شي جينپيڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ 7 - رەتكى توپتىق ۇيرەنۋىندە بىلاي دەپ باسا دارىپتەدى
اسكەري ىستەردى باسقارۋدى جاپپاي كۇشەيتىپ، جوعارى دەڭگەيدە باسقارۋ ارقىلى ارميامىزدىڭ جوعارى ساپالى دامۋىن ىلگەرىلەتۋ كەرەك
شينحۋا اگەنتتىگىنىڭ 7 - ايدىڭ 25 - كۇنى بەيجيڭنەن بەرگەن حابارى. 1 - تامىز ارميا قۇرىلۋ مەرەكەسى قارساڭىندا، جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى 7 - ايدىڭ 24 - كۇنى تۇستەن كەيىن، اسكەري ىستەردى باسقارۋدى جاپپاي كۇشەيتۋ جونىندە 7 - رەتكى توپتىق ۇيرەنۋ وتكىزدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ۇيرەنۋدى باسقارعاندا بىلاي دەپ باسا دارىپتەدى: اسكەري ىستەردى باسقارۋدى جاپپاي كۇشەيتۋ − پارتيامىزدىڭ ارميانى باسقارۋ ۇستانىمى مەن تاسىلىندەگى ءبىر رەتكى تەرەڭ وزگەرىس، مەملەكەت قورعانىسى مەن ارميانى وسىزامانداندىرۋدى جەدەلدەتۋدىڭ ستراتەگيالىق تالابى، مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋدىڭ ماڭىزدى جاعى. پارتيا 20 - قۇرىلتايىنىڭ رۋحىن جاپپاي دايەكتىلەندىرىپ، جاڭا داۋىردەگى ارميانى قۇدىرەتتەندىرۋ يدەياسىن ىشكەرىلەي دايەكتىلەندىرىپ، جاڭا ءداۋىر اسكەري ىستەر ستراتەگيالىق باعىتىن دايەكتىلەندىرىپ، پارتيانىڭ ارمياعا شارتسىز باسشىلىعىنا تاباندى بولىپ، جاۋىنگەرلىك قۋات سىندى وسى بىردەن - ءبىر ءتۇبىرلى ولشەمگە تاباندى بولىپ، جۇڭگوشا سوتسياليستىك اسكەري ىستەر تۇزىمىنە تاباندى بولىپ جانە ونى كەمەلدەندىرىپ، وسى زامانعى اسكەري ىستەردى باسقارۋ جۇيەسىن ورناتىپ، وسى زامانعى اسكەري ىستەردى باسقارۋ قابىلەتىن جوعارىلاتىپ، جوعارى دەڭگەيدە باسقارۋ ارقىلى ارميامىزدىڭ جوعارى ساپالى دامۋىن ىلگەرىلەتىپ، ارميا قۇرىلعاندىعىنىڭ 100 جىلدىعى كۇرەس نىساناسىن جۇزەگە اسىرۋعا پارمەندى قامتاماسىزدىق ازىرلەۋ كەرەك.
اسكەري ىستەر عىلىم اكادەمياسى اسكەري ىستەر زاڭ - ءتۇزىم زەرتتەۋ ورنىنىڭ باستىعى جاۋ دۇڭبين جولداس وسى ماسەلە جونىندە ءتۇسىندىرۋ جاساپ، قىزمەت ۇسىنىسىن العا قويدى. ورتالىق كوميتەتتىڭ ساياسي بيۋروسىنداعى جولداستار ءتۇسىندىرۋدى مۇقيات تىڭدادى ءارى تالقى جۇرگىزدى.
شي جينپيڭ ءتۇسىندىرۋدى جانە تالقىنى تىڭداعاننان كەيىن ماڭىزدى ءسوز سويلەدى. ول بىلاي دەپ اتاپ كورسەتتى: پارتيا 18 - قۇرىلتايىنان بەرى، پارتيا ورتالىق كوميتەتى مەن ورتالىق اسكەري ىستەر كوميتەتى ارميانى قۇدىرەتتەندىرۋ ىستەرىن ىلگەرىلەتۋگە باسشىلىق ەتۋ بارىسىندا، پارتيانىڭ ارمياعا شارتسىز باسشىلىعىنا تاباندى بولىپ، اسكەري ىستەردى باسقارۋ جاعىنداعى ىزدەنىس امالياتىن بەلسەنە ىلگەرىلەتىپ، اسىرەسە، مەملەكەت قورعانىسى مەن ارميا رەفورماسىن تەرەڭدەتۋ، ارميانى زاڭمەن باسقارۋدى ىلگەرىلەتۋ، ارميانى ستراتەگيالىق باسقارۋدى كۇشەيتۋ جانە جاقسارتۋ سياقتىلار ارقىلى ءبىر قىدىرۋ شىت جاڭا ءتۇزىلىس - مەحانيزم، زاڭ، زاڭ ەرەجە، ساياسات - ءتۇزىم قالىپتاستىرىپ، جاڭا داۋىردە جۇڭگوشا سوتسياليستىك اسكەري ىستەر تۇزىمىنە تاباندى بولدى جانە دامىتتى، مەملەكەت قورعانىسى مەن ارميانى وسىزامانداندىرۋدى پارمەندى جەبەدى.
شي جينپيڭ بىلاي دەپ باسا دارىپتەدى: دۇنيە جۇزىندە 100 جىلدا بولماعان زور وزگەرىس تەز قۇبىلۋدا، جاڭا كەزەكتى عىلىم - تەحنيكا توڭكەرىسى مەن اسكەري ىستەر توڭكەرىسى شاپشاڭ دامۋدا، ارميامىز قۇرىلىسى ارميا قۇرىلعاندىعىنىڭ 100 جىلدىعى كۇرەس نىساناسىن جۇزەگە اسىرۋدىڭ شەشۋشى مەزگىلىندە تۇر. اسكەري ىستەردى باسقارۋدى جاپپاي كۇشەيتۋدىڭ ماڭىزدى ءمانىن جىعا تانىپ، بورىش، جاۋاپكەرشىلىك ارقالاۋدى كۇشەيتىپ، رەفورما جاساۋ، جاڭالىق اشۋ رۋحىن اسقاقتاتىپ، اسكەري ىستەردى باسقارۋ قىزمەتى تەبىنىن ارتتىرىپ، اسكەري ىستەردى باسقارۋدى تىڭنان كۇشەيتۋ ارقىلى ارميانى قۇدىرەتتەندىرۋ ىستەرىنىڭ تىڭنان دامۋىن ىلگەرىلەتۋ كەرەك.
شي جينپيڭ بىلاي دەپ اتاپ كورسەتتى: اسكەري ىستەردى باسقارۋدى جاپپاي كۇشەيتۋ − كۇردەلى، جۇيەلى ينجەنەريا، مەملەكەت قورعانىسى مەن ارميا قۇرىلىسىنىڭ ءار جاعىنا سايادى. جۇيە كوزقاراسىن كۇشەيتىپ، ماسەلەنى باعدار ەتۋگە تاباندى بولىپ، اسكەري ىستەردى باسقارۋدى جوعارى دەڭگەيدە جوبالاۋدى جانە ستراتەگيالىق جوسپارلاۋدى كۇشەيتىپ، ءار سالانى باسقارۋدى، تۇتاس تىزبەكتى باسقارۋدى، ءارقايسى جىكتى باسقارۋدى كۇشەيتىپ، جوسپارلى، ءتۇيىندى تۇردە ونان ارى ىلگەرىلەتۋ كەرەك. جالپى جاعدايدى ءبىر تۇتاس جوسپارلاۋدى كۇشەيتىپ، تاراۋ اتتاپ، سالا اتتاپ سايكەستىرۋدى كۇشەيتىپ، اسكەري ىستەردى باسقارۋدىڭ جۇيەلىلىگىن، تۇتاستىعىن، سايكەسىمدىلىگىن جوعارىلاتۋ كەرەك. اسكەري قاراجاتتى باسقارۋ مەن باقىلاۋدى كۇشەيتىپ، ءتۇيىندى سالالاردى باسقارۋدى تەرەڭدەتىپ، ءتۇيىندى سەرپىلىس جاساۋ ارقىلى تۇتاس تۇلعالىق ىلگەرىلەتۋگە دەم بەرۋ كەرەك. ستراتەگيالىق باسقارۋدا جاڭالىق اشۋدى ىشكەرىلەي ىلگەرىلەتىپ، سۇرانىستى عىلمي قالىپتاستىرۋ، شاپشاڭ ءۇن قوسۋ، ءونىمدى تياناقتاندىرۋ مەحانيزمىن اقاۋسىزداندىرىپ، كەمەلدەندىرىپ، جالپى بارىستىق ارنايىلانعان ساراپتاۋ جولىمەن ءجۇرىپ، تىزبەكتىڭ ىركىلىسسىز، جوعارى ءونىمدى بولۋىنا شىنايى كەپىلدىك ەتىپ، اسكەري ىستەر جۇيەسى اينالىمىنىڭ تۇتاس تۇلعالىق رولىن ساۋلەلەندىرۋ كەرەك. جوعارى جىك ورگاندارى مەن جوعارى دارەجەلى كادرلار باستاماشىلدىقپەن يدەيانى ازات ەتىپ، قىزمەت تاسىلىندە جاڭالىق اشىپ، باسقارۋ ۇستانىمى ارقىلى قىزمەتتەردى ىلگەرىلەتىپ، جۇيەلى باسقارۋ، زاڭ بويىنشا باسقارۋ، كەشەندى باسقارۋ، قاينارىنان باسقارۋ قابىلەتىن كۇشەيتۋ كەرەك. نەگىزگى ساتىنى باسقارۋعا ايرىقشا ءمان بەرىپ، وفيتسەر - اسكەرلەردىڭ تۇلعالىق ورنى مەن ءتول جاسامپازدىق رۋحىنا قۇرمەت ەتىپ، نەگىزگى ساتى قۇرىلىسىنىڭ جاپپاي العا باسۋىن، جاپپاي شىڭدالۋىن ىلگەرىلەتۋ كەرەك. اسكەري ىستەردى باسقارۋدى رەفورمامەن جانە زاڭمەن باسقارۋمەن ورگانيكالى ۇشتاستىرىپ، مەملەكەت قورعانىسى مەن ارميا رەفورماسىنىڭ جەتىستىكتەرىن بەكەمدەپ، كەڭەيتىپ، اسكەري ىستەر بويىنشا زاڭ شىعارۋ قىزمەتىن تەرەڭدەتىپ، زاڭ ەرەجەنى، ءتۇزىمدى اتقارۋدى جانە اتقارىلۋىن باقىلاۋدى كۇشەيتىپ، رەفورمانىڭ ىلگەرىلەتۋ رولىن ويداعىداي ساۋلەلەندىرىپ، زاڭمەن باسقارۋ سىندى وسى نەگىزگى تاسىلدەن ويداعىداي پايدالانىپ، اسكەري ىستەردى باسقارۋ قىزمەتتەرىن اناعۇرلىم ويداعىداي ىلگەرىلەتۋ كەرەك.
شي جينپيڭ بىلاي دەپ باسا دارىپتەدى: ارميا مەن جەرگىلىكتى ورىن اتتاعان باسقارۋدى كۇشەيتۋ − اسكەري ىستەردى باسقارۋدى جاپپاي كۇشەيتۋدىڭ تيەسىلى ءمانى، ءبىر تۇلعالانعان مەملەكەت ستراتەگيالىق جۇيەسى مەن قابىلەتىن بەكەمدەۋدىڭ، جوعارىلاتۋدىڭ ىشكى تالابى. ورتالىق پەن مەملەكەت ورگاندارىنداعى قاتىستى تاراۋلار، جەرگىلىكتى ءار دارەجەلى پارتكومدار مەن ۇكىمەتتەر مەملەكەت قورعانىسى تانىمىن كۇشەيتىپ، ءبىر تۇتاس جوسپارلاپ سايكەستىرۋدى كۇشەيتىپ، مەملەكەت قورعانىسى قۇرىلىسى سالاسىندا وتەۋگە ءتيىستى جاۋاپكەرشىلىگىن ويداعىداي وتەۋى كەرەك. ارميا جەرگىلىكتى ورىندارمەن بايلانىس جاساۋدى، سايكەسۋدى ويداعىداي ىستەپ، اسكەري ىستەر قاجەتىنىڭ مەملەكەت قورعانىسى قۇرىلىسى جاعىنداعى جەتەكتەۋ رولىن تولىق ساۋلەلەندىرۋى كەرەك. ءتۇزىلىس - مەحانيزمدى ءۇرتىس ساپالىلاندىرىپ، ۇيىمدىق جۇيەنى كەمەلدەندىرىپ، ساياسات - تۇزىمدەردى اقاۋسىزداندىرىپ، اركىم ءوز مىندەتىن وتەيتىن، تىعىز سايكەسەتىن، جۇيەلى، ءتارتىپتى ارميا مەن جەرگىلىكتى ورىن اتتاعان قىزمەت ارناسىن قالىپتاستىرۋ كەرەك.
