پارتيا ورتالىق كوميتەتىنىڭ ينتەرنەتتە قۋاتتى ەل جونىندەگى ماڭىزدى يدەياسىن ىشكەرىلەي دايەكتىلەندىرىپ، ينتەرنەت جانە ينفورماتسيالاندىرۋ ىستەرىنىڭ جوعارى ساپالى دامۋىن زور كۇشپەن ىلگەرىلەتۋ كەرەك

شي جينپيڭ ينتەرنەت حاۋىپسىزدىگى جانە ينفورماتسيالاندىرۋ قىزمەتى جونىندە ماڭىزدى نۇسقاۋ بەرىپ، بىلاي دەپ باسا دارىپتەدى

پارتيا ورتالىق كوميتەتىنىڭ ينتەرنەتتە قۋاتتى ەل جونىندەگى ماڭىزدى يدەياسىن ىشكەرىلەي دايەكتىلەندىرىپ، ينتەرنەت جانە ينفورماتسيالاندىرۋ ىستەرىنىڭ جوعارى ساپالى دامۋىن زور كۇشپەن ىلگەرىلەتۋ كەرەك

ساي چي مەملەكەتتىك ينتەرنەت حاۋىپسىزدىگى جانە ينفورماتسيالاندىرۋ قىزمەتى ماجىلىسىنە قاتىناستى ءارى ءسوز سويلەدى، ديڭ شۋەشياڭ ماجىلىسكە قاتىناستى

　　شينحۋا اگەنتتىگىنىڭ 7 - ايدىڭ 15 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاياۋدا ينتەرنەت حاۋىپسىزدىگى جانە ينفورماتسيالاندىرۋ قىزمەتى جونىندە ماڭىزدى نۇسقاۋ بەرىپ، بىلاي دەپ اتاپ كورسەتتى: پارتيا 18 - قۇرىلتايىنان بەرى ەلىمىزدىڭ ينتەرنەت حاۋىپسىزدىگى جانە ينفورماتسيالاندىرۋ ىستەرى كەلەلى تابىستارعا قول جەتكىزىپ، پارتيانىڭ ينتەرنەت جانە ينفورماتسيالاندىرۋ قىزمەتىنە باسشىلىعى جاپپاي كۇشەيتىلىپ، ينتەرنەت كەڭىستىگىندەگى نەگىزگى اعىمدىق يدەيا، قوعامدىق پىكىر بەكەمدەلىپ، كۇشەيتىلىپ، ينتەرنەتتى كەشەندى جونگە سالۋ جۇيەسى نەگىزىنەن ورناتىلىپ، ينتەرنەت حاۋىپسىزدىگىن قامتاماسىز ەتۋ جۇيەسى مەن قابىلەت دەڭگەيى ۇزدىكسىز جوعارىلاتىلىپ، ينتەرنەت جانە ينفورماتسيالاندىرۋ سالاسىنداعى عىلىم - تەحنيكادا ءوز كۇشىنە سۇيەنۋ، ءوزىن - ءوزى الۋەتتەندىرۋ اياق الىسى جەدەلدەتىلىپ، ينفورماتسيالاندىرۋدىڭ جەبەۋ، جەتەكشىلىك ەتۋ رولى ءونىمدى ساۋلەلەندىرىلىپ، ينتەرنەت كەڭىستىگىنىڭ زاڭمەن باسقارىلۋ دەڭگەيى ۇزدىكسىز جوعارىلاتىلىپ، ينتەرنەت كەڭىستىگىندەگى حالىقارالىق ءسوز سويلەۋ ۇقىعى مەن ىقپال كۇشى كورنەكتى كۇشەيتىلىپ، ينتەرنەتتە قۋاتتى ەل قۇرىلىسىندا تىڭ قادام تاستالدى.

　　شي جينپيڭ بىلاي دەپ باسا دارىپتەدى: جاڭا داۋىردەگى جاڭا جورىقتا ينتەرنەت جانە ينفورماتسيالاندىرۋ ىستەرىنىڭ ماڭىزدى ورنى، رولى كۇن سايىن كورنەكتىلەندى. جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 20 - قۇرىلتايىنىڭ رۋحىن جاپپاي دايەكتىلەندىرىپ، تياناقتاندىرىپ، پارتيا ورتالىق كوميتەتىنىڭ ينتەرنەتتە قۋاتتى ەل جونىندەگى ماڭىزدى يدەياسىن ىشكەرىلەي دايەكتىلەندىرىپ، تۋ ۇستاپ، جۇرت تىلەگىن ۇيىستىرۋ، حاۋىپ - قاتەردەن ساقتانىپ، حاۋىپسىزدىكتى ساقتاۋ، جونگە سالۋدى كۇشەيتىپ، حالىق تۇرمىسىنا تيىمدىلىك جەتكىزۋ، قوزعاۋشى قۋاتتى ارتتىرىپ، دامۋدى جەبەۋ، سەلبەستىك قاراستىرىپ، بىرگە يگىلىككە كەنەلۋگە ۇمتىلۋ سىندى بورىشتى، مىندەتتى شىن مانىندە ارقالاپ، ينتەرنەتتى پارتيا باسقارۋعا تاباندى بولىپ، ينتەرنەت جانە ينفورماتسيالاندىرۋ ىستەرىن حالىق ءۇشىن ىستەۋگە تاباندى بولىپ، ينتەرنەتتى جونگە سالۋدىڭ جۇڭگوشا جولىمەن جۇرۋگە تاباندى بولىپ، دامۋ مەن حاۋىپسىزدىكتى ءبىر تۇتاس جوسپارلاۋعا تاباندى بولىپ، وڭ ەنەرگيا − باس تالاپ، باسقارا الۋ − داۋ جۇرمەيتىن قيسىن، ويداعىداي پايدالانا ءبىلۋ − ناعىز قابىلەت ەكەندىگىنە تاباندى بولىپ، مەملەكەتتىڭ ينتەرنەت حاۋىپسىزدىگى قالتقىسىن بەكەمدەۋگە تاباندى بولىپ، ينفورماتسيالاندىرۋدىڭ جەبەۋ، جەتەكشىلىك ەتۋ رولىن ساۋلەلەندىرۋگە تاباندى بولىپ، ينتەرنەتتى زاڭمەن باسقارۋعا، ينتەرنەتتى زاڭ بويىنشا جۇرگىزۋگە، ينتەرنەتكە زاڭ بويىنشا شىعۋعا تاباندى بولىپ، ينتەرنەت كەڭىستىگى تاعدىرلاس ورتاق تۇلعاسىن قۇرۋدى ىلگەرىلەتۋگە تاباندى بولىپ، ادال، كىرشىكسىز، جاۋاپكەرشىلىك ارقالايتىن ينتەرنەت جانە ينفورماتسيالاندىرۋ قىزمەتى قوسىنىن قۇرۋعا تاباندى بولىپ، ينتەرنەت جانە ينفورماتسيالاندىرۋ ىستەرىنىڭ جوعارى ساپالى دامۋىن زور كۇشپەن ىلگەرىلەتىپ، ينتەرنەتتە قۋاتتى ەل قۇرىلىسىنىڭ جاڭا ناتيجەلەرى ارقىلى جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ ءۇشىن جاڭا ۇلەس قوسۋ كەرەك.

　　شي جينپيڭ بىلاي دەپ باسا دارىپتەدى: ءار دارەجەلى پارتكومدار (پارتيا باسشىلىق گرۋپپالارى) ۇيىمدىق باسشىلىقتى كۇشەيتىپ، ءبىر تۇتاس جوسپارلاپ سايكەستىرۋدى كۇشەيتىپ، پارتيا ورتالىق كوميتەتىنىڭ ينتەرنەت جانە ينفورماتسيالاندىرۋ قىزمەتى جونىندەگى شەشىمدەرىنىڭ، ورنالاستىرۋلارىنىڭ ناقتاپ تياناقتاندىرىلۋىنا شىنايى كەپىلدىك ەتۋ؛ ءار دارەجەلى ينتەرنەت جانە ينفورماتسيالاندىرۋ تاراۋلارى پارتياعا جانە حالىققا ادال بولىپ، جۇرەكتىلىكپەن جاۋاپكەرشىلىك ارقالاپ، ىسكەرلىك كورسەتىپ، شەبەرلىكپەن ءورىس اشا جاڭالىق اشىپ، باتىلدىقپەن كۇرەس جاساپ، ءۇن قاتىپ، ايانباي كۇرەس جۇرگىزىپ، ۇلەس قوسۋعا پەيىل بولىپ، ينتەرنەت جانە ينفورماتسيالاندىرۋ ىستەرىنىڭ جوعارى ساپالى دامۋى ءۇشىن پارمەندى كەپىلدىك ازىرلەۋ كەرەك.

　　مەملەكەتتىك ينتەرنەت حاۋىپسىزدىگى جانە ينفورماتسيالاندىرۋ قىزمەتى ءماجىلىسى 7 - ايدىڭ 14 - كۇنىنەن 15 - كۇنىنە دەيىن بەيجيڭدە اشىلدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ساي چي ماجىلىسكە قاتىناستى ءارى ءسوز سويلەدى، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى ديڭ شۋەشياڭ ماجىلىسكە قاتىناستى ءارى شي جينپيڭنىڭ ماڭىزدى نۇسقاۋىن جەتكىزدى.

　　ساي چي سوزىندە بىلاي دەپ اتاپ كورسەتتى: باس شۋجي شي جينپيڭنىڭ ماڭىزدى نۇسقاۋى ينتەرنەت جانە ينفورماتسيالاندىرۋ قىزمەتىنىڭ بورىشىن، مىندەتىن ايقىن العا قويىپ، ”10عا تاباندى بولۋ“ ماڭىزدى پرينسيبىن ايقىن بەلگىلەدى ءارى ينتەرنەت جانە ينفورماتسيالاندىرۋ قىزمەتىنە تالاپ قويدى، ول اسا كۇشتى ساياسي سيپاتقا، ستراتەگيالىق سيپاتقا، جەتەكشىلىك سيپاتقا يە بولىپ، جاڭا ءداۋىردىڭ جاڭا جورىعىنداعى ينتەرنەت جانە ينفورماتسيالاندىرۋ قىزمەتىن ويداعىداي ىستەۋگە ايقىن بەتالىس كورسەتتى، باتىل دايەكتىلەندىرۋىمىز، تياناقتاندىرۋىمىز كەرەك.

　　ساي چي بىلاي دەپ باسا دارىپتەدى: پارتيا 18 - قۇرىلتايىنان بەرى ينتەرنەت جانە ينفورماتسيالاندىرۋ ىستەرىنىڭ كەلەلى تابىستارعا قول جەتكىزۋىنىڭ ءتۇپ نەگىزى باس شۋجي شي جينپيڭنىڭ جول باستاپ، رول ۇستاۋىنىڭ ارقاسى، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىنىڭ ارقاسى. باس شۋجي شي جينپيڭنىڭ ينتەرنەتتە قۋاتتى ەل جونىندەگى ماڭىزدى يدەياسى ينتەرنەت جانە ينفورماتسيالاندىرۋ ىستەرىنىڭ دامۋىنداعى ءبىر قىدىرۋ كەلەلى نازاريالىق جانە امالياتتىق ماسەلەلەرگە عىلمي جاۋاپ بەرىپ، پارتيانىڭ ينتەرنەت جانە ينفورماتسيالاندىرۋ قىزمەتىنىڭ زاڭدىلىعى جونىندەگى تانىمدى شىت جاڭا دەڭگەيگە كوتەردى، جاڭا داۋىردەگى جاڭا جورىقتا ينتەرنەت جانە ينفورماتسيالاندىرۋ ىستەرىنىڭ جوعارى ساپالى دامۋىنا، ينتەرنەتتە قۋاتتى ەل قۇرۋعا جەتەكشىلىك ەتەتىن ارەكەت باعدارناماسى، ءبىز ىشكەرىلەي ۇيرەنىپ، ءتۇسىنىپ، ”ەكىنى تۇراقتاندىرۋدىڭ“ شەشۋشى ءمانىن اناعۇرلىم تەرەڭ ءتۇسىنىپ، ”ەكىنى قورعاۋدى“ باتىل ورىنداپ، ينتەرنەت جانە ينفورماتسيالاندىرۋ قىزمەتىنىڭ جالپى بارىسىندا شىن مانىندە دايەكتىلەندىرۋىمىز كەرەك.

　　ساي چي بىلاي دەپ باسا دارىپتەدى: پارتيا 20 - قۇرىلتايى ينتەرنەت جانە ينفورماتسيالاندىرۋ قىزمەتى جونىندە ستراتەگيالىق ورنالاستىرۋ جاسادى، بورىشتى، مىندەتتى ەستە بەرىك ساقتاپ، مىندەتتى، شارانى ەگجەي - تەگجەيلىلەندىرىپ، تياناقتانۋىن كۇش سالا ىلگەرىلەتۋ كەرەك. ينتەرنەتتە ۇنامدى جاقتان ۇگىتتەۋدى، جەتەكتەۋدى كۇشەيتىپ، ينتەرنەتتەگى يدەولوگيالىق حاۋىپ - قاتەردەن ساقتانىپ، ينتەرنەتتى كەشەندى جونگە سالۋ ونىمدىلىگىن جوعارىلاتىپ، تاماشا ينتەرنەت ەكولوگياسىن قالىپتاستىرىپ، ينتەرنەتتەگى يدەولوگيا قىزمەتىنىڭ باسشىلىق ۇقىعىن مىقتى يگەرۋ كەرەك. دامۋ مەن حاۋىپسىزدىكتى ءبىر تۇتاس جوسپارلاپ، ينتەرنەت حاۋىپسىزدىگىندەگى كەلەلى ستراتەگيا مەن مىندەتتى اتقارىپ، ينتەرنەت حاۋىپسىزدىگى قىزمەتىنىڭ ۇلكەن ارناسىن قالىپتاستىرىپ، مەملەكەتتىڭ ينتەرنەت حاۋىپسىزدىگى قالتقىسىن بەكەمدەۋ كەرەك. جاڭالىق اشۋ ارقىلى دەم بەرۋگە، ءوز كۇشىنە سۇيەنىپ، ءوزىن - ءوزى الۋەتتەندىرۋگە، دامۋعا قۋات ۇستەۋگە، جالپىعا ءتيىمدى، ءادىل بولۋعا تاباندى بولىپ، ولقىلىقتاردى، جەتەرسىزدىكتەردى جەڭىپ، ينفورماتسيالاندىرۋدىڭ جەبەۋ، جەتەكشىلىك ەتۋ رولىن ساۋلەلەندىرۋ كەرەك. ينتەرنەت جاعىندا زاڭ شىعارۋدى، زاڭ اتقارۋدى، ءادىليا جۇرگىزۋدى، زاڭ جالپىلاستىرۋدى كۇشەيتىپ، ينتەرنەت كەڭىستىگىنىڭ زاڭمەن باسقارىلۋ ءۇردىسىن ىلگەرىلەتۋ كەرەك. ينتەرنەت جانە ينفورماتسيالاندىرۋ سالاسىنداعى حالىقارالىق اۋىس - كۇيىستى جانە ناقتى سەلبەستىكتى تەرەڭدەتۋ كەرەك. ينتەرنەتتى پارتيا باسقارۋعا تاباندى بولىپ، پارتيانىڭ ينتەرنەت جانە ينفورماتسيالاندىرۋ قىزمەتىنە جاپپاي باسشىلىعىن كۇشەيتىپ، ورتالىق ينتەرنەت حاۋىپسىزدىگى جانە ينفورماتسيالاندىرۋ كوميتەتى جانە وعان مۇشە ورىندار، ءار دارەجەلى پارتكومدار (پارتيا باسشىلىق گرۋپپاسى)، سونداي - اق ينتەرنەت جانە ينفورماتسيالاندىرۋ تاراۋلارى تۇلعالىق جاۋاپكەرشىلىكتى تياناقتاندىرىپ، ينتەرنەت جانە ينفورماتسيالاندىرۋ قىزمەتىن كۇش بىرىكتىرە ىلگەرىلەتۋدىڭ جاندى جاعدايىن قالىپتاستىرۋ كەرەك.

　　جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت ۇگىت ءبولىمىنىڭ باستىعى لي شۋلەي قورىتىندى سوزىندە مىنالاردى ءبىلدىردى: شي جينپيڭ جاڭا ءداۋىر جۇڭگوشا سوتسياليزم يدەياسىن، اسىرەسە، ينتەرنەتتە قۋاتتى ەل جونىندەگى ماڭىزدى يدەياسىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ ماڭىزدى نۇسقاۋىن مۇقيات دايەكتىلەندىرىپ، تياناقتاندىرىپ، ”ەكىنى تۇراقتاندىرۋدى“ باتىل قولداپ، ”ەكىنى قورعاۋدى“ باتىل ورىنداپ، تۋ ۇستاپ، جۇرت تىلەگىن ۇيىستىرۋ، حاۋىپ - قاتەردەن ساقتانىپ، حاۋىپسىزدىكتى ساقتاۋ، جونگە سالۋدى كۇشەيتىپ، حالىق تۇرمىسىنا تيىمدىلىك جەتكىزۋ، قوزعاۋشى قۋاتتى ارتتىرىپ، دامۋدى جەبەۋ، سەلبەستىك قاراستىرىپ، بىرگە يگىلىككە كەنەلۋگە ۇمتىلۋ سىندى بورىشتى، مىندەتتى شىن مانىندە ارقالاپ، پارتيانىڭ جاپپاي باسشىلىعىن ينتەرنەت جانە ينفورماتسيالاندىرۋ قىزمەتىنىڭ ءارقايسى جاقتارىندا، جالپى بارىسىندا بەينەلەپ، ينتەرنەت جانە ينفورماتسيالاندىرۋ ىستەرىنىڭ جوعارى ساپالى دامۋىن ىلگەرىلەتىپ، مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلى ءىسى ءۇشىن پارمەندى تىرەك ازىرلەۋ كەرەك.

　　بەيجيڭ قالاسىنداعى، شاڭحاي قالاسىنداعى، گۋاڭدۇڭ ولكەسىندەگى، وقۋ - اعارتۋ مينيسترلىگىندەگى، ونەركاسىپ جانە ينفورماتسيالاندىرۋ مينيسترلىگىندەگى، حالىق گازەتى مەكەمەسىندەگى قاتىستى جولداستار پىكىر الماستىرىپ، لەبىز ءبىلدىردى.

　　شى تايفىڭ، حى ليفىڭ، جاڭ يوۋشيا، چىن ۋىنچيڭ، ۋاڭ شياۋحۇڭ، ۋ جىڭلۇڭ ماجىلىسكە قاتىناستى.

　　ورتالىق ينتەرنەت حاۋىپسىزدىگى جانە ينفورماتسيالاندىرۋ كوميتەتىنىڭ مۇشەلەرى، ءارقايسى ولكە، اۆتونوميالى رايون، توتە قاراستى قالالار مەن جوسپارى بولەك جاسالاتىن قالالارداعى، شينجياڭ ءوندىرىس - قۇرىلىس بيڭتۋانىنداعى، ورتالىق پەن مەملەكەت ورگاندارىنىڭ قاتىستى تاراۋلارىنداعى، قاتىستى حالىقتىق توپتارداعى، قاتىستى مەملەكەت مەنشىگىندەگى كاسىپورىندارداعى، ارميانىڭ قاتىستى ورىندارىنداعى، ورتالىقتىڭ ءتۇيىندى اقپارات سايتتارىنداعى جاۋاپتى جولداستار قاتارلىلار ماجىلىسكە قاتىناستى.