شي جينپيڭ، لي چياڭ، جاۋ لىجي، ۋاڭ حۋنيڭ، ساي چي، لي شي قۇرىلتايعا قاتىناسىپ قۇتتىقتادى، ديڭ شۋەشياڭ پارتيا ورتالىق كوميتەتى اتىنان ارناۋ ءسوز سويلەدى
10 - ايدىڭ 23 - كۇنى جۇڭگو ايەلدەر مەملەكەتتىك 13 - قۇرىلتايى بەيجيڭ حالىق سارايىندا اشىلدى. سۋرەتتە: جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ءتوراعالار مىنبەسىندە قۇرىلتايعا قاتىناسقان ۋاكىلدەرگە قۇرمەت بىلدىرۋدە.
□ سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن
10 - ايدىڭ 23 - كۇنى جۇڭگو ايەلدەر مەملەكەتتىك 13 - قۇرىلتايى بەيجيڭ حالىق سارايىندا اشىلدى. شي جينپيڭ، لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي قاتارلىلار ءتوراعالار مىنبەسىنەن ورىن الىپ، قۇرىلتايدىڭ اشىلعاندىعىن قۇتتىقتادى.
□ سۋرەتتى شينحۋا اگەنتتىگىنىڭ ءتىلشىسى ياۋ دا - ۋي تۇسىرگەن
شينحۋا اگەنتتىگىنىڭ 10 - ايدىڭ 23 - كۇنى بەيجيڭنەن بەرگەن حابارى. جۇڭگو ايەلدەر مەملەكەتتىك 13 - قۇرىلتايى 10 - ايدىڭ 23 - كۇنى تۇستەن بۇرىن حالىق سارايىندا اشىلدى. شي جينپيڭ، لي چياڭ، جاۋ لىجي، ۋاڭ حۋنيڭ، ساي چي، لي شي قاتارلى پارتيا مەن مەملەكەت باسشىلارى قۇرىلتايعا قاتىناسىپ قۇتتىقتادى، ديڭ شۋەشياڭ پارتيا ورتالىق كوميتەتى اتىنان ارناۋ ءسوز سويلەدى.
حالىق سارايىنىڭ ۇلكەن زالى ايبىندى دا دۋماندى بەينەگە شومدى. ءتوراعالار مىنبەسىنىڭ جوعارعى جاعىنا ”جۇڭگو ايەلدەر مەملەكەتتىك 13 - قۇرىلتايى“ دەگەن قۇرىلتاي بەلگىسى ىلىنگەن، ارتقى پەردەنىڭ ءدال ورتاسى جايناعان جۇڭحۋا مەملەكەتتىك ايەلدەر بىرلەستىگىنىڭ بەلگىسى، 10 قىزىل تۋ ەكى جاعىنا ءبولىنىپ قويىلعان. ەكىنشى قاباتتاعى تەكشەگە ”شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 20 - قۇرىلتايىنىڭ رۋحىن جاپپاي دايەكتىلەندىرىپ، ءار ۇلت، ءار سالاداعى ايەلدەردى جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا ىنتىماقتاسا كۇرەس جۇرگىزۋگە جۇمىلدىرايىق، جەتەكتەيىك“ دەگەن ءسوز جازىلعان ۇلكەن كەرمە تۋ ىلىنگەن.
بۇكىل ەلدەگى ءار سالا، ءار كاسىپتەن كەلگەن جۇڭگو ايەلدەر مەملەكەتتىك 13 - قۇرىلتايىنىڭ 1800گە تارتا ۋاكىلى جانە شياڭگاڭ ەرەكشە اكىمشىلىك رايونىنان، اۋمىن ەرەكشە اكىمشىلىك رايونىنان كەلگەن ەرەكشە ۇسىنىس ەتىلگەن 90 ۋاكىل سان ميلليونداعان ايەلدەردىڭ ماڭىزدى تاپسىرماسىن ارقالاپ قۇرىلتايعا قاتىناستى.
تۇستەن بۇرىن ساعات 10دا، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قاتارلىلار ءماجىلىس الاڭىنا كىرگەندە، بۇكىل زالدان قىزۋ شاپالاق ءۇنى كوتەرىلدى.
مەملەكەتتىك ساياسي كەڭەستىڭ ورىنباسار ءتوراعاسى، قۇرىلتاي ءتوراعالار القاسىنىڭ تۇراقتى ءتوراعاسى شىن يۋەيۋە قۇرىلتايدىڭ اشىلعاندىعىن جاريالادى. كوپشىلىك ورىندارىنان تۇرىپ، مەملەكەت ءانىن اسقاقتاتا شىرقادى.
ديڭ شۋەشياڭ پارتيا ورتالىق كوميتەتى اتىنان «مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلى ءىسى ءۇشىن جاڭا داۋىردە ”جارتى الەمنىڭ“ تارتىمدى داستانىن جازايىق» دەگەن تاقىرىپتا ارناۋ ءسوز سويلەپ، قۇرىلتايدىڭ اشىلعاندىعىن قىزۋ قۇتتىقتادى، بۇكىل ەلدەگى قالىڭ ايەلدەرگە جانە ايەلدەر قىزمەتى قىزمەتكەرلەرىنە ىقىلاستى سالەم جولدادى، شياڭگاڭ ەرەكشە اكىمشىلىك رايونىنداعى، اۋمىن ەرەكشە اكىمشىلىك رايونىنداعى جانە تايۋان رايونىنداعى ايەل باۋىرلاستارعا، شەتەلدەگى ايەل چياۋمين باۋىرلاستارعا ىزگى تىلەك جولدادى.
ديڭ شۋەشياڭ ارناۋ سوزىندە بىلاي دەدى: جۇڭگو ايەلدەر مەملەكەتتىك 12 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، سان ميلليونداعان ايەلدەر كەدەيلىكتەن ارىلتۋدان قامال الۋدىڭ نەگىزگى شايقاس مايدانىندا ايانباي ناقتى ءىس ىستەپ، عىلىم - تەحنيكادا جاڭالىق اشۋدىڭ الدىڭعى شەبىندە باتىلدىقپەن شىڭعا ۇمتىلىپ، ىندەتكە قارسى اتتانۋدىڭ شەشۋشى كەزەڭىندە قاسقايا قارسى اتتاندى، وتباسى جانە الەۋمەتتىك اۋماقتا ىرىقتىلىقپەن جاۋاپكەرشىلىك ارقالاپ، تىنىشتىق قۇرىلىسى ءبىرىنشى شەبىن ءۇن - ءتۇنسىز قورعادى، باسەكەلىك جارىس مايدانىندا باتىلدىقپەن سايىسىپ، ”جارتى الەمدىك“ رولىن جان - جاقتى كورنەكتىلەندىردى، ايەلدەر ىستەرىنىڭ دامۋى جان - جاقتى ىلگەرىلەدى. ءار دارەجەلى ايەلدەر بىرلەستىگى ۇيىمدارى ايەلدەرگە يدەيا - ساياسي جەتەكشىلىكتى دەن قويا كۇشەيتىپ، قالىڭ ايەلدەردى جاڭا داۋىردە ەڭبەك سىڭىرۋگە ىنتىماقتاستىرىپ، جۇمىلدىرىپ، وتباسى، وتباسى تاربيەسى، وتباسى سالتى قۇرىلىسىن جاڭالىق اشا ىلگەرىلەتىپ، ۇقىقتى قورعاۋ، قامقورلىق جاساۋ قىزمەت وتەۋىن دەن قويا، سۇيىسپەنشىلىكپەن ويداعىداي ىستەپ، حالىقارالىق اۋىس - كۇيىستى، سەلبەستىكتى بەلسەندىلىكپەن ورىستەتىپ، ايەلدەر بىرلەستىگى رەفورماسىن ۇزدىكسىز تەرەڭدەتىپ، ساياسي سيپاتتى، العاباسارلىق سيپاتتى، بۇقارالىق سيپاتتى ۇزدىكسىز كۇشەيتىپ، پارتيانىڭ بيلىك جۇرگىزۋدەگى بۇقارالىق نەگىزىن بەكەمدەۋدە ماڭىزدى رول اتقاردى.
ديڭ شۋەشياڭ مىنالاردى ءبىلدىردى: پارتيا 20 - قۇرىلتايى جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋدىڭ ايبىندى جوباسىن كەسكىندەپ، جاڭا ءداۋىردىڭ جاڭا جورىعىنداعى پارتيانىڭ وزەكتى مىندەتىن ايقىندادى. قالىڭ ايەلدەر پارتيامەن ءبىر نيەتتە بولىپ، پارتياعا ىلەسىپ ەكپىندەي العا ىلگەرىلەپ، جاڭا يدەيانى امالياتتا ايگىلەۋ بارىسىندا جەلەكتىلەردىڭ نانىم نەگىزىن بەكەمدەپ، جاڭا جورىقتا ەكپىندەي ىلگەرىلەۋ بارىسىندا جەلەكتىلەردىڭ جاۋاپكەرشىلىك ارقالاپ، ىسكەرلىك كورسەتۋىن ايگىلەپ، جاڭا سالتقا جەتەكشىلىك ەتۋ بارىسىندا جەلەكتىلەردىڭ وزگەشە رولىن كورسەتىپ، جاڭا ورەنى جوعارىلاتۋ بارىسىندا جەلەكتىلەردىڭ تارتىمدى ءومىرىن جاراتىپ، اناعۇرلىم كۇشتى تاريحي سانالىلىق، اناعۇرلىم اسقاق رۋحاني بەينە ارقىلى جاڭا جورىقتا ”جارتى الەمنىڭ“ ءتىپتى دە تارتىمدى داستانىن جازۋى كەرەك. ءار دارەجەلى ايەلدەر بىرلەستىگى ۇيىمدارى جۇڭگوشا سوتسياليزمنىڭ بۇقارالىق ۇيىم دامۋ جولىمەن بۇلجىماي ءجۇرىپ، جەتەكشىلىك ەتۋ، قىزمەت وتەۋ، بايلانىس جاساۋ فۋنكتسياسىن مۇقيات اتقارىپ، پارتيا ىستەرى ءۇشىن جەلەكتىلەر كۇشىن ۇيىستىرىپ، جەلەكتىلەر اقىل - پاراساتىن توپتاۋى كەرەك.
جۇڭحۋا مەملەكەتتىك باس جۇمىسشى ۇيىمى پارتيا باسشىلىق گرۋپپاسىنىڭ شۋجيى، شۋجيچۋىنىڭ ءبىرىنشى شۋجيى شۇي ليۋپيڭ جۇڭحۋا مەملەكەتتىك باس جۇمىسشى ۇيىمى، جۇڭگو كوممۋنيستىك جاستار وداعى ورتالىق كوميتەتى، جۇڭگو ادەبيەت - كوركەمونەرشىلەر بىرلەستىگى، جۇڭگو جازۋشىلار قوعامى، جۇڭگو عىلىم - تەحنيكا قوعامى، جۇڭحۋا مەملەكەتتىك وتانعا ورالعان حۋاچياۋلار بىرلەستىگى، جۇڭحۋا مەملەكەتتىك تايۋاندىق باۋىرلاستار دوستىق بىرلەستىگى، جۇڭگو مۇگەدەكتەر بىرلەستىگى اتىنان قۇرىلتايدا قۇتتىقتاۋ ءسوزىن سويلەدى. قۇتتىقتاۋ سوزىندە بىلاي دەپ اتاپ كورسەتىلدى: جاڭا جورىقتا بۇقارالىق ۇيىمدار پارتيانىڭ جاپپاي باسشىلىعىنا تاباندى بولىپ جانە ونى كۇشەيتىپ، بۇلجىماي شي جينپيڭ جاڭا ءداۋىر جۇڭگوشا سوتسياليزم يدەياسىمەن زەيىن - زەردەنى ۇيىستىرىپ، رۋحتى سومداپ، جۇڭگوشا سوتسياليستىك بۇقارالىق ۇيىم دامۋ جولىمەن بۇلجىماي ءجۇرىپ، جاڭا ۇلى كۇرەس ارقىلى بۇقارالىق ۇيىم ىستەرى دامۋىنىڭ جاڭا ءورىسىن اشۋ كەرەك.
قۇرىلتاي ءتوراعالار القاسىنىڭ تۇراقتى ءتوراعاسى حۋاڭ شياۋۋي جۇڭحۋا مەملەكەتتىك ايەلدەر بىرلەستىگى 12 - كەزەكتى اتقارۋ كوميتەتى اتىنان «شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، قالىڭ ايەلدەردى مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ءۇشىن ىنتىماقتاسا كۇرەس جۇرگىزۋگە جۇمىلدىرايىق، جەتەكتەيىك» دەگەن تاقىرىپتا بايانداما جاسادى. بايانداما 5 بولىمگە بولىنگەن: بۇلجىماي پارتياعا ىلەسىپ كۇرەس جۇرگىزگەن جۇڭگو ايەلدەرى جانە ايەلدەر بىرلەستىگى ۇيىمدارى؛ شي جينپيڭ جاڭا ءداۋىر جۇڭگوشا سوتسياليزم يدەياسىمەن جۇڭگو ايەلدەر ىستەرىنىڭ جاڭا ساپارىنا جەتەكشىلىك ەتۋ؛ مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ءۇشىن جەلەكتىلەر بورىشىن باتىلدىقپەن ارقالاۋ؛ جاڭا ەمتيحان تاپسىرۋ جولىندا ايەلدەر بىرلەستىگى قىزمەتىنىڭ جوعارى ساپالى دامۋىن ىلگەرىلەتۋ؛ جۇڭگو ۇلگىسىندەگى وسىزامانداندىرۋ تالابىنا ۇيلەسەتىن ايەلدەر بىرلەستىگى ۇيىمىن سومداۋ.
قۇرىلتاي جازباشا بايانداما فورماسىمەن ۋاكىلدەرگە «جۇڭحۋا مەملەكەتتىك ايەلدەر بىرلەستىگى ۋستاۆى (وزگەرىس ەنگىزۋ جوباسى)» جوباسىن تاپسىرىپ، ۋاكىلدەردىڭ قاراۋىن ءوتىندى.
جۇڭگو كوممۋنيستىك پارتياسى ورتالىق كوميتەتى شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتىندەگى، مەملەكەتتىك كەڭەستەگى، مەملەكەتتىك ساياسي كەڭەستەگى، ورتالىق اسكەري ىستەر كوميتەتىندەگى قاتىستى باسشى جولداستار قۇرىلتايعا قاتىناستى.
ورتالىق پەن مەملەكەت ورگاندارىنىڭ قاتىستى تاراۋلارىنداعى، حالىقتىق ۇيىمدارداعى، ارميانىڭ قاتىستى ورىندارىنداعى جانە بەيجيڭ قالاسىنداعى جاۋاپتى جولداستار، ءارقايسى دەموكراتيالىق پارتيا - توپتاردىڭ ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ جاۋاپتىلارى جانە پارتيادا، توپتا جوق قايراتكەرلەردىڭ ۋاكىلدەرى، بەيجيڭدەگى مينيستر دارەجەلى ءبىر ءبولىم ايەل باسشى كادرلار جانە مەملەكەتتىك ايەلدەر بىرلەستىگىنىڭ ساقا باسشىلارى، استاناداعى ءار سالاداعى ايەلدەر ۋاكىلدەرى، ت.ب اشىلۋ ماجىلىسىنە قاتىناستى.
