1. اعىمداعى ورىن:
  2. باس بەت
  3. اعىم جاڭالىقتارى
  4. باس حابار
  5. زاڭ - ەرەجە

بۇكىل قوعامنىڭ كىتاپ وقۋعا جاپپاي ات سالىسۋىن، كىتاپ وقۋدى سۇيەتىن، جاقسى كىتاپ وقيتىن، كىتاپتى جاقسى وقيتىن تاماشا اۋقىم قالىپتاستىرۋىن ءۇمىت ەتەمىن

日期:2022年04月24日
来源:新疆日报
【字体:

شي جينپيڭ حات جازىپ تۇڭعىش كەزەكتى جالپى حالىقتىق كىتاپ وقۋ جينالىسىنىڭ وتكىزىلگەندىگىن قۇتتىقتاپ، بىلاي دەپ باسا دارىپتەدى

بۇكىل قوعامنىڭ كىتاپ وقۋعا جاپپاي ات سالىسۋىن، كىتاپ وقۋدى سۇيەتىن، جاقسى كىتاپ وقيتىن، كىتاپتى جاقسى وقيتىن تاماشا اۋقىم قالىپتاستىرۋىن ءۇمىت ەتەمىن

قۇتتىقتاۋ حات

  تۇڭعىش كەزەكتى جالپى حالىقتىق كىتاپ وقۋ جينالىسىنىڭ وتكىزىلۋى بايلانىسىمەن مەن قىزۋ قۇتتىقتاۋ بىلدىرەمىن!

  كىتاپ وقۋ − ادامزاتتىڭ ءبىلىم الۋىنىڭ، اقىل كوزىن اشىپ، پاراسات - پايىمىن مولايتۋىنىڭ، ىزگى ءمورال جەتىلدىرۋىنىڭ ماڭىزدى جولى، ادام يدەياسىنا وي سالۋعا، اسقاق مۇرات ورناتۋعا، دارقاندىق ارىندى نارلەندىرۋگە مۇمكىندىك جاسايدى. جۇڭحۋا ۇلتى ەجەلدەن كىتاپ وقۋدى دارىپتەگەن، زاتتاردىڭ زاڭدىلىعىن ۇعىنىپ، كەمەل ءبىلىم الۋعا، شىن پەيىلدى، ءتۇزۋ نيەتتى بولۋعا ءمان بەرگەن، كىتاپ وقۋ جۇڭحۋا ۇلتىنىڭ ۇرپاقتان - ۇرپاققا سونبەي لاۋلاعان رۋحىن جالعاستىرىپ، جۇڭگو حالقىنىڭ وزىنە سەنەتىن، ءوزىن الۋەتتەندىرەتىن قاسيەتىن سومدايدى. قالىڭ پارتيا مۇشەلەرىنىڭ، كادرلاردىڭ كىتاپ وقۋدا، ۇيرەنۋدە باستاماشى بولىپ، ءوزىن باۋلىپ، يگى مۇرات جەتىلدىرىپ، قابىلەت - دارىنىن ارتتىرۋىن ءۇمىت ەتەمىن؛ بالالاردىڭ كىتاپ وقۋدى ادەتكە اينالدىرىپ، كىتاپتى قۇنىعا وقىپ، ساۋ - سالامات ەسەيىپ - ەرجەتۋىن ءۇمىت ەتەمىن؛ بۇكىل قوعامنىڭ كىتاپ وقۋعا جاپپاي ات سالىسۋىن، كىتاپ وقۋدى سۇيەتىن، جاقسى كىتاپ وقيتىن، كىتاپتى جاقسى وقيتىن تاماشا اۋقىم قالىپتاستىرۋىن ءۇمىت ەتەمىن.

   شي جينپيڭ

   2022 - جىلى 4 - ايدىڭ 23 - كۇنى

  (شينحۋا اگەنتتىگىنىڭ 4 - ايدىڭ 23 - كۇنى بەيجيڭنەن بەرگەن حابارى)

  شينحۋا اگەنتتىگىنىڭ 4 - ايدىڭ 23 - كۇنى بەيجيڭنەن بەرگەن حابارى. تۇڭعىش كەزەكتى جالپى حالىقتىق كىتاپ وقۋ جينالىسى 4 - ايدىڭ 23 - كۇنى بەيجيڭدە اشىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قۇتتىقتاۋ حاتىن جولداپ، قىزۋ قۇتتىقتايتىندىعىن ءبىلدىردى.

  شي جينپيڭ قۇتتىقتاۋ حاتىندا بىلاي دەپ اتاپ كورسەتتى: كىتاپ وقۋ − ادامزاتتىڭ ءبىلىم الۋىنىڭ، اقىل كوزىن اشىپ، پاراسات - پايىمىن مولايتۋىنىڭ، ىزگى ءمورال جەتىلدىرۋىنىڭ ماڭىزدى جولى، ادام يدەياسىنا وي سالۋعا، اسقاق مۇرات ورناتۋعا، دارقاندىق ارىندى نارلەندىرۋگە مۇمكىندىك جاسايدى. جۇڭحۋا ۇلتى ەجەلدەن كىتاپ وقۋدى دارىپتەگەن، زاتتاردىڭ زاڭدىلىعىن ۇعىنىپ، كەمەل ءبىلىم الۋعا، شىن پەيىلدى، ءتۇزۋ نيەتتى بولۋعا ءمان بەرگەن، كىتاپ وقۋ جۇڭحۋا ۇلتىنىڭ ۇرپاقتان ۇرپاققا سونبەي لاۋلاعان رۋحىن جالعاستىرىپ، جۇڭگو حالقىنىڭ وزىنە سەنەتىن، ءوزىن الۋەتتەندىرەتىن قاسيەتىن سومدايدى.

  شي جينپيڭ قالىڭ پارتيا مۇشەلەرىنىڭ، كادرلاردىڭ كىتاپ وقۋدا، ۇيرەنۋدە باستاماشى بولىپ، ءوزىن باۋلىپ، يگى مۇرات جەتىلدىرىپ، قابىلەت - دارىنىن ارتتىرۋىن ءۇمىت ەتتى؛ بالالاردىڭ كىتاپ وقۋدى ادەتكە اينالدىرىپ، كىتاپتى قۇنىعا وقىپ، ساۋ - سالامات ەسەيىپ - ەرجەتۋىن ءۇمىت ەتتى؛ بۇكىل قوعامنىڭ كىتاپ وقۋعا جاپپاي ات سالىسۋىن، كىتاپ وقۋدى سۇيەتىن، جاقسى كىتاپ وقيتىن، كىتاپتى جاقسى وقيتىن تاماشا اۋقىم قالىپتاستىرۋىن ءۇمىت ەتتى.

  اشىلۋ سالتىندا جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت ۇگىت ءبولىمىنىڭ باستىعى حۋاڭ كۇنميڭ شي جينپيڭنىڭ قۇتتىقتاۋ حاتىن وقىدى ءارى ءسوز سويلەدى. ول بىلاي دەدى: باس شۋجي شي جينپيڭنىڭ قۇتتىقتاۋ حاتى پارتيا ورتالىق كوميتەتىنىڭ جالپى حالىقتىڭ كىتاپ وقۋىن ىلگەرىلەتۋگە، كىتاپ وقۋ مەرەيىنە شومعان جۇڭگو قۇرۋعا ايرىقشا ءمان بەرەتىندىگىن تولىق ايگىلەدى. باس شۋجي شي جينپيڭنىڭ ماڭىزدى نۇسقاۋىنىڭ رۋحىن مۇقيات ۇيرەنىپ، دايەكتىلەندىرىپ، كىتاپ وقۋعا جەتەكتەۋدى كۇشەيتىپ، كىتاپ وقيتىن سالتقا دەم بەرىپ جانە ونى جەتىلدىرىپ، كىتاپ وقۋدى جالپىلاستىرۋعا قىزمەت وتەۋدىڭ قالا مەن اۋىلدى قامتيتىن جۇيەسىن ورناتىپ، جالپى حالىقتىڭ كىتاپ وقۋىنىڭ اۋقىمىن كەڭەيتۋدى، ساپاسىن كوتەرۋدى، ناقتى ونىمدىلىگىن كۇشەيتۋدى ىلگەرىلەتىپ، كىتاپ وقۋ مەرەيىنە شومعان جۇڭگو قۇرىلىسى ارقىلى مادەنيەتتە قۋاتتى ەل قۇرىلىسىن جەبەپ، جاڭا جورىقتا ەكپىندەي ىلگەرىلەۋگە، جاڭا داۋىردە ەسە قوسۋعا قۋاتتى رۋحاني كۇش ۇستەۋ كەرەك.

  تۇڭعىش كەزەكتى جالپى حالىقتىق كىتاپ وقۋ جينالىسىن ورتالىق كوميتەت ۇگىت ءبولىمىنىڭ (مەملەكەتتىك اقپارات - باسپا ءسوز مەكەمەسى)، بەيجيڭ قالالىق پارتكومنىڭ، بەيجيڭ قالالىق ۇكىمەتتىڭ جەتەكشىلىك ەتۋىمەن، ورتالىق كوميتەت ۇگىت ءبولىمىنىڭ باسپا ءسوز مەكەمەسى، بەيجيڭ قالالىق پارتكومنىڭ ۇگىت ءبولىمى باسقارىپ وتكىزدى، جينالىس تاقىرىبى: ”جاڭا داۋىردە كىتاپ وقىپ، جاڭا جورىقتا ەكپىندەي ىلگەرىلەيىك“، جينالىس اياسىندا جەلىلەس تالقى مىنبەرلەرى، كورمە - كورسەتىلىمدەر، كىتاپتاردىڭ تۇساۋكەسەرلەرى جانە تاقىرىپتىق قيمىلدار سياقتى بۋىندار قامتىلعان. قاتىستى تاراۋلارداعى جاۋاپتى جولداستار، باسپا ءسوز، تاراتۋ ورىندارى مەن قوعامدىق ۇيىمداردىڭ ۋاكىلدەرى، مامان - وقىمىستىلاردىڭ جانە جازۋشىلاردىڭ، وقىرمانداردىڭ ۋاكىلدەرى، ت.ب جينالىسقا قاتىناستى.