1. اعىمداعى ورىن:
  2. باس بەت
  3. اعىم جاڭالىقتارى
  4. باس حابار
  5. زاڭ - ەرەجە

شي جينپيڭ بىرلەسكەن مەملەكەتتەر ۇيىمى \ جۇڭگو كەڭىستىك جاعىندا ىزدەنۋ جانە جاڭالىق اشۋ الەمدىك سەرىكتەستىك قارىم - قاتىناسى زەرتتەۋ - تالقى ماجىلىسىنە قۇتتىقتاۋ حات جولدادى

日期:2022年11月23日
来源:新疆日报
【字体:

  شينحۋا اگەنتتىگىنىڭ 11 - ايدىڭ 21 - كۇنى بەيجيڭنەن بەرگەن حابارى. 11 - ايدىڭ 21 - كۇنى مەملەكەت ءتوراعاسى شي جينپيڭ بىرلەسكەن مەملەكەتتەر ۇيىمى \ جۇڭگو كەڭىستىك جاعىندا ىزدەنۋ جانە جاڭالىق اشۋ الەمدىك سەرىكتەستىك قارىم - قاتىناسى زەرتتەۋ - تالقى ماجىلىسىنە قۇتتىقتاۋ حات جولدادى.

  شي جينپيڭ بىلاي دەپ اتاپ كورسەتتى: تاياۋ جىلداردان بەرى جۇڭگو كەڭىستىك زەرتتەۋ قيمىلىن بەلسەنە ورىستەتتى، ”چاڭىنىڭ“ ايدى شارلاۋى، ”تيانۋىننىڭ“ مارستى بارلاۋى، ”شيحىنىڭ“ كۇن جۇيەسىن تەكسەرۋى، كەڭىستىك بەكەتىنىڭ اسپاندى شارلاۋى ادامزاتتىڭ الەم جونىندەگى تانىمىن ۇزدىكسىز تەرەڭدەتىپ، ادامزاتتىڭ ورتاق قۇت - ىرىسىن ارتتىرۋعا كۇش ۇستەدى. الەم كەڭىستىگىن زەرتتەۋدىڭ شەگى جوق. جۇڭگو ءار ەلمەن بىرگە اۋىس - كۇيىستى، سەلبەستىكتى كۇشەيتىپ، الەمنىڭ سىرى جونىندە بىرگە ىزدەنىس جاساپ، سىرتقى كەڭىستىكتەن بەيبىت پايدالانىپ، عارىش تەحنيكاسىنىڭ دۇنيە جۇزىندەگى ءار ەل حالقىن اناعۇرلىم زور باقىتقا كەنەلتۋىن ىلگەرىلەتۋدى قالايدى.

  بىرلەسكەن مەملەكەتتەر ۇيىمى \ جۇڭگو كەڭىستىك جاعىندا ىزدەنۋ جانە جاڭالىق اشۋ الەمدىك سەرىكتەستىك قارىم - قاتىناسى زەرتتەۋ - تالقى ءماجىلىسى سول كۇنى حاينان ولكەسىنىڭ حايكوۋ قالاسىندا اشىلدى، نەگىزگى تاقىرىبى: ”كەڭىستىك جاعىندا ىزدەنۋدىڭ جاڭاشا سەرىكتەستىك قارىم - قاتىناسىن ورناتۋ“، مەملەكەتتىك عارىش مەكەمەسى، حاينان ولكەلىك حالىق ۇكىمەتى جانە بىرلەسكەن مەملەكەتتەر ۇيىمىنىڭ سىرتقى كەڭىستىك ىستەرى كەڭسەسى بىرگە ۇيىمداستىردى.