شي جينپيڭ تۇڭعىش رەتكى مەملەكەتتىك ەكولوگيا كۇنى قارساڭىندا ماڭىزدى نۇسقاۋ بەرىپ بىلاي دەپ باسا دارىپتەدى
بۇكىل قوعام اتتانىسقا كەلىپ، تۇنىق سۋ، جاسىل تاۋ − باعالى بايلىق ۇستانىمىنىڭ بەلسەندى تاراتۋشىسى جانە ۇلگىلى امالياتتا ايگىلەۋشىسى بولۋ كەرەك
ديڭ شۋەشياڭ نەگىزگى الاڭ قيمىلىنىڭ باستالۋ سالتىنا قاتىناستى ءارى ءسوز سويلەدى
شينحۋا اگەنتتىگىنىڭ 8 - ايدىڭ 15 - كۇنى حاڭجوۋدان بەرگەن حابارى. تۇڭعىش رەتكى مەملەكەتتىك ەكولوگيا كۇنى قارساڭىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماڭىزدى نۇسقاۋ بەرىپ بىلاي دەپ باسا دارىپتەدى: ەكولوگيالىق وركەنيەت قۇرىلىسى جۇڭحۋا ۇلتىنىڭ ماڭگى ۇزدىكسىز دامۋىنا ساياتىن ءتۇبىرلى ۇلى جوسپار، پارتيانىڭ بورىشىنا، نەگىزگى ماقساتىنا ساياتىن كەلەلى ساياسي ماسەلە، حالىقتىڭ قۇت - ىرىسىنا ساياتىن كەلەلى قوعامدىق ماسەلە. جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىندا ەكولوگيالىق وركەنيەت قۇرىلىسىن كۇشەيتۋدەگى ستراتەگيالىق تاباندىلىقتى ساقتاپ، جوعارى ساپالى دامۋ مەن جوعارى دەڭگەيدە قورعاۋدى قاتار ىلگەرىلەتۋگە ءمان بەرىپ، ”كومىر قىشقىل گازىن شىعارۋدى جوعارى مانگە جەتكىزۋ، كومىر قىشقىل گازىن بەيتاراپتاندىرۋ“ قىزمەتىن جەتەكشى ەتىپ، ەنەرگيا سارىپ ەتۋدەگى قوس تىزگىندەۋدىڭ كومىر قىشقىل گازىنىڭ شىعارىلۋىنداعى قوس تىزگىندەۋگە بىرتىندەپ ويىسۋىن ىلگەرىلەتىپ، ءوندىرىس ءتاسىلى مەن تۇرمىس تاسىلىندە جاسىل، تومەن كومىر قىشقىل گازعا قاراي تيپ جاڭالاۋدى ۇزدىكسىز ىلگەرىلەتىپ، ادام مەن تابيعات جاراسىمدى قاتار ءومىر سۇرەتىن وسىزامانداندىرۋدى جەدەل ىلگەرىلەتىپ، كورىكتى جۇڭگو قۇرىلىسىن جاپپاي ىلگەرىلەتۋ كەرەك.
شي جينپيڭ بۇكىل قوعامنىڭ اتتانىسقا كەلىپ، تۇنىق سۋ، جاسىل تاۋ − باعالى بايلىق ۇستانىمىنىڭ بەلسەندى تاراتۋشىسى جانە ۇلگىلى امالياتتا ايگىلەۋشىسى بولىپ، ءوزى ونەگە كورسەتىپ، ۇزدىكسىز قاجىماي كۇش سالىپ، تازا، كورىكتى دۇنيە ءجۇزىن بىرگە قۇرۋعا اناعۇرلىم زور ۇلەس قوسۋىن ءۇمىت ەتتى.
تۇڭعىش رەتكى مەملەكەتتىك ەكولوگيا كۇنىنىڭ نەگىزگى الاڭ قيمىلى 8 - ايدىڭ 15 - كۇنى جىجياڭ ولكەسىنىڭ حۋجوۋ قالاسىندا ءوتتى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى ديڭ شۋەشياڭ قيمىلدىڭ باستالۋ سالتىنا قاتىناسىپ، شي جينپيڭنىڭ ماڭىزدى نۇسقاۋىن جەتكىزدى جانە ءسوز سويلەدى. ديڭ شۋەشياڭ مىنانى ءبىلدىردى: پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى ەكولوگيالىق وركەنيەت قۇرىلىسىن جۇڭحۋا ۇلتىنىڭ ماڭگى ۇزدىكسىز دامۋىنا ساياتىن ءتۇبىرلى ۇلى جوسپار ەتىپ، ءبىر قىدىرۋ جاسامپازدىق سيپاتتى قىزمەتتەر ورىستەتتى، بەكىمىنىڭ پارمەندىلىگى، تەبىنىنىڭ كۇشتىلىگى، ونىمدىلىگىنىڭ ۇلكەندىگى بۇرىن بولىپ كورمەگەن، ەكولوگيالىق وركەنيەت قۇرىلىسىنىڭ تابىستارى بۇكىل دۇنيە ءجۇزىن جالت قاراتىپ، جاڭا داۋىردە پارتيا مەن مەملەكەت ىستەرىندە قول جەتكىزگەن تاريحي سيپاتتى جەتىستىكتەردىڭ، تۋىلعان تاريحي سيپاتتى وزگەرىستەردىڭ كورنەكتى بەلگىسىنە اينالدى. جاڭا ءداۋىردىڭ جاڭا جورىعىندا شي جينپيڭنىڭ ەكولوگيالىق وركەنيەت يدەياسىن ىشكەرىلەي ۇيرەنىپ، دايەكتىلەندىرىپ، كورىكتى جۇڭگو قۇرۋدى مەملەكەتتى قۇدىرەتتەندىرۋ قۇرىلىسىندا، ۇلتتىڭ گۇلدەنۋىندە كورنەكتى ورىنعا قويىپ، جوعارى ساپالى ەكولوگيالىق ورتا ارقىلى جوعارى ساپالى دامۋعا تىرەك بولىپ، ادام مەن تابيعات جاراسىمدى قاتار ءومىر سۇرەتىن وسىزاماندانۋدى جەدەل ىلگەرىلەتۋ كەرەك. لاستانۋدان ساقتانۋ جانە ونى وڭاۋدان قامال الۋ شايقاسىن تاباندىلىقپەن ويداعىداي جۇرگىزىپ، اشىق اسپاندى، تۇنىق سۋدى، تازا توپىراقتى قورعاۋ شايقاسىن ىشكەرىلەي ويداعىداي جۇرگىزىپ، ەكولوگيالىق ورتانىڭ ساپاسىن ۇزدىكسىز جاقسارتۋ كەرەك؛ جاسىل، تومەن كومىر قىشقىل گازدى دامۋدى ەكولوگيالىق ورتا ماسەلەلەرىن شەشۋدىڭ تۇبىرىنەن وڭاۋ شاراسى ەتۋگە تاباندى بولىپ، بايلىق ۇنەمدەۋ مەن قورشاعان ورتانى قورعاۋدىڭ كەڭىستىك ارناسىن، كاسىپ سالاسى قۇرىلىمىن، ءوندىرىس ءتاسىلىن، تۇرمىس ءتاسىلىن جەدەل قالىپتاستىرۋ كەرەك؛ تاۋ، سۋ، ورمان، ەگىنجاي، كول، جايلىم، قۇمدى ءبىر تۇلعالاندىرىپ قورعاۋعا جانە جۇيەلى وڭاۋعا تاباندى بولىپ، ەكولوگيالىق جۇيەنىڭ الۋان تۇرلىلىگىن، تۇراقتىلىعىن، باياندىلىعىن كۇش سالا جوعارىلاتۋ كەرەك؛ كومىر قىشقىل گازىن شىعارۋدى جوعارى مانگە جەتكىزۋدى، كومىر قىشقىل گازىن بەيتاراپتاندىرۋدى بەلسەندى، ورنىقتى ىلگەرىلەتىپ، دامۋ بارىسىندا كومىر قىشقىل گازىنىڭ شىعارىلۋىن ازايتۋ، كومىر قىشقىل گازىنىڭ شىعارىلۋىن ازايتۋ بارىسىندا ءتىپتى دە جوعارى ساپالى دامۋدى جۇزەگە اسىرۋ كەرەك؛ ەكولوگيالىق ورتانى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ۇزدىكسىز ىلگەرىلەتىپ، كورىكتى جۇڭگو قۇرىلىسىنىڭ قامتاماسىزدىق جۇيەسىن كەمەلدەندىرۋ كەرەك. تۇڭعىش رەتكى مەملەكەتتىك ەكولوگيا كۇنىنىڭ نەگىزگى الاڭ قيمىلىن وراي ەتىپ، شي جينپيڭنىڭ ەكولوگيالىق وركەنيەت يدەياسىنىڭ جۇرتشىلىققا بەيىمدەلە تارالۋىن ونان ارى تەرەڭدەتىپ، بۇكىل قوعامنىڭ ەكولوگيالىق وركەنيەت تانىمىن جوعارىلاتىپ، جالپى حالىقتىڭ ەكولوگيالىق ورتانى قورعاۋداعى يدەيالىق سانالىلىعى مەن ارەكەت سانالىلىعىن كۇشەيتىپ، بارلىق ادام، بارلىق ىستە، قاي - قاشان دا، بارلىق ورىندا ەكولوگيالىق وركەنيەتتى قاستەرلەيتىن تاماشا قوعامدىق رايدىڭ قالىپتاسۋىن ىلگەرىلەتۋ كەرەك.
2023 - جىلى 6 - ايدىڭ 28 - كۇنى 14 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 3 - رەتكى ءماجىلىسى قاۋلى ماقۇلداپ، 8 - ايدىڭ 15 - كۇنىن مەملەكەتتىك ەكولوگيا كۇنى ەتىپ بەلگىلەدى. تۇڭعىش رەتكى مەملەكەتتىك ەكولوگيا كۇنىنىڭ نەگىزگى الاڭ قيمىلىن مەملەكەتتىك دامۋ جانە رەفورما كوميتەتى ورتالىق كوميتەت ۇگىت ءبولىمى، جاراتىلىسىق بايلىق مينيسترلىگى، ەكولوگيالىق ورتا مينيسترلىگى سياقتى تاراۋلارمەن جانە جىجياڭ ولكەلىك حالىق ۇكىمەتىمەن بىرلەسىپ وتكىزدى، نەگىزگى تاقىرىبى ”تۇنىق سۋ، جاسىل تاۋ − باعالى بايلىق“.
