شينحۋا اگەنتتىگى، 9 - ايدىڭ 20 – كۇنى، بەيجيڭ. ج ك پ ورتالىق كوميتەتىنىڭ پارتيا تاريحى جانە قۇجات زەرتتەۋ ورنى قۇراستىرعان «شي جينپيڭنىڭ سوتسياليستىك رۋحاني وركەنيەت قۇرىلىسى جونىندەگى پايىمداۋلارىنان ۇزىندىلەر» اتتى كىتاپ تاياۋدا ورتالىق قۇجات باسپاسىنان باسىلىپ شىعىپ، بۇكىل ەل كولەمىندە تاراتىلدى.
جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ زاتتىق وركەنيەتتىڭ اسا زور دامۋىن، سونداي - اق رۋحاني وركەنيەتتىڭ اسا زور دامۋىن قاجەت ەتەدى. پارتيانىڭ 18 – قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتى سوتسياليستىك رۋحاني وركەنيەت قۇرىلىسىنا ايرىقشا ءمان بەرىپ، شي جينپيڭ جاڭا ءداۋىر جۇڭگوشا سوتسياليزم يدەياسىمەن بۇكىل پارتيانى قارۋلاندىرۋدا، حالىقتى تاربيەلەۋدە تاباندى بولىپ، قۇدىرەتتى ۇيىستىرۋ قۋاتى مەن جەتەكشىلىك قۋاتىنا يە سوتسياليستىك يدەولوگيانى قۇرىپ، سوتسياليستىك وزەكتى قۇن كوزقاراسى ارقىلى ورتاق تانىم قالىپتاستىرىپ، كۇش توپتاپ، سوتسياليستىك وزىق مادەنيەت، توڭكەرىستىك مادەنيەت، جۇڭحۋانىڭ تاڭداۋلى ءداستۇرلى مادەنيەتى ارقىلى رۋحتى سومداپ، اقىل - پاراساتتى سەرپىلتىپ، حالىق بۇقاراسىنىڭ الۋان ءتۇرلى، كوپ ساتىلى، كوپ جاقتى رۋحاني مادەنيەت قاجەتىن ۇزدىكسىز قاناعاتتاندىرىپ، حالىقتىڭ يدەيالىق ساناسىن، ءمورالدىق ورەسىن، وركەنيەت ساپاسىن جانە تۇتاس قوعامنىڭ وركەنيەت دەڭگەيىن ۇزدىكسىز جوعارىلاتىپ، جۇڭگو رۋحىن، جۇڭگو قۇنىن، جۇڭگو كۇشىن اناعۇرلىم ويداعىداي سومداپ، رۋحاني وركەنيەت قۇرىلىسى سالاسىندا جان - جاقتى، تەرەڭ، ءتۇبىرلى وزگەرىستەر تۋىلۋىن ىلگەرىلەتتتى، بۇكىل پارتيانىڭ، بۇكىل ەلدەگى ءار ۇلت حالقىنىڭ مادەنيەت سەنىمى كورنەكتى كۇشەيدى، تۇتاس قوعامنىڭ ۇيىسقىشتىعى مەن باۋراۋ قۋاتى بارىنشا جوعارىلادى، پارتيانىڭ، مەملەكەتتىڭ، حالىقتىڭ، ارميانىڭ، جۇڭحۋا ۇلتىنىڭ بەت - بەينەسى شىت جاڭا تۇسكە ەندى. شي جينپيڭ جولداستىڭ سوتسياليستىك رۋحاني وركەنيەت قۇرىلىسىن كۇشەيتۋدى توڭىرەكتەپ جاريالاعان ءبىرقىدىرۋ ماڭىزدى پايىمداۋى سوتسياليستىك رۋحاني وركەنيەت قۇرىلىسىنىڭ ەرەكشەلىگى مەن زاڭدىلىعىن ىشكەرىلەي اشىپ كورسەتىپ، پارتيانىڭ سوتسياليستىك رۋحاني وركەنيەت قۇرىلىسى جونىندەگى عىلمي نازارياسىن بايىتتى جانە دامىتتى، بۇل − ءبىزدىڭ سوتسياليستىك رۋحاني وركەنيەت قۇرىلىسى قىزمەتىن ويداعىداي ىستەۋىمىزگە جەتەكشىلىك ەتەتىن قۇدىرەتتى يدەيالىق قارۋ. شي جينپيڭ جولداستىڭ سوتسياليستىك رۋحاني وركەنيەت قۇرىلىسى جونىندەگى ماڭىزدى پايىمداۋى − شي جينپيڭ جاڭا ءداۋىر جۇڭگوشا سوتسياليزم يدەياسىنىڭ ماڭىزدى قۇرامداس بولىگى، مۇرات - سەنىم تاربيەسىن كۇشەيتۋدە، سوتسياليستىك وزەكتى قۇن كوزقاراسىن جەتىلدىرۋدە جانە امالياتتا ايگىلەۋدە، وركەنيەت امالياتىن، وركەنيەت باۋلۋىن، وركەنيەتتى ورىن قۇرۋدى ىلگەرىلەتۋدە، تۇتاس قوعامنىڭ وركەنيەت دەڭگەيىن جوعارىلاتۋدا، حالىقتىڭ رۋحاني تۇرمىس جاعىنان بىرگە بايۋىن جەبەۋدە، جاڭا جورىققا ەكپىندەي ىلگەرىلەۋدە، جاڭا داۋىرگە ۇلەس قوسۋ ءۇشىن پارمەندى يدەيالىق كەپىل ازىرلەۋدە، قۇدىرەتتى رۋحاني قوزعاۋشى كۇش ازىرلەۋدە، ءمورال جاعىنان ءنار الۋدى بايىتۋدا، تاماشا مادەنيەت شارت – جاعدايىن ازىرلەۋدە اسا ماڭىزدى جەتەكشىلىك مانگە يە.
«پايىمداۋلاردان ۇزىندىلەر» 10 ارناۋلى تاقىرىپقا بولىنگەن، جالپى 512 بولەك پايىمداۋدان تۇرادى، شي جينپيڭ جولداستىڭ 2012 – جىلى 11 - ايدىڭ 17 - كۇنىنەن 2022 – جىلى 6 - ايدىڭ 8 - كۇنىنە دەيىنگى مەزگىلدەگى بايانداماسى، ءسوزى، تۇسىندىرمەسى، لەكسياسى، اڭگىمەلەسۋى، قۇتتىقتاۋ حاتى، نۇسقاۋى، بەكىتۋى سياقتى 240 ماڭىزدى قۇجاتتان الىنعان. مۇنىڭ ىشىندە ءىشىنارا پايىمداۋ تۇڭعىش رەت اشىق جاريالانىپ وتىر.
