حابارسىز كەتكەندەردى بار كۇشپەن ىزدەۋدى، جاپپاي تەكسەرۋ ورىستەتىپ، حاۋىپسىزدىكتى باقىلاۋ - باسقارۋدى كۇشەيتىپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىنە شىنايى كەپىلدىك ەتۋدى تالاپ ەتتى

شي جينپيڭ سىچۋاننىڭ لياڭشان وبلىسىنىڭ جينياڭ اۋدانىندا تۋىلعان سەل اپاتى جونىندە ماڭىزدى نۇسقاۋ بەرىپ

حابارسىز كەتكەندەردى بار كۇشپەن ىزدەۋدى، جاپپاي تەكسەرۋ ورىستەتىپ، حاۋىپسىزدىكتى باقىلاۋ - باسقارۋدى كۇشەيتىپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىنە شىنايى كەپىلدىك ەتۋدى تالاپ ەتتى

لي چياڭ بەكىتۋ جاسادى

　　شينحۋا اگەنتتىگىنىڭ 8 - ايدىڭ 30 - كۇنى بەيجيڭنەن بەرگەن حابارى. 8 - ايدىڭ 21 - كۇنى تاڭ سارىدە سىچۋاننىڭ لياڭشان وبلىسىنىڭ جينياڭ اۋدانىندا نوسەر جاۋىپ تۇتقيىل سەل ءجۇرىپ، وزەن جاعالاۋىنداعى جوعارى جىلدامدىقتى تاس جولدىڭ JN1 بولىگى نىسان ءبولىمىنىڭ بولات شىبىق وڭدەۋ ورنىندا ءىشىنارا ادامدار قازا بولدى، حابارسىز كەتتى.

　　قاتىستى جاعدايدان حابار تاپقاننان كەيىن، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماڭىزدى نۇسقاۋ بەرىپ، حابارسىز كەتكەندەردى بار كۇشپەن ىزدەۋدى، وتباسىنداعىلاردى جۇباتۋ سياقتى سوڭعى جۇمىستاردى ۇيلەسىمدى ويداعىداي ىستەۋدى؛ مەملەكەتتىك كەڭەستەن قىزمەت گرۋپپاسىن جىبەرىپ، جاپپاي تەكسەرۋ ورىستەتىپ، جاۋاپكەرشىلىگى بار قاتىستى ادامداردى زاڭ بويىنشا قاتاڭ ءبىر جاقتى ەتۋدى؛ تەرەڭ ساباق الىپ، بىرەۋى ارقىلى وزگەسىن تۇسپالداپ، ماسەلەلەردى جاپپاي اداقتاي تەكسەرىپ، ءار جاقتىڭ جاۋاپكەرشىلىگىن ناقتىلاندىرىپ، حاۋىپسىزدىكتى باقىلاۋ - باسقارۋدى كۇشەيتىپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىنە شىنايى كەپىلدىك ەتۋدى تالاپ ەتتى.

　　جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي چياڭ بەكىتۋ جاساپ، جاعدايدى انىقتاۋدى جەدەلدەتۋدى، حابارسىز كەتكەندەردى بار كۇشپەن ىزدەۋدى، قۇتقارۋدى، سەبەبىن تەز ارادا انىقتاپ، بۇدان ساباق الۋدى، سونداي - اق جاۋاپكەرشىلىكتى زاڭ بويىنشا قاتاڭ قۋزاستىرۋدى تالاپ ەتتى.

　　شي جينپيڭنىڭ نۇسقاۋىنا جانە لي چياڭنىڭ تالابىنا ساي، شۇعىل جاعدايعا توتەپ بەرۋدى باسقارۋ مينيسترلىگى قىزمەت گرۋپپاسىن سول جەردىڭ وزىندە ىزدەستىرۋ - قۇتقارۋ قىزمەتىنە جەتەكشىلىك ەتۋگە جىبەردى، سىچۋان ولكەسى، لياڭشان وبلىسى قۇتقارۋ - كومەكتەسۋ كۇشتەرىن قاتىستى قىزمەتتەردى ورىستەتۋگە ۇيىمداستىردى. قازىر ءتۇرلى قىزمەتتەر قاۋىرت، ءتارتىپتى جۇرىلۋدە.