1. اعىمداعى ورىن:
  2. باس بەت
  3. اعىم جاڭالىقتارى
  4. باس حابار
  5. زاڭ - ەرەجە

شي جينپيڭ اراب بىرىككەن امىرلىگىنىڭ جاڭادان تاعايىندالعان زۇڭتۇڭى مۇحاممەدكە قۇتتىقتاۋ تەلەگرامماسىن جولدادى

日期:2022年05月16日
来源:新疆日报
【字体:

  شينحۋا اگەنتتىگىنىڭ 5 - ايدىڭ 15 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 5 - ايدىڭ 14 - كۇنى اراب بىرىككەن امىرلىگىنىڭ جاڭادان تاعايىندالعان زۇڭتۇڭى مۇحاممەدكە تەلەگرامما جولداپ، ونىڭ اراب بىرىككەن امىرلىگىنىڭ زۇڭتۇڭى بولىپ تاعايىندالعاندىعىن قۇتتىقتادى.

  شي جينپيڭ بىلاي دەپ اتاپ كورسەتتى: جۇڭگو مەن اراب بىرىككەن امىرلىگى ديپلوماتيالىق قارىم - قاتىناس ورناتقاننان بەرى ەكى ەلدىڭ قارىم - قاتىناسى جان - جاقتى، ىشكەرىلەي دامىدى، ەكى جاق ءبىر - ءبىرىنىڭ وزەكتى مۇددەسىنە ساياتىن جانە ءجىتى قاداعالاپ وتىرعان كەلەلى ماسەلەلەردە باستان - اياق ءبىرىن - ءبىرى باتىل قولدادى، ءتۇرلى سالاداعى ناقتى سەلبەستىك تابىستارى سۇبەلى بولدى، كۇش بىرىكتىرە جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋدا كورنەكتى ونىمدىلىككە قول جەتكىزىپ، ەكى ەل حالقىنىڭ دوستىعى كۇن سايىن تەرەڭدەدى. مەن جۇڭگو مەن اراب بىرىككەن امىرلىگى قارىم - قاتىناسىنىڭ دامۋىنا وسكەلەڭ ءمان بەرەمىن، مۇحاممەد زۇڭتۇڭمەن بىرگە قۇلشىنىس جاساپ، جۇڭگو مەن اراب بىرىككەن امىرلىگىنىڭ جاپپاي ستراتەگيالىق سەرىكتەستىك قارىم - قاتىناسىن تەرەڭدەتىپ، ەكى ەلگە جانە ەكى ەل حالقىنا باقىت جاراتۋدى قالايمىن.