شي جينپيڭ چاڭجياڭ ەكونوميكالىق بەلدەۋىنىڭ جوعارى ساپالى دامۋىن ونان ارى ىلگەرىلەتۋ اڭگىمە ءماجىلىسىن باسقارىپ اشقاندا بىلاي دەپ باسا دارىپتەدى
چاڭجياڭ ەكونوميكالىق بەلدەۋىنىڭ جوعارى ساپالى دامۋىن ونان ارى ىلگەرىلەتىپ، جۇڭگو ۇلگىسىندەگى وسىزامانداندىرۋعا ءتىپتى دە جاقسى تىرەك بولۋ جانە وعان قىزمەت وتەۋ كەرەك
لي چياڭ، ساي چي، ديڭ شۋەشياڭ قاتىناستى
جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 10 - ايدىڭ 12 - كۇنى تۇستەن كەيىن جياڭشي ولكەسىنىڭ نانچاڭ قالاسىندا چاڭجياڭ ەكونوميكالىق بەلدەۋىنىڭ جوعارى ساپالى دامۋىن ونان ارى ىلگەرىلەتۋ اڭگىمە ءماجىلىسىن باسقارىپ اشتى ءارى ماڭىزدى ءسوز سويلەدى.
□ سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن
شينحۋا اگەنتتىگىنىڭ 10 - ايدىڭ 12 - كۇنى نانچاڭنان بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 10 - ايدىڭ 12 - كۇنى تۇستەن كەيىن جياڭشي ولكەسىنىڭ نانچاڭ قالاسىندا چاڭجياڭ ەكونوميكالىق بەلدەۋىنىڭ جوعارى ساپالى دامۋىن ونان ارى ىلگەرىلەتۋ اڭگىمە ءماجىلىسىن باسقارىپ اشتى ءارى ماڭىزدى ءسوز سويلەدى. ول بىلاي دەپ باسا دارىپتەدى: جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، قاۋىرت قورعاۋدى بىرگە يگەرۋگە، قاۋىرت اشپاۋعا تاباندى بولىپ، ەكولوگيانى الدىمەن ويلاسۋعا، جاسىل دامۋعا تاباندى بولىپ، عىلىم - تەحنيكادا جاڭالىق اشۋدى جەتەكشى ەتىپ، ەكولوگيالىق ورتانى قورعاۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ ىلگەرىلەتىپ، ساياساتتى سايكەستىرۋ مەن قىزمەتتى سايكەستىرۋدى كۇشەيتىپ، ۇزاق بولاشاقتىق اۋقىمدى كوزدەپ، ۇزاق ۋاقىتتىق شارا قولدانىپ، باياندى تىنىشتىق نەگىزىن ورناتىپ، چاڭجياڭ ەكونوميكالىق بەلدەۋىنىڭ جوعارى ساپالى دامۋىن ونان ارى ىلگەرىلەتىپ، جۇڭگو ۇلگىسىندەگى وسىزامانداندىرۋعا ءتىپتى دە جاقسى تىرەك بولۋ جانە وعان قىزمەت وتەۋ كەرەك.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي چياڭ، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت كەڭسەسىنىڭ مەڭگەرۋشىسى ساي چي، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى ديڭ شۋەشياڭ اڭگىمە ماجىلىسىنە قاتىناستى.
شي جينپيڭ جياڭشيدە تەكسەرۋ - زەرتتەۋ جۇرگىزگەن كەزدە وسى رەتكى اڭگىمە ءماجىلىسىن ارنايى اشتى. اڭگىمە ماجىلىسىندە مەملەكەتتىك دامۋ جانە رەفورما كوميتەتىنىڭ مەڭگەرۋشىسى جىڭ شانجيە، چۇڭچيڭ قالالىق پارتكومنىڭ شۋجيى يۋان جياجۇن، جياڭشي ولكەلىك پارتكومنىڭ شۋجيى يىن حۇڭ، شاڭحاي قالالىق پارتكومنىڭ شۋجيى چىن جينيڭ ىلگەرىندى - كەيىندى ءسوز سويلەپ، چاڭجياڭ ەكونوميكالىق بەلدەۋىنىڭ جوعارى ساپالى دامۋىن ىلگەرىلەتۋ جونىندە قىزمەت جاعدايىنان مالىمەت بەرىپ، پىكىر - ۇسىنىس قويدى. اڭگىمە ماجىلىسىنە قاتىناسقان وزگە ولكەلەردىڭ باستى جاۋاپتى جولداستارى جازباشا ءسوز ماتەريالىن تاپسىردى.
كوپشىلىكتىڭ ءسوزىن تىڭداعاننان كەيىن، شي جينپيڭ ماڭىزدى ءسوز سويلەدى. ول بىلاي دەپ باسا دارىپتەدى: چاڭجياڭ ەكونوميكالىق بەلدەۋىن دامىتۋ ستراتەگياسى اتقارىلعان 8 جىلعا تاياۋ ۋاقىتتان بەرى وزەن بويىنداعى ولكە، قالالار مەن ورتالىقتىڭ قاتىستى تاراۋلارى پارتيا ورتالىق كوميتەتىنىڭ شەشىمدەرىن، ورنالاستىرۋلارىن مۇقيات دايەكتىلەندىرىپ، تياناقتاندىرىپ، قاۋىرت قورعاۋدى تەڭ يگەرۋگە، قاۋىرت اشپاۋعا تاباندى بولىپ، ەكولوگيانى الدىمەن ويلاسۋعا، جاسىل دامۋعا تاباندى بولىپ، چاڭجياڭنىڭ ەكولوگيالىق ورتاسىن قورعاۋدى، قالپىنا كەلتىرۋدى تىڭعىلىقتى ىلگەرىلەتىپ، ەكونوميكالىق، قوعامدىق دامۋدىڭ جاپپاي جاسىل بولۋعا قاراي تيپ وزگەرتۋىن بەلسەنە جەبەدى، بەكىمنىڭ كۇشتىلىگى، سەرپىننىڭ كۇشتىلىگى بۇرىن بولماعان دارەجەدە بولدى، چاڭجياڭ ەكونوميكالىق بەلدەۋىنىڭ دامۋىندا ەلەۋلى وزگەرىس تۋىلدى. يدەيالىق تانىمدا وراسان زور بۇرىلىس بولىپ، قاۋىرت قورعاۋدى تەڭ يگەرۋ، قاۋىرت اشپاۋ ورتاق تانىمعا اينالدى؛ ەكولوگيالىق ورتانى قورعاۋ مەن قالپىنا كەلتىرۋدە ەلەۋلى تابىسقا قول جەتكىزىپ، ”كوك وزەن شىعىسقا جوڭكىلە اققان“ كوركەم كورىنىس قايتا پايدا بولدى؛ دامۋ تاسىلىندە ەلەۋلى وزگەرىس تۋىلىپ، دامۋعا جاڭالىق اشۋ ارقىلى دەم بەرۋ جاپپاي اۋقىم قالىپتاستىردى؛ وڭىرلەردىڭ توعىسۋىندا ماڭىزدى جوعارىلاۋ جۇزەگە اسىپ، وڭىرلەردىڭ سايكەستى بىرلەسىپ قيمىلداۋى ۇزدىكسىز كۇشەيدى؛ رەفورما جاساۋدا، ەسىك اشۋدا ەلەۋلى ىلگەرىلەۋشىلىككە قول جەتىپ، جان - جاقتى ىشكە، سىرتقا ەسىك اشۋ اۋقىمى جەدەل قالىپتاستى. جالپى جاقتان قاراعاندا، چاڭجياڭ ەكونوميكالىق بەلدەۋىنىڭ دامۋ تابىستارى كوپكە ءمالىم، دامۋ ساپاسى ورنىقتى جوعارىلادى، دامۋ اۋقىمى كۇن سايىن جاقساردى. سونىمەن بىرگە چاڭجياڭ الابىنىڭ ەكولوگيالىق ورتاسىن قورعاۋ مەن جوعارى ساپالى دامۋىنىڭ سان وزگەرىسىنەن ساپا وزگەرىسىنە اينالۋىنىڭ شەشۋشى مەزگىلدە تۇرعاندىعىن، قول جەتكىزگەن ونىمدىلىكتەر دە تىم تۇراقتى ەمەستىگىن، وبيەكتيۆ جاقتا ءالى دە ءبىرتالاي قيىنشىلىق پەن ماسەلە ءومىر ءسۇرىپ وتىرعاندىعىن، ۇزدىكسىز قۇلشىنا شەشۋ كەرەكتىگىن دە كورە ءبىلۋ كەرەك.
شي جينپيڭ بىلاي دەپ اتاپ كورسەتتى: ۇزاق بولاشاقتان قاراعاندا، چاڭجياڭ ەكونوميكالىق بەلدەۋىنىڭ جوعارى ساپالى دامۋىن ىلگەرىلەتۋ، تۇبىرىنەن العاندا، چاڭجياڭ الابىنىڭ جوعارى ساپالى ەكولوگيالىق ورتاسىنا سۇيەنەدى. قاۋىرت قورعاۋدى تەڭ يگەرۋگە، قاۋىرت اشپاۋعا تيتتەي دە بوساڭسىماي تاباندى بولىپ، جوعارى دەڭگەيدە قورعاۋعا اناعۇرلىم كوپ كۇش سالۋ كەرەك. وزەن بويىنداعى جەرلەردىڭ ەكولوگيا قىزىل سىزىعى بەلگىلەندى، ءسوز جوق، ساقتاۋ، ويداعىداي باسقارۋ، ەكولوگيالىق ورتانى وڭىرگە ءبولىپ باسقارۋدى، مەڭگەرۋدى كۇشەيتىپ، كىرۋگە رۇقسات ەتۋ تىزىمدىگىن قاتاڭ اتقارۋ كەرەك. ءار دارەجەلى پارتكوم مەن ۇكىمەت بەلگىلەنگەن ءوز جەرىندەگى ماڭىزدى ەكولوگيالىق كەڭىستىكتەر جونىندە كوڭىلىندە ەسەپ بولۋ، الدىمەن قورعاۋ، قاتاڭ قورعاۋ كەرەك. ەكولوگيالىق ورتانى كەشەندى وڭاۋدى ۇزدىكسىز كۇشەيتىپ، ءتۇيىندى سالالارداعى لاستانۋدى وڭاۋدى ۇزدىكسىز كۇشەيتىپ، سۋ بايلىعىن، سۋ ورتاسىن، سۋ ەكولوگياسىن ءبىر تۇتاس جوسپارلاپ، اتموسفەرا مەن توپىراقتىڭ لاستانۋىنان ساقتانۋدى، وڭاۋدى تىڭعىلىقتى ىلگەرىلەتىپ، العاشقى باسقىشتاعى لاستانۋدى تىزگىندەۋگە اناعۇرلىم ءمان بەرىپ، لاستاۋشى زاتتاردىڭ شىعارىلۋ جالپى مولشەرىن قاينارىنان ازايتۋ كەرەك. چاڭجياڭدا ”بالىق اۋلاۋعا 10 جىل تيىم سالۋدى“ تاباندىلىقپەن ىلگەرىلەتىپ، قول جەتكەن جەتىستىكتەردى ويداعىداي بەكەمدەۋ كەرەك. كومىر قىشقىل گازىنىڭ شىعارىلۋىن ازايتۋدى، لاستانۋدى جەڭىلدەتۋدى، جاسىلدى كەڭەيتۋدى، ارتۋدى سايكەستى ىلگەرىلەتىپ، كاسىپ سالاسىنىڭ جاسىلعا تيپ وزگەرتىپ، دارەجەسىن جوعارىلاتۋدى ماڭىزدىنىڭ ماڭىزدىسى ەتىپ، جاسىل، تومەن كومىر قىشقىل گازدى كاسىپ سالاسىن جەدەل باۋلىپ، زورايتىپ، جاسىل تەحنيكانى، جاسىل ءونىمدى بەلسەنە دامىتىپ، ەكونوميكانىڭ جاسىلدانۋ دارەجەسىن جوعارىلاتىپ، دامۋدىڭ كومەسكى كۇشى مەن سەرپىنىن ارتتىرۋ كەرەك. ەكولوگيالىق باسىمدىعى بار وڭىرلەردىڭ ەكولوگيادان ويداعىداي پايدالانۋ ىستەرىن قولداپ، ەكولوگيالىق بايلىقتى ەكونوميكالىق بايلىققا اينالدىرۋ كەرەك. كولدەنەڭ باعىتتاعى ەكولوگيانى قورعاۋعا تولەم بەرۋ مەحانيزمىن كەمەلدەندىرىپ، تۇتاس الاپتىڭ ەكولوگيانى قورعاۋعا قاتىسۋ بەلسەندىلىگىن تاسقىنداتۋ كەرەك.
شي جينپيڭ بىلاي دەپ باسا دارىپتەدى: دامۋعا جاڭالىق اشۋ ارقىلى جەتەكشىلىك ەتۋگە تاباندى بولىپ، چاڭجياڭ ەكونوميكالىق بەلدەۋىنىڭ عىلمي زەرتتەۋ باسىمدىعىن، دارىندى باسىمدىعىن دامۋ باسىمدىعىنا اينالدىرىپ، دامۋدىڭ جاڭا سالاسىن، جاڭا جارىس جولىن بەلسەنە اشىپ، دامۋدىڭ جاڭا قوزعاۋشى قۋاتىن، جاڭا باسىمدىعىن سومداۋ كەرەك. عىلىم - تەحنيكا، وقۋ - اعارتۋ بايلىعىن ساپالىلاندىرىپ بىرىكتىرۋ مەن عىلىم - تەحنيكادا جاڭالىق اشۋدى سايكەستى ۇيلەستىرۋدى كۇشەيتىپ، كاسىپ سالاسى نەگىزىن جوعارى دارەجەلىلەندىرۋ مەن كاسىپ سالاسى تىزبەگىن وسىزامانداندىرۋدى ارقاۋ ەتىپ، جاڭا سالالارداعى، جاڭا جارىس جولدارىنداعى جەتەكشى تەحنيكالاردان قامال الۋدى بەلسەنە ورنالاستىرىپ، جوعارى دەڭگەيدەگى عىلىم - تەحنيكادا جاڭالىق اشۋ دارىندىلارىن باۋراپ، توپتاپ، عىلىم - تەحنيكانىڭ الدىڭعى قاتارلى سالالارىنىڭ العاشقى جاڭالىق اشۋ قابىلەتىن جوعارىلاتىپ، ءبىر توپ شەشۋشى، وزەكتى تەحنيكالاردان قامال الۋدى جەدەلدەتۋ كەرەك. كاسىپ سالاسى تىزبەگىن، قامداۋ تىزبەگىن وسىزامانداندىرۋدى زور كۇشپەن ىلگەرىلەتىپ، جاساۋ كاسىبىنىڭ وزەكتى باسەكەلىك قۋاتىن كۇشەيتۋ ارەكەتىن ۇزدىكسىز اتقارىپ، وزىق جاساۋ كاسىبىن باۋلىپ، زورايتىپ، ستراتەگيالىق جاڭادان گۇلدەنگەن كاسىپ سالالارى مەن بولاشاق كاسىپ سالالارىن جەدەل دامىتىپ، سيفرلى ەكونوميكا مەن تۇلعالىق ەكونوميكانىڭ تەرەڭدەي توعىسۋىن جەبەۋ كەرەك. كاسىپ سالاسى تىزبەگىنىڭ سايكەستى سەلبەستىگىن كۇشەيتىپ، باسىمدىعى بار كاسىپ سالالارىنىڭ تىزبەگىن ۇزارتۋدى، جاڭادان گۇلدەنگەن كاسىپ سالاسىندا تىزبەك قۇرۋدى ىلگەرىلەتۋ كەرەك.
شي جينپيڭ بىلاي دەپ اتاپ كورسەتتى: چاڭجياڭ ەكونوميكالىق بەلدەۋىنىڭ شىعىس پەن باتىستى كەسىپ ءوتىپ، وڭتۇستىك پەن سولتۇستىكتى تۇتاستىرىپ، وزەندەردى ۇلاستىرىپ، تەڭىزبەن تۇتاستىراتىن وزگەشە باسىمدىعىن اناعۇرلىم ويداعىداي ساۋلەلەندىرىپ، ەل ءىشى، حالىقارا سىندى ەكى بازاردى اناعۇرلىم ويداعىداي تۇتاستىرىپ، ەكى ءتۇرلى بايلىقتان ويداعىداي پايدالانىپ، ەل ءىشى ۇلكەن اينالىمىنىڭ ىشكى قوزعاۋشى كۇشىن جانە سەنىمدىلىگىن جوعارىلاتىپ، حالىقارالىق اينالىم جونىنەن باۋراۋ قۋاتىن، جەبەۋ قۋاتىن نىعايتىپ، جاڭا دامۋ ارناسىن قالىپتاستىرۋعا ستراتەگيالىق تىرەك ازىرلەۋ كەرەك. كاسىپ سالاسىن دامىتۋ جاعىندا، وزەن بويىنداعى ولكە، قالالار ءارى ءوز باسىمدىقتارىن ايگىلەۋى، ءارى سايكەسە دامۋى، ءوز ەرەكشەلىگىنە قاراي دامۋى، بىرلەسىپ قيمىلداپ دامۋى كەرەك. وزەن بويىنىڭ كاسىپ سالاسىن ورنالاستىرۋ مەن ويىستىرۋدى ءبىر تۇتاس جوسپارلاپ مىقتى يگەرىپ، ءىرى ءوندىرىس قۋاتى ورنالاسىمىن ساپالىلاندىرىپ، قارجى، تەحنيكا، ەڭبەك شوعىرلى كاسىپ سالاسىن شىعىس بولىكتەن ورتا، باتىس بولىككە قاراي، ورتالىق قالالاردان ىشكى وڭىرگە قاراي تارتىپپەن ويىسۋعا باستاۋ كەرەك. جوعارى دەڭگەيلى سىرتقا ەسىك اشۋدى بەلسەندىلىكپەن ىلگەرىلەتىپ، حالىقارالىق ەكونوميكا سەلبەستىگىنىڭ جاڭا سالاسىن، جاڭا ارناسىن بەلسەندىلىكپەن كەڭەيتۋ كەرەك. وزەن بويىنداعى ولكە، قالالاردىڭ ەركىن ساۋدا سىناق رايونى رولىن اناعۇرلىم ويداعىداي ساۋلەلەندىرىپ، تۇزىمدە جاڭالىق اشۋ جاعىندا الدىمەن اتقارىپ، الدىمەن سىناق جۇرگىزىپ، وزەن بويىنداعى ولكە، قالالاردىڭ ەركىن ساۋدا سىناق رايونىنىڭ بىرلەسىپ قيمىلداپ دامۋىن جەبەپ، اناعۇرلىم جوعارى دەڭگەيلى اشىق ەكونوميكا جاڭا ءتۇزىلىسىن قۇرۋعا جاڭا تاجىريبە توپتاۋ، جاڭا جول قاراستىرۋ كەرەك.
شي جينپيڭ بىلاي دەپ باسا دارىپتەدى: وڭىرلىك سايكەسۋدى، توعىسۋدى كۇشەيتۋدى كۇش سالۋ ءتۇيىنى ەتۋگە تاباندى بولىپ، وزەن بويىنداعى ولكە، قالالار ولكەلەر ارا ءوزارا اقىلداسۋعا، ەكولوگيانى بىرگە وڭاۋعا، تۇتاس ءوڭىردى بىرگە قۇرۋعا، دامۋدان بىرگە يگىلىكتەنۋگە تاباندى بولىپ، وڭىرلىك قاتىناستىڭ ءوزارا بايلانىستىلىعىن، ساياساتتىڭ ءبىر تۇتاستىعىن، ەرەجەنىڭ بىردەيلىگىن، اتقارۋدىڭ سايكەستىلىگىن كۇشەيتىپ، ەكولوگيا ورتاق تۇلعاسى جانە مۇددە ورتاق تۇلعاسى قۇرىلىسىن ورنىقتى قاداممەن ىلگەرىلەتىپ، وڭىرلىك سايكەستى دامۋدى جەبەۋ كەرەك. وڭىرلىك قاتىناس نەگىزدىك قۇرىلعىلارىن جالپى تۇلعالىق جاقتان جوسپارلاپ جانە قۇرىپ، كەشەندى ستەرەولدى قاتىناس ءدالىزىن جەدەل قۇرىپ، قاتىناس تورابىن ءوزارا ۇلاستىرۋ جانە ”تاس جول، سۋ جولى، تەمىر جول“ قاتارلى تاسىمال ءتاسىلىنىڭ ءوزارا ۇشتاسۋىن كۇشەيتىپ، وڭىرلىك قاتىناستىڭ ءبىر تۇلعالانۋ دەڭگەيىن جوعارىلاتۋ كەرەك. فاكتوردى بازارلاندىرۋ رەفورماسىن تەرەڭدەتىپ، مال - مۇلىك ۇقىعىن قورعاۋ، بازارعا كىرۋ رۇقساتى، ءادىل باسەكە، قوعامدىق سەنىمدىلىك سياقتى نەگىزدىك ءتۇزىمدى كەمەلدەندىرىپ، ءوڭىر اتتاعان، تاراۋ اتتاعان، دارەجە اتتاعان ساندى مالىمەت ينفورماتسياسىنان بىرگە يگىلىكتەنۋ جانە بارىستىڭ ۇلاسۋىن، تۇتاسۋىن كەمەلدەندىرىپ، ۇكىمەتتىك قىزمەت وتەۋ سەلبەستىگىن تەرەڭدەتىپ، شارۋاشىلىق - ساۋدا ورتاسىن ساپالىلاندىرۋ كەرەك. چاڭجياڭ مادەنيەتىنىڭ داۋىرلىك قۇنىن ىشكەرىلەي اشىپ، جاڭا داۋىردەگى چاڭجياڭ مادەنيەتىن ايگىلەيتىن ءتىپتى دە كوپ ادەبيەت - كوركەمونەر سارا تۋىندىلارىن ۇسىنۋ كەرەك. مادەنيەت جانە ساياحاتتىڭ تەرەڭدەي توعىسا دامۋىن بەلسەندىلىكپەن ىلگەرىلەتىپ، ءبىر توپ تابيعي تاۋ - سۋ ەرەكشەلىگى جانە تاريحي گۋمانيتارلىق ءمان - مازمۇنى بار وزەن ماڭى قالاسىن، شاعىن قالا - قالاشىقتى جانە كورىكتى اۋىل - قىستاقتى قۇرىپ، چاڭجياڭ حالىقارالىق التىن ساياحات بەلدەۋىن تۇلعالاۋ كەرەك.
شي جينپيڭ بىلاي دەپ اتاپ كورسەتتى: چاڭجياڭ ەكونوميكالىق بەلدەۋى بۇكىل مەملەكەتتىڭ دامۋ كەلەلى جاعدايىنا سايادى. دامۋ مەن حاۋىپسىزدىكتى ويداعىداي ءبىر تۇتاس جوسپارلاپ، مەملەكەتتىڭ استىق حاۋىپىسىزدىگى، ەنەرگيا حاۋىپسىزدىگى، ماڭىزدى كاسىپ سالاسى تىزبەگى، قامداۋ تىزبەگى حاۋىپسىزدىگى، سۋ حاۋىپسىزدىگى سياقتىلاردى قورعاۋ جاعىندا اناعۇرلىم زور رول اتقارىپ، ءبىر ءوڭىردىڭ ورنىقتىلىعى ارقىلى جالپى جاعدايدىڭ حاۋىپسىزدىگىنە ۇلەس قوسۋ كەرەك. وزەن بويىنداعى ولكە، قالالار، مەيلى استىق وندىرەتىن نەگىزگى وڭىرلەر بولسىن، الدە نەگىزگى ساتۋ ءوڭىرى، ءوندىرۋ - ساتۋ تەڭگەرىلگەن ءوڭىر بولسىن، ءبارى دە استىق حاۋىپسىزدىگى جاۋاپكەرشىلىگىن مىقتاپ ارقالاۋ كەرەك. ەگىستىك جەر مولشەرى، ساپاسى، ەكولوگياسى سىندى ”ءۇشتى ءبىر تۇلعالاندىرا“ قورعاۋدى كۇشەيتىپ، ماڭگىلىك نەگىزدىك ەگىنجايدى جوعارى ولشەمدى ەگىنجايعا بىرتىندەپ اينالدىرىپ، اۋىل شارۋاشىلىعى تۇقىمدىق زات بايلىعىن قورعاۋدى، پايدالانۋدى كۇشەيتىپ، بيولوگيالىق ساپالى تۇقىم جەتىلدىرۋ كەلەلى نىسانىن اتقارىپ، تۇقىم شارۋاشىلىعى كاسىپورىندارىنىڭ ءوز كۇشىنە سۇيەنىپ جاڭالىق اشۋ قابىلەتىن جوعارىلاتۋ كەرەك. استىقتىڭ ءونىمىن ارتتىرۋدىڭ سالماعىن زور كولەمدە بىرلىك ءتۇسىمدى جوعارىلاتۋعا ءتۇسىرىپ، قۇنارلى اتىز، ساپالى تۇقىم، جارامدى اۋىل شارۋاشىلىق ماشينالارى، ۇتىمدى ءوسىرۋ ادىستەرىن شوعىرلى جالپىلاستىرۋدى كۇشەيتىپ، كوپ ءتۇرلى فورماداعى ۇيلەسىمدى كولەمدەگى شارۋاشىلىق پەن قوعامدانعان قىزمەت وتەۋدى دامىتۋ كەرەك. بۇكىل مەملەكەت ”ءبىر تۇتاس جۇيە“ دەگەنگە تاباندى بولىپ، جوعارعى اعار وڭىرلەرىنىڭ ورتا، تومەنگى اعار وڭىرلەرىمەن ەنەرگيا سەلبەستىگىن ۇزدىكسىز تەرەڭدەتۋ كەرەك. كومىر سياقتى قازىندى ەنەرگيامەن تومەنگى شەكتەن تۇسىرمەي قامتاماسىز ەتۋ قابىلەتىن كۇشەيتىپ، كومىردى تازا، جوعارى ءونىمدى پايدالانۋدى مىقتى يگەرىپ، سۋ ەلەكترى سياقتى باسىمدىققا يە ءداستۇرلى ەنەرگيا مەن جەل ەلەكتر، فوتوۆولت، سۋتەگى ەنەرگياسى سياقتى جاڭا ەنەرگيالاردىڭ كوپ ەنەرگيا ارقىلى ءبىرىن - ءبىرى تولىقتاۋىنا، تەرەڭدەي توعىسۋىنا ءمان بەرىپ، جاڭاشا ەنەرگيا جۇيەسىن جەدەل قۇرىپ، ەلەكتر كوزدەرىن، جەلىلەرىن، كوتەرىمدىلىگىن، ەنەرگيا ساقتاۋدى ءبىر تۇلعالاندىرۋدى ىلگەرىلەتۋ كەرەك. تىنىش چاڭجياڭدى قۇلشىنا قۇرىپ، چاڭجياڭنىڭ سۋ جاعدايى وزگەرىسىن عىلمي يگەرىپ، قۋاڭشىلىقتان، تاسقىننان بىرگە ساقتانۋعا، بىرگە وڭاۋعا تاباندى بولىپ، سۋ جۇيەسىن تۇتاستىرۋدى، سۋ قاينارىن ساقتاۋدى، سۋ - توپىراقتى ساقتاۋدى ءبىر تۇتاس جوسپارلاپ ىلگەرىلەتىپ، الاپتاعى سۋ ينجەنەرياسىن ءبىر تۇتاس بىرلەسىپ رەتتەۋدى كۇشەيتىپ، ءوڭىر اتتاعان سۋ بايلىعىنىڭ مول جانە ازايعان مەزگىلدە سۋدى رەتتەۋىن كۇشەيتىپ، الاپتىڭ اپاتتان ساقتانۋ، اپات زيانىن ازايتۋ قابىلەتىن جوعارىلاتۋ كەرەك.
شي جينپيڭ بىلاي دەپ باسا دارىپتەدى: ورتالىق ءبىر تۇتاس جوسپارلايتىن، ولكە باس جاۋاپكەرشىلىك ارقالايتىن، قالا، اۋدان تياناقتاندىرۋدى يگەرەتىن قىزمەت مەحانيزمىنە تاباندى بولىپ، ورتالىق وڭىرلىك سايكەستى دامۋعا باسشىلىق ەتۋ گرۋپپاسى ءبىر تۇتاس جوسپارلاپ سايكەستىرۋدى جانە قاداعالاپ تەكسەرۋدى كۇشەيتىپ، ورتالىقتاعى قاتىستى تاراۋلار چاڭجياڭ ەكونوميكالىق بەلدەۋىنىڭ جوعارى ساپالى دامۋ باعدارىنا ۇيلەسەتىن نىساندارعا قولداۋ كورسەتىپ، ءتۇيىندى سالالاردا ءبىر توپ كەلەلى رەفورمانى ىلگەرىلەتۋ كەرەك. وزەن بويىنداعى ولكە، قالالارداعى ءار دارەجەلى پارتكومنىڭ، ۇكىمەتتىڭ تۇلعالىق جاۋاپكەرشىلىگىن ناقتىلاندىرىپ، قىزمەتتىڭ ناقتى تياناقتانۋىنا شىنايى كەپىلدىك ەتۋ كەرەك. نەگىزگى تاقىرىپتىق تاربيەنى وراي ەتىپ، قالىڭ كادرلاردى دۇرىس ناتيجە كوزقاراسىن ورناتۋعا جانە ونى امالياتتا ايگىلەۋگە تاربيەلەپ، باستاپ، جوعارى ساپالى دامۋدى ىلگەرىلەتۋ قابىلەتىن جوعارىلاتۋ كەرەك. ءتۇرلى كاسىپورىنداردى، قوعامدىق ۇيىمداردى چاڭجياڭ ەكونوميكالىق بەلدەۋىنىڭ دامۋىنا بەلسەندىلىكپەن ات سالىسۋعا باستاپ، ادام كۇشى، زات كۇشى، قازىنا كۇشى سياقتى جاقتارداعى ۇسىنىلىمدى ارتتىرىپ، حالىق بۇقاراسىنىڭ بەلسەندىلىگىن، ىرىقتىلىعىن، جاسامپازدىعىن ويداعىداي ساۋلەلەندىرۋ كەرەك. «چاڭجياڭ ەكونوميكالىق بەلدەۋىن دامىتۋ جوبا باعدارلاماسىن» اتقارۋدى تەكسەرىپ باعالاۋدى جانە باقىلاۋدى مەرزىمدى ۋاقىتتا ورىستەتىپ، جەر - جەردى ماسەلەنى دەر كەزىندە بايقاۋعا ءارى تۇزەتۋگە قۋزاۋ كەرەك.
لي چياڭ سوزىندە مىنالاردى ءبىلدىردى: باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات ۇيرەنىپ، ءتۇسىنىپ، ىشكەرىلەي دايەكتىلەندىرىپ، تياناقتاندىرىپ، قاۋىرت قورعاۋدى بىرگە يگەرۋ ستراتەگيالىق تاباندىلىعىن ساقتاپ، ۇزدىكسىز كۇش جۇمساپ، ۇزاق ۋاقىت ەڭبەك ءسىڭىرۋ كەرەك. كەشەندى وڭاۋدى، قاينارىنان وڭاۋدى كۇشەيتىپ، ەكولوگيانى قورعاۋ تولەمى سياقتى ءتۇزىمدى كەمەلدەندىرىپ، ەكولوگيالىق ءونىم قۇنىن جۇزەگە اسىرۋ جولىن ىشكەرىلەي قاراستىرۋ كەرەك. نەگىزگى تۇلعالىق فۋنكتسيالىق ءوڭىر ستراتەگياسى ارقىلى ەكونوميكانى ۇيلەسىمدى ورنالاستىرۋعا جەتەكشىلىك ەتىپ، سالىستىرمالى باسىمدىقتى تياناق ەتىپ، فۋنكتسيالىق ورىندى دالمە - ءدال تاۋىپ، چاڭجياڭ اتىراۋىنىڭ باستاماشىلدىق رولىن ويداعىداي ساۋلەلەندىرىپ، ورتا، جوعارعى اعار وڭىرلەرىن بىرگە دامۋعا جەتەكتەۋ كەرەك. ءبىر تۇتاس ۇلكەن بازار قۇرىلىسىن ىشكەرىلەي ىلگەرىلەتىپ، ءوڭىر ىشىندەگى ”جۇمساق“، ”قاتتى“ تۇتاسۋ دەڭگەيىن جوعارىلاتىپ، حالىقارالىق اينالىممەن بەلسەندىلىكپەن توعىسىپ، ەكى بازاردىڭ، ەكى ءتۇرلى بايلىقتىڭ بىرلەسىپ قيمىلداۋ اسەرىن كۇشەيتۋ كەرەك.
ديڭ شۋەشياڭ سوزىندە مىنالاردى ءبىلدىردى: پارتيا 20 - قۇرىلتايىنىڭ رۋحىن جانە باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، قاۋىرت قورعاۋدى بىرگە يگەرۋگە، قاۋىرت اشپاۋعا تاباندى بولىپ، ەكولوگيانى الدىمەن ويلاسۋدى، جاسىل دامۋدى كورنەكتىلەندىرىپ، جوعارى دەڭگەيلى قورعاۋ ارقىلى جوعارى ساپالى دامۋعا ماڭىزدى تىرەك ازىرلەۋ كەرەك؛ كەلەلى جاڭالىق اشۋ تۇعىرى قۇرىلىسىن كۇشەيتىپ، جاڭالىق اشۋ تىزبەگى مەن كاسىپ سالاسى تىزبەگىنىڭ تەرەڭدەي توعىسۋىن ىلگەرىلەتىپ، جوعارى دەڭگەيلى عىلىم - تەحنيكادا جاڭالىق اشۋ ارقىلى جوعارى ساپالى دامۋدىڭ جاڭا قوزعاۋشى قۋاتىن جەتىلدىرۋ كەرەك؛ ”ءبىر تۇتاس جۇيە“ يدەياسىن بەرىك ورناتىپ، فۋنكتسيالىق ورىن مەن دامۋ بەتالىسىن ۇيلەسىمدى بەلگىلەپ، تەڭىز جاعالاۋى، وزەن بويى، شەكارا بويى جانە ىشكى قۇرلىق ەسىك اشۋىن ءبىر تۇتاس جوسپارلاپ، جوعارى دەڭگەيلى سايكەسە بىرلەسىپ قيمىلداۋ ارقىلى جوعارى ساپالى دامۋدىڭ جالپى تۇلعالىق بىرىككەن كۇشىن قالىپتاستىرۋ كەرەك.
لي گانجيە، حى ليفىڭ، ۋ جىڭلۇڭ، مۋ حۇڭ، جياڭ شينجى اڭگىمە ماجىلىسىنە قاتىناستى، ورتالىق پەن مەملەكەت ورگاندارىنىڭ قاتىستى تاراۋلارىنداعى، قاتىستى جەرلەردەگى، قاتىستى كاسىپورىنداعى جاۋاپتى جولداستار اڭگىمە ماجىلىسىنە قاتىناستى.
