قالىڭ حالىقتىق شارۋاشىلىق قايراتكەرلەرىن پارتيانىڭ توڭىرەگىنە اناعۇرلىم تىعىز ىنتىماقتاستىرىپ، ساۋدا - ونەركاسىپشىلەر بىرلەستىگى ىستەرى دامۋىنىڭ جاڭا جاعدايىن ۇزدىكسىز اشۋ كەرەك

شي جينپيڭ حات جولداپ جۇڭحۋا مەملەكەتتىك ساۋدا - ونەركاسىپشىلەر بىرلەستىگى قۇرىلعاندىعىنىڭ 70 جىلدىعىن قۇتتىقتاعاندا بىلاي دەپ باسا دارىپتەدى

قالىڭ حالىقتىق شارۋاشىلىق قايراتكەرلەرىن پارتيانىڭ توڭىرەگىنە اناعۇرلىم تىعىز ىنتىماقتاستىرىپ، ساۋدا - ونەركاسىپشىلەر بىرلەستىگى ىستەرى دامۋىنىڭ جاڭا جاعدايىن ۇزدىكسىز اشۋ كەرەك

ۋاڭ حۋنيڭ قۇتتىقتاۋ جينالىسىنا قاتىناستى ءارى ءسوز سويلەدى

قۇتتىقتاۋ حاتى

　　جۇڭحۋا مەملەكەتتىك ساۋدا - ونەركاسىپشىلەر بىرلەستىگى قۇرىلعاندىعىنىڭ 70 جىلدىعى ساتىندە، مەن پارتيا ورتالىق كوميتەتى اتىنان سىزدەردى قىزۋ قۇتتىقتايمىن! ساۋدا - ونەركاسىپشىلەر بىرلەستىگى جۇيەسىندەگى بارلىق كادرلار مەن جۇمىسشى - قىزمەتكەرلەرگە جانە بۇكىل ەلدەگى قالىڭ حالىقتىق شارۋاشىلىق قايراتكەرلەرىنە ىقىلاستى سالەم جولدايمىن!

　　ساۋدا - ونەركاسىپشىلەر بىرلەستىگى قىزمەتى − پارتيانىڭ بىرلىكساپ قىزمەتى مەن ەكونوميكا قىزمەتىنىڭ ماڭىزدى قۇرامداس بولىگى. 70 جىلدان بەرى ساۋدا - ونەركاسىپشىلەر بىرلەستىگى باستان - اياق پارتيا باسشىلىعىنا تاباندى بولىپ، پارتيا مەن مەملەكەتتىڭ وزەكتى قىزمەتىنە قىزمەت وتەۋدى ارقاۋ ەتىپ، جاڭا جۇڭگو قۇرۋ، رەفورما جاساۋدى، ەسىك اشۋدى ىلگەرىلەتۋ، جاڭا داۋىردە ەكپىندەي ىلگەرىلەۋ ۇلى امالياتى بارىسىندا ماڭىزدى ۇلەس قوستى.

　　ساۋدا - ونەركاسىپشىلەر بىرلەستىگىنىڭ جاڭا ءداۋىر جۇڭگوشا سوتسياليزم يدەياسى مەن پارتيا 20 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى جاڭا جورىقتا پارتيا جۇكتەگەن بورىشتى، مىندەتتى شىنايى ارقالاپ، يدەيا - ساياسي جاقتان جەتەكشىلىك ەتۋدى كۇشەيتۋگە، جالپىلىق مەنشىككە جاتپايتىن شارۋاشىلىقتىڭ اقاۋسىز دامۋىن جانە جالپىلىق مەنشىككە جاتپايتىن شارۋاشىلىق قايراتكەرلەرىنىڭ اقاۋسىز جەتىلۋىن جەبەۋگە، حالىقتىق شارۋاشىلىقتىڭ جوعارى ساپالى دامۋىن تىڭعىلىقتى ىلگەرىلەتۋگە كۇش سالىپ، سەنىمدى سەرپىلتىپ، جۇرت تىلەگىن توعىستىرىپ، قالىڭ حالىقتىق شارۋاشىلىق قايراتكەرلەرىن پارتيانىڭ توڭىرەگىنە اناعۇرلىم تىعىز ىنتىماقتاستىرىپ، ساۋدا - ونەركاسىپشىلەر بىرلەستىگى ىستەرى دامۋىنىڭ جاڭا جاعدايىن ۇزدىكسىز اشۋىن ءۇمىت ەتەمىن. قالىڭ حالىقتىق شارۋاشىلىق قايراتكەرلەرىنىڭ جاڭا دامۋ ۇستانىمىن شىنايى دايەكتىلەندىرىپ، كاسىپورىنشىلار رۋحىن زور كۇشپەن اسقاقتاتىپ، وتاندى ءسۇيۋدىڭ، كاسىپتى قادىرلەۋدىڭ، زاڭعا بويسۇنىپ تيجارات جۇرگىزۋدىڭ، شارۋاشىلىق قۇرۋدىڭ، جاڭالىق اشۋدىڭ، قوعامعا قارىمجى قايتارۋدىڭ ۇلگىسى بولۋعا قۇلشىنىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ ءۇشىن كۇش - قۋات ارناۋىن ءۇمىت ەتەمىن.

شي جينپيڭ

2023 - جىلى 10 - ايدىڭ 24 - كۇنى

(شينحۋا اگەنتتىگىنىڭ 10 - ايدىڭ 24 - كۇنى بەيجيڭنەن بەرگەن حابارى)

　　شينحۋا اگەنتتىگىنىڭ 10 - ايدىڭ 24 - كۇنى بەيجيڭنەن بەرگەن حابارى. جۇڭحۋا مەملەكەتتىك ساۋدا - ونەركاسىپشىلەر بىرلەستىگى قۇرىلعاندىعىنىڭ 70 جىلدىعى ساتىندە، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قۇتتىقتاۋ حاتىن جولداپ، پارتيا ورتالىق كوميتەتى اتىنان قىزۋ قۇتتىقتاپ، ساۋدا - ونەركاسىپشىلەر بىرلەستىگى جۇيەسىندەگى بارلىق كادرلار مەن جۇمىسشى - قىزمەتكەرلەرگە جانە بۇكىل ەلدەگى قالىڭ حالىقتىق شارۋاشىلىق قايراتكەرلەرىنە ىقىلاستى سالەم جولدادى.

　　شي جينپيڭ قۇتتىقتاۋ حاتىندا بىلاي دەپ اتاپ كورسەتتى: ساۋدا - ونەركاسىپشىلەر بىرلەستىگى قىزمەتى − پارتيانىڭ بىرلىكساپ قىزمەتى مەن ەكونوميكا قىزمەتىنىڭ ماڭىزدى قۇرامداس بولىگى. 70 جىلدان بەرى ساۋدا - ونەركاسىپشىلەر بىرلەستىگى باستان - اياق پارتيا باسشىلىعىنا تاباندى بولىپ، پارتيا مەن مەملەكەتتىڭ وزەكتى قىزمەتىنە قىزمەت وتەۋدى ارقاۋ ەتىپ، جاڭا جۇڭگو قۇرۋ، رەفورما جاساۋدى، ەسىك اشۋدى ىلگەرىلەتۋ، جاڭا داۋىردە ەكپىندەي ىلگەرىلەۋ ۇلى امالياتى بارىسىندا ماڭىزدى ۇلەس قوستى.

　　شي جينپيڭ ساۋدا - ونەركاسىپشىلەر بىرلەستىگىنىڭ جاڭا ءداۋىر جۇڭگوشا سوتسياليزم يدەياسى مەن پارتيا 20 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى جاڭا جورىقتا پارتيا جۇكتەگەن بورىشتى، مىندەتتى شىنايى ارقالاپ، يدەيا - ساياسي جاقتان جەتەكشىلىك ەتۋدى كۇشەيتۋگە، جالپىلىق مەنشىككە جاتپايتىن شارۋاشىلىقتىڭ اقاۋسىز دامۋىن جانە جالپىلىق مەنشىككە جاتپايتىن شارۋاشىلىق قايراتكەرلەرىنىڭ اقاۋسىز جەتىلۋىن جەبەۋگە، حالىقتىق شارۋاشىلىقتىڭ جوعارى ساپالى دامۋىن تىڭعىلىقتى ىلگەرىلەتۋگە كۇش سالىپ، سەنىمدى سەرپىلتىپ، جۇرت تىلەگىن توعىستىرىپ، قالىڭ حالىقتىق شارۋاشىلىق قايراتكەرلەرىن پارتيانىڭ توڭىرەگىنە اناعۇرلىم تىعىز ىنتىماقتاستىرىپ، ساۋدا - ونەركاسىپشىلەر بىرلەستىگى ىستەرى دامۋىنىڭ جاڭا جاعدايىن ۇزدىكسىز اشۋىن ءۇمىت ەتتى. قالىڭ حالىقتىق شارۋاشىلىق قايراتكەرلەرىنىڭ جاڭا دامۋ ۇستانىمىن شىنايى دايەكتىلەندىرىپ، كاسىپورىنشىلار رۋحىن زور كۇشپەن اسقاقتاتىپ، وتاندى ءسۇيۋدىڭ، كاسىپتى قادىرلەۋدىڭ، زاڭعا بويسۇنىپ تيجارات جۇرگىزۋدىڭ، شارۋاشىلىق قۇرۋدىڭ، جاڭالىق اشۋدىڭ، قوعامعا قارىمجى قايتارۋدىڭ ۇلگىسى بولۋعا قۇلشىنىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ ءۇشىن كۇش - قۋات ارناۋىن ءۇمىت ەتتى.

　　مەملەكەتتىك ساۋدا - ونەركاسىپشىلەر بىرلەستىگى قۇرىلعاندىعىنىڭ 70 جىلدىعىن قۇتتىقتاۋ جينالىسى 10 - ايدىڭ 24 - كۇنى بەيجيڭدە وتكىزىلدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ حۋنيڭ قاتىناستى ءارى ءسوز سويلەدى. ول مىنالاردى ءبىلدىردى: باس شۋجي شي جينپيڭ مەملەكەتتىك ساۋدا - ونەركاسىپشىلەر بىرلەستىگى قۇرىلعاندىعىنىڭ 70 جىلدىعىنا ارناۋلى قۇتتىقتاۋ حاتىن جولداپ، مەملەكەتتىك ساۋدا - ونەركاسىپشىلەر بىرلەستىگىنىڭ ماڭىزدى ۇلەستەرىن تۇراقتاندىرىپ، ساۋدا - ونەركاسىپشىلەر بىرلەستىگى قىزمەتىنىڭ ءمانىن، بەتالىسىن، نەگىزگى تاقىرىبىن، مىندەتىن ءتۇسىندىرىپ، قالىڭ حالىقتىق شارۋاشىلىق قايراتكەرلەرىنە ىقىلاستى ءۇمىت ارتىپ جانە ايقىن تالاپ قويىپ، جاڭا داۋىردەگى ساۋدا - ونەركاسىپشىلەر بىرلەستىگى قىزمەتىن ويداعىداي ىستەۋ، حالىقتىق شارۋاشىلىقتىڭ اقاۋسىز دامۋىن جەبەۋ ءۇشىن ءتۇبىرلى بويسۇنۋ ولشەمىن ازىرلەدى. مۇقيات ۇيرەنىپ، ءتۇسىنىپ، دايەكتىلەندىرۋدى، تياناقتاندىرۋدى ويداعىداي يگەرۋىمىز كەرەك.

　　ۋاڭ حۋنيڭ مىنالاردى ءبىلدىردى: ساۋدا - ونەركاسىپشىلەر بىرلەستىگى − پارتيانىڭ باسشىلىعىنداعى حالىقتىق ۇيىم جانە ساۋدا قوعامى ۇيىمى، ساۋدا - ونەركاسىپشىلەر بىرلەستىگى ىستەرى − پارتيا مەن مەملەكەت ىستەرىنىڭ ماڭىزدى قۇرامداس بولىگى. جاڭا جورىقتا ساۋدا - ونەركاسىپشىلەر بىرلەستىگى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 20 - قۇرىلتايىنىڭ رۋحىن جاپپاي دايەكتىلەندىرىپ، تياناقتاندىرىپ، جاڭا داۋىردەگى جاڭا جورىقتا پارتيا مەن مەملەكەتتىڭ وزەكتى مىندەتىن مىقتى يگەرىپ، سەنىم ارتۋ، ىنتىماقتاسۋ، قىزمەت وتەۋ، جەتەكتەۋ، تاربيەلەۋ باعىتىنان جازباي، ”ەكى اقاۋسىزدىقتى“ جەبەۋ قىزمەتىن مىقتاپ ارقاۋ ەتىپ مىندەت اتقارىپ، جاۋاپكەرشىلىكتى ادا ەتىپ، جاپپاي سوتسياليستىك وسىزاماندانعان مەملەكەت قۇرۋ ءۇشىن زەيىن - زەردەنى ۇيىستىرىپ، كۇش - قۋات توپتاپ، جاۋاپكەرشىلىك ارقالاپ، ىسكەرلىك كورسەتۋى كەرەك. يدەيا - ساياسي جاقتان جەتەكشىلىك ەتۋدى كۇشەيتىپ، قالىڭ حالىقتىق شارۋاشىلىق قايراتكەرلەرىن بۇلجىماي پارتيانىڭ سوزىنە قۇلاق اسۋعا، پارتياعا ىلەسۋگە، سانالى تۇردە وتاندى ءسۇيۋدىڭ، كاسىپتى قادىرلەۋدىڭ، زاڭعا بويسۇنىپ تيجارات جۇرگىزۋدىڭ، شارۋاشىلىق قۇرۋدىڭ، جاڭالىق اشۋدىڭ، قوعامعا قارىمجى قايتارۋدىڭ ۇلگىسى بولۋعا، جۇڭگوشا سوتسياليزم ىستەرىنىڭ تولىمدى قۇرۋشىلارى بولۋعا جەتەكتەۋ كەرەك. حالىقتىق شارۋاشىلىقتىڭ جوعارى ساپالى دامۋىن ىلگەرىلەتىپ، حالىقتىق كاسىپورىنداردى جاڭا دامۋ ۇستانىمىن تولىق، دالمە - ءدال، جان - جاقتى دايەكتىلەندىرۋگە، جاڭا دامۋ ارناسىن قالىپتاستىرۋعا بەلسەنە ات سالىسىپ، نەگىزگى كاسىپكە تاباندى بولىپ، شارۋاشىلىقتى كۇشەيتۋگە جەتەكتەۋ كەرەك. قالىڭ حالىقتىق شارۋاشىلىق قايراتكەرلەرىن حالىقتى وزەك ەتكەن دامۋ يدەياسىن امالياتتا ايگىلەۋگە، حالىقتىق كاسىپورىنداردى قوعامدىق جاۋاپكەرشىلىكتى وتەپ، حالىققا اناعۇرلىم ويداعىداي باقىت جاراتۋدى ىلگەرىلەتۋگە جەتەكتەۋ كەرەك. بىرلەستىكتى ساياسي جاقتان قۇرۋعا، بىرلەستىكتى ىنتىماقتاسا ەڭسەلەندىرۋگە، بىرلەستىكتى قىزمەت وتەۋ ارقىلى كوركەيتۋگە، بىرلەستىكتى رەفورما ارقىلى قۇدىرەتتەندىرۋگە تاباندى بولىپ، ساياسي سيپاتتى، العاباسارلىق سيپاتتى، بۇقارالىق سيپاتتى باستان - اياق ساقتاپ جانە كۇشەيتىپ، ساۋدا - ونەركاسىپشىلەر بىرلەستىگىنىڭ كوپىرلىك، دانەكەرلىك جانە كومەكشىلىك رولىن اناعۇرلىم ويداعىداي ساۋلەلەندىرۋ كەرەك.

　　جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت بىرلىكساپ ءبولىمىنىڭ باستىعى شى تايفىڭ جينالىستا شي جينپيڭنىڭ قۇتتىقتاۋ حاتىن وقىدى. مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىعى، جۇڭگو دەموكراتيالىق مەملەكەت قۇرۋ قوعامى ورتالىق كوميتەتىنىڭ ءتوراعاسى حاۋ ميڭجين، جۇڭحۋا مەملەكەتتىك باس جۇمىسشى ۇيىمى پارتيا باسشىلىق گرۋپپاسىنىڭ شۋجيى، شۋجيچۋىنىڭ ءبىرىنشى شۋجيى شۇي ليۋپيڭ ىلگەرىندى - كەيىندى ءارقايسى دەموكراتيالىق پارتيا - توپتار ورتالىق كوميتەتى، حالىقتىق ۇيىمدار اتىنان قۇتتىقتاۋ ءسوزىن سويلەدى.

　　جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەستىڭ ورىنباسار زۇڭليى ليۋ گوجۇڭ، مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىعى، جۇڭگو گومينداڭ توڭكەرىستىك كوميتەتى ورتالىق كوميتەتىنىڭ ءتوراعاسى جىڭ جيانباڭ، مەملەكەتتىك ساياسي كەڭەستىڭ ورىنباسار ءتوراعاسى ۋاڭ يۇڭ جينالىسقا قاتىناستى. مەملەكەتتىك ساياسي كەڭەستىڭ ورىنباسار ءتوراعاسى، مەملەكەتتىك ساۋدا - ونەركاسىپشىلەر بىرلەستىگىنىڭ ءتوراعاسى گاۋ يۇنلۇڭ جينالىستى باسقاردى.

　　جينالىس ساۋدا - ونەركاسىپشىلەر جۇيەسىندەگى وزات كوللەكتيۆتەردى جانە وزات قىزمەتكەرلەردى ماداقتاپ - سيلادى.

　　جينالىستان ىلگەرى، ۋاڭ حۋنيڭ قاتارلى باسشى جولداستار مەملەكەتتىك ساۋدا - ونەركاسىپشىلەر بىرلەستىگى باسشىلىق القاسىنىڭ مۇشەلەرىمەن، سونداي - اق ماداقتالعان، سيلانعان ساۋدا - ونەركاسىپشىلەر بىرلەستىگى جۇيەسىندەگى وزات كوللەكتيۆتەردىڭ ۋاكىلدەرى جانە وزات قىزمەتكەرلەر قاتارلىلارمەن كەزدەستى.

　　ورتالىق پەن مەملەكەت ورگاندارىنىڭ قاتىستى تاراۋلارىنداعى، قاتىستى حالىقتىق ۇيىمدارداعى جاۋاپتى جولداستار، ءارقايسى دەموكراتيالىق پارتيا - توپتار ورتالىق كوميتەتتەرىنىڭ جاۋاپتىلارى، ساۋدا - ونەركاسىپشىلەر بىرلەستىگى جۇيەسىندەگى قاتىستى جاۋاپتى جولداستار، سونداي - اق ۋاكىلدەر، ماداقتالعان، سيلانعان ساۋدا - ونەركاسىپشىلەر بىرلەستىگى جۇيەسىندەگى وزات كوللەكتيۆتەردىڭ ۋاكىلدەرى جانە وزات قىزمەتكەرلەر، حالىقتىق شارۋاشىلىق قايراتكەرلەرىنىڭ ۋاكىلدەرى قاتارلىلار جينالىسقا قاتىناستى.