شي جينپيڭ 78 - قۇراما ارميانى كوزدەن كەشىرگەندە بىلاي دەپ باسا دارىپتەدى
قۇراما ارميانى قۇرۋ، باسقارۋ جانە سوعىستا ىستەتۋ تاسىلىندە جاڭالىق اشىپ، اسكەري ءبولىمنىڭ سوعىسقا دايىندالۋ، سوعىس جۇرگىزۋ قابىلەتىن جاپپاي جوعارىلاتۋ كەرەك
جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 9 - ايدىڭ 8 - كۇنى 78 - قۇراما ارميانى كوزدەن كەشىردى. سۋرەتتە: شي جينپيڭ ماڭىزدى ءسوز سويلەۋدە.
□ سۋرەتتى شينحۋا اگەنتتىگىنىڭ ءتىلشىسى لي گاڭ تۇسىرگەن
شينحۋا اگەنتتىگىنىڭ 9 - ايدىڭ 10 - كۇنى حاربيننەن بەرگەن حابارى (ءتىلشى مەي چاڭۋي). جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 9 - ايدىڭ 8 - كۇنى 78 - قۇراما ارميانى كوزدەن كەشىرگەندە بىلاي دەپ باسا دارىپتەدى: جاڭا داۋىردەگى ارميانى قۇدىرەتتەندىرۋ يدەياسىن ىشكەرىلەي دايەكتىلەندىرىپ، جاڭا داۋىردەگى اسكەري ىستەر ستراتەگيالىق باعىتىن دايەكتىلەندىرىپ، قۇراما ارميانى قۇرۋ، باسقارۋ جانە سوعىستا ىستەتۋ تاسىلىندە جاڭالىق اشىپ، اسكەري ءبولىمنىڭ سوعىسقا دايىندالۋ، سوعىس جۇرگىزۋ قابىلەتىن جاپپاي جوعارىلاتىپ، پارتيا مەن حالىق جۇكتەگەن بورىش پەن مىندەتتى ءونىمدى اتقارۋ كەرەك.
تۇستەن بۇرىن ساعات 9دان 30 مينۋت مولشەرىندە شي جينپيڭ 78 - قۇراما ارميا ورگانىنا كەلىپ، شاتىرلاعان شاپالاق ءۇنى ىشىندە وسى قۇراما ارميانىڭ وفيتسەر - اسكەرلەر ۋاكىلدەرىمەن ىقىلاسپەن كەزدەسىپ، كوپشىلىكپەن بىرگە ەستەلىك سۋرەتكە ءتۇستى.
شي جينپيڭ الدىمەن بىلاي دەپ اتاپ كورسەتتى: الدىڭعى ءبىر مەزگىلدە ەلىمىزدىڭ حۋابەي، دۇڭبەي سياقتى جەرلەرىندە سۇراپىل نوسەر جاۋدى جانە اۋىر تاسقىن، گەولوگيالىق اپات تۋىلدى. ازاتتىق ارميا مەن قارۋلى ساقشى بولىمدەرى بۇيرىقتى ەستي سالا اتتانىپ، اۋىر مىندەتتى باتىلدىقپەن ارقالاپ، تاسقىننان ساقتانۋ، تاسقىنعا قارسى اتتانۋ، اپاتتان قۇتقارۋ قىزمەتىنە جەدەل ات سالىسىپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن بار كۇشپەن قامتاماسىز ەتىپ، ەكپىندىلەر اترەتىندىك رولىن ويداعىداي ساۋلەلەندىرىپ، حالىق پەرزەنت اسكەرلەرىنىڭ تاماشا وبرازىن ايگىلەدى.
شي جينپيڭ 78 - قۇراما ارميانىڭ رەتتەلىپ قۇرىلعاننان بەرگى اسكەري ءبولىم قۇرىلىسى جانە مىندەت وتەۋ جاعدايىن تۇراقتاندىردى. ول بىلاي دەپ باسا دارىپتەدى: اسكەري ىستەر كۇرەس دايىندىعىنىڭ ساپاسى مەن دەڭگەيىن جوعارىلاتىپ، ەلەۋلى، قيىن ماشىق تۇرلەرىندە ارنايى قامال الۋ جاتتىعۋىن زەر سالا كۇشەيتىپ، جاڭا ساپالى جاۋىنگەرلىك قۋات قۇرىلىسىن كۇشەيتىپ، قاراستى سوعىس جۇرگىزۋ كۇشتەرىنىڭ، سوعىس جۇرگىزۋ بىرلىكتەرىنىڭ، سوعىس جۇرگىزۋ فاكتورلارىنىڭ توعىسۋىن، بىرىگۋىن كۇشەيتىپ، بىرلەسىپ سوعىس جۇرگىزۋ جۇيەسىن ورگانيكالى توعىستىرۋ كەرەك.
شي جينپيڭ بىلاي دەپ اتاپ كورسەتتى: اسكەري بولىمدەردىڭ پارتيا قۇرىلىسىن جاپپاي كۇشەيتىپ، بۇكىل ارميانىڭ پارتيا قۇرىلىسى ءماجىلىسىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، ءار دارەجەلى پارتيا ۇيىمدارىنىڭ جاسامپازدىق قۋاتىن، ۇيىستىرۋ قۋاتىن، جاۋىنگەرلىك قۋاتىن كۇشەيتۋ كەرەك. بوساڭسىماي تاباندىلىقپەن نەگىزگى ساتىنى يگەرىپ، نەگىز قالاپ، اسكەري بولىمدەردى تاربيەلەۋدى، باسقارۋدى قاتايتىپ، اسكەري ءبولىمنىڭ جوعارى دەڭگەيدەگى ورتالىقتانعان ءبىر تۇتاستىعىن جانە حاۋىپسىزدىگىن، ورنىقتىلىعىن ساقتاۋ كەرەك. 2 - توپتاعى نەگىزگى تاقىرىپتىق تاربيەنى دەن قويا ۇيىمداستىرىپ، اتقارىپ، اسكەري ءبولىمنىڭ دامۋىنداعى بوگەتتىك ماسەلەلەردى كۇش سالا شەشىپ، بەلسەندى، ىرىقتى تۇردە وفيتسەر - اسكەرلەردى ۋايىمنان ارىلتىپ، ولاردىڭ قيىنشىلىعىن شەشىپ، قۇراما ارميا قۇرىلىسىندا ۇزدىكسىز جاڭا جاعداي اشۋ كەرەك.
جاڭ يوۋشيا قاتارلىلار قيمىلعا قاتىناستى.
