9 - ايدىڭ 2 - كۇنى تۇستەن بۇرىن مەملەكەت ءتوراعاسى شي جينپيڭ بەيجيڭدە 2023 - جىلعى جۇڭگو حالىقارالىق قىزمەت وتەۋ ساۋدا جارمەڭكەسى الەمدىك قىزمەت وتەۋ ساۋدا باسشىلار ماجىلىسىندە بەينە ەكران ارقىلى ارناۋ ءسوز سويلەدى.
□ سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن
شينحۋا اگەنتتىگىنىڭ 9 - ايدىڭ 2 - كۇنى بەيجيڭنەن بەرگەن حابارى. 9 - ايدىڭ 2 - كۇنى تۇستەن بۇرىن مەملەكەت ءتوراعاسى شي جينپيڭ بەيجيڭدە 2023 - جىلعى جۇڭگو حالىقارالىق قىزمەت وتەۋ ساۋدا جارمەڭكەسى الەمدىك قىزمەت وتەۋ ساۋدا باسشىلار ماجىلىسىندە بەينە ەكران ارقىلى ارناۋ ءسوز سويلەدى.
شي جينپيڭ بىلاي دەپ اتاپ كورسەتتى: قازىر 100 جىلدىق وزگەرىس جەدەل قۇبىلىپ، دۇنيە ءجۇزى ەكونوميكاسىنىڭ قالپىنا كەلۋ قوزعاۋشى كۇشى جەتكىلىكسىز بولىپ وتىر. قىزمەت وتەۋ ساۋداسى − حالىقارالىق ساۋدانىڭ ماڭىزدى قۇرامداس بولىگى، قىزمەت وتەۋ كاسىبى − حالىقارالىق ەكونوميكا - ساۋدا سەلبەستىگىنىڭ ماڭىزدى سالاسى. الەمدىك قىزمەت وتەۋ ساۋداسى مەن قىزمەت وتەۋ كاسىبى سەلبەستىگى ىشكەرىلەي دامىپ، سيفرلاندىرۋ، زەردەلىلەندىرۋ، جاسىلداندىرۋ ءۇردىسى ۇزدىكسىز جەدەلدەپ، جاڭا تەحنيكا، جاڭا كاسىپ كۇيى، جاڭا ۇلگى تولاسسىز جارىققا شىعىپ، ەكونوميكانىڭ جاھاندانۋىن ىلگەرىلەتۋ، الەمدىك ەكونوميكانىڭ ومىرشەڭدىگىن قالپىنا كەلتىرۋ، دۇنيە ءجۇزى ەكونوميكاسىنىڭ دامۋ سەرپىمدىلىگىن ارتتىرۋ ءۇشىن پارمەندى قوزعاۋشى كۇش قوستى.
شي جينپيڭ بىلاي دەپ باسا دارىپتەدى: بيىل − جۇڭگونىڭ رەفورما جاساپ، ەسىك اشقاندىعىنىڭ 45 جىلدىعى، جۇڭگو جوعارى دەڭگەيدە سىرتقا ەسىك اشۋدى تاباندىلىقپەن ىلگەرىلەتىپ، جوعارى ساپالى دامۋ ارقىلى جۇڭگو ۇلگىسىندەگى وسىزامانداندىرۋدى جاپپاي ىلگەرىلەتىپ، ءار ەلدىڭ ەسىك اشۋىنا، سەلبەستىگىنە تىڭ وراي ازىرلەيدى. جۇڭگو ءارقايسى ەلدەرمەن، ءارقايسى جاقتارمەن بىرگە قىزمەت وتەۋدى اشىق ۇستاۋ ارقىلى سيىسىمدى دامۋدى ىلگەرىلەتىپ، قىزمەت وتەۋ سەلبەستىگى ارقىلى ىقپالداسۋدى، توعىسۋدى جەبەپ، قىزمەت وتەۋدە جاڭالىق اشۋ ارقىلى دامۋدىڭ قوزعاۋشى قۋاتىن جەتىلدىرىپ، قىزمەت وتەۋدەن ورتاق يگىلىكتەنۋ ارقىلى كوركەم بولاشاق اشىپ، دۇنيە ءجۇزى ەكونوميكاسىنىڭ ۇزدىكسىز جاندانۋ ارناسىنا ءتۇسۋىن قول ۇستاسا ىلگەرىلەتۋدى قالايدى.
ءبىز اناعۇرلىم اشىق، سيىسىمدى دامۋ ورتاسىن تۇلعالايمىز. كۇللى الەمگە باعىتتالعان جوعارى ولشەمدى ەركىن ساۋدا رايونى تورىن كەڭەيتىپ، قىزمەت وتەۋ ساۋداسى جانە قارجى قوسۋ ۇنامسىز تىزىمدىگى كەلىسسوزىن بەلسەنە ورىستەتىپ، تەلەگراف، ساياحات، زاڭ، كاسىپتىك ەمتيحان سياقتى قىزمەت وتەۋ سالاسىن سىرتقا اشىق ۇستاۋدى كەڭەيتىپ، مەملەكەتتىڭ قىزمەت وتەۋ كاسىپتەرىندە سىرتقا ەسىك اشۋدى كەڭەيتۋدەن كەشەندى ۇلگى كورسەتۋ رايونىن، سونداي - اق شارت - جاعدايى كەلەتىن ەركىن ساۋدا سىناق رايونى مەن ەركىن ساۋدا پورتىن الدىمەن حالىقارالىق جوعارى ولشەمدى ەكونوميكا - ساۋدا قاعيداسىمەن تۇيىلىستىرەمىز. قىزمەت وتەۋ كاسىبىندەگى بازارعا كىرۋگە رۇقسات ەتۋدى كەڭەيتىپ، شەكارا اتتاعان قىزمەت وتەۋ ساۋداسىنىڭ اشىق ۇستالۋ ءۇردىسىن ءتارتىپتى ىلگەرىلەتىپ، قىزمەت وتەۋ ساۋداسىنىڭ ولشەمدەنۋ دەڭگەيىن كوتەرىپ، تۇزىمدىك سىرتقا ەسىك اشۋدى ورنىقتى قاداممەن كەڭەيتەمىز.
ءبىز ءوزارا تيىمدىلىك جەتكىزىپ، بىرگە يگىلىككە كەنەلۋدىڭ سەلبەستىك دانەكەرىن نىعايتامىز. ءارقايسى ەلمەن دامۋ ستراتەگياسىن جانە سەلبەستىك باستاماسىن ءتۇيىلىستىرۋدى كۇشەيتىپ، ”ءبىر بەلدەۋ، ءبىر جولدى“ بىرگە قۇراتىن ەلدەرمەن قىزمەت وتەۋ ساۋداسىن جانە سيفرلى ساۋدا سەلبەستىگىن تەرەڭدەتىپ، ءار ءتۇرلى بايلىق فاكتورلارىن شەكارا اتتاپ اينالىمعا ءتۇسىرۋدىڭ قولايلىلانۋىن جەبەپ، اناعۇرلىم كوپ ەكونوميكالىق سەلبەستىك ارتۋ ءتۇيىنىن جەتىلدىرەمىز.
ءبىز جاڭالىق اشۋ ارقىلى دەم بەرەتىن دامۋ جولىن كۇشەيتەمىز. قىزمەت وتەۋ ساۋداسىن سيفرلاندىرۋدىڭ جاڭا قوزعاشى قۋاتىن جەدەل جەتىلدىرىپ، ساندى مالىمەت نەگىزدىك ءتۇزىمىن الدىمەن اتقارۋ، الدىمەن سىناق ەتۋ رەفورماسىن ىلگەرىلەتىپ، سيفرلى ساۋدا رەفورماسىن جاسامپازدىقپەن دامىتۋدى جەبەيمىز. مەملەكەتتىك جىلىجاي گازىن شىعارۋدى ءوز ەركىمەن ازايتۋ ساۋدا بازارىن قۇرىپ، قىزمەت وتەۋ كاسىبىنىڭ جاسىل دامۋدا اناعۇرلىم زور رول اتقارۋىنا قولداۋ كورسەتەمىز. قىزمەت وتەۋ ساۋداسىنىڭ وسى زامانعى قىزمەت وتەۋ كاسىبىمەن، جوعارى دەڭگەيلى جاساۋ كاسىبىمەن، وسى زامانعى اۋىل شارۋاشىلىعىمەن توعىسپالى دامۋىن ىلگەرىلەتىپ، اناعۇرلىم كوپ جاسامپازدىق ومىرشەڭدىگىن قاۋلاتامىز.
ءبىز جۇڭگو ۇلگىسىندەگى وسىزامانداندىرۋ قۇرىلىسىنىڭ جەتىستىگىنەن بىرگە يگىلىكتەنەمىز. ەل ءىشى سۇرانىسىن كۇش سالا كەڭەيتىپ، قۋاتتى ەل ءىشى بازارىن جەدەل قۇرىپ، ساپالى قىزمەت وتەۋ يمپورتىن ىرىقتىلىقپەن كەڭەيتىپ، ءبىلىم شوعىرلانعان قىزمەت وتەۋ ەكسپورتىن كەڭەيتۋگە شابىتتاندىرىپ، جۇڭگونىڭ ءىرى بازار ورايى ارقىلى دۇنيە جۇزىنە تىڭ دامۋ قوزعاۋشى قۋاتىن ازىرلەپ، جوعارى ساپالى دامۋ ارقىلى بۇكىل الەمگە اناعۇرلىم كوپ، اناعۇرلىم جاقسى جۇڭگو قىزمەت وتەۋىن ازىرلەپ، دۇنيە ءجۇزى حالقىنىڭ تابىس سەزىمىن كۇشەيتەمىز.
شي جينپيڭ ەڭ سوڭىندا بىلاي دەپ باسا دارىپتەدى: دۇنيە ءجۇزى ەكونوميكاسى اشىق بولسا كوركەيەدى، توماعا - تۇيىق بولسا قۇلدىرايدى. وڭاي - وسپاق كەلمەگەن ەركىن ساۋدا جانە كوپ جاقتى ساۋدا ءتۇزىلىسىن بىرگە قورعاپ، الەمدىك قىزمەت وتەۋ ساۋداسى دامۋىنىڭ تاريحي ورايىنان بىرگە يگىلىكتەنىپ، دۇنيە ءجۇزىنىڭ اناعۇرلىم تاماشا، گۇلدەنگەن بولاشاعىن اشۋ ءۇشىن بىرگە قۇلشىنايىق!
”اشىق ۇستاۋ ارقىلى دامۋعا جەتەكشىلىك ەتىپ، سەلبەستىك ارقىلى بولاشاقتا بىرگە يگىلىككە كەنەلەيىك“ دەگەندى نەگىزگى تاقىرىپ ەتكەن 2023 - جىلعى جۇڭگو حالىقارالىق قىزمەت وتەۋ ساۋدا جارمەڭكەسى 9 - ايدىڭ 2 - كۇنىنەن 6 - كۇنىنە دەيىن بەيجيڭدە وتكىزىلەدى.
