جەرگىلىكتى ۋاقىت 11 - ايدىڭ 19 - كۇنى تۇستەن بۇرىن مەملەكەت ءتوراعاسى شي جينپيڭ تايلاندتىڭ بانگكوگىندا ازيا - تىنىق مۇحيت ەكونوميكالىق سەلبەستىك ۇيىمىنىڭ 29 - رەتكى باسشىلار بەيرەسمي ماجىلىسىنە جالعاستى قاتىناستى.
سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن
شينحۋا اگەنتتىگىنىڭ 11 - ايدىڭ 19 - كۇنى بانگكوگتان بەرگەن حابارى (تىلشىلەر ليۋ حۋا، گىڭ شۋەپىڭ). جەرگىلىكتى ۋاقىت 11 - ايدىڭ 19 - كۇنى تۇستەن بۇرىن مەملەكەت ءتوراعاسى شي جينپيڭ بانگكوگتا ازيا - تىنىق مۇحيت ەكونوميكالىق سەلبەستىك ۇيىمىنىڭ 29 - رەتكى باسشىلار بەيرەسمي ماجىلىسىنە جالعاستى قاتىناستى.
ماجىلىستە باياندى ساۋدا جانە قارجى قوسۋ ماسەلەسى توڭىرەگىندە تالقى جۇرگىزىلدى، شي جينپيڭ بىلاي دەپ اتاپ كورسەتتى: ەركىن جانە اشىق ساۋدا مەن قارجى قوسۋ ازيا - تىنىق مۇحيت ەكونوميكالىق سەلبەستىك ۇيىمىنىڭ نەگىزگى ماقساتى جانە پرينسيبى، سونداي - اق 2040 - جىلعا دەيىنگى پۇتراجايا ارمانىن جۇزەگە اسىرۋدىڭ ماڭىزدى تىرەۋى.
ناعىز كوپ جاقتىلىققا تاباندى بولىپ، كوپ جاقتى ساۋدا ءتۇزىلىسىن قورعاۋ كەرەك. ەرەجەنى نەگىز ەتكەن كوپ جاقتى ساۋدا ءتۇزىلىسىن باتىل قورعاپ، الەمدىك كاسىپ سالاسى تىزبەگىنىڭ، قامداۋ تىزبەگىنىڭ حاۋىپسىزدىگىن، ورنىقتىلىعىن قورعاپ، اشىق، ءادىل، كەمىستپەيتىن ساۋدا، قارجى قوسۋ ورتاسىن قالىپتاستىرىپ، جان - جاقتى، جوعارى دەڭگەيدەگى ازيا - تىنىق مۇحيت ەركىن ساۋدا رايونىن ەرتەرەك قۇرىپ شىعۋ كەرەك.
جالپىعا ءتيىمدى، سيىسىمدى بولۋعا تاباندى بولىپ، ءوزارا پايدا جەتكىزىپ، تەڭ يگىلىككە كەنەلۋدى جۇزەگە اسىرۋ كەرەك. دامۋدىڭ سيىسىمدىلىعىن كورنەكتىلەندىرىپ، تەڭ تۇرعىدا كەڭەسەتىن، بىرگە ات سالىساتىن، جاپپاي يگىلىگىن كورەتىن وڭىرلىك ەكونوميكالىق سەلبەستىك جۇلگەسىن قالىپتاستىرىپ، ءار جاققا تۇگەل پايدالى ازيا - تىنىق مۇحيت ۇلكەن بازارىن جەتىلدىرىپ، ءار جاقتىڭ بىرلەسىمدى دامۋ بارىسىندا بىرگە ارتۋدى جۇزەگە اسىرۋىنا مۇمكىندىك جاساپ، باسىمدىقتاردىڭ ءوزارا تولىقتاۋى بارىسىندا سەلبەسىپ تەڭ يگىلىككە كەنەلۋدى جۇزەگە اسىرۋ كەرەك. جۇڭگو جاق اۋىل - قىستاقتى گۇلدەندىرۋ، ورتا، شاعىن كاسىپورىنداردىڭ ”ارنايىلانعان، كەمەلدەنگەن، ەرەكشە، جاڭا“ بولۋى، سيىسىمدى ساۋدا، قارجى قوسۋ سياقتى باستامالاردى العا قويدى، بۇل، دامۋدىڭ جانە جاڭالىق اشۋدىڭ جەتىستىكتەرىنەن اناعۇرلىم كوپ حالىققا تيىمدىلىك جاساپ، ازيا - تىنىق مۇحيت وڭىرىندەگى ءار جاقتىڭ سيىسىمدى جانە باياندى دامۋدى جۇزەگە اسىرۋىنا دەم بەرەدى.
اشىق وڭىرلىك سەلبەستىككە تاباندى بولىپ، ازيا - تىنىق مۇحيت ءوڭىرىنىڭ گۇلدەنۋىن بىرگە جەبەۋ كەرەك. ەسىك اشۋدى بەلسەنە، ىرىقتىلىقپەن كەڭەيتىپ، وڭىرلىك ەكونوميكالىق سەلبەستىكتىڭ دەڭگەيىن جاپپاي جوعارىلاتۋ كەرەك. جۇڭگونىڭ جوعارى دەڭگەيدە ەسىك اشۋدى كەڭەيتۋ بەكىمى وزگەرمەيدى، جۇڭگونىڭ سىرتقا اشىلعان قاقپاسى ونان ارى ايقارا اشىلادى. جۋىقتا 5 - كەزەكتى جۇڭگو حالىقارالىق يمپورت كورمەسى تولىق تابىسپەن جابىلىپ، جۇڭگونىڭ ەركىن، اشىق ساۋدانى قولدايتىن، دۇنيە جۇزىنە بازارىن اشىق ۇستايتىن باتىل بەكىمىن تاعى ءبىر مارتە ايگىلەدى. جۇڭگو ساپالى ونىمدەر مەن قىزمەت وتەۋلەردى يمپورت ەتۋدى بەلسەنە كەڭەيتىپ، دۇنيە جۇزىنە اناعۇرلىم كوپ بازار ورايىن، ارتۋ ورايىن، سەلبەسۋ ورايىن سيلايدى.
ماجىلىستە «2022 - جىلعى ازيا - تىنىق مۇحيت ەكونوميكالىق سەلبەستىك ۇيىمى باسشىلارىنىڭ جارناماسى» مەن «بيولوگيالىق، اينالمالى، جاسىل ەكونوميكانىڭ بانگكوگ نىساناسى» جاريالاندى.
ۋاڭ ي ماجىلىسكە قاتىناستى.
