شي جينپيڭ حيلۇڭجياڭدا قىزمەت تەكسەرگەندە بىلاي دەپ باسا دارىپتەدى
مەملەكەتتىڭ دامۋ كەلەلى جاعدايىنداعى ستراتەگيالىق ورىندى مىقتى يگەرىپ، حيلۇڭجياڭنىڭ جوعارى ساپالى دامۋىنىڭ جاڭا جاعدايىن قۇلشىنا اشۋ كەرەك
ساي چي قىزمەت تەكسەرۋدە بىرگە بولدى
9 - ايدىڭ 6 - كۇنىنەن 8 - كۇنىنە دەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ حيلۇڭجياڭدا قىزمەت تەكسەردى. سۋرەتتە: 9 - ايدىڭ 7 - كۇنى تۇستەن بۇرىن شي جينپيڭ تاسقىن اپاتىنا ۇشىراعان حاربين شاڭجى قالاسى لاۋجيەجي اۋىلىنىڭ لۇڭۋاڭمياۋ قىستاعىندا جەرگىلىكتى ورىنداعى قىستاق تۇرعىندارىمەن جانە قۇرىلىسشىلارمەن شىن ىقىلاسپەن پىكىرلەسۋدە.
□ سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن
9 - ايدىڭ 6 - كۇنىنەن 8 - كۇنىنە دەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ حيلۇڭجياڭدا قىزمەت تەكسەردى. سۋرەتتە : 9 - ايدىڭ 6 - كۇنى تۇستەن كەيىن شي جينپيڭ ۇلكەن ھىنگان ايماعىنىڭ موحى قالاسى بەيجي قىستاعىندا قىزمەت تەكسەرگەندە جەرگىلىكتى ورىنداعى بۇقاراعا قول بۇلعاپ، قۇرمەت بىلدىرۋدە.
□ سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن
شينحۋا اگەنتتىگىنىڭ 9 - ايدىڭ 8 - كۇنى حاربيننەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاياۋدا حيلۇڭجياڭدا قىزمەت تەكسەرگەندە بىلاي دەپ باسا دارىپتەدى: مەملەكەتتىڭ دامۋ كەلەلى جاعدايىنداعى ستراتەگيالىق ورىندى مىقتى يگەرىپ، جوعارى ساپالى دامۋدى ىلگەرىلەتۋ سىندى وسى ماڭداي الدى مىندەتتى يگەرىپ، پارتيا ورتالىق كوميتەتىنىڭ شىعىس سولتۇستىكتى جاپپاي گۇلدەندىرۋ جونىندەگى شەشىمىن، ورنالاستىرۋىن ويداعىداي تياناقتاندىرىپ، ارتىقشىلىعىن ساۋلەلەندىرىپ، كەمشىلىكتەردى تولىقتاپ، بايلىق باسىمدىعىن، ەكولوگيا باسىمدىعىن، عىلمي زەرتتەۋ باسىمدىعىن، كاسىپ سالاسى باسىمدىعىن، وڭىرلىك ورىن باسىمدىعىن دامۋداعى جاڭا قوزعاۋشى قۋاتقا، جاڭا باسىمدىققا اينالدىرىپ، مەملەكەتتىڭ ماڭىزدى تاۋار استىق ءوندىرىس بازاسىن، اۋىر تۇرپاتتى جابدىق ءوندىرۋ، جاساۋ بازاسىن، ماڭىزدى ەنەرگيا جانە شيكىزات بازاسىن، سولتۇستىك ەكولوگيالىق حاۋىپسىزدىك قالتقىسىن، سولتۇستىككە ەسىك اشۋدىڭ جاڭا بيىگىن ويداعىداي قۇرىپ، كۇشەيتىپ قۇرىپ، مەملەكەتتىڭ مەملەكەت قورعانىسى حاۋىپسىزدىگىن، استىق حاۋىپسىزدىگىن، ەكولوگيا حاۋىپسىزدىگىن، ەنەرگيا حاۋىپسىزدىگىن، كاسىپ سالاسى حاۋىپسىزدىگىن قورعاۋدا بەلسەنە مىندەت اتقارىپ، جاۋاپكەرشىلىكتى ادا ەتىپ، جاپپاي گۇلدەندىرۋ، جان - جاقتى گۇلدەندىرۋ بارىسىندا حيلۇڭجياڭنىڭ جوعارى ساپالى دامۋىنىڭ جاڭا جاعدايىن قۇلشىنا اشۋ كەرەك.
9 - ايدىڭ 6 - كۇنىنەن 8 - كۇنىنە دەيىن شي جينپيڭ حيلۇڭجياڭ ولكەلىك پارتكومنىڭ شۋجيى شۇي چيننىڭ جانە ولكە باستىعى لياڭ حۇيليڭنىڭ سەرىك بولۋىندا، ۇلكەن ھىنگان، حاربين سياقتى جەرلەرگە كەلىپ، ورمان الاڭى، اۋىل - قىستاق، جوعارى مەكتەپ سياقتىلاردى ىشكەرىلەي ارالاپ تەكسەرۋ - زەرتتەۋ جۇرگىزىپ، اپاتتان كەيىنگى قالپىنا كەلتىرۋ، قايتا قۇرۋ جۇمىس باسىنا بارىپ، اپاتقا ۇشىراعان بۇقاراعا امانداستى، حال سۇرادى.
9 - ايدىڭ 6 - كۇنى تۇستەن كەيىن شي جينپيڭ ۇلكەن ھىنگان ايماعىنىڭ موحى قالاسىنا كەلىپ، موحى ورمان الاڭى جاراتىلىستىق ورمان اۋماعىندا قىزمەت تەكسەرىپ، جاراتىلىستىق ورماننىڭ ءوسۋ جاعدايى مەن ورمان اراسى داقىلدارى كورمەسىن كورىپ، جەرگىلىكتى ورىننىڭ ورمان بايلىعى مۇلكىن باسقارۋ رەفورماسىن تەرەڭدەتۋ، ەكولوگيانىڭ كاسىپ سالالانۋىن جانە كاسىپ سالاسىنىڭ ەكولوگيالانۋىن ىلگەرىلەتۋ، سونداي - اق ورماندا ورتتەن ساقتانۋدى، ءورت ءسوندىرۋدى كۇشەيتۋ احۋالىنان جاساعان تانىستىرۋىن تىڭدادى. شي جينپيڭ بىلاي دەپ اتاپ كورسەتتى: ورمان ءوسىرۋ مەن ورماندى قورعاۋعا بىردەي ءمان بەرۋگە تاباندى بولۋ، كۇنى بۇرىن قامدانىپ، الدىن الا ساقتانۋ كەرەك، نەشە ون جىلدىق، نەشە ءجۇز جىلدىق، مىڭ جىلدان استام ۋاقىتتىق ەڭبەكتى ءبىر - اق كۇندە جوق قىلۋعا استە بولمايدى.
سودان كەيىن، شي جينپيڭ كولىكپەن ەلىمىز ۇلى قۇرلىعىنىڭ ەڭ سولتۇستىك شەتىندەگى شەكارالىق دارياعا جاقىن قىستاق بەيجي قىستاعىنا كەلىپ، جەرگىلىكتى ورىننىڭ وڭىرلىك باسىمدىقپەن ۇشتاستىرىپ ەرەكشە ساياحاتتى دامىتۋ، ەكولوگيالىق باسىمدىقتى دامۋ باسىمدىعىنا اينالدىرۋ سياقتى احۋالدارىن ەگجەي - تەگجەيلى ۇعىستى. شي جينپيڭ بىلاي دەپ باسا دارىپتەدى: ورمان − سۋ قويماسى، استىق قامباسى، اقشا قويماسى، كومىرتەگى قامباسى شوعىرلانعان ۇلكەن اسىل قامبا. جاسىلدى كوبەيتۋ − باسىمدىقتى كوبەيتۋ، ورماندى قورعاۋ − بايلىقتى قورعاۋ ۇستانىمىن ورناتىپ، قورعاۋ العى شارتىندا بۇقارانىڭ ورمان اراسى ەكونوميكاسىن دامىتۋعا سۇيەنىپ كىرىستى ارتتىرۋىنا مۇمكىندىك جاساۋ كەرەك. قىستاق تۇرعىنى شى رۇيجۋاننىڭ ۇيىندەگى حالىقتىق تۇسەلحانا شاعىن اۋلاسىندا شي جينپيڭ اۋىلداستاردان جەرگىلىكتى ورىننىڭ اۋىل - قىستاق ەرەكشە كاسىپ سالاسىن دامىتۋ، شەكارانى گۇلدەندىرىپ حالىقتى بايىتۋعا، اۋىل - قىستاقتى گۇلدەندىرۋگە دەم بەرۋ سياقتى احۋالدارىن ۇعىستى. ول بىلاي دەپ اتاپ كورسەتتى: بەيجي قىستاعىنىڭ دامۋى مەن بۇقارانىڭ تۇرمىس جاعدايى جاقسى ەكەن، كورىپ قاتتى قۋاندىم. ساياحات كاسىبىن دامىتۋ − جوعارى ساپالى دامۋدى ىلگەرىلەتۋدىڭ ماڭىزدى كۇش سالۋ ءتۇيىنى. ۇلكەن ھىنگان ورمانىن ويداعىداي قورعاعاندا عانا، ساياحات كاسىبىنىڭ باۋراۋ قۋاتى بولادى. بۇل ارانىڭ ساياحات بايلىعى وزگەشە، جەرگىلىكتى پارتكوم مەن ۇكىمەت ساياساتتىق قولداۋ كورسەتىپ، ورمان اراسى ەكونوميكاسى مەن ساياحات كاسىبى ەكەۋىن قاتار دامىتۋعا تاباندى بولىپ، سولتۇستىك جۇڭگو شەكارا ءوڭىر كورىنىسى، قار - مۇز بايلىعى ارقىلى اۋىلداستارعا سارقىلمايتىن كىرىس جاراتۋى كەرەك.
شاعىن اۋلادان اتتاناردا، جەرگىلىكتى بۇقارا جولدىڭ ەكى شەتىندە باس شۋجيدى ىقىلاسپەن شىعارىپ سالدى. شي جينپيڭ كوپشىلىككە ىقىلاسپەن بىلاي دەدى: بەيجي قىستاعىنىڭ بولاشاعى نۇرلى ەكەن. قالىڭ كادرلاردىڭ، بۇقارانىڭ بىرگە قۇلشىنىپ، اۋىل - قىستاقتى اناعۇرلىم ويداعىداي قۇرىپ، ەكولوگيانى اناعۇرلىم ويداعىداي قورعاپ، حالىقتى اناعۇرلىم تاماشا تۇرمىسقا كەنەلتىپ، جۇڭگو ۇلگىسىندەگى وسىزامانداندىرۋدىڭ كوركەم بولاشاعىنا بىرگە اتتانۋىن ءۇمىت ەتەمىن.
شي جينپيڭ تاسقىن اپاتىنا ۇشىراعان وڭىرلەردىڭ اپاتتان كەيىنگى قالپىنا كەلتىرۋ، قايتا قۇرۋ قىزمەتىن جانە اپاتقا ۇشىراعان بۇقارانىڭ تۇرمىسىن قامتاماسىزداندىرۋ ماسەلەسىن ءبىر ءسات تە كوكەيىنەن شىعارمادى. 9 - ايدىڭ 7 - كۇنى تۇستەن بۇرىن شي جينپيڭ كولىكپەن اپات جاعدايى ءبىرشاما اۋىر بولعان حاربين شاڭجى قالاسى لاۋجيەجي اۋىلىنىڭ لۇڭۋاڭمياۋ قىستاعىنا كەلىپ، كۇرىشتىڭ اپاتقا ۇشىراۋى جانە سۋ قيراتقان ۇيلەردى قايتا سالۋ احۋالدارىن كوردى. قىستاق تۇرعىنى ياڭ چۇنگۇيدىڭ ۇيىنە تاسقىندا سۋ كىرىپ، ءۇي ىشىندەگى قۇرىلعىلار ءبۇلىنىپ، ارالىق تامدارى جارىلىپ كەتكەندىكتەن جوندەلىپ جاتقان ەدى. شي جينپيڭ ياڭ چۇنگۇيدىڭ ۇيىنە كىرىپ، ءۇيدىڭ جوندەلىپ بولايىن دەگەنىن، ءوندىرىسىنىڭ، تۇرمىسىنىڭ تۇگەلدەي ورنالاستىرىلعاندىعىن كورىپ، قاتتى ريزا بولدى. شي جينپيڭ بىلاي دەپ اتاپ كورسەتتى: مەن اپاتقا ۇشىراعان بۇقارانى كوكەيىمنەن ءبىر ءسات شىعارعان ەمەسپىن، شاڭجى قالاسى وسى جولى ءبىرشاما اۋىر اپاتقا ۇشىرادى، اپاتتان كەيىنگى قالپىنا كەلتىرۋدىڭ، قايتا قۇرۋدىڭ جىلدام، ءساتتى بولعاندىعىن، اۋىلداستاردىڭ تۇرمىسىنا كەپىلدىك ەتىلگەندىگىن، ءوندىرىسىنىڭ قامتاماسىزداندىرىلعاندىعىن كورىپ كوڭىلىم ورنىعىپ قالدى. شىعىس سولتۇستىكتىڭ قىسى ەرتە تۇسەدى، ۇزاققا سوزىلادى، اپاتقا ۇشىراعان بۇقارانىڭ قىستان حاۋىپسىز، جىلى وتۋىنە شىنايى كەپىلدىك ەتۋ ءۇشىن جەرگىلىكتى پارتكوم مەن ۇكىمەت جەدەلدەتە جوسپارلاپ، الدىن الا ارەكەتتەنىپ، ءىشىپ - جەم، تۇرار جاي، ءجۇرىس - تۇرىس، جۇمىستانۋ، ءبىلىم بەرۋ، ەمدەۋ، ىندەتتەن ساقتانۋ سياقتى بۇقارانىڭ وندىرىسىنە، تۇرمىسىنا ساياتىن ۇلكەندى - كىشىلى ىستەردى اناعۇرلىم ۇقىپتى، اناعۇرلىم مۇلتىكسىز ويلاستىرىپ، تيتتەي اعاتتىق جىبەرمەۋ كەرەك. بۇلىنگەن ۇيلەردى جەدەلدەتە جوندەپ، اپاتتان كەيىنگى قايتا قۇرۋدى جەدەل ىلگەرىلەتىپ، اۋىل شارۋاشىلىعىنىڭ اپات سەبەبىنەن زيانعا ۇشىراۋىن ەڭ جوعارى شەكتە ازايتىپ، اپاتقا ۇشىراعان بۇقارانىڭ الاڭسىز، حاۋىپسىز بولۋىنا شىنايى كەپىلدىك ەتۋ كەرەك.
باس شۋجيدىڭ كەلگەنىن كورە سالا سول جەردەگى قىستاق تۇرعىندارى مەن قۇرىلىسشىلار تۇس - تۇستان قاۋمالاي كەلىپ، باس شۋجيگە امانداستى. شي جينپيڭ ىقىلاستى تۇردە كوپشىلىككە بىلاي دەدى: پارتيا مەن ۇكىمەت اپات تۋىلعان وڭىردەگى بۇقاراعا ايرىقشا كوڭىل بولەدى، قاشاندا كوپشىلىكپەن قيىن - قىستاۋدى بىرگە وتكەرىپ، قول ۇستاسا بىرگە ىلگەرىلەيدى، اۋىلداستاردىڭ پارتيا ۇيىمىنىڭ باسشىلىعىندا ءبىر نيەتپەن سەلبەسىپ، ۋاقىتشا قيىندىقتى بىرگە ەڭسەرىپ، كورىكتى مەكەندى قۇلشىنا قۇرۋىن ءۇمىت ەتەمىن.
9 - ايدىڭ 7 - كۇنى تۇستەن بۇرىن شي جينپيڭ تاعى حاربين ينجەنەريا داشۋەسىنە كەلىپ، مەكتەپتىڭ دامۋ بارىسى مەن ەلىمىزدىڭ مەملەكەت قورعانىسى عىلىم - تەحنيكا ىستەرىنە قوسقان ۇلەسىن ۇعىسىپ، وقىتۋ، عىلمي زەرتتەۋ جەتىستىكتەرى كورمەسىن كوردى. شي جينپيڭ بىلاي دەپ باسا دارىپتەدى: حاربين ينجەنەريا داشۋەسى ”حاربين اسكەري ىستەر ينجەنەريا شۋەيۋانى“ تاڭداۋلى ءداستۇرىن اسقاقتاتىپ، مەملەكەتتى قۇدىرەتتەندىرۋ، ارميانى قۇدىرەتتەندىرۋ قاجەتىمەن تىعىز بايلانىستىرىپ، وقۋ - اعارتۋ، عىلىم - تەحنيكا، دارىندىلار قىزمەتىن ويداعىداي يگەرىپ، وقۋ - اعارتۋدا قۋاتتى ەل، عىلىم - تەحنيكادا قۋاتتى ەل، دارىندىلاردا قۋاتتى ەل قۇرۋ ءۇشىن تاعى دا تىڭ ۇلەس قوسۋى كەرەك. جاس ۇرپاق قايراتتانا ايقاساتىن، جۇڭحۋانى كوركەيتەتىن ۇرپاق بولسا، ەكىنشى 100 جىلدىق كۇرەس نىساناسىن جۇزەگە اسىرۋ ۇمىتكە تولى بولادى. جاس شاكىرتتەردىڭ عىلىم - تەحنيكا ارقىلى وتان ءۇمىتىن اقتاۋ ەرىك - جىگەرىن بەرىك ورناتىپ، قاجىرلىلىقپەن ۇيرەنىپ، ىزدەنىپ، عىلىم شىڭىنا ەرلىكپەن ۇمتىلىپ، مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن ىلگەرىلەتۋ بارىسىندا جاستىق جالىنىن لاۋلاتۋى كەرەك. ەندى بىرنەشە كۇننەن كەيىن وقىتۋشىلار مەرەكەسى بولادى، بۇكىل مەكتەپتەگى وقىتۋشىلارعا مەرەكەلىك سالەم جولدايمىن، بۇكىل ەلدەگى قالىڭ وقىتۋشىلاردىڭ مەرەكەسىنە قۇتتى بولسىن ايتامىن.
9 - ايدىڭ 8 - كۇنى تۇستەن بۇرىن شي جينپيڭ حيلۇڭجياڭ ولكەلىك پارتكوم مەن ولكەلىك ۇكىمەتتىڭ قىزمەت مالىمەتىن تىڭداپ، حيلۇڭجياڭنىڭ قىزمەتتەردە قول جەتكىزگەن ناتيجەلەرىن تۇراقتاندىردى.
شي جينپيڭ بىلاي دەپ اتاپ كورسەتتى: عىلىم - تەحنيكادا جاڭالىق اشۋ ارقىلى كاسىپ سالاسىنىڭ جاپپاي گۇلدەنۋىنە جەتەكشىلىك ەتۋ كەرەك. قازىرگى بار كاسىپ سالاسى نەگىزىن تياناق ەتىپ، وزىق جاساۋ كاسىبىنىڭ جوعارى ساپالى دامۋىن تىڭعىلىقتى ىلگەرىلەتىپ، ءداستۇرلى جاساۋ كاسىبىنىڭ دارەجەسىن جوعارىلاتۋدى جەدەل ىلگەرىلەتىپ، عىلىم - تەحنيكادا جاڭالىق اشۋدىڭ كوبەيتكىشتىك رولىن ساۋلەلەندىرىپ، 3 كاسىپتىڭ دەڭگەيىن جاپپاي جوعارىلاتىپ، ەكونوميكالىق قۇرىلىمدى ۇزدىكسىز ساپالىلاندىرىپ، كاسىپ سالاسى قۇرىلىمىن رەتتەۋ كەرەك. عىلىم - تەحنيكادا جاڭالىق اشۋ بايلىعىن بىرىكتىرىپ، ستراتەگيالىق جاڭادان گۇلدەنگەن كاسىپ سالالارى مەن بولاشاق كاسىپ سالالارىنىڭ دامۋىنا جەتەكشىلىك ەتىپ، جاڭا سيپاتتى وندىرگىش كۇشتەردى جەدەل قالىپتاستىرۋ كەرەك. مەملەكەت مەنشىگىندەگى كاسىپورىنداردىڭ وزەكتى باسەكەلىك قۋاتىن جوعارىلاتىپ، حالىقتىق شارۋاشىلىقتىڭ اقاۋسىز دامۋىنا جەتەكشىلىك ەتىپ، ءبىر توپ كاسىپ سالاسى شوعىرىن قالىپتاستىرىپ، تۇلعالىق ەكونوميكانى زورايتۋ، كۇشەيتۋ كەرەك. كاسىپورىنداردى عىلىم - تەحنيكا جەتىستىكتەرىن كادەگە جاراتۋدىڭ وزەكتى دانەكەرى ەتىپ، عىلىم - تەحنيكا جەتىستىكتەرىنىڭ تياناقتانۋ، كادەگە جاراۋ سالىستىرماسىن جوعارىلاتۋ كەرەك. بۇكىل ەلدىڭ كاسىپ سالاسى تىزبەگىمەن، قامداۋ تىزبەگىمەن ىرىقتىلىقپەن ءتۇيىلىسىپ، باسىمدىققا يە كاسىپ سالاسى مەن كاسىپ سالاسىنىڭ باسىمدىققا يە سالاسىندا ۇقىپتىلىقپەن، ەگجەي - تەگجەيلى ىستەپ، بۇكىل ەلدىڭ ءبىر تۇتاس ءىرى بازارىمەن اناعۇرلىم ويداعىداي توعىسىپ، ەل ءىشى جانە حالىقارا سىندى قوس اينالىمدى تۇتاستىرۋدا اناعۇرلىم زور رول اتقارۋ كەرەك. جاسىل دامۋعا تاباندى بولىپ، جاسىل دامۋ تەحنيكاسىندا جاڭالىق اشۋدى كۇشەيتىپ، جاسىل، تومەن كومىرقىشقىل گازدى، اينالمالى داميتىن ەكونوميكالىق جۇيەنى ورناتۋ جانە اقاۋسىزداندىرۋ كەرەك.
شي جينپيڭ بىلاي دەپ باسا دارىپتەدى: حيلۇڭجياڭ مەملەكەتتىڭ استىق حاۋىپسىزدىگىنىڭ ويداعىداي ”ورنىقتىرعىشى“ بولۋى كەرەك. وسىزاماندانعان ءىرى اۋىل شارۋاشىلىعىن دامىتۋدى نەگىزگى قامال الۋ باعىتى ەتىپ، وسى زامانعى اۋىل شارۋاشىلىعى ءىرى بازاسىن، ءىرى كاسىپورىندارىن، ءىرى كاسىپ سالالارىن جەدەل قۇرىپ، اۋىل شارۋاشىلىعى زاتتىق جابدىقتارىن وسىزامانداندىرۋدى، عىلىم - تەحنيكانى وسىزامانداندىرۋدى، شارۋاشىلىق باسقارۋدى وسىزامانداندىرۋدى، اۋىل شارۋاشىلىعىن ينفورماتسيالاندىرۋدى، بايلىقتى باياندى پايدالانۋدى الدىمەن جۇزەگە اسىرۋ كەرەك. سيفرلى تەحنيكا مەن بيوتەحنيكانىڭ قۋات ۇستەۋىن كۇشەيتىپ، قارا توپىراقتى الدىمەن جوعارى ولشەمدى ەگىنجاي ەتىپ قۇرىپ شىعىپ، قارا توپىراقتى شىن مانىندە ويداعىداي قورعاۋ كەرەك. اۋىل شارۋاشىلىق عىلىم - تەحنيكاسىن دامىتۋدى اناعۇرلىم كورنەكتى ورىنعا قويىپ، عىلىم - تەحنيكالىق اۋىل شارۋاشىلىعىن، جاسىل اۋىل شارۋاشىلىعىن، ساپالى اۋىل شارۋاشىلىعىن، ماركالى اۋىل شارۋاشىلىعىن ءبىر تۇتاس جوسپارلاپ ىلگەرىلەتىپ، وسى زامانعى تۇقىم شارۋاشىلىعىنىڭ دەڭگەيىن جوعارىلاتۋ ينجەنەرياسىن ىلگەرىلەتىپ، وزىق، قولدانىلمالى عىلىم - تەحنيكا مەن جوعارى دەڭگەيلى اۋىل شارۋاشىلىق ماشينالارى جابدىقتارىن سايكەستى جالپىلاستىرىپ، اۋىل شارۋاشىلىعىنىڭ اينالمالى ەكونوميكاسىن دامىتۋ كەرەك. اۋىل شارۋاشىلىق تيجارات تاسىلىندە جاڭالىق جاراتىپ، كولەمدەنگەن شارۋاشىلىقتى، قوعامدانعان قىزمەت وتەۋدى دامىتۋ كەرەك. ازىق - تۇلىك جانە جەم - ءشوپ شارۋاشىلىعى شوعىرىن قالىپتاستىرىپ، استىق ءوندىرىسىنىڭ جالپىلىق ونىمدىلىگىن جوعارىلاتۋ كەرەك. اۋىل - قىستاقتى گۇلدەندىرۋدى جەدەل ىلگەرىلەتىپ، اۋىل - قىستاقتىڭ وسىزاماندانعان ءوندىرىس، تۇرمىس شارت - جاعدايىن ازىرلەۋىنە مۇمكىندىك جاساۋ كەرەك.
شي جينپيڭ بىلاي دەپ اتاپ كورسەتتى: ەرەكشە مادەنيەت ساياحاتىن زور كۇشپەن دامىتۋ كەرەك. قار - مۇز ەكونوميكاسىن دامىتۋدى جاڭا ارتۋ ءتۇيىنى ەتىپ، قار - مۇز سپورتىنىڭ، قار - مۇز مادەنيەتىنىڭ، قار - مۇز جابدىقتارىنىڭ، قار - مۇز ساياحاتىنىڭ تۇتاس كاسىپ سالاسى تىزبەگىنىڭ دامۋىن ىلگەرىلەتۋ كەرەك. ورمان، وزەن، كول، سازدىق، قار - مۇز سياقتى اۋەلگى ەكولوگيالىق بەت - بەينەنى ويداعىداي قورعاپ، شەكارا وڭىرلەردىڭ نەگىزدىك قۇرىلعى شارت - جاعدايىن جاقسارتىپ، شەكارا ساياحاتىن بەلسەنە دامىتىپ، شەكارانى گۇلدەندىرىپ، حالىقتى بايىتۋدى، شەكارانى ورنىقتىرىپ، شەكارانى بەكەمدەۋدى اناعۇرلىم ويداعىداي جەبەۋ كەرەك. جاڭا مادەنيەت بورىشىن باتىلدىقپەن ارقالاپ، مادەنيەت ىستەرى مەن مادەنيەت كاسىبى سالاسىن گۇلدەندىرىپ، دامىتىپ، قالا مەن اۋىلدىڭ رۋحاني وركەنيەت قۇرىلىسىن ىشكەرىلەي ورىستەتىپ، قالا مەن اۋىلدىڭ الەۋمەتتىك مادەنيەت قىزمەت وتەۋ جۇيەسىن ءبىر تۇلعالاندىرۋ قۇرىلىسىن ىلگەرىلەتىپ، جاڭا سالتتى قۇلشىنا جەتىلدىرۋ، جاڭا وبراز ايگىلەۋ كەرەك.
شي جينپيڭ بىلاي دەپ باسا دارىپتەدى: ەلىمىزدىڭ سولتۇستىككە ەسىك اشۋداعى جاڭا بيىگىن قالىپتاستىرۋ كەرەك. ساۋدا، قارجى قوسۋ، ارنا جانە تۇعىر قۇرىلىسىن اناعۇرلىم ويداعىداي ءبىر تۇتاس جوسپارلاپ، بازارعا كىرۋ رۇقساتى، فاكتورلاردىڭ اينالىمى، تۇزىمدىك ەسىك اشۋ سياقتى جاقتاردا باتىلدىقپەن ىزدەنىس جاساپ، الدىمەن اتقارىپ، الدىمەن سىناق ەتىپ، جان - جاقتى سىرتقا ەسىك اشۋدىڭ جاڭا جاعدايىن قالىپتاستىرۋ كەرەك. ماڭىزدى قۇرلىق جولى ارناسى، وزەن - تەڭىز جولى، ەنەرگيا قۇبىرى سياقتى نەگىزدىك قۇرىلعىلاردى جەدەل قۇرىپ، شىعىس سولتۇستىك ازياعا ەسىك اشۋدىڭ قاتىناس - تاسىمال تورىن كەمەلدەندىرۋ كەرەك. ەركىن ساۋدا سىناق رايونى، كەشەندى قورعامالى باجى اۋماعى سياقتى اشىق تۇعىرلاردىڭ جاڭالىق اشا دامۋىن كۇشەيتىپ، ”ءبىر بەلدەۋ، ءبىر جولدى“ بىرگە قۇرۋمەن ىشكەرىلەي توعىسىپ، وڭىرلەر سەلبەستىگىنە بەلسەنە ات سالىسۋ كەرەك. ءتۇيىندى سالالارداعى حاۋىپ - قاتەردەن ساقتانۋ جانە ونى جويۋ قىزمەتىن شىنايى جاقسى ىستەپ، ءوندىرىس حاۋىپسىزدىگى جاۋاپكەرشىلىگىن تياناقتاندىرىپ، اۋىر، ەرەكشە اۋىر ءوندىرىس حاۋىپسىزدىگى شىرعالاڭدارىنىڭ تۋىلۋىنان باتىل ساقتانۋ كەرەك.
شي جينپيڭ بىلاي دەپ اتاپ كورسەتتى: 1 - توپتاعى نەگىزگى تاقىرىپتىق تاربيە اياقتالدى، ۇزدىكسىز رەتتەۋ - تۇزەتۋ جانە ەرەجە - ءتۇزىم ورناتۋ قىزمەتىن ويداعىداي يگەرىپ، نەگىزگى تاقىرىپتىق تاربيەدە قاراستىرىلعان جاقسى تاجىريبەلەردى، جاقسى ادىستەردى باياندى مەحانيزمگە اينالدىرۋ كەرەك. نازاريا ۇيرەنۋ، تەكسەرۋ - زەرتتەۋ، جوعارى ساپالى دامۋدى ىلگەرىلەتۋ، بۇقارامەن تىعىز بايلانىس جاساۋ، فورماشىلدىق پەن تورەشىلدىكتەن ساقتانۋ سياقتى باياندى مەحانيزمدى ورناتىپ جانە كەمەلدەندىرىپ، نەگىزگى تاقىرىپتىق تاربيەنىڭ جەتىستىكتەرىن بەكەمدەۋ، دامىتۋ كەرەك. 2 - توپتاعى نەگىزگى تاقىرىپتىق تاربيە باستالدى، جەر - جەر عىلمي جوسپارلاۋعا، ءبىر تۇتاس ورنالاستىرۋعا، تۇرگە ءبولىپ جەتەكشىلىك ەتۋگە تاباندى بولىپ، ناقتى ونىمدىلىككە قول جەتكىزۋگە شىنايى كەپىلدىك ەتۋى كەرەك.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت كەڭسەسىنىڭ مەڭگەرۋشىسى ساي چي تەكسەرۋدە بىرگە بولدى.
لي گانجيە، حى ليفىڭ جانە ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار قىزمەت تەكسەرۋدە بىرگە بولدى، نەگىزگى تاقىرىپتىق تاربيە ورتالىق 4 - ارالاپ جەتەكشىلىك ەتۋ گرۋپپاسىنداعى جاۋاپتى جولداستار مالىمەت بەرۋ جينالىسىنا قاتىناستى.
