يدەيانى ازات ەتىپ، ءورىس اشا العا ىلگەرىلەپ، ارتىقشىلىقتى ساۋلەلەندىرىپ، ولقىلىقتى تولىقتاپ، نەگىزدى بەكەمدەپ، جاڭا كاسىپتەردى گۇلدەندىرىپ، جۇڭگو ۇلگىسىندەگى وسىزامانداندىرۋدىڭ جياڭشي تاراۋىن قۇلشىنا جازۋ كەرەك

شي جينپيڭ جياڭشيدە قىزمەت تەكسەرگەندە بىلاي دەپ باسا دارىپتەدى

يدەيانى ازات ەتىپ، ءورىس اشا العا ىلگەرىلەپ، ارتىقشىلىقتى ساۋلەلەندىرىپ، ولقىلىقتى تولىقتاپ، نەگىزدى بەكەمدەپ، جاڭا كاسىپتەردى گۇلدەندىرىپ، جۇڭگو ۇلگىسىندەگى وسىزامانداندىرۋدىڭ جياڭشي تاراۋىن قۇلشىنا جازۋ كەرەك

ساي چي قىزمەت تەكسەرۋدە بىرگە بولدى

　　10 - ايدىڭ 10 - كۇنىنەن 13 - كۇنىنە دەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جياڭشيدە قىزمەت تەكسەردى. سۋرەتتە: 10 - ايدىڭ 10 - كۇنى تۇستەن كەيىن شي جينپيڭ جۇڭگو مۇناي حيمياسى جيۋجياڭ بولىمشە سەرىكتەستىگىندە قىزمەت تەكسەرگەندە كاسىپورىن قىزمەتكەرلەرىمەن ىقىلاسپەن اڭگىمەلەسۋدە.

□ سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

　　10 - ايدىڭ 10 - كۇنىنەن 13 - كۇنىنە دەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جياڭشيدە قىزمەت تەكسەردى. سۋرەتتە: 10 - ايدىڭ 11 - كۇنى تۇستەن كەيىن شي جينپيڭ شاڭراۋ قالاسى ۋ - يۋان اۋدانى چيۋكوۋ قالاشىعى ۋاڭسۇن شىمىن تابيعي قىستاعىندا قىزمەت تەكسەرگەندە قىستاق تۇرعىندارىمەن ىقىلاسپەن اڭگىمەلەسۋدە.

□ سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

　　شينحۋا اگەنتتىگىنىڭ 10 - ايدىڭ 13 - كۇنى نانچاڭنان بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاياۋدا جياڭشيدە قىزمەت تەكسەرگەندە بىلاي دەپ باسا دارىپتەدى: جاڭا داۋىردەگى جاڭا جورىقتا پارتيانىڭ وزەكتى مىندەتىن تىعىز ارقاۋ ەتىپ، جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، جياڭشيدىڭ جاڭا دامۋ ارناسىن قالىپتاستىرۋداعى ورنىن مىقتاپ يگەرىپ، جياڭشيدىڭ ەرەكشەلىگىن جانە باسىمدىعىن تياناق ەتىپ، جوعارى ساپالى دامۋ، جاسىل دامۋ، تومەن كومىر قىشقىل گازدى دامۋ قاتارلى جاڭا تالاپتاردى كوزدە ۇستاپ، يدەيانى ازات ەتىپ، ءورىس اشا العا ىلگەرىلەپ، ارتىقشىلىقتى ساۋلەلەندىرىپ، ولقىلىقتى تولىقتاپ، نەگىزدى بەكەمدەپ، جاڭا كاسىپتەردى گۇلدەندىرىپ، توڭكەرىستىك بايىرعى رايونداردىڭ جوعارى ساپالى دامۋىن جەدەلدەتۋدە الدا جۇرۋگە، ورتا بولىك وڭىرلەردىڭ ەڭسە كوتەرۋىن ىلگەرىلەتۋدە ەرلىكپەن العا ۇمتىلۋعا، چاڭجياڭ ەكونوميكالىق بەلدەۋىنىڭ دامۋىن ىلگەرىلەتۋدە شەبەرلىكپەن ىسكەرلىك كورسەتۋگە قۇلشىنىپ، جۇڭگو ۇلگىسىندەگى وسىزامانداندىرۋدىڭ جياڭشي تاراۋىن قۇلشىنا جازۋ كەرەك.

　　10 - ايدىڭ 10 - كۇنىنەن 13 - كۇنىنە دەيىن شي جينپيڭ جياڭشي ولكەلىك پارتكومنىڭ شۋجيى يىن حۇڭ مەن ولكە باستىعى يە جيانچۇننىڭ سەرىك بولۋىندا ىلگەرىندى - كەيىندى جيۋجياڭ، جيڭدىجىن، شاڭراۋ سياقتى جەرلەرگە بارىپ، چاڭجياڭ جاعالاۋى، كاسىپورىن، تاريحي مادەنيەت كوشە اۋماعى، اۋىل - قىستاق سياقتىلارعا ىشكەرىلەي بارىپ تەكسەرۋ - زەرتتەۋ جۇرگىزدى.

　　10 - ايدىڭ 10 - كۇنى تۇستەن كەيىن شي جينپيڭ جيۋجياڭ قالاسىنا كەلىپ قىزمەت تەكسەرىپ، تەكسەرۋ - زەرتتەۋ جۇرگىزدى. چاڭجياڭ مەملەكەتتىك مادەنيەت باقشاسىنىڭ جيۋجياڭ قالا رايونى بولىگىندە شي جينپيڭ پيپاتيڭعا شىعىپ، چاڭجياڭعا الىستان كوز جىبەرىپ، جاڭبىرعا قاراماي وزەن بوگەنىن بويلاپ جاياۋ ءجۇرىپ، وزەن جاعالاۋىنىڭ كورىنىسن كورىپ، چاڭجياڭنىڭ سۋ دەڭگەيى، سۋ ساپاسى، سۋ تاسىمالى، تاسقىننان ساقتانۋ، بالىق اۋلاۋعا تيىم سالۋ سياقتى جاعدايلاردى ەگجەي - تەگجەيلى ۇعىسىپ، جەرگىلىكتى ورىننىڭ قۇلاعان جاعانى وڭاۋ، سۋ جولىن تازارتۋ، جاعالاۋ ەكولوگياسىن قالپىنا كەلتىرۋ سياقتى قىزمەتتەردىڭ اياق الىسى جونىندەگى تانىستىرۋىن تىڭدادى. شي جينپيڭ بىلاي دەپ اتاپ كورسەتتى: چاڭجياڭ − چاڭجياڭ ەكونوميكالىق بەلدەۋىنىڭ دانەكەرى. مەيلى بولاشاقتا چاڭجياڭ ەكونوميكالىق بەلدەۋى قالاي دامىسىن، دامىپ قايسى باسقىشقا بارسىن، ءبارى دە چاڭجياڭنىڭ ءنار بەرىپ ماپەلەۋىنەن ايرىلا المايدى. ادام مەن تابيعات جاراسىمدى قاتار ءومىر سۇرەتىن تىرشىلىك ورتاق تۇلعاسىن نەگىز ەتىپ، جۇڭحۋا ۇلتىنىڭ ماڭگى جالعاسىپ دامۋىن كوزدە ۇستاپ، چاڭجياڭدى ويداعىداي قورعاۋ كەرەك.

　　شي جينپيڭ وسىدان كەيىن اۆتوكولىكپەن جۇڭگو مۇناي حيمياسى جيۋجياڭ بولىمشە سەرىكتەستىگىنە كەلدى. ول سەرىكتەستىكتىڭ ءوندىرىستى باسقارۋ - مەڭگەرۋ ورتالىعىنىڭ مەڭگەرۋ زالىنا جانە تەكسەرۋ، ولشەۋ ورتالىق تاجىريبەحاناسىنا كەلىپ، كاسىپورىننىڭ تيپ وزگەرتىپ، دارەجەسىن جوعارىلاتۋ، جاسىل، زەردەلى زاۆود قۇرۋ، ەنەرگيا ۇنەمدەۋدى، لاستانۋدى ازايتۋدى، كومىر قىشقىل گازىنىڭ شىعارىلۋىن ازايتۋدى ىلگەرىلەتۋ سياقتى احۋالدارىن ەگجەي - تەگجەيلى ۇعىسىپ، كاسىپورىننىڭ عىلمي تەكسەرۋ جۇرگىزۋ، لاستاۋشى زاتتاردى شىعارۋ ولشەمىن قاتايتۋ سياقتى ادىستەرىن تۇراقتاندىردى. شي جينپيڭ بىلاي دەپ باسا دارىپتەدى: ”حيميا ونەركاسىبىنىڭ وزەندى قورشاۋىن“ بۇزۋ − چاڭجياڭنىڭ ەكولوگيالىق ورتاسىن وڭاۋدى ىلگەرىلەتۋدىڭ ماڭىزدى ءتۇيىنى. كۇش ۇستىنە كۇش قوسىپ، قاينارىنان باسقارۋ - تىزگىندەۋگە، جالپى بارىستىق لاستانۋدى ازايتۋعا، كومىر قىشقىل گازىنىڭ شىعارىلۋىن ازايتۋعا تاباندى بولىپ، سيفرلاندىرىپ، زەردەلىلەندىرىپ جاڭالاۋدى، جاسىلعا قاراي تيپ وزگەرتۋدى كۇش سالا ىلگەرىلەتىپ، دۇنيە ءجۇزىنىڭ الدىڭعى قاتارىنداعى جاسىل، زەردەلى مۇناي ايىرۋ كاسىپورنىن تۇلعالاۋ كەرەك.

　　تاجىريبەحانا سىرتىندا كاسىپورىن قىزمەتكەرلەرى قاۋمالاپ كەلىپ، جابال باس شۋجيمەن سالەمدەستى. شي جينپيڭ شىنايى ىقىلاسپەن كوپشىلىككە بىلاي دەدى: مۇناي حيميا كاسىپ سالاسى حالىق شارۋاشىلىعىنىڭ ماڭىزدى تىرەكتى كاسىپ سالاسى، سىزدەردىڭ پارتيا ورتالىق كوميتەتىنىڭ جاڭاشا ونەركاسىپتەندىرۋ جونىندەگى ورنالاستىرۋلارىنا، تالاپتارىنا ساي، جاسىل، زەردەلى بەتالىسقا تاباندى بولىپ، تاباندىلىقپەن ەكپىندەي العا ىلگەرىلەپ، مەملەكەتتىڭ ەنەرگيا حاۋىپسىزدىگىن قامتاماسىز ەتۋگە، مۇناي حيميا ونەركاسىبىنىڭ جوعارى ساپالى دامۋىن ىلگەرىلەتۋگە تىڭ ۇلەس قوسۋلارىڭىزدى ءۇمىت ەتەمىن.

　　10 - ايدىڭ 11 - كۇنى تۇستەن بۇرىن شي جينپيڭ جيڭدىجىن قالاسىنا كەلىپ قىزمەت تەكسەرىپ، تەكسەرۋ - زەرتتەۋ جۇرگىزدى. تاۋياڭلي تاريحي مادەنيەت كوشە اۋماعىندا شي جينپيڭ ىلگەرىندى - كەيىندى نانلۋ بايىرعى جۇرتىنا، فارفور كورمە سارايىنا، ميڭ، چيڭ پاتشالىعى تۇسىنداعى قۇمدان شەبەرحانالار شوعىرىنا كەلىپ، فارفور بۇيىمدارىن جاساۋ ونەرىنىڭ بارىسىن، فارفور مادەنيەتىن جالعاستىرۋ، جاڭالىق اشۋ جانە سىرتپەن اۋىس - كۇيىس قاتارلى جاعدايلاردى ەرەكشە قىزىعا ۇعىسىپ، بەيزاتتىق مادەني مۇرا مۇراگەرلەرىمەن ىستىق ىقىلاسپەن اڭگىمەلەسىپ، ولاردىڭ ونەرى مەن ۇستا رۋحىن ءالسىن - ءالى القاپ، ولاردى كوركەمونەردى بارىنەن جوعارى قويۋدان جازباي، بار ىقىلاسپەن مۇراگەرلىك ەتۋگە، جاڭالىق اشۋعا جىگەرلەندىردى. شي جينپيڭ بىلاي دەپ اتاپ كورسەتتى: جۇڭحۋانىڭ تاڭداۋلى ءداستۇرلى مادەنيەتى ەرتە زاماننان قازىرگە دەيىن ۇزىلمەي جالعاسىپ كەلەدى، فارفور جۇڭحۋانىڭ اسىلى، جۇڭحۋا وركەنيەتىنىڭ ماڭىزدى تانىسقىسى. تاۋياڭلي تاريحي مادەنيەت كوشە اۋماعى قورعاۋدى ءبىرىنشى ورىنعا قويۋ، بايىرعى ۇلگىسىن بايىرعى ۇلگى بويىنشا جوندەۋ تالابىنا قاتاڭ بويسۇنىپ، فارفور مادەنيەتىن قورعاۋ مەن مادەنيەت - ساياحات كاسىپ سالاسىن دامىتۋدىڭ تاماشا ىقپالداستىعىن جۇزەگە اسىردى. ءار جاقتاعى دارىندىلاردى ۇيىستىرىپ، جاسامپاز جوبانى جانە زەرتتەۋ - اشۋدا جاڭالىق اشۋدى كۇشەيتىپ، فارفور كاسىپ سالاسىن ونان ارى زورايتىپ، كۇشەيتىپ، ”مىڭ جىلدىق فارفور قالاسى“ سىندى وسى ايشىقتى تانىسقىنى ونان ارى جارقىراتا ءتۇسۋ كەرەك.

　　وسىدان كەيىن شي جينپيڭ چاڭحى ۇشاق ونەركاسىبى (توبى) شەكتى سەرىكتەستىگىنە كەلىپ، تىك ۇشاق باس قۇراستىرۋ سەحىنا جانە سىناق رەتىندە ۇشىرۋ پۋنكتىنە كەلىپ قىزمەت تەكسەردى، كاسىپورىننىڭ تەحنيكادا جاڭالىق اشۋ جانە ونىمدەردى جاڭالاپ، دارەجەسىن جوعارىلاتۋدى ىلگەرىلەتۋ احۋالدارىن تاپتەشتەي ۇعىستى. ول بىلاي دەپ اتاپ كورسەتتى: اۆياتسيا جابدىعى ەلىمىزدىڭ جاساۋ كاسىبىنىڭ دامۋىنداعى ءبىر ماڭىزدى ءتۇيىن. جاڭالىق اشۋ ارقىلى دەم بەرۋگە تاباندى بولىپ، شەشۋشى، وزەكتى تەحنيكالاردى دەربەس زەرتتەپ اشۋ جاعىندا ونان ارى كۇش سالىپ، بولاشاق قاجەتىنە قاراي جاڭا ونىمدەردى شىعارىپ، وزىق جاساۋ جۇيەسىن قۇلشىنا قۇرىپ، دۇنيە جۇزىندەگى بىرەگەي تىك ۇشاق كاسىپورنىن تۇلعالاۋ كەرەك.

　　10 - ايدىڭ 11 - كۇنى تۇستەن كەيىن شي جينپيڭ شاڭراۋ قالاسى ۋ - يۋان اۋدانى چيۋكوۋ قالاشىعىنىڭ ۋاڭسۇن شىمىن تابيعي قىستاعىنا كەلدى. بۇل ارا راۋحىيۋان مەملەكەتتىك سازدىق باقشاسىنىڭ ورتالىق اۋماعى ءارى اۋىر دارەجەدە قۇرىپ - جوعالۋعا تاياعان قۇس ءتۇرى كوك ايدارلى بارىلداق تورعاي جاراتىلىستىق شاعىن قورىعى، وسىمدىك جامىلعىسى سان الۋان، ەكولوگياسى تاماشا. شي جينپيڭ سازدىق باقشاسى جانە كوك ايدارلى بارىلداق تورعايدى قورعاۋ سياقتى جاعدايلاردى ەگجەي - تەگجەيلى ۇعىستى. قىستاق الاڭىندا ”كۇزدىك استىق كەپتىرىلىپ“، قاتار - قاتار ورەگە ۇرمە بۇرشاق، جۇگەرى، قىزىل بۇرىش سياقتىلار تولتىرىلىپتى، ادامدى ايرىقشا سۇيىندىرەدى. اسەمونەر شۋەيۋانىنىڭ وقىتۋشى - وقۋشىلارى تۇرمىس ۇيرەنىپ، سۋرەت سىزۋدا، شي جينپيڭ ايالداپ تاماشالاپ، ولارمەن شىن ىقىلاسپەن اڭگىمەلەسىپ، ولاردى نەگىزدىك ونەردى ويداعىداي، تىڭعىلىقتى قالاۋعا شابىتتاندىردى. جەرگىلىكتى ورىننىڭ ەرەكشە ساياحاتتى، شاي كاسىپ سالاسىن دامىتىپ، اۋىل - قىستاقتى گۇلدەندىرۋدى ىلگەرىلەتۋدىڭ ونىمدىلىگى كورنەكتى بولعانىن ءبىلىپ، شي جينپيڭ قاباعات قۋاندى. ول بىلاي دەپ اتاپ كورسەتتى: كوركەم جاراتىلىستىق ورتانىڭ ءوزى اۋىل - قىستاقتى گۇلدەندىرۋدەگى ساپالى بايلىق، ەكولوگيا قۇنىن كادەگە جاراتۋدى جۇزەگە اسىرۋدىڭ ءونىمدى جولىن تاۋىپ، بۇقارانى ناقتى تيىمدىلىككە كەنەلتۋ كەرەك. اۋىل - قىستاقتى گۇلدەندىرۋدىڭ تەتىگى − نەگىزگى ساتى پارتيا ۇيىمىن ويداعىداي قۇرۋدا، كۇشەيتىپ قۇرۋدا. نەگىزگى ساتى پارتيا ۇيىمى بۇقارانىڭ بايۋىنداعى جول باستاۋشى بولىپ، پارتيانىڭ حالىققا ءتيىمدى ساياساتتارىنىڭ تياناقتانىپ ناقتى ونىمدىلىك كورسەتۋىنە شىنايى كەپىلدىك ەتىپ، شىن مانىندە جاۋىنگەر قامالعا اينالۋ كەرەك.

　　قىستاقتان اتتاناردا قىستاق تۇرعىندارى باس شۋجيدى ىستىق ىقىلاسپەن اتتاندىرىپ سالدى. شي جينپيڭ ىقىلاستى تۇردە بىلاي دەدى: جۇڭگو ۇلگىسىندەگى وسىزامانداندىرۋدا ءارى قالانى وسىزامانداندىرۋ، ءارى اۋىل شارۋاشىلىعىن، اۋىل - قىستاقتى وسىزامانداندىرۋ بولۋى قاجەت، مەن اۋىل - قىستاقتى گۇلدەندىرۋگە ايرىقشا نازار اۋدارامىن. سىزدەردىڭ جاراتىلىستىق ەكولوگيانى ويداعىداي قورعاپ، ءداستۇرلى قىستاقتىڭ بەت - بەينەسى مەن وسى زامانعى ەلەمەنتتەردى ۇشتاستىرىپ، جۇڭحۋا ۇلتىنىڭ ەستەتيكالىق ىنتا - اۋەسىنە تاباندى بولىپ، اۋىل - قىستاقتى اناعۇرلىم كوركەم ەتىپ قۇرىپ، تۇرمىستارىڭىزدى بارعان سايىن كوڭىلدى، باقىتتى وتكىزۋلەرىڭىزدى ءۇمىت ەتەمىن!

　　10 - ايدىڭ 13 - كۇنى تۇستەن بۇرىن شي جينپيڭ جياڭشي ولكەلىك پارتكوم مەن ولكەلىك ۇكىمەتتىڭ قىزمەت مالىمەتىن تىڭداپ، جياڭشيدىڭ ءتۇرلى قىزمەتتەردە قول جەتكىزگەن ناتيجەلەرىن تۇراقتاندىردى.

　　شي جينپيڭ بىلاي دەپ اتاپ كورسەتتى: وسىزاماندانعان كاسىپ سالاسى جۇيەسىن ورناتۋدا ۇلى مۇرات، اسقاق جىگەرمەن بەلسەندى تۇردە ورىن تالاسا دامۋ ءارى ءىس جۇزىندىك جاعدايدى تياناق ەتىپ، ءوز ەرەكشەلىگىنە قاراي دامۋعا شەبەر بولۋ كەرەك. ورنىن ءدال تاۋىپ، بەتالىستى ايقىنداپ، بايلىقتى بىرىكتىرىپ، دالمە - ءدال كۇش سالىپ، ءداستۇرلى كاسىپ سالاسىن جاڭالاۋدى، دارەجەسىن جوعارىلاتۋدى جەدەلدەتىپ، ستراتەگيالىق جاڭادان گۇلدەنگەن كاسىپ سالاسىنىڭ دامۋىن، زورايۋىن جەدەلدەتىپ، بولاشاق كاسىپ سالاسىن بەلسەنە ورنالاستىرىپ، جياڭشيدىڭ ەرەكشەلىگى مەن باسىمدىعىن ايگىلەيتىن وسىزاماندانعان كاسىپ سالاسى جۇيەسىن قۇلشىنا قۇرۋ كەرەك. جاڭالىق اشۋ تىزبەگىن باعىتتامالى ورنالاستىرىپ، مەملەكەتتىڭ ستراتەگيالىق عىلىم - تەحنيكا بايلىعىمەن بەلسەنە ءتۇيىلىسىپ، ءبىر توپ شەشۋشى، وزەكتى تەحنيكالاردان قامال الىپ، ءبىر توپ جوعارى، جاڭا تەحنيكالىق كاسىپ سالالارىن تۇلعالاپ، بۇكىل ەل كولەمىندە ىقپالدى كاسىپ سالاسى شوعىرىن قالىپتاستىرۋ كەرەك. سيفرلى ەكونوميكا مەن تۇلعالىق ەكونوميكانىڭ توعىسۋىن بەلسەنە ىلگەرىلەتىپ، سيفرلى ەكونوميكانى دامىتۋ، ۇلعايتۋ كەرەك. ەكولوگيانى الدىمەن ەسكەرۋ، جاسىل دامۋ جولىمەن بۇلجىماي ءجۇرىپ، جاپپاي جاسىلعا قاراي تيپ وزگەرتۋدى ىلگەرىلەتىپ، ەكولوگيالىق وركەنيەت قۇرىلىسىنىڭ بيىگىن قالىپتاستىرۋ كەرەك.

　　شي جينپيڭ بىلاي دەپ باسا دارىپتەدى: جياڭشي شىعىس پەن باتىستى جالعاپ، وڭتۇستىك پەن سولتۇستىكتى تۇتاستىرىپ، جان - جاقپەن بايلانىسىپ جاتىر، كوپتەگەن مەملەكەتتىك كەلەلى ستراتەگيالار قاباتتاسقان. ىشكە، سىرتقا ەسىك اشۋدى تەرەڭدەتىپ، ەسىك اشۋ ارقىلى دامۋدى جەبەپ، ىشكى قۇرلىقتىق وڭىرلەردىڭ رەفورما جاساۋ، ەسىك اشۋ بيىگىن قالىپتاستىرىپ، جاڭا دامۋ ارناسىنا ىرىقتىلىقپەن قىزمەت وتەۋ جانە ونىمەن توعىسۋ كەرەك. وتكەل ەكونوميكاسىن كۇش سالا دامىتىپ، چاڭجياڭ ەكونوميكالىق بەلدەۋىندەگى ماڭىزدى ءتۇيىندى قالالاردى قۇرىپ، وڭىرلىك زات اينالىمى تورابى مەن ساۋدا ورتالىعىن قۇرۋ كەرەك. قالا شەڭبەرىن زورايتىپ، كۇشەيتىپ، چاڭجياڭ اتىراۋىن ءبىر تۇلعالاندىرا دامىتۋمەن، گۋاڭدۇڭ − شياڭگاڭ − اۋمىن ۇلكەن شىعاناق رايونى قۇرىلىسىمەن ىرىقتىلىقپەن ۇشتاسىپ جانە وعان قىزمەت وتەپ، قارجى، تەحنيكا، دارىندى سياقتىلاردى باۋراۋ قۋاتىن ارتتىرۋ كەرەك. ەكولوگيالىق باسىمدىق پەن ءداستۇرلى اۋىل شارۋاشىلىعىنىڭ باسىمدىعىن ساۋلەلەندىرىپ، وڭىرلىك ساپالى اۋىل شارۋاشىلىق قوسىمشا ونىمدەرىن ءوندىرۋ جانە ونىمەن قامداۋ بازاسىن قۇرۋ كەرەك. ءداستۇرلى ساۋدا جولىن بەكەمدەپ، جاڭا جولدى بەلسەنە اشىپ، ”ءبىر بەلدەۋ، ءبىر جولدى“ بىرگە قۇرۋمەن تەرەڭ توعىسۋ كەرەك. ءتۇيىندى سالالار رەفورماسىن تەرەڭدەتىپ، شارۋاشىلىق - ساۋدا ورتاسى قۇرىلىسىن كۇشەيتىپ، ەرەجە، ءتۇزىم، باسقارۋ، ولشەم سياقتى تۇزىمدىك ەسىك اشۋدى ورنىقتى كەڭەيتۋ كەرەك. حالىقتىق قارجىنىڭ بازارعا كىرۋ رۇقساتىن ءتارتىپتى كەڭەيتىپ، ءادىل باسەكەنى جەبەۋ ساياساتىنىڭ اتقارىلۋىن ىلگەرىلەتىپ، ۇكىمەت پەن ساۋداگەرلەردىڭ ەتەنە، كىرشىكسىز، ءبىر تۇتاس جاڭاشا قاتىناسىن ورناتىپ، حالىقتىق شارۋاشىلىقتىڭ اقاۋسىز دامۋىن جەبەۋ كەرەك.

　　شي جينپيڭ بىلاي دەپ اتاپ كورسەتتى: اۋىل شارۋاشىلىعىن، اۋىل - قىستاقتى الدىمەن دامىتۋعا تاباندى بولىپ، اۋىل شارۋاشىلىعىن، اۋىل - قىستاقتى وسىزامانداندىرۋ قۇرىلىسىنىڭ اياق الىسىن جەدەلدەتىپ، استىق حاۋىپسىزدىگىنىڭ تومەنگى شەگىن مىقتاپ ساقتاپ، اۋىل شارۋاشىلىعىنىڭ كاسىپ سالالانۋىن ىلگەرىلەتىپ، اۋىل - قىستاقتاعى 1 -، 2 -، 3 - كاسىپتەردىڭ توعىسا دامۋىن جەبەپ، اۋىل - قىستاقتى گۇلدەندىرۋدى جاپپاي ىلگەرىلەتۋ كەرەك. كاسىپ سالاسى ارقىلى اۋىل شارۋاشىلىعىن گۇلدەندىرۋگە، ساپا ارقىلى اۋىل شارۋاشىلىعىن گۇلدەندىرۋگە، جاسىل جولمەن اۋىل شارۋاشىلىعىن گۇلدەندىرۋگە تاباندى بولىپ، اۋىل شارۋاشىلىعىن ءىرى كاسىپ سالاسى ەتىپ قۇرىپ، اۋىل شارۋاشىلىعىندا قۋاتتى ولكە قۇرۋدى جەدەلدەتۋ كەرەك. ورمان اراسى شارۋاشىلىعىن دامىتىپ، ورمان ازىق - تۇلىكتەرىن اشىپ، ەكولوگيالىق ساياحات، ورمان دەنساۋلىق كۇتىمدەۋ سياقتى جاڭا كاسىپ كۇيىن جەتىلدىرۋ كەرەك. كەدەيلىكتەن ارىلتۋدان قامال الۋ جەتىستىكتەرىن بەكەمدەۋدە، كەڭەيتۋدە كاسىپ سالاسىنىڭ دامۋىنا اناعۇرلىم كوپ سۇيەنۋ، ىشكى دامۋدىڭ قوزعاۋشى كۇشىن ۇزدىكسىز كۇشەيتۋ كەرەك. اۋىل - قىستاقتىڭ كاسىپ سالاسىن دامىتۋ، الەۋمەتتىك قىزمەت وتەۋ، قورشاعان ورتانى رەتتەۋ - وڭاۋ، اۋىل سالتى قۇرىلىسىن ارقاۋ ەتىپ، تارتىپپەن بىرتىندەپ ىلگەرىلەپ، ۇزاق ۋاقىت ەڭبەك ءسىڭىرىپ، ءبىر توپ ناقتى ىستەردى ويداعىداي يگەرە ىستەپ، بۇقاراعا جاڭا وزگەرىستەردى سەزىندىرۋ كەرەك.

　　شي جينپيڭ بىلاي دەپ باسا دارىپتەدى: بايىرعى رايونداعى حالىقتىڭ رەفورمانىڭ، دامۋدىڭ جەتىستىكتەرىنەن بىرگە يگىلىكتەنۋىنە، باقىتتى تۇرمىس كەشىرۋىنە شىنايى كەپىلدىك ەتۋ − جالپى حالىقتىڭ بىرگە بايۋىن ىلگەرىلەتۋدەگى تومەنگى شەكتەگى مىندەت. جۇمىستاندىرۋدى الدىمەن ويلاستىرۋ ساياساتىن كۇشەيتىپ، جۇمىس ورنىن ورنىقتىرۋعا، جۇمىس ورنىن كەڭەيتۋگە كۇش سالىپ، ءتۇيىندى قاۋىمدى جۇمىستاندىرۋ قىزمەتىن شىن مانىندە ويداعىداي ىستەۋ كەرەك. نەگىزدىك، جالپىعا ءتيىمدى، ەڭ تومەنگى شەكتەن تۇسىرمەيتىن حالىق تۇرمىسى قۇرىلىسىن كۇشەيتىپ، قوعامدىق قامتاماسىزداندىرۋ جۇيەسىن كەمەلدەندىرىپ، قوعامدىق قۇتقارۋ - كومەكتەسۋ جانە مەيىر جەتكىزۋ ءتۇزىمىن اقاۋسىزداندىرىپ، نەگىزدىك الەۋمەتتىك وقۋ - اعارتۋدىڭ قىزمەت وتەۋ ورەسىن جوعارىلاتىپ، قالا مەن اۋىلدىڭ دەنساۋلىق ساقتاۋ، سالاماتتىق قىزمەت وتەۋ قابىلەتىن كۇشەيتىپ، قايتا كەدەيلەسۋدەن ساقتانۋ بويىنشا قاداعالاۋ وبيەكتىلەرى، بىردە - ءبىر ادامى جۇمىستانباعان وتباسى سياقتى قيىنشىلىعى بار قاۋىمعا كومەكتەسۋدى، سۇيەمەلدەۋدى كۇشەيتۋ كەرەك.

　　شي جينپيڭ بىلاي دەپ اتاپ كورسەتتى: 1 - توپتاعى نەگىزگى تاقىرىپتىق تاربيەنىڭ تابىستى تاجىريبەلەرىن قورىتىندىلاپ، قولدانىپ، 2 - توپتاعى نەگىزگى تاقىرىپتىق تاربيەنى جوعارى ساپامەن ورىستەتىپ، جيڭگاڭشان رۋحىمەن، سوۆەت رايون رۋحىمەن، ۇزاق جورىق رۋحىمەن پارتيا مۇشەلەرىن، كادرلاردى شىڭداپ، پارتيا مۇشەلەرىن، كادرلاردى مۇرات - سەنىمدى بەكەمدەۋگە، اۋەلگى ماقساتتى، بورىشتى ەستە بەرىك ساقتاۋعا، بەلسەنە ءورىس اشا العا ىلگەرىلەۋگە، باتىلدىقپەن جاۋاپكەرشىلىك ارقالاپ، ىسكەرلىك كورسەتۋگە تاربيەلەۋ، جەتەكتەۋ كەرەك. ناقتى تالاپتاردى نەگىزگى تاقىرىپتىق تاربيەنىڭ تۇتاس بارىسىنا ءسىڭىرىپ، فورماشىلدىقتان، تورەشىلدىكتەن باتىل ساقتانىپ جانە ونى جويىپ، نازاريالىق ۇيرەنۋ مەن تەكسەرۋ - زەرتتەۋدى شىنايى ويداعىداي يگەرىپ، كورنەكتى ماسەلەلەردى شىنايى قاداعالاپ، رەتتەپ - تۇزەتىپ، حالىققا ءتيىمدى، حالىققا پايدالى ناقتى ىستەردى شىنايى ويداعىداي ىستەپ، ناقتى ىستەۋ ارقىلى دامۋدى ىلگەرىلەتىپ، حالىقتىڭ سەنىمىنە يە بولۋ كەرەك.

　　جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت كەڭسەسىنىڭ مەڭگەرۋشىسى ساي چي قىزمەت تەكسەرۋدە بىرگە بولدى.

　　لي گانجيە، حى ليفىڭ، سونداي - اق ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار قىزمەت تەكسەرۋدە بىرگە بولدى، نەگىزگى تاقىرىپتىق تاربيە ورتالىق 8 - ارالاپ جەتەكشىلىك ەتۋ گرۋپپاسىنداعى جاۋاپتى جولداستار مالىمەت بەرۋ ماجىلىسىنە قاتىناستى.