارا ۇشتاستىرىپ، جۇڭحۋانىڭ تاڭداۋلى ءداستۇرلى مادەنيەتىمەن ءوزارا ۇشتاستىرىپ، جۇڭحۋا ۇلتى دامۋىنىڭ تاريحي لوگيكاسىنا، نازاريالىق لوگيكاسىنا بويسۇنىپ، جۇڭحۋا ۇلتى قالىپتاسۋىنىڭ جانە دامۋىنىڭ قيسىنىن، عىلمي قاعيداسىن، فيلوسوفيالىق قاعيداسىن عىلمي ءتۇسىندىرۋ كەرەك. پاندەردى ورنالاستىرۋدى ساپالىلاندىرىپ، ءپان قۇرىلىسىن كۇشەيتىپ، زەرتتەۋ بەتالىسىن دالمە - ءدال يگەرىپ، جۇڭحۋا ۇلتى ورتاق تۇلعاسى كەلەلى نەگىزدىك سيپاتتى ماسەلەلەرىن زەرتتەۋدى تەرەڭدەتىپ، جۇڭگوشا ەرەكشەلىككە يە جۇڭحۋا ۇلتى ورتاق تۇلعاسى تاريحي ماتەريالى جۇيەسىن، ءسوز جۇيەسىن، نازاريا جۇيەسىن جەدەل قالىپتاستىرۋ كەرەك. قالىڭ مامان، وقىمىستىلاردىڭ بەلسەندىلىگىن، ىرىقتىلىعىن، جاسامپازدىعىن قاۋلاتۋعا ءمان بەرىپ، جاس مامان، وقىمىستىلاردى باۋلۋدى كۇشەيتىپ، ولار ءۇشىن بەتالىستى يگەرىپ، تۇعىر ورناتىپ، وراي جاراتىپ، ولاردى بەرىلە زەرتتەۋ جۇرگىزۋگە، قوردالانىپ نىعايۋعا، جۇڭگو تاريحىن تياناق ەتىپ، جۇڭگو امالياتىن ءتۇسىندىرىپ، جۇڭگو ماسەلەسىنە جاۋاپ بەرەتىن ءتول جاسامپازدىق سيپاتتى نازاريا جەتىستىگىن شىعارۋعا شابىتتاندىرۋ كەرەك.
شي جينپيڭ بىلاي دەپ باسا دارىپتەدى: جۇڭحۋا ۇلتىنىڭ وسى زامانعى وركەنيەتىن كوركەيتۋدى كوزدەپ، جۇڭحۋا ۇلتىنىڭ ورتاق رۋحاني مەكەنىن ۇزدىكسىز قۇرۋ كەرەك. جۇڭحۋا ۇلتىنىڭ تاريحتان بولاشاققا بەت الۋى، داستۇردەن وسىزاماندانۋعا بەت الۋى، كوپ نەگىزدەن شوعىرلانىپ ءبىر تۇلعالانعان دامۋ ۇلكەن اۋقىمىنا، ءسوز جوق، ۇيلەسىپ، جۇڭحۋا وركەنيەتىنىڭ كورنەكتى ەرەكشەلىگىن تەرەڭ ءتۇسىنىپ، يگەرىپ، جاڭا تاريحي باستامادا جۇڭحۋا ۇلتىنىڭ ورتاق رۋحاني مەكەنىن ۇزدىكسىز قۇرىپ، جۇڭحۋا ۇلتى ورتاق تۇلعا تانىمىن بەرىك ورناتۋعا مىعىم رۋحاني جانە مادەنيەت نەگىزىن قالاۋ كەرەك. ءار ۇلت بۇقاراسىنا باعىتتاي وتىرىپ، پارتيانىڭ نازاريا جانە لۋشيان، باعىت - ساياسات تاربيەسىن كۇشەيتىپ، پارتيا تاريحى، جاڭا جۇڭگو تاريحى، رەفورما جاساۋ، ەسىك اشۋ تاريحى، سوتسياليزمنىڭ دامۋ تاريحى، جۇڭحۋا ۇلتىنىڭ دامۋ تاريحى جونىندەگى ۇگىت - تاربيەنى كۇشەيتىپ، ورتاق مۇرات - سەنىم ارقىلى زەيىن - زەردەنى ۇيىستىرىپ، رۋحتى سومداپ، سوتسياليستىك وزەكتى قۇن كوزقاراسىن ىشكەرىلەي جەتىلدىرۋ جانە امالياتتا ايگىلەۋ كەرەك. قىزىل گەندى جالعاستىرۋ ينجەنەرياسىن ىشكەرىلەي اتقارىپ، وتانشىلدىقتى وزەك ەتكەن ۇلت رۋحىن، رەفورما جاساۋ، جاڭالىق اشۋدى وزەك ەتكەن ءداۋىر رۋحىن بارىنشا اسقاقتاتىپ، جۇڭحۋا ۇلتىن شىنايى مويىنداۋ سەزىمى مەن ماقتانىش سەزىمىن ۇزدىكسىز كۇشەيتىپ، ءار ۇلت حالقىنىڭ جاڭا جورىقتا ەكپىندەي ىلگەرىلەپ، جاڭا داۋىردە ەسە قوسۋ جىگەر - قايراتىن سەرپىلتۋ كەرەك. جۇڭحۋانىڭ تاڭداۋلى ءداستۇرلى مادەنيەتىن جالعاستىرۋ، دامىتۋ ينجەنەرياسىن اتقارىپ، جۇڭحۋانىڭ ءداستۇرلى مادەنيەتىنىڭ تاڭداۋلى گەنى مەن داۋىرلىك قۇنىن زەرتتەپ جانە اشىپ، جۇڭحۋانىڭ تاڭداۋلى ءداستۇرلى مادەنيەتىن جاسامپازدىقپەن كادەگە جاراتىپ، جاڭالىق اشا دامىتۋدى ىلگەرىلەتىپ، سوتسياليستىك وزىق مادەنيەتتى گۇلدەندىرىپ، دامىتىپ، جۇڭحۋا مادەنيەتىنىڭ ەرەكشەلىگىن، جۇڭحۋا ۇلتىنىڭ رۋحىن، جۇڭگونىڭ مەملەكەت وبرازىن بەينەلەۋ جۇيەسىن ورناتىپ جانە ونان پايدالانىپ، ءار ۇلت بۇقاراسىنىڭ جۇڭحۋا مادەنيەتىن شىنايى مويىنداۋىن ۇزدىكسىز كۇشەيتۋ كەرەك. مەملەكەتتە ءبىر تۇتاس قولدانىلاتىن ءتىل - جازۋدى جاپپاي جالپىلاستىرىپ، كەڭەيتىپ، مەملەكەت ءبىر تۇتاس قۇراستىرعان وقۋلىقتاردى قولدانۋدى جاپپاي ىلگەرىلەتىپ، ءتىلدىڭ توعىسۋى ارقىلى جۇرەكتەردىڭ توعىسۋىن، تاعدىرلاردىڭ توعىسۋىن جەبەۋ كەرەك.
شي جينپيڭ بىلاي دەپ اتاپ كورسەتتى: ۇلتتاردىڭ كەڭ كولەمدە ارالاسۋىن، ىشتەسۋىن، توعىسۋىن جەبەپ، جۇڭحۋا ۇلتىنىڭ ۇلى ىنتىماعى ارقىلى جۇڭگو ۇلگىسىندەگى وسىزامانداندىرۋدى جەبەۋ كەرەك. مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ءۇردىسى، ءسوز جوق، ۇلتتاردىڭ كەڭ كولەمدە ارالاسۋىنىڭ، ىشتەسۋىنىڭ، توعىسۋىنىڭ بارىسى، ءسوز جوق، ۇلتتاردىڭ بىرگە ىنتىماقتاسا كۇرەس جۇرگىزۋىنىڭ، بىرگە گۇلدەنۋىنىڭ، دامۋىنىڭ بارىسى بولىپ تابىلادى. ءسوز جوق، جۇڭحۋا ۇلتى ۇلى ىنتىماعى تۋىن بيىك ۇستاپ، ۇلتتاردىڭ جاپپاي سوتسياليستىك وسىزاماندانعان مەملەكەت قۇرۋ جولىندا بىرگە كۇرەس جۇرگىزۋىن ىلگەرىلەتۋدى جاڭا جورىقتاعى پارتيانىڭ ۇلت قىزمەتىنىڭ ماڭىزدى مىندەتى ەتۋ كەرەك. ءار ۇلت حالقىنىڭ جىلجىمالى توعىسا قونىستانۋىن ىلگەرىلەتىپ، ءوزارا كىرىكپەلى قوعامدىق قۇرىلىمدى جانە الەۋمەتتىك اۋماق ورتاسىن قالىپتاستىرىپ، ءار ۇلت بۇقاراسى بىرگە تۇرىپ بىرگە ۇيرەنەتىن، بىرگە قۇرىپ بىرگە يگىلىكتەنەتىن، بىرگە ىستەپ بىرگە شاتتاناتىن قوعامدىق شارت - جاعداي جاراتىپ، ۇلتتار ىنتىماعى، العاباسارلىعى بويىنشا وزات ورىن قۇرۋ قىزمەتىن ۇزدىكسىز تەرەڭدەتۋ كەرەك. حالىق تۇرمىسىن جاقسارتۋدى، جۇرت تىلەگىن ۇيىستىرۋدى ۇلتتار وڭىرلەرىنىڭ ەكونوميكالىق، قوعامدىق دامۋىنىڭ شىعار ءتۇيىنى جانە تابان تىرەر تياناعى ەتىپ، ۇلتتار وڭىرلەرىنىڭ جاڭا دامۋ ارناسىمەن توعىسۋىن، جوعارى ساپالى دامۋدى جۇزەگە اسىرۋىن ىلگەرىلەتىپ، الەۋمەتتىك قىزمەت وتەۋدى قامتاماسىز ەتۋ قابىلەتى مەن دەڭگەيىن ۇزدىكسىز جوعارىلاتىپ، دامۋ جەتىستىكتەرىنەن ءار ۇلت بۇقاراسىن ادىلدىكپەن يگىلىكتەندىرۋدى جەبەۋ كەرەك. ۇلتتىق وڭىرلىك اۆتونوميا تۇزىمىنە تاباندى بولىپ جانە ونى كەمەلدەندىرىپ، ۇلت ساياساتى مەن زاڭ، زاڭ ەرەجە جۇيەسىن اقاۋسىزداندىرىپ، ۇلت ىستەرىن باسقارۋ جۇيەسى مەن باسقارۋ قابىلەتىنىڭ وسىزاماندانۋىن ىلگەرىلەتۋ كەرەك.
شي جينپيڭ بىلاي دەپ باسا دارىپتەدى: جۇڭحۋا ۇلتى حيكاياسىن ويداعىداي بايانداپ، جۇڭحۋا ۇلتى ورتاق تۇلعا تانىمىن زور كۇشپەن ۇگىتتەۋ، تانىستىرۋ كەرەك. جۇڭحۋا ۇلتىنىڭ تاريحىن بارىنشا ۇگىتتەۋ، جۇڭحۋا ۇلتى ورتاق تۇلعا نازارياسىن بارىنشا ۇگىتتەۋ، جاڭا داۋىردەگى پارتيانىڭ ۇلت قىزمەتىندە قول جەتكىزگەن تاريحي تابىستارىن بارىنشا ۇگىتتەۋ، جۇڭحۋا ۇلتىنىڭ دۇنيە جۇزىندەگى ءار ەل حالقىمەن قول ۇستاسا وتىرىپ ادامزاتتىڭ تاعدىرلاس ورتاق تۇلعاسىن قۇرۋ سىندى تاماشا بولاشاعىن بارىنشا ۇگىتتەۋ كەرەك. ۇلتقا ساياتىن ۇگىتتىڭ تاراتۋ تاسىلىندە جاڭالىق اشىپ، تاراتۋ مازمۇنىن بايىتىپ، تاراتۋ ارناسىن كەڭەيتىپ، جۇڭحۋا ۇلتى ورتاق تۇلعا حيكاياسىن ويداعىداي بايانداپ، جۇڭگو كوممۋنيستىك پارتياسىنىڭ باسشىلىعى مەن سوتسياليستىك ءتۇزىمنىڭ ەلىمىزدەگى ۇلتتاردىڭ بىرگە دامۋىنىڭ، العا باسۋىنىڭ سەنىمدى كەپىلى ەكەندىگىن انىق ءتۇسىندىرۋ، جۇڭحۋا ۇلتىنىڭ قۋاتتى شىنايى مويىنداۋ دەڭگەيىنە جانە ۇيىسۋ قۋاتىنا يە تاعدىرلاس ورتاق تۇلعا ەكەندىگىن انىق ءتۇسىندىرۋ، ۇلت ماسەلەسىن شەشۋدىڭ جۇڭگوشا دۇرىس جولىنىڭ كورنەكتى باسىمدىققا يە ەكەندىگىن انىق ءتۇسىندىرۋ كەرەك. جۇڭگو مەن شەتەلدىڭ ءىلىم سالاسىنىڭ، حالىقتىق ۇيىمداردىڭ اۋىس - كۇيىسىن، ىقپالداستىعىن بەلسەنە ىلگەرىلەتۋ كەرەك.
شي جينپيڭ بىلاي دەپ اتاپ كورسەتتى: جۇڭحۋا ۇلتى ورتاق تۇلعا تانىمىن بەرىك ورناتۋ، جاڭا داۋىردەگى پارتيانىڭ ۇلت قىزمەتىنىڭ جوعارى ساپالى دامۋىن ىلگەرىلەتۋ − بۇكىل پارتيانىڭ، بۇكىل ەلدەگى ءار ۇلت حالقىنىڭ ورتاق مىندەتى. ءار دارەجەلى پارتكومدار مەن ۇكىمەتتەر ۇلت ماسەلەسىن شەشۋدىڭ جۇڭگوشا دۇرىس جولىنا تاباندى بولىپ، پارتيانىڭ ۇلت قىزمەتىنىڭ ءتۇرلى باعىت - ساياساتتارىن مۇقيات دايەكتىلەندىرىپ، تياناقتاندىرىپ، ءوز رايونىنىڭ، ءوز ورنىنىڭ ۇلت قىزمەتىنە ساياتىن كەلەلى ماسەلەلەردى دەر كەزىندە اقىلداسىپ شەشۋى كەرەك. ءار دارەجەلى باسشى كادرلار پارتيانىڭ ۇلت قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن ىشكەرىلەي ۇيرەنىپ، دايەكتىلەندىرىپ، ۇلت قىزمەتىن ويداعىداي ىستەۋ قابىلەتىن جوعارىلاتىپ، ۇلتتار ىنتىماعى، العاباسارلىعى ىستەرىن ىلگەرىلەتۋگە تيەسىلى ۇلەس قوسۋى كەرەك.
