10 - ايدىڭ 18 - كۇنى تۇستەن بۇرىن مەملەكەت ءتوراعاسى شي جينپيڭ بەيجيڭ حالىق سارايىندا 3 - كەزەكتى ”ءبىر بەلدەۋ، ءبىر جول“ حالىقارالىق سەلبەستىك جوعارى دارەجەلىلەر تالقى مىنبەرىنىڭ اشىلۋ سالتىنا قاتىناستى ءارى «اشىق، سيىسىمدى، ۇلاسىپ تۇتاسقان، بىرگە داميتىن دۇنيە ءجۇزىن قۇرايىق» تاقىرىبىندا ارقاۋ ءسوز سويلەدى.
□ سۋرەتتى شينحۋا اگەنتتىگىنىڭ ءتىلشىسى ۋاڭ يە تۇسىرگەن
10 - ايدىڭ 18 - كۇنى تۇستەن بۇرىن مەملەكەت ءتوراعاسى شي جينپيڭ بەيجيڭ حالىق سارايىندا 3 - كەزەكتى ”ءبىر بەلدەۋ، ءبىر جول“ حالىقارالىق سەلبەستىك جوعارى دارەجەلىلەر تالقى مىنبەرىنىڭ اشىلۋ سالتىنا قاتىناستى ءارى «اشىق، سيىسىمدى، ۇلاسىپ تۇتاسقان، بىرگە داميتىن دۇنيە ءجۇزىن قۇرايىق» تاقىرىبىندا ارقاۋ ءسوز سويلەدى. سۋرەتتە: ءماجىلىس الدىندا، شي جينپيڭ جوعارى دارەجەلىلەر تالقى مىنبەرىنە قاتىناسقان شەتەلدىڭ مەملەكەت باسشىلارى، ۇكىمەت جەتەكشىلەرى جانە حالىقارالىق ۇيىمداردىڭ جاۋاپتىلارى قاتارلى حالىقاراداعى سيلى قوناقتارمەن توپتىق سۋرەتكە ءتۇستى.
□ سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن
شينحۋا اگەنتتىگىنىڭ 10 - ايدىڭ 18 - كۇنى بەيجيڭنەن بەرگەن حابارى (تىلشىلەر تۋ ميڭ، سۇن ي). 10 - ايدىڭ 18 - كۇنى تۇستەن بۇرىن مەملەكەت ءتوراعاسى شي جينپيڭ حالىق سارايىندا 3 - كەزەكتى ”ءبىر بەلدەۋ، ءبىر جول“ حالىقارالىق سەلبەستىك جوعارى دارەجەلىلەر تالقى مىنبەرىنىڭ اشىلۋ سالتىنا قاتىناستى ءارى «اشىق، سيىسىمدى، ۇلاسىپ تۇتاسقان، بىرگە داميتىن دۇنيە ءجۇزىن قۇرايىق» تاقىرىبىندا ارقاۋ ءسوز سويلەدى. شي جينپيڭ جۇڭگونىڭ ”ءبىر بەلدەۋ، ءبىر جولدى“ جوعارى ساپالى بىرگە قۇرۋدى قولدايتىن 8 ءتۇرلى ارەكەتىن جاريالاپ، بىلاي دەپ باسا دارىپتەدى: جۇڭگو جاق ءار جاقپەن ”ءبىر بەلدەۋ، ءبىر جول“ سەلبەستىك سەرىكتەستىك قارىم - قاتىناسىن تەرەڭدەتىپ، ”ءبىر بەلدەۋ، ءبىر جولدى“ بىرگە قۇرۋدىڭ جوعارى ساپالى دامۋدىڭ جاڭا كەزەڭىنە ءوتۋىن ىلگەرىلەتىپ، دۇنيە جۇزىندەگى ءار ەلدىڭ وسىزاماندانۋىن جۇزەگە اسىرۋ ءۇشىن قاجىماي - تالماي قۇلشىنىس جاساۋدى قالايدى.
التىن كۇز مەزگىلى، كۇن شايداي اشىق، سالقىن سامال ەسىپ تۇر. تيان - انمىن الاڭىندا ”ءبىر بەلدەۋ، ءبىر جولدى“ بىرگە قۇرۋعا ات سالىسقان ەلدەردىڭ مەملەكەت تۋلارى جەلمەن جەلبىرەپ، ءبىر - بىرىنە كورىك قوسىپ تۇر.
جوعارى دارەجەلىلەر تالقى مىنبەرىنە قاتىناساتىن شەتەلدىڭ مەملەكەت باسشىلارى، ۇكىمەت جەتەكشىلەرى جانە حالىقارالىق ۇيىمداردىڭ جاۋاپتىلارى قاتارلى حالىقاراداعى سيلى قوناقتار ىركەس - تىركەس كەلىپ جەتتى. حالىق سارايىنىڭ شىعىس قاقپاسى زالىنىڭ ەكى جاعىنداعى ۇلكەن ەكراندا ”ءبىر بەلدەۋ، ءبىر جولدى“ بىرگە قۇرۋ نىساندارىنىڭ 10 جىلدىق كەسەك تابىستارى كورسەتىلىپ تۇر.
شي جينپيڭ اشىلۋ سالتىنا قاتىناسقان شەتەل باسشىلارىمەن توپتىق سۋرەتكە ءتۇستى.
«بەيبىتشىلىك − تاعدىرلاس ورتاق تۇلعا» مۋزيكاسى ءۇنى ىشىندە شي جينپيڭ شەتەل باسشىلارىمەن بىرگە ءماجىلىس الاڭىنا كىردى. بۇكىل الاڭداعىلار ورىندارىنان تۇرىپ، قىزۋ قارسى الدى.
ءتوراعا شي جينپيڭ «اشىق، سيىسىمدى، ۇلاسىپ تۇتاسقان، بىرگە داميتىن دۇنيە ءجۇزىن قۇرايىق» تاقىرىبىندا ارقاۋ ءسوز سويلەدى.
شي جينپيڭ بىلاي دەپ اتاپ كورسەتتى: بيىل − مەنىڭ ”ءبىر بەلدەۋ، ءبىر جولدى“ بىرگە قۇرۋ باستاماسىن العا قويعاندىعىمنىڭ 10 جىلدىعى. وسى باستامانى العا قويۋداعى اۋەلگى ماقسات بايىرعى جىبەك جولىنان ۇلگى الىپ، ۇلاستىرۋ - تۇتاستىرۋدى نەگىزگى جەلى ەتىپ، ءار ەلمەن ساياساتتى بايلانىستىرۋدى، قۇرىلعىلاردى ۇلاستىرۋدى، ساۋدانى ىركىلىسسىزدەندىرۋدى، قارجىنى اينالىمعا سالۋدى، جۇرت تىلەگىن توعىستىرۋدى كۇشەيتىپ، دۇنيە ءجۇزىنىڭ ەكونوميكالىق ارتۋىنا جاڭا قوزعاۋشى قۋات ۇستەۋ، الەمدىك دامۋعا جاڭا ءورىس اشۋ، حالىقارالىق ەكونوميكالىق سەلبەستىككە جاڭا تۇعىر ورناتۋ بولاتىن.
10 جىلدان بەرى ءبىز اۋەلگى ماقساتتان اينىماي، قول ۇستاسا بىرگە ءجۇرىپ، ”ءبىر بەلدەۋ، ءبىر جول“ حالىقارالىق سەلبەستىگىنىڭ جوقتان بار بولۋىن، قارىشتاپ دامۋىن ىلگەرىلەتىپ، قوماقتى جەتىستىككە قول جەتكىزدىك. ”ءبىر بەلدەۋ، ءبىر جول“ سەلبەستىگى ازيا − ەۆروپا قۇرلىعىنان افريكا مەن لاتىن امەريكاسىنا دەيىن كەڭەيىپ، 150دەن استام ەل، 30 نەشە حالىقارالىق ۇيىم ”ءبىر بەلدەۋ، ءبىر جولدى“ بىرگە قۇرۋ سەلبەستىك حۇجاتىنا قول قويىپ، 20 نەشە كاسىپتىك سالاداعى كوپ جاقتى سەلبەستىك تۇعىرىن ورناتتى؛ ءبىر توپ بەلگى سيپاتتى نىساندار مەن حالىق تۇرمىسىنا تيىمدىلىك جاسايتىن ”شاعىن ءارى تاماشا“ نىساندار تياناقتانىپ تامىر تارتتى؛ بىرگە اقىلداسۋ، بىرگە قۇرۋ، بىرگە يگىلىكتەنۋ، اشىق، جاسىل، كىرشىكسىز بولۋ، جوعارى ولشەممەن حالىق تۇرمىسىنا تيىمدىلىك جاساۋدىڭ باياندى بولۋى ”ءبىر بەلدەۋ، ءبىر جولدى“ جوعارى ساپالى بىرگە قۇرۋدىڭ ماڭىزدى جەتەكشى پرينسيبىنە اينالدى. 10 جىلدان بەرى، ءبىز ەكونوميكالىق ءدالىزدى جەتەكشى، ۇلكەن ارنا مەن ينفورماتسيا جوعارى قارقىندى تاس جولىن جۇلگە، تەمىر جول، تاس جول، اۋەجاي، پورت، قۇبىر تورابىن سۇيەنىش ەتكەن، قۇرلىق، تەڭىز، اۋە، توراپتى قامتىعان الەمدىك ۇلاستىرۋ - تۇتاستىرۋ تورابىن قۇرۋعا كۇش سالىپ، ءار ەلدىڭ تاۋار، قارجى، تەحنيكا، قىزمەتكەر ۇلكەن اينالىمىن ءونىمدى جەبەپ، مىڭ جىلعا جالعاسقان بايىرعى جىبەك جولىنىڭ جاڭا داۋىردە جاڭا ومىرشەڭدىك كۇشىن قاۋلاتۋىن ىلگەرىلەتتىك. ”ءبىر بەلدەۋ، ءبىر جولدى“ بىرگە قۇرۋدا بىرگە اقىلداسۋعا، بىرگە قۇرۋعا، بىرگە يگىلىكتەنۋگە تاباندى بولىپ، تۇرلىشە وركەنيەت، مادەنيەت، قوعامدىق ءتۇزىم، دامۋ كەزەڭى پارقىن اتتاپ ءوتىپ، ءار ەلدىڭ بارىس - كەلىسىنىڭ جاڭا جولىن اشىپ، حالىقارالىق سەلبەستىكتىڭ جاڭا جۇلگەسىن ورناتىپ، ادامزاتتىڭ بىرگە دامۋداعى ەڭ ۇلكەن ورتاق بولگىشىن ۇيىستىردىق.
شي جينپيڭ بىلاي دەپ باسا دارىپتەدى: وتكەن 10 جىلدا قول جەتكەن ناتيجەلەر ەڭ قىمباتتى، تاجىريبەلەر قورىتىندىلاۋعا تاتيدى. ءبىز مىنانى تەرەڭ تانىپ جەتتىك: ادامزات − ءبىر - بىرىنە سۇيەنەتىن تاعدىرلاس ورتاق تۇلعا. دۇنيە ءجۇزى جاقسى بولسا، جۇڭگو دا جاقسى بولادى؛ جۇڭگو جاقسى بولسا، دۇنيە ءجۇزى ونان ارى جاقسى بولادى. ”ءبىر بەلدەۋ، ءبىر جولدى“ بىرگە قۇرۋ ارقىلى جۇڭگونىڭ سىرتقا ەسىك اشقان قاقپاسى بارعان سايىن ايقارا اشىلدى، جۇڭگو بازارىنىڭ دۇنيە ءجۇزى بازارىمەن بايلانىسى اناعۇرلىم جيىلەدى. ءبىز مىنانى تەرەڭ تانىپ جەتتىك: تەك سەلبەسىپ، تەڭ يگىلىككە كەنەلگەندە عانا، ءىس تىندىرۋعا، يگى ءىس ىستەۋگە، ءىرى ءىس ىستەۋگە بولادى. تەك ءار ەلدە سەلبەسۋ تىلەگى، سايكەستى ارەكەت بولعاندا عانا، تابيعي كەدەرگىنى داڭعىل جولعا اينالدىرۋعا بولادى، ”قۇرلىقتا تۇيىقتالعان ەلدى“ ”قۇرلىقتى بايلانىستىراتىن ەلگە“ اينالدىرۋعا بولادى، دامۋ ويپاڭىن گۇلدەنۋ بيىگىنە اينالدىرۋعا بولادى. ءبىز مىنانى تەرەڭ تانىپ جەتتىك: بەيبىت بولۋ جانە سەلبەسۋ، اشىق جانە سيىسىمدى بولۋ، ءوزارا ۇيرەنىپ، ءوزارا ۇلگى الۋ، ءوزارا تيىمدىلىك جاساپ، تەڭ يگىلىككە كەنەلۋ سىندى جىبەك جولى رۋحى ”ءبىر بەلدەۋ، ءبىر جولدى“ بىرگە قۇرۋدىڭ ەڭ ماڭىزدى كۇش - قۋات قاينارى. ”ءبىر بەلدەۋ، ءبىر جولدى“ بىرگە قۇرۋدا باسا ءمان بەرىلەتىنى − كوپ بولىپ بىرىگىپ كۇش مولايتۋ، ءوزارا كومەكتەسىپ، ءوزارا قارايلاسىپ، ءتىپتى دە الىسقا جەتۋ، ارداقتايتىنى − ءوزى جاقسى تۇرمىس كەشىرۋ، وزگەلەردىڭ دە جاقسى تۇرمىس كەشىرۋىنە مۇمكىندىك جاساۋ، جۇزەگە اسىراتىنى − ۇلاستىرۋ - تۇتاستىرۋ، ءوزارا پايدا جەتكىزۋ، ءوزارا تيىمدىلىك جاساۋ، تالپىناتىنى − بىرگە دامۋ، سەلبەسىپ تەڭ يگىلىككە كەنەلۋ. يدەولوگيالىق قاراما - قارسىلىق تۋدىرماۋ، وڭىرلىك ساياسي بەلدەسۋمەن اينالىسپاۋ، سونداي - اق توپتار ساياسي قارسىلاسۋىمەن دە اينالىسپاۋ، سىڭار جاقتى جازالاۋعا قارسى تۇرۋ، ەكونوميكالىق قوقان - لوقىعا قارسى تۇرۋ، ”الشاقتاپ تىزبەكتى ۇزۋگە“ دە قارسى تۇرۋ كەرەك. 10 جىلدىق بارىس مىنانى دالەلدەدى: ”ءبىر بەلدەۋ، ءبىر جولدى“ بىرگە قۇرۋ تاريحتىڭ دۇرىس جاعىندا تۇردى، ءداۋىردىڭ العا باسۋ لوگيكاسىنا ۇيلەستى، ءومىردىڭ دۇرىس جولىمەن ءجۇردى. ءبىز قانشالىق قيان - كەسكى بولسا دا باستان - اياق سابىرلىلىقتان جازبايتىن تاباندىلىق كورسەتىپ، تاريحقا، حالىققا، دۇنيە جۇزىنە جاۋاپتى بولۋ پوزيتسياسىن نەگىزگە الىپ، ءتۇرلى الەمدىك حاۋىپ - قاتەرلەر مەن سىن - سايىستارعا قول ۇستاسا توتەپ بەرىپ، ۇرپاقتارعا بەيبىت، دامىعان، سەلبەسەتىن، بىرگە يگىلىككە كەنەلەتىن تاماشا بولاشاق جاراتۋىمىز كەرەك.
شي جينپيڭ بىلاي دەپ اتاپ كورسەتتى: جۇڭگو جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋدە. ءبىزدىڭ كوزدەگەنىمىز جۇڭگونىڭ ءوز قامىن عانا ويلايتىن وسىزامانداندىرۋ ەمەس، قايتا قالىڭ وركەندەپ كەلە جاتقان ەلدەردى قامتىعان ءار ەلمەن بىرگە وسىزامانداندىرۋدى بىرگە جۇزەگە اسىرۋدى ءۇمىت ەتەمىز. دۇنيە ءجۇزىنىڭ وسىزاماندانۋى بەيبىت داميتىن وسىزاماندانۋ، ءوزارا پايدا جەتكىزىپ، سەلبەسەتىن وسىزاماندانۋ، بىرگە گۇلدەنەتىن وسىزاماندانۋ بولۋعا ءتيىس. جۇڭگو جاق ءار جاقپەن ”ءبىر بەلدەۋ، ءبىر جول“ سەلبەستىك سەرىكتەستىك قارىم - قاتىناسىن تەرەڭدەتىپ، ”ءبىر بەلدەۋ، ءبىر جولدى“ بىرگە قۇرۋدىڭ جوعارى ساپالى دامۋدىڭ جاڭا كەزەڭىنە ءوتۋىن ىلگەرىلەتىپ، دۇنيە جۇزىندەگى ءار ەلدىڭ وسىزاماندانۋىن جۇزەگە اسىرۋ ءۇشىن قاجىماي - تالماي قۇلشىنىس جاساۋدى قالايدى.
شي جينپيڭ جۇڭگونىڭ ”ءبىر بەلدەۋ، ءبىر جولدى“ جوعارى ساپالى بىرگە قۇرۋدى قولدايتىن 8 ءتۇرلى ارەكەتىن جاريالادى:
ءبىرىنشى، ”ءبىر بەلدەۋ، ءبىر جولدىڭ“ سترەولدى ۇلاستىرۋ - تۇتاستىرۋ تورابىن قۇرادى. جۇڭگو جاق جۇڭگو − ەۆروپا كەزەكشى پويەزىنىڭ جوعارى ساپالى دامۋىن جەدەل ىلگەرىلەتىپ، كاسپي تەڭىزىن اتتاعان حالىقارالىق تاسىمال ءدالىزى قۇرىلىسىنا ات سالىسىپ، جۇڭگو − ەۆروپا كەزەكشى پويەزى حالىقارالىق سەلبەستىك تالقى مىنبەرىن ويداعىداي وتكىزىپ، ءار جاقپەن تەمىر جول، تاس جول تىكە تاسىمالىن تىرەك ەتكەن ازيا - ەۆروپا قۇرلىعى زات اينالىمى جاڭا ارناسىن قۇرادى. ”جىبەك جولى تەڭىز تاسىمالىندا“ پورت ساۋداسى مەن تەڭىز تاسىمالى ساۋداسىنىڭ ءبىر تۇلعالانا دامۋىن بەلسەنە ىلگەرىلەتىپ، قۇرلىق، تەڭىز جاڭا ارناسى، اۋە جىبەك جولى قۇرىلىسىن تەزدەتەدى.
ەكىنشى، اشىق دۇنيە ءجۇزى ەكونوميكاسىن قۇرۋدى قولدايدى. جۇڭگو جاق ”جىبەك جولى ەلەكتروندى ساۋداسى“ سەلبەستىگىن الدىمەن اتقارۋ رايونىن قۇرىپ، اناعۇرلىم كوپ ەلمەن ەركىن ساۋدا كەلىسىمىنە، قارجى قوسۋدى قورعاۋ كەلىسىمىنە اقىلداسىپ قول قويادى. جاساۋ كاسىبى سالاسىنداعى شەتەل قارجىسىنىڭ كىرۋىنە رۇقسات ەتۋگە قاتىستى شەكتەۋ شارالارىن جاپپاي كۇشىنەن قالدىرادى. حالىقارالىق جوعارى ولشەمدى ەكونوميكا - ساۋدا ەرەجەسىمەن ىرىقتىلىقپەن سالىستىرىپ، شەكارا اتتاعان قىزمەت وتەۋ ساۋداسى مەن قارجى قوسۋدى جوعارى دەڭگەيدە اشىق ۇستاۋدى ىشكەرىلەي ىلگەرىلەتىپ، سيفرلى ءونىم سياقتىلاردىڭ بازارعا كىرۋىن كەڭەيتىپ، مەملەكەت مەنشىگىندەگى كاسىپورىن، سيفرلى ەكونوميكا، ءبىلىم مەنشىك ۇقىعى، ۇكىمەتتىك ساتىپ الۋ سياقتى سالالار رەفورماسىن تەرەڭدەتەدى. جۇڭگو جاق ”الەمدىك سيفرلى ساۋدا كورمەسىن“ ءار جىلى وتكىزەدى.
ءۇشىنشى، ناقتى ىستەر سەلبەستىگىن ورىستەتەدى. جۇڭگو جاق بەلگى سيپاتتى ينجەنەريالاردى جانە ”شاعىن ءارى تاماشا“ حالىق تۇرمىسى نىساندارىن ءبىر تۇتاس جوسپارلاپ ىلگەرىلەتەدى. جۇڭگو مەملەكەتتىك وركەندەتۋ بانكەسى، جۇڭگو يمپورت - ەكسپورت بانكەسى حالىق اقشاسى قارجى قۇراۋ تەرەزەسىن اشىپ، جىبەك جولى قورىنا قارجىنى تىڭنان ارتتىرىپ، بازارلاندىرۋ، ساۋدالاندىرۋ تاسىلىمەن ”ءبىر بەلدەۋ، ءبىر جولدى“ بىرگە قۇرۋ نىساندارىن قولدايدى. جۇڭگو جاق تاعى حالىق تۇرمىسىنا كومەكتەسەتىن 1000 شاعىن نىساندى اتقارىپ، لۋبان شەبەرحاناسى سياقتىلار ارقىلى جۇڭگو مەن شەتەلدىڭ كاسىپتىك وقۋ - اعارتۋ سەلبەستىگىن ىلگەرىلەتەدى ءارى ءار جاقپەن ”ءبىر بەلدەۋ، ءبىر جولدى“ بىرگە قۇرۋ نىساندارى مەن قىزمەتكەرلەردىڭ حاۋىپسىزدىگىن قامتاماسىز ەتۋدى كۇشەيتەدى.
ءتورتىنشى، جاسىل دامۋدى جەبەيدى. جۇڭگو جاق جاسىل نەگىزدىك قۇرىلىس، جاسىل ەنەرگيا، جاسىل قاتىناس سياقتى سالالارداعى سەلبەستىكتى ۇزدىكسىز تەرەڭدەتىپ، ”ءبىر بەلدەۋ، ءبىر جول“ جاسىل دامۋ حالىقارالىق وداعىن قولداۋدى كۇشەيتىپ، ”ءبىر بەلدەۋ، ءبىر جول“ جاسىل جاڭالىق اشۋ جينالىسىن ۇزدىكسىز وتكىزىپ، فوتوۆولت كاسىپ سالاسى بويىنشا كەڭەسۋ، اۋىس - كۇيىس جاساۋ مەحانيزمىن جانە جاسىل، تومەن كومىر قىشقىل گازدى ماماندار تورىن قۇرادى. ”ءبىر بەلدەۋ، ءبىر جول“ جاسىل قارجى قوسۋ پرينسيبىن تياناقتاندىرىپ، 2030 - جىلعا بارعاندا سەرىكتەس ەلدەرگە 100 مىڭ ادام ( رەت)باۋلىپ بەرەدى.
بەسىنشى، عىلىم - تەحنيكادا جاڭالىق اشۋدى ىلگەرىلەتەدى. جۇڭگو جاق ”ءبىر بەلدەۋ، ءبىر جول“ عىلىم - تەحنيكادا جاڭالىق اشۋ ارەكەت جوسپارىن ۇزدىكسىز اتقارىپ، تۇڭعىش كەزەكتى ”ءبىر بەلدەۋ، ءبىر جول“ عىلىم - تەحنيكا اۋىس - كۇيىس جينالىسىن وتكىزەدى، الداعى 5 جىلدا ءار جاقپەن بىرگە قۇرعان بىرلەسكەن تاجىريبەحانانى 100گە كەڭەيتىپ، ءار ەل جاس عالىمدارىنىڭ جۇڭگوعا كەلىپ قىسقا مەرزىمدىك قىزمەت ىستەۋىن قولدايدى. جۇڭگو جاق وسى كەزەكتى تالقى مىنبەرىندە الەمدىك جاساندى زەردەنى باسقارۋ دارىپتەمەسىن العا قويادى، ءار ەلمەن اۋىس - كۇيىستى كەڭەسۋدى كۇشەيتىپ، الەمدىك جاساندى زەردەنىڭ اقاۋسىز، ءتارتىپتى، حاۋىپسىز دامۋىن بىرگە جەبەۋدى قالايدى.
التىنشى، حالىقتىق بارىس - كەلىستى قولدايدى. جۇڭگو جاق ”لياڭجۋ تالقى مىنبەرىن“ وتكىزىپ، ”ءبىر بەلدەۋ، ءبىر جولدى“ بىرگە قۇراتىن ەلدەرمەن وركەنيەتتەر تىلدەسۋىن تەرەڭدەتەدى. قۇرىلىپ بولعان جىبەك جولى حالىقارالىق تەاترحاناسى، كوركەمونەر فەستيۆالى، مۇراجاي، اسەمونەر سارايى، كىتاپحانا وداعى نەگىزىندە جىبەك جولى ساياحات قالالارى وداعىن قۇرادى. ”جىبەك جولى“ جۇڭگو ۇكىمەت وقۋ سيلىق قاراجاتى نىسانىن ۇزدىكسىز اتقارادى.
جەتىنشى، پاكتىك جولىن سالادى. جۇڭگو جاق سەلبەستىك سەرىكتەرىمەن بىرگە «”ءبىر بەلدەۋ، ءبىر جول“ پاكتىك قۇرىلىسىنىڭ ونىمدىلىگى جانە بولجامىن» جاريالاپ، «”ءبىر بەلدەۋ، ءبىر جول“ پاكتىك قۇرىلىسىنىڭ جوعارى دارەجەلى پرينسيبىن» العا قويىپ، ”ءبىر بەلدەۋ، ءبىر جول“ كاسىپورىندارىنىڭ پاك، ەرەجەگە ۇيلەسىمدى بولۋىن باعالاۋ جۇيەسىن ورناتىپ، حالىقارالىق ۇيىمدارمەن سەلبەسىپ، ”ءبىر بەلدەۋ، ءبىر جول“ پاكتىك زەرتتەۋىن جانە باۋلۋىن ورىستەتەدى.
سەگىزىنشى، ”ءبىر بەلدەۋ، ءبىر جول“ حالىقارالىق سەلبەستىك مەحانيزمىن كەمەلدەندىرەدى. جۇڭگو جاق ”ءبىر بەلدەۋ، ءبىر جولدى“ بىرگە قۇراتىن ەلدەرمەن ەنەرگيا، سالىق، فينانس، جاسىل دامۋ، اپات زيانىن ازايتۋ، شىرىكتەسۋگە قارسى تۇرۋ، اقىل - پاراسات قويماسى، مەديا، مادەنيەت سياقتى سالالارداعى كوپ جاقتى سەلبەستىك تۇعىرى قۇرىلىسىن كۇشەيتەدى. ”ءبىر بەلدەۋ، ءبىر جول“ حالىقارالىق سەلبەستىك تالقى مىنبەرىن ۇزدىكسىز وتكىزەدى ءارى جوعارى دارەجەلىلەر تالقى مىنبەرى حاتشىلار باسقارماسىن قۇرادى.
شي جينپيڭ سوڭىندا بىلاي دەپ اتاپ كورسەتتى: ”ءبىر بەلدەۋ، ءبىر جولدى“ بىرگە قۇرۋ جۇڭگودان باستاۋ العان، جەتىستىك پەن وراي دۇنيە جۇزىنە ءتان. ءبىز حالىقتىڭ ءۇمىتىن ەستە بەرىك ساقتاپ، تاريحتىڭ اۋىر جۇگىن باتىلدىقپەن ارقالاپ، ءداۋىر اۋقىمىن ءداپ باسىپ يگەرىپ، بۇرىنعىعا مۇراگەر، كەيىنگىگە بۇيداگەر بولىپ، ەرلىكپەن العا باسىپ، ”ءبىر بەلدەۋ، ءبىر جول“ حالىقارالىق سەلبەستىگىن تەرەڭدەتىپ، ”ءبىر بەلدەۋ، ءبىر جولدى“ بىرگە قۇرۋدىڭ اناعۇرلىم جوعارى ساپالى، اناعۇرلىم جوعارى دەڭگەيدەگى جاڭا دامۋىن قارسى الىپ، دۇنيە جۇزىندەگى ءار ەلدىڭ وسىزاماندانۋدى جۇزەگە اسىرۋىن ىلگەرىلەتىپ، اشىق، سيىسىمدى، ۇلاسىپ تۇتاسقان، بىرگە داميتىن دۇنيە ءجۇزىن قۇرىپ، ادامزاتتىڭ تاعدىرلاس ورتاق تۇلعاسىن قۇرۋدى بىرگە ىلگەرىلەتەيىك!
ارگەنتينا زۇڭتۇڭى فەرناندەس، چيلي زۇڭتۇڭى بوريچ، كونگو رەسپۋبليكاسى زۇڭتۇڭى ساسۋ، يندونەزيا زۇڭتۇڭى جوكو، قازاقستان زۇڭتۇڭى توقايەۆ، كەنيا زۇڭتۇڭى رۋتو، لاوستىڭ مەملەكەت ءتوراعاسى تۇڭلۇن، موڭعۇليا زۇڭتۇڭى كۇرۇلسۇك، رەسەي زۇڭتۇڭى پۋتين، سەربيا زۇڭتۇڭى ۆۋچيچ، شريلانكا زۇڭتۇڭى ۆيكراماسينحا، تۇركىمەنستان ۇلت كوسەمى، حالىق كوميتەتىنىڭ ءتوراعاسى بەردىمۇحامەتوۆ، وزبەكستان زۇڭتۇڭى مىرزيويەۆ، ۆيەتنامنىڭ مەملەكەت ءتوراعاسى ۋ ۋىنشاڭ، كامبودجانىڭ باس ءۋازىرى حۇڭماناي، ەگيپەت زۇڭليى مادبۋلي، ەفيوفيا زۇڭليى ابي، ۆەنگريا زۇڭليى وربان، موزامبيك زۇڭليى مالاياني، پاكيستان زۇڭليى كاكار، پاپۋا - جاڭا گۆينەيا زۇڭليى ماراپە، تايلاند زۇڭليى سايتا، نيگەريانىڭ ورىنباسار زۇڭتۇڭى شەتتيما، اراب بىرىككەن امىرلىگى زۇڭتۇڭىنىڭ ەرەكشە ۋاكىلى، حايما ءمۇيىسى امىرلىگىنىڭ ءامىرى كاسيمي، فرانسيا زۇڭتۇڭىنىڭ ەرەكشە ۋاكىلى، بۇرىنعى زۇڭلي راففارين، گرەتسيا زۇڭليىنىڭ جوعارى دارەجەلى ۋاكىلى، دامۋ مينيسترلىگىنىڭ مينيسترى سكراكاس قاتارلى 20 نەشە ەلدىڭ مەملەكەت باسشىلارى، ۇكىمەت جەتەكشىلەرى، جوعارى دارەجەلى ۋاكىلدەرى، سونداي - اق بىرلەسكەن مەملەكەتتەر ۇيىمىنىڭ باس حاتشىسى گۋتەرەس، جاڭا وركەندەتۋ بانكەسىنىڭ باستىعى رۋسەف سياقتى حالىقارالىق ۇيىمداردىڭ جاۋاپتىلارى اشىلۋ سالتىنا قاتىناستى.
پۋتين، توقايەۆ، جوكو، فەرناندەس، ابي، گۋتەرەس تە اشىلۋ سالتىندا ارناۋ ءسوز سويلەدى.
ديڭ شۋەشياڭ اشىلۋ سالتىن باسقاردى.
ساي چي، ۋاڭ ي، يىن لي، حى ليفىڭ، ۋاڭ شياۋحۇڭ قاتارلىلار قاتىناستى.
