شي جينپيڭنىڭ حالىقشىلدىق سۇيىسپەنشىلىگى
شينحۋا اگەنتتىگىنىڭ تىلشىلەرى
توبەسى كوك تىرەگەن الىپ بايتەرەك تامىرىن تەرەڭگە جىبەرەدى؛ الىسقا جوڭكىلەتىن وزەن - داريا شالعايدان باستاۋ الادى.
شاعىن قىستاقتان پارتيا ورتالىق كوميتەتىنە دەيىن، اۋىل - قىستاق ۇلكەن اترەتى پارتيا ياچەيكاسىنىڭ شۋجيىنەن پارتيانىڭ باس شۋجيى بولعانعا دەيىن، شي جينپيڭ باستان - اياق وتان قامىن ويلاپ، حالىق ءۇشىن ءيىلىپ ەڭبەك ەتتى.
”مەملەكەتتىڭ باسشىسى رەتىندە، حالىق مەنى وسىنداي قىزمەت ورنىنا قويعان ەكەن، مەن قاشاندا حالىقتى جۇرەگىمنىڭ ەڭ بيىك تورىنە قويامىن“.
حالىقتان شىعىپ، حالىق ءۇشىن ىستەپ، حالىققا سۇيەندى. حالىق حالىق كوسەمىنە كەڭ كوز ايا، دارقان قۇشاق، جىگەرلەنە ىلگەرىلەيتىن كۇش سيلادى، حالىق كوسەمى حالىقتى ىنتىماقتاستىرىپ، باستاپ، جاڭا داۋىردەگى تاريحي ۇلى ءىستىڭ نەگىزىن سالدى.
حالىققا تەرەڭ تامىر تارتىپ، باستان - اياق حالىققا سەندى −
”مەن سارى توپىراقتى جەردە تامىر الىپ، وركەن جايدىم، قىزىل توپىراقتى جەردە ءوسىپ - جەتىلدىم، دامىدىم، پارتيا مەن حالىق مەنى قالاۋىمداعى ادام ەتىپ تاربيەلەپ شىقتى“.
2021 - جىلى 10 - ايدىڭ 21 - كۇنى، شاندۇڭنىڭ دۇڭيىڭى، حۋاڭحى وزەنىنىڭ تەڭىزگە قۇيار ساعاسى.
وسى جەردە قىزمەت تەكسەرىپ جۇرگەن باس شۋجي شي جينپيڭ ءبىر ۇلگى اتىزىنا كىرىپ، ەڭكەيىپ ءبىر بۇرشاق ءۇزىپ، ۋىسىنا سالىپ ەسىپ، ءونىمىن دەن قويا تەكسەرىپ كورىپ، ىلە - شالا سويا بۇرشاقتىڭ ۇلكەن ءبىر ءدانىن اۋزىنا سالىپ مۇقيات تاۋساپ: ”بۇرشاق جاقسى ءوسىپتى“، - دەدى.
بۇل كورىنىسكە تاڭ قالعان جانىنداعى اۋىل شارۋاشىلىعى تەحنيكاسىنىڭ جاۋاپتىسى لو شوۋيۇي ايرىقشا ءبىر جىلى جاقىندىق سەزىندى: ”بۇل تاجىريبەلى ديقانداردا عانا بولاتىن ارەكەت قوي“.
ەڭبەك سيلاعان ەرەكشەلىك حالىقشىلدىق قاسيەت سومدادى: 2012 - جىلى فۋپيڭدە قار كەشىپ، ساكىگە شىعىپ مالداس قۇرسا؛ 2018 - جىلى ۋىنچۋاندا قىزمەت تەكسەرگەندە قول تيىرمەنمەن بۇرشاق تارتتى؛ 2019 - جىلى استانادا اعاش ەگىپ، كۇرەك ۇستاپ توپىراق كۇرەدى...
قاپەلىم ساتتەردەگى تابيعي بەينە ءدال ۋاقىت كوشىندە وزگەرمەگەن حالىقشىلدىق سۇيىسپەنشىلىكتىڭ ايعاعى ەدى.
بۇل سۇيىسپەنشىلىكتە قىزىل گەن قوردالانعان.
2021 - جىلى 6 - ايدىڭ 25 - كۇنى باس شۋجي شي جينپيڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسىنداعى جولداستاردى ەرتىپ بەيجيڭ داشۋەسىنىڭ قىزىل عيماراتىنا كەلدى.
كورمە زالىندا لي داجاۋدىڭ «جاي حالىقتىڭ جەڭىسى» اتتى ماقالاسى باسىلعان «جاڭا جاستار» جۋرنالىنىڭ ءتۇپ نۇسقاسىنىڭ الدىنا بارىپ، باس شۋجي شي جينپيڭ تاپتەشتەي قاراپ شىقتى.
” باسىم كوپشىلىك ادامنىڭ باسىم كوپشىلىكتىڭ مۇددەسىن كوزدەيتىن دەربەس قوزعالىستان“ ”جاي حالىقتىڭ جەڭىسىنە“ دەيىن توڭكەرىسشىل اعا بۋىندار ءبىزدىڭ ءىسىمىزدىڭ ”ماڭگى ءومىر سۇرە بەرەتىندىگىنىڭ“ تاريحي سوزسىزدىگىن ايقىن كورسەتتى.
سوناۋ جىلدار ەلەسىندە لياڭجياحىداعى جەر كەپەنىڭ ساكى باسىنداعى سىعىرايعان شام تۇبىندە: قىسقا عانا بىرنەشە ءجۇز ارىپتىك «حالىق ءۇشىن قىزمەت ىستەيىك» اتتى ماقالانى شي جينپيڭ قولىنان تاستاماي ءسۇيىپ وقىدى؛ «يۇيگۇڭنىڭ تاۋ كوشىرۋىن»، «بەتيۋندى ەستە ساقتايىقتى» ۇنەمى ۇيرەنىپ، ۇنەمى جاڭا اسەرلەر الىپ، سەنىم الاۋىن نۇرلاندىرىپ وتىردى.
جاڭا داۋىردە باس شۋجي شي جينپيڭ باسىپ وتكەن بوران - شاشىندى كۇندەر تىزبەگىنەن كوممۋنيستەردىڭ حالىقشىلدىق اۋەلگى ماقساتىن ۇعىندى:
حۋادۇڭ توڭكەرىستىك قۇرباندار قابىرىندا ەتەنە بولىپ بىتە قايناسقان، ەشقاشان جۇپ جازباعان يمىڭ رۋحىن ۇقىپتى وي ەلەگىنەن وتكىزسە؛ سانشي - سۇييۋان شەكارا ءوڭىرى توڭكەرىستىك ەسكەرتكىش سارايىندا ”حالىققا دەگەن ادال جۇرەكتى ماڭگى ساقتاۋ كەرەك“ دەپ باسا دارىپتەدى؛ حۋايحاي شايقاسى ەسكەرتكىش سارايىندا ”قول اربانىڭ ارقاسىندا جەتكەن جەڭىس“ دەپ تەرەڭ تولقىدى...
كوڭىلىندە حالىقتى ويلاپ، قولىنا اقيقات ۇستاپ، دۇنيەنىڭ دۇرىس جولىمەن قادام باستى، بولاشاق تىپتەن شەكسىز كەڭ بولماق. باس شۋجي شي جينپيڭ ”ءۇش بولمايدى“ دەگەن سوزبەن كوڭىل قالاۋىن جەتكىزدى:
”ءبىز، ءسوز جوق، حالىقتىڭ مۇددەسىن ءبىرىنشى ورىنعا قويۋىمىز كەرەك، ءارقانداي كەزدە دە، ءارقانداي جاعدايدا دا حالىق بۇقاراسىمەن تىنىستاس، تاعدىرلاس بولاتىن تۇرعىنى وزگەرتۋگە بولمايدى، بۇكىل ىنتا - پەيىلمەن حالىق ءۇشىن قىزمەت ىستەيتىن باس ماقساتتى ۇمىتۋعا بولمايدى، بۇقارانىڭ ناعىز قاھارمان ەكەندىگىنە كامىل سەنەتىن تاريحي ماتەرياليستىك كوزقاراستان كوز جازۋعا بولمايدى“.
بۇل سۇيىسپەنشىلىك ءوسىپ - جەتىلۋ بارىسىنان كەلگەن.
2015 - جىلى 2 - ايدىڭ 13 - كۇنى ”سارى توپىراقتى جەردىڭ ۇلى“ اۋىلىنا قايتتى.
باس شۋجي شي جينپيڭنىڭ قولىنان ۇستاعان سول كەزدەگى كونە دوستارى باياعىداي جاقىندىقتى سەزدى. باس شۋجي ولاردىڭ ەركەلەتكەن اتتارىن ءبىر - بىردەن اتاپ شىقتى، ”ول كەزدە مەن لياڭجياحى قىستاعىمەن تاعدىر قوستىم، ءسويتىپ، بۇگىنگى كۇنى سەندەرمەن جۇزدەسۋىم ءناسىپ بولدى“.
40 جىلدىڭ الدىندا لياڭجياحىدان اتتانار كۇنى تاڭەرتەڭ ەرتە اۋلانىڭ ءىشى اتتاندىرىپ سالۋعا كەلگەن اۋىلداستارعا تولىپ كەتتى، كوپشىلىك ونىڭ ورنىنان تۇرۋىن ءۇنسىز كۇتىپ تۇردى. ەسىكتى اشقان ساتتە، شي جينپيڭ كوزىنە ىستىق جاس الدى.
سول جىلداردا لياڭجياحىدا وتكەن كۇندەردىڭ ءار دەتالى جاس شي جينپيڭنىڭ جۇرەك قىلىن تەربەپ جاتتى.
اتىزدا ەڭبەك ەتىپ تاماقتانعاندا، زيالى جاستارعا بەرىلگەن جۇگەرى تۇيىرتپەگى ساپ - سارى بولىپ شىعاتىن، اۋىلداستار ”مىناۋ ناعىز استىق“ دەيتىن. ال اۋىلداستاردىڭ كەبەك تۇيىرتپەگى مۇنىڭ ماڭ قاراسىن كورە المايتىن، شي جينپيڭ سوندا ىرىقتىلىقپەن اۋىستىرىپ جەيتىن.
كەبەك تۇيىرتپەگىنىڭ جىلۋ مايەگى از بولاتىندىقتان، شي جينپيڭ اشتىقتان بۇرالىپ قالاتىن، اۋىلداستاردىڭ ازىق دورباسىن اشقاندا ماناعى جۇگەرى تۇيىرتپەگى سول قالپىندا تۇراتىن: ”سىزدەر نەگە جۇگەرى تۇيىرتپەگىن جەمەگەنسىزدەر؟“.
”قۇمدانداعى ەركەكتەر مەن بالالاردىڭ ماشاقاتى ءتىپتى اۋىر عوي، سولار جەسىن دەپ الىپ قويدىق“.
بۇقارانىڭ ميحىنات - ماشاقاتىن جەتە ۇعىنعاندىقتان دا سالماقتى جۇككە يىق توسەدى.
”ول كەزدە مەن كەيىن شارت - جاعداي، مۇمكىندىك بولسا، بۇقارا ءۇشىن جاقسى ىستەيتىن قىزمەتپەن شۇعىلدانامىن دەدىم“.
سول جىلدارداعى لياڭجياحىدا ءبىر ۇلكەن اترەت ءدال تاماققا تابەتتەرى زور كەزدەگى 30 نەشە زيالى جاستى قابىلداۋ كەرەك بولادى، اۋىلداستار كەدەيلىكتەن تارىعىپ وتىرسا دا، قالادان كەلگەن بالالارعا قارايلاسۋدى قالادى.
شي جينپيڭ بىلاي دەيدى: ”قارنىم اشقاندا اۋىلداستار ماعان تاماق جاساپ بەردى؛ كيىمىم كىرلەسە اۋىلداستارىم جۋدى؛ شالبارىم جىرتىلسا اۋىلداستارىم جاماپ بەردى“. ”اۋىلداستار ماعان قالتقىسىز كومەك قولدارىن سوزدى، مەنى قورعاشتادى، وتە - موتە، ولاردىڭ ادال، قاراپايىم قاسيەتتەرى ماعان اسەر ەتىپ، مەنىڭ جان دۇنيەمە ونەگە - ءتالىم بەردى“.
بۇقارانىڭ جاقسىلىعىن جەتە تۇسىنگەندىكتەن دە شىن كوڭىلدەن سولاردىڭ قامىن ويلادى.
لياڭجياحىدان جىڭديڭگە، فۋجياننان جىجياڭعا، شاڭحايدان بەيجيڭگە دەيىن ساكى شەتىنە، ارقالىقسىز ورىندىققا وتىرا بەرەتىن، شاي - شالاڭ، قارا كوجە تاڭداماي ىشە بەرەتىن، وتباسىنداعى شارۋا جايى جايلى اڭگىمە دۇكەن قۇرا الاتىن شي جينپيڭ بۇقارانىڭ ىستىق - سۋىعىن ءتۇيسىنىپ، بۇقارانىڭ ءۇمىت - تىلەگىنە جاۋاپ قاتىپ، حالىققا تەرەڭ ىقىلاس، كۇشتى سۇيىسپەنشىلىك ورناتتى.
بۇل سۇيىسپەنشىلىك وتباسىنىڭ ءتالىم - تاربيەسىنىڭ ارقاسى ەدى.
2021 - جىلى 9 - ايدا شانشيدىڭ يۇيلينىندە قىزمەت تەكسەرىپ جۇرگەن باس شۋجي شي جينپيڭ جۇڭگو كوممۋنيستىك پارتياسى سۇيدى ايماقتىق پارتكومنىڭ كونە تۇراعىنا كەلدى.
كورمە زالىندا ءبىر قاتار جازۋ ايرىقشا كوز تارتتى: ”مىزعىماي بۇقارا جاقتا تۇرۋ كەرەك“.
”مىزعىماي دەگەن گۋانجۇڭ ءسوزى، ورنىقتى، دۇرىس وتىرۋ دەگەن ماندە“، اكەسى شي جۇڭشۇننىڭ اۋىلىنىڭ ءسوزىن باس شۋجي شي جينپيڭ تەرەڭ سۇيىسپەنشىلىكپەن ەسكە الادى.
”گۋانجۇڭ ديقاندارىنىڭ ۇلى“ بولعان شي جۇڭشۇن ”بۇقارادان شىققان بۇقارا كوسەمى“ اتانعان.
توڭكەرىسشىل وتباسىندا تۋىپ - وسكەن سوڭ، قويۋ حالىقشىلدىق سۇيىسپەنشىلىككە بالا جاسىنان كوز - قۇلاعى ءۇيىر بولىپ ءوستى.
كۇن ءوتىپ، ۋاقىت ۇزارا كەلە، بىرتە - بىرتە ساناعا سىڭە بەردى، وتباسىنىڭ ءتالىم - تاربيەسى حالىق دەگەن ءسوزدى جان دۇنيەگە ءسىڭىرىپ، اۋەلگى ماقسات ەتىپ تۇيىندەدى.
بۇل سۇيىسپەنشىلىك ءداستۇرلى مادەنيەتتەن تامىر العان.
2021 - جىلى 3 - ايدا ۋ - يشان تاۋىنىڭ جيۋچۇي وزەنشەسىنىڭ جانىندا باس شۋجي شي جينپيڭ جۋشي باقشاسىنا كىردى.
”مەملەكەت حالىقتى نەگىز ەتەدى، سونداي - اق حالىق ءۇشىن قۇرىلادى“... باقشا ىشىندەگى قابىرعاداعى جۋشيدىڭ حالىقتى نەگىز ەتۋ يدەياسىنىڭ كلاسسيكالىق بايىمداۋلارىنا باس شۋجي شي جينپيڭ ۇزاق ايالداپ، كوپ ءۇڭىلدى.
2018 - جىلى 6 - ايدا جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ توپتىق ۇيرەنۋىن باسقارعان كەزدە باس شۋجي شي جينپيڭ ءدال وسى كونە ءسوزدى دايەك ءسوز ەتتى.
مادەنيەتكە دەگەن سانالىلىقتى، سەنىمدى بەرىك ۇستانعان باس شۋجي شي جينپيڭ ءداستۇرلى مادەنيەتتى جانداندىرۋ، تالاي عاسىردان بەرگى حالىقتى باقىتقا كەنەلتۋ ارمانىن جۇزەگە اسىرۋ تۋرالى تەرەڭ وي جۇگىرتتى −
شانبەيدە حالىق مۇڭىن، جۇرت زارىن تەرەڭ تۇيسىنگەن ول فان جۇڭياننىڭ ايگىلى ءسوزى ”بەينەتتە الدا، زەينەتتە ارتتا تۇرۋ“ تۋرالى تەرەڭ وي تولعادى؛
جىڭديڭدا ۆەلوسيپەدپەن اۋىلعا بارىپ، جىڭ بانچياۋدىڭ جۇرەك ءۇنى ”وبلىس - اۋداندارداعى ۇساق ۇلىق بولساق تا، بۇقارانىڭ ءار ىسىنە سۇيىسپەنشىلىكپەن قاراۋىمىز كەرەك“ دەگەن ءسوزىن جۇرەكپەن ۇعىندى؛
نيڭدىدا كەدەي - كەپشىكتەردىڭ حال - جايىن ۇعىسقاندا، شوۋنيڭ اۋدانىنىڭ اكىمى فىڭ مىڭلۇڭنىڭ حالىق ءۇشىن اتقارعان شارالارىن قايتا وي ەلەگىنەن وتكىزىپ، ”ءۇش اۋىز سوزدەگى“ اقىليا سوزدەردى جاتقا وقىدى.
بەيجيڭدە جارعاق قۇلاعى جاستىققا تيمەي تالىقپاي تالپىنعاندا، ول «شاڭشۋداعى» ”حالىق مەملەكەتتىڭ ىرگە تاسى، ىرگە تاس بەرىك بولسا، مەملەكەت تىنىش بولادى“ دەگەن ءناسيحات ءسوزىن كوپ رەت دايەك ءسوز ەتتى؛
...
كونەنىڭ ورنىن جاڭا باسىپ، ءجون - قيسىن جالعاسىپ وتىردى. تاريحي جۇڭگوعا تامىر تارتقاندىقتان دا بۇل حالىقشىل سۇيىسپەنشىلىكتىڭ ۇلتانى قالىڭ، تۇعىرى بيىك ەدى.
حالىقتى شەكسىز قىزۋ ءسۇيىپ، حالىقتى باقىتقا كەنەلتۋدى مۇرات ەتتى −
”ءبىزدىڭ نىسانامىز وتە ايبىندى ءارى وتە قاراپايىم، سايىپ كەلگەندە، بارشا جۇڭگو حالقىن تۇگەل جاقسى تۇرمىسقا كەنەلتۋ“.
ءبىر كوممۋنيستىك پارتيا مۇشەسىنىڭ وبرازى شي جينپيڭنىڭ كوڭىلىندە تەرەڭ تاڭبالانعان.
1966 - جىلى 2 - ايدا شينحۋا اگەنتتىگى «اۋداندىق پارتكوم شۋجيلەرىنىڭ ونەگەسى − جياۋ يۇيلۋ» اتتى كولەمدى ادەبي حابار تاراتتى. ساياسات ساباعىندا وقىتۋشى وسى ماقالانى وقىپ تۇرىپ ءۇنى بۋلىعىپ، قىستىعا شىقتى، تىڭداپ وتىرعان شي جينپيڭ مەن ساباقتاستارى جۇزدەرىن جاسپەن جۋدى.
”كەيىن مەن اۋىل - قىستاققا بارعاندا، داشۋەگە وقۋعا تۇسكەندە، اسكەر قاتارىنا وتكەندە بولسىن، الدە باسشىلىق قىزمەتتە جۇرگەندە بولسىن، جياۋ يۇيلۋ جولداستىڭ وبرازى ءارقاشان مەنىڭ كوڭىلىمدە ءجۇردى“، - دەيدى باس شۋجي.
بارشا حالىقتى سيعىزعان جۇرەگىنەن تەك وزىنە ورىن بەرمەگەن وسىناۋ جاقسى كادر ”ءار قاشان مەنىڭ ونەگەم بولىپ كەلەدى“.
«نياننۋجياۋ. جياۋ يۇيلۋدى ەسكە الۋ» اتتى ولەڭ جازىپ، ”ۇلىق بولسام اتىرابىما باقىت سيلايمىن“ دەگەن تىلەگىن بەينەلەدى؛ لانكاۋعا بارىپ تەكسەرۋ - زەرتتەۋ جۇرگىزىپ، پارتيانىڭ بۇقارالىق لۋشيان تاربيەسى امالياتتىق قيمىلىنا جەتەكشىلىك ەتكەندە، ”ءبىز كەيىنگىلەرگە قانداي رۋحاني بايلىق قالدىرۋعا ءتيىسپىز“ دەگەندى العا قويدى؛ اۋداندىق پارتكوم شۋجيلەرىنىڭ ءبىلىم اسىرۋ كۋرسىنىڭ كۋرسانتتارىمەن اڭگىمە وتكىزىپ، جياۋ يۇيلۋ ۇلگىسىندەگى اۋداندىق پارتكوم شۋجيى بولۋعا ۇندەدى...
جياۋ يۇيلۋعا دەگەن تەرەڭ سۇيىسپەنشىلىك شي جينپيڭنىڭ بار ىنتا - پەيىلىمەن حالىق ءۇشىن ىستەيتىن كوكىرەك كەرنەگەن ىستىق جالىنىنا اينالدى.
2013 - جىلى 12 - ايدىڭ 23 - كۇنى ەگىنشىلىك كالەندارى بويىنشا كىشى جاڭا جىل مەرەكەسى، گانسۋدىڭ ديڭشي قالاسى يۋانگۋدۇي قىستاعى ايرىقشا ايازدى ەدى.
باس شۋجي شي جينپيڭ قىستاق تۇرعىنى ما گاڭنىڭ مۇجىق، الاسا تام ۇيىنە باس سۇعىپ، تامنىڭ تۇبىندەگى سۋ كۇبىسىنەن ءبىر وجاۋ سۋ الىپ، ءدامىن تاتىپ كوردى، سۋدىڭ كەرمەك دامىنەن ول قاباعىن شىتتى.
”پارتيا مەن ۇكىمەت كوپشىلىككە كوڭىل بولەدى جانە كومەكتەسەدى، ءبىز بىرگە قۇلشىنىپ، تۇرمىسىمىزدى كۇننەن - كۇنگە شالقىتا تۇسەيىك“، - دەيدى باس شۋجي اۋىلداستارعا.
وجاۋمەن سۋ ءىشىپ، بۇقارانىڭ اششى - تۇششىسىن تاتتى؛ اۋىلداستاردىڭ ىستىعىنا كۇيىپ، سۋىعىنا توڭدى؛ قازاننىڭ قاقپاعىن كوتەرىپ، حالىقتىڭ اش - توقتىعىن ءبىلدى...
40 جىلدان استام ۋاقىتتان بەرى، شي جينپيڭ ىلگەرىندى - كەيىندى جۇڭگونىڭ قىستاقتارىندا، اۋداندارىندا، قالالارىندا، ولكەلەرىندە، ورتالىقتا قىزمەت ىستەدى، بۇل بارىستا كەدەيلەردى سۇيەمەلدەۋ ءارقاشان ونىڭ قىزمەتىندەگى ماڭىزدى ءبىر مازمۇن بولىپ، وعان ەڭ كوپ زەيىن - قايراتىن جۇمسادى.
پارتيا 18 - قۇرىلتايىنان كەيىن، باس شۋجي شي جينپيڭ تاۋ اسىپ، تاس باسىپ، شوعىرلى، تۇتاسقان 14 ەرەكشە كەدەي ءوڭىردى تۇگەل ارالاپ شىعىپ، 50 نەشە رەت كەدەيلەردى سۇيەمەلدەۋ قىزمەتى بويىنشا تەكسەرۋ - زەرتتەۋ جۇرگىزىپ، ءسوز جوق، ”شىن كەدەيلەردى كورۋدەن“ قالايدا ”كەدەيلىكتەن شىن ارىلتۋعا“ دەيىن باتىل تۇردە تاريحي جاۋاپكەرشىلىككە يىق توسەدى.
باس شۋجي شي جينپيڭ ۇنەمى: ”اۋىلداستار كەدەيلىكتەن قاشان ارىلعانشا مەنىڭ كوڭىلىم تىنىشتىق تاپپايدى“، ”مەن بۇل ءىستى جاقسى ورىنداماي، سوڭىندا حالىققا ەسەپ بەرە الماي، تاريحقا ەسەپ بەرە الماي قالامىن با دەپ قاتتى قورقامىن“، - دەيدى.
تايحاڭ تاۋىنىڭ تەرەڭ قويناۋىندا كوكتايعاق جولدى بويلاپ لوتوۋان قىستاعىنداعى جاتاعان بالشىق ۇيلەرگە كىرىپ، حال - جايلارىن سۇراپ، اۋىلداستاردى ”سەنىم بولسا بولعانى، سارى توپىراقتى التىنعا اينالدىرۋعا بولادى“ دەپ ىنتالاندىردى؛
ۋليڭ تاۋىنىڭ قويناۋىنداعى شى باساننىڭ قاپ - قاراڭعى اعاش ۇيىندە وتباسى، شارۋا جايى تۋرالى ايتىسىپ، قاريانىڭ قولىن ۇستاپ وتىرىپ شىن ىقىلاسپەن: ”مەن حالىقتىڭ قىزمەتشىسىمىن“، - دەدى.
دابيەشان تاۋلى وڭىرىندە 3 ءتۇرلى كولىك قۇرالىن اۋىستىرىپ ءجۇرىپ جينجايداۋان قىستاعىنا كەلىپ، كەدەي شارۋا ۋاڭ نىڭباۋدىڭ كەدەيلەردى سۇيەمەلدەۋ كىتاپشاسىن ءبىر - ءبىر بەتتەن پاراقتاپ: ”بايىرعى ءوڭىر حالقىن ۇمىت قالدىرۋعا بولمايدى“ دەپ باسا دارىپتەدى؛
...
بۇقاراعا دەگەن ەڭ قويۋ سۇيىسپەنشىلىكتى ەڭ سالماقتى ۋادەگە، ەڭ قاتاڭ شاراعا، ەڭ ۇلكەن ۇسىنىلىمعا اينالدىرىپ، جۇڭحۋانىڭ بايتاق دالاسىندا كەدەيلىككە قارسى اتتانۋدىڭ قۇلاشىن كەڭ جايعان كۇرەسىن ورىستەتتى.
”دوڭگەلەك داۋلەتتىلىك جولىندا بىردە - ءبىر از ۇلتتى، بىردە - ءبىر ءوڭىردى قاتاردان قالدىرۋعا استە بولمايدى“. حالىققا بەرگەن بۇل ۋادەنى باس شۋجي قاي - قاشان دا جۇرەگىندە ساقتادى.
پارتيا 18 - قۇرىلتايىنان بەرى، جاپپاي دوڭگەلەك داۋلەتتى قوعام قۇرۋ ۇلى تاريحي ۇردىسىندە 100 ميلليونعا جۋىق اۋىل - قىستاق كەدەي حالقى كەدەيلىكتەن ارىلدى. بۇل مەملەكەتتىڭ دامۋ وراسان زور وزگەرىسىنىڭ ايبىندى سيمفونياسى بولىپ قانا قويماي، حالىقتىڭ شاتتىققا شومعاندىعىنىڭ جاندى حيكاياسى.
ۋاقىت سىرعىپ ءوتىپ، سان وزگەرىستى باستان كەشىردىك، باس شۋجي شي جينپيڭ شەكسىز اسەرلەنىپ بىلاي دەدى:
”بۇرىندارى اۋىل - قىستاققا بارعاندا ادامدى ۋايىمداتاتىن ءار ءتۇرلى ىستەردى كورسەم، قاتتى الاڭداپ، جابىرقايتىنمىن. قازىرگى اۋىل - قىستاقتارىمىزعا قاراساڭىز، بەت - بەينەسى بۇكىلدەي وزگەردى، ىشەتىنى، كيەتىنى، ىستەتەتىنى بارلىعى بۇرىنعىدان وزگەرگەن، جۇڭگولىقتاردىڭ نەشە مىڭ جىلدان بەرگى توقشىلىق ماسەلەسى تۇبەگەيلى شەشىلدى“.
حالىقتىڭ ىستىق - سۋىعىن كوكەيدە ساقتاپ، حالىقتىڭ ءومىرىن باستى ورىنعا قويدى.
2022 - جىلى 3 - ايدىڭ 21 - كۇنى شىعىس اۆياتسيا MU5735 كەزەكشى ۇشاعى شىرعالاڭعا ۇشىرادى.
حابار جەتكەندە باس شۋجي شي جينپيڭ تاباندا ماڭىزدى نۇسقاۋ بەرىپ، شۇعىل جاعدايعا توتەپ بەرۋ مەحانيزمىن دەرەۋ ىسكە قوسىپ، ىزدەۋ - قۇتقارۋعا بار كۇشپەن ۇيىمداستىرىپ، سوڭعى جۇمىستارىن ۇيلەسىمدى ءبىر جاقتى ەتۋدى باسا دارىپتەدى. سونىمەن قاتار حاۋىپسىزدىك كومەسكى قاتەرىن قاتاڭ تەكسەرىپ، اۋە تاسىمالىنىڭ مۇلدە حاۋىپسىزدىگىنە شىنايى كەپىلدىك ەتۋدى، حالىقتىڭ ءومىرىنىڭ مۇلدە حاۋىپسىزدىگىنە شىنايى كەپىلدىك ەتۋدى تالاپ ەتتى.
ۇشاقتاعىلاردىڭ تۇگەل قازا بولعانىن ەستىگەندە باس شۋجي اۋىر قايعىعا باتتى. 3 - ايدىڭ 28 - كۇنى جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ ءماجىلىسىن باسقارىپ اشقاندا باس شۋجي شي جينپيڭنىڭ ۇسىنىسىمەن ماجىلىسكە قاتىناسقان بارلىق جولداس قازا بولعان باۋىرلاستارعا ءۇنسىز ازا ءبىلدىردى.
3 كۇننەن كەيىن باس شۋجي شي جينپيڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسى تۇراقتى كوميتەتىنىڭ ءماجىلىسىن تاعى باسقارىپ اشىپ، شىرعالاڭدى شۇعىل ءبىر جاقتى ەتۋ جاعدايى جونىندەگى مالىمەتتى ارنايى تىڭداپ، بۇكىل مەملەكەتتە ءوندىرىس حاۋىپسىزدىگى بويىنشا ارناۋلى زور تەكسەرۋ ورىستەتۋگە ورنالاستىرۋ جاسادى.
افريكاعا مەملەكەتتىك ساپارعا بارا جاتقان جولدا جيلين چاڭچۇن چاڭشىڭ بيولوگيالىق ۆاكسينا دەلوسى جونىندە ”تۇبەگەيلى تەكسەرىپ، قاتاڭ جاۋاپقا تارتۋدى“ تالاپ ەتتى؛ ەۆروپاعا ساپارعا اتتانعان جولىندا جياڭسۋدىڭ شياڭشۇيىندە جارىلىس وقيعاسى تۋىلعانىن ەستىگەندە، ”بار كۇشپەن قۇتقارىپ - كومەكتەسىپ، قامالىپ قالعانداردى ىزدەۋ - قۇتقارۋدى“ باسا دارىپتەدى؛ شيزاڭعا قىزمەت تەكسەرە بارعاندا حىنانداعى ەرەكشە سۇراپىل نوسەر اپاتىنا ءاردايىم نازار اۋدارىپ وتىردى...
حالىقتىڭ ءومىرى حاۋىپكە ۇشىراعاندا، قاشاندا ءوز باسىنان وتكەرگەندەي سەزىنىپ، دەرەۋ ماڭىزدى نۇسقاۋ بەرىپ، تالاپتار قويدى.
”حالىقتىڭ ءومىرىنىڭ حاۋىپسىزدىگىن قورعاۋدا ءبىز، ءسوز جوق، ءارقانداي بوداۋ بەرۋدەن تايىنباۋىمىز كەرەك، ءبىز ءارقانداي بوداۋ بەرۋدەن تايىنبايمىز“. باس شۋجيدىڭ جۇرەگىندە حالىق بارىنەن جوعارى، ءومىر تايشان تاۋىنان دا قادىرلى.
2020 - جىلدىڭ باسىندا جاڭا تيپتى ايدارشا ۆيرۋس وكپە قابىنۋ ىندەتى سۇراپىل تۋىلدى. جاڭا جىلعا قاراعان ءتۇنى باس شۋجي شي جينپيڭ تۇنىمەن كوز ىلمەدى.
ەمدەۋ قىزمەتكەرلەرىنىڭ جۇمىس ۇستىندە قازا بولعانىن ەستىگەندە ”اۋىر قايعىعا باتتى“، ناۋقاستاردىڭ اۋرۋ جاعدايى جاقسارعانىن ەستىگەندە كوڭىلى جايلاندى، جەتەكشىلىك ەتۋ گرۋپپاسىنىڭ جاۋاپتى جولداستارىنا ”قانداي جاعداي بولسا دا، ءارقانداي سۇرانىس بولعاندا تەلەفون بەرىپ توتە ماعان ايتىڭدار“ دەپ تاپسىردى... ىندەتتەن ساقتانۋ - تىزگىندەۋدىڭ ەڭ قاتەرلى، شۇعىل كەزدەرىندە باس شۋجي بۇقارانىڭ حال - جايىن باستان - اياق ەستەن شىعارمادى.
تۋعانىنا نەبارى 30 نەشە ساعات بولعان نارەستەدەن جاسى 100دەن اسقان قارتقا دەيىن، ءاربىر جان يەسى بار كۇشپەن قورعالدى، ادامنىڭ ءومىرى، ادامنىڭ قۇنى، ادامنىڭ اتاق - ابىرويى قۇنتتى قورعالدى.
”حالىقتىڭ ءومىرىنىڭ حاۋىپسىزدىگىن قورعاۋ ءۇشىن، ءبىز ءارقانداي ءىستى ىستەي الامىز!“، - دەدى باس شۋجي ءار ءسوزىن نىقتاي ايتىپ.
بيىل 3 - ايدان بەرى كۇشتى جۇقپالى وميكرون وزگەرگەن شتاممى جەدەل تارالۋى سىندى قاتاڭ سايىس الدىندا باس شۋجي شي جينپيڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسى تۇراقتى كوميتەتىنىڭ ءماجىلىسىن تاعى باسقارىپ اشىپ، ىندەتتەن ساقتانۋ - تىزگىندەۋ قىزمەتىن قاتاڭ، ويداعىداي يگەرۋ جونىندە ارناۋلى ورنالاستىرۋ جاساپ، ”قاشاندا حالىقتى بارىنەن جوعارى قويۋعا، ءومىردى بارىنەن جوعارى قويۋعا تاباندى بولۋدى، عىلمي، دالمە - ءدال بولۋعا، يكەمدى نولگە تۇسىرۋگە تاباندى بولۋدى“، ”اناعۇرلىم ءونىمدى شارالار قولدانىپ، ەڭ از بوداۋ بەرۋ ارقىلى ەڭ زور ساقتانۋ - تىزگىندەۋ ونىمدىلىگىنە جەتۋگە كۇش سالىپ، ىندەتتىڭ ەكونوميكالىق، قوعامدىق دامۋعا جاسايتىن ىقپالىن بارىنشا ازايتۋدى“ باسا دارىپتەدى.
ۇلكەنى ءومىر مەن ولىمنەن كىشىسى كۇندەلىكتى تۇرمىستىق بۇيىمدارعا دەيىن، باس شۋجيدىڭ كوكەيىندە تۇگەلدەي ءىرى ءىس سانالدى.
”دارەتحانا توڭكەرىسى“، قوقىر - قوقسىقتاردى تۇرلەرگە ءبولۋ، تازا ەنەرگيامەن جىلىنۋ، وقۋشىلاردىڭ كورۋ قۋاتىن قورعاۋ، قارتتار كۇتىمحاناسىنىڭ قىزمەت وتەۋ ساپاسىن جوعارىلاتۋ، ازىق - تۇلىك حاۋىپسىزدىگىن باقىلاۋ - باسقارۋدى كۇشەيتۋ... بۇقارانى ۋايىمداتقان ”كىشى - گىرىم اۋرە - سارساڭ“ باس شۋجيدىڭ ۇستەل ۇستىنە قويىلىپ، باس شۋجيدىڭ جۇرەگىندە ساقتالدى، ورتالىقتىڭ ماڭىزدى ءماجىلىس كۇن تارتىپتەرىنە ءبىر - بىردەن ەنگىزىلىپ، ءار رەت رەفورمانىڭ نازار اۋدارۋ ءتۇيىنى، كۇش سالۋ تۇيىنىنە اينالىپ، حالىق بۇقاراسىنىڭ تۇرمىسىنا بىرتىندەپ وزگەرىس اكەلدى.
”جۇڭنانحاي قاشاندا حالىق بۇقاراسىمەن توتە بايلانىستا بولۋى كەرەك، ءبىز قاشاندا حالىق بۇقاراسىن جۇرەگىمىزدە، كوكەيىمىزدە ساقتاۋىمىز كەرەك“، - دەدى باس شۋجي شي جينپيڭ.
2022 - جىلى بەيجيڭ قىسقى وليمپيادا سپورت جارىسىنىڭ باستالۋ سالتىندا بەس جۇلدىزدى قىزىل تۋ 100 نەشە قاراپايىم جۇڭگولىقتىڭ قولىمەن بىرىنەن سوڭ بىرىنە جەتتى. بۇلاردىڭ قاتارىندا ”جەدەل جولداما جەتكىزۋشى جىگىت“ ليۋ كو دا بار ەدى.
3 جىلدىڭ الدىنداعى كوكتەم مەرەكەسى قارساڭىندا بەيجيڭ چيانمىن شىتوۋ تار كوشەسى جەدەل جولداما بەكەتىندە ليۋ كو مەن قىزمەتتەستەرى وزدەرىنە امانداسا كەلگەن باس شۋجي شي جينپيڭگە كەزدەستى.
ەستۋىمشە، كوپشىلىك كوكتەم مەرەكەسىنە قاراعان كۇنى عانا ۇيلەرىنە قايتا الادى ەكەن، - دەدى باس شۋجي، - ”جەدەل جولداما جەتكىزۋشى جىگىتتەردىڭ“ قىزمەتى وتە جاپالى، تاڭەرتەڭنەن كەشكە دەيىن جۇگىرىپ، جاۋىن - شاشىندا دا تىنىستامايدى، دەمالىس، مەرەكە - مەيرام بولعان سايىن قاربالاستايدى، بەينە ەڭبەكشىل كىشكەنتاي ارا سياقتى، ولار ەڭ قاجىرلى ەڭبەكشىلەر، كوپشىلىكتىڭ تۇرمىسىنا قولايلىلىقتار جەتكىزدى.
ءاربىر ءىس - ارەكەتىنەن، ءسوز - سويلەمىنەن باس شۋجيدىڭ نەگىزگى ساتى ءبىرىنشى شەبىندەگى ەڭبەكشىلەردى كوكەيىنە ساقتاپ، كوپشىلىكتىڭ ءاربىر ەڭبەگىن قادىرلەيتىندىگى كورىنىپ تۇر.
قۇرىلىس ورنىندا ديقان جۇمىسكەرلەرمەن ىقىلاسپەن اڭگىمەلەسىپ، ”ديقان جۇمىسكەرلەرگە ءتىپتى كوپ كوڭىل ءبولىپ، قامقورلىق جاساۋدى“ دارىپتەدى؛ كىرە اۆتوموبيلى جولاۋشىلار تاسىمال سەرىكتەستىگىندە ”كىرە اۆتوموبيلىن جۇرگىزۋشى اعايلاردان“، ”كىرە اۆتوموبيلىن جۇرگىزۋشى اپايلاردان“ كوكتەم مەرەكەسىندە كىرە اۆتوموبيلىن جالداۋ قيىنشىلىعىن شەشۋ ءادىسىن سۇرادى؛ تازالاۋ پۋنكتىندە ورتا تازالىقشىلارىن قالانىڭ ”اجارلاۋشىلارى“ دەپ القادى...
حالىقتىڭ باقىتى ءۇشىن ەرلىكپەن العا ۇمتىلىپ، تالىقپاي تالپىنىپ، كۇشىن سارقا جۇمساپ ناتيجە شىعاردى.
ءاربىر ايبىندى ۋادە، ءاربىر قام جەۋ، ءاربىر كىشى - گىرىم ءىس حالىققا دەگەن تەرەڭ، قويۋ، ىستىق سۇيىسپەنشىلىك بولىپ جينالىپ، ەڭ تەرەڭ سۇيىسپەنشىلىككە تولى تۇسىندىرۋگە اينالدى −
”مەن ءوزىمدى قايىرىپ قويىپ، حالىقتىڭ ءۇمىتىن اقتايمىن“.
حالىققا تىعىز سۇيەنىپ، حالىقتى ىنتىماقتاستىردى، باستادى −
”جۇڭگو بيىككە سامعاپ، جىلدام زىمىراۋدا ءبىر ميلليارد 400 ميلليونعا جۋىق حالىقتىڭ تەلەگەي كۇشىن ۇيىستىرۋ جانە جۇمىلدىرۋ كەرەك“.
باس شۋجي شي جينپيڭنىڭ سۋرەتى سانسىز جۇڭگولىقتى تەبىرەنتتى.
2018 - جىلى 12 - ايدىڭ 18 - كۇنى رەفورما جاساۋدىڭ، ەسىك اشۋدىڭ 40 جىلدىعىن قۇتتىقتاۋ جينالىسىندا ءتوراعالار مىنبەسىنىڭ الدىڭعى قاتارىندا وتىرعان باس شۋجي شي جينپيڭ ءوزى باستاپ ورنىنان تۇرىپ، بۇرىلىپ، ءتوراعالار مىنبەسىنىڭ ارتقى قاتارىندا وتىرعان ماداقتالىپ - سيلانعان رەفورما جاساۋدا، ەسىك اشۋدا كورنەكتى ۇلەس قوسقانداردىڭ ۋاكىلدەرىن شاپالاق سوعىپ قۇتتىقتاپ، ولارعا قۇرمەت ءبىلدىردى.
ءتىلشىنىڭ اپپارات كوزى ءدال وسى جۇرەككە توتە جەتەر قاس قاعىم ساتكە كىدىردى. بۇل قاھارمان ۇلگىلەرگە دەگەن ماداق، اسىرەسە، حالىق بۇقاراسىنا دەگەن قۇرمەت ەدى.
”حالىق بۇقاراسى كۇشىمىزدىڭ قاينارى“ دەگەندى جەتە تۇسىنگەندىكتەن دە باس شۋجي شي جينپيڭ قاشاندا حالىقتان اقىل سۇراپ، حالىقتىڭ جۇرەك ۇنىنە قۇلاق سالىپ، حالىقتىڭ ويلاعانىن ويلاپ، حالىقپەن بىرگە ىستەدى.
وتكەن عاسىردىڭ 80 - جىلدارىندا شي جينپيڭ جەرگىلىكتى ورىننىڭ باسشىلىق ورنىنا شىعا باستاعاندا جىڭديڭ اۋداندىق پارتكومنىڭ شۋجيى مىندەتىن وتەدى. وسى جاس كادردىڭ ستيلىنەن سونى لەپ اڭعارىلدى.
”شي شۋجي ەجەلدەن كەڭسەدە بوس وتىرمايدى“.
سول جىلدارداعى اۋداندىق پارتكوم كەڭسەسىندەگى كادردىڭ ەسىندە قالۋىنشا، شي جينپيڭ ۇنەمى اۋداندىق پارتكومنىڭ قىزمەتكەرلەرىن ەرتىپ تەكسەرۋ جۇرگىزەدى ەكەن، ”اسىرەسە، اۋدان قالاشىعىنداعى ۇلكەن بازار كۇنىندە كوشەگە ۇستەل قويىپ، بازار ارالاۋعا كەلگەن بۇقارامەن اڭگىمەلەسىپ، تەكسەرۋ جۇرگىزەتىن“. اۋداندىق پارتكوم ورگانىنىڭ قاقپاسى قاشاندا اشىق، تەزەك شارباعىن ارقالاعان ديقاندار توتە كىرىپ شي جينپيڭمەن اڭگىمەلەسەتىن.
كىشى پەيىلدىلىك تانىتىپ، بۇقارانىڭ اراسىنا بارۋ شي جينپيڭنىڭ ۇكىمەت ىسىمەن اينالىسۋدا ەجەلدەن ۇستانعان قاسيەتىنە اينالدى.
نيڭدىدا شەت - شالعاي اۋىل - قىستاقتاعى بۇقارانىڭ جۇرەك ءۇنىن تىڭداۋ ءۇشىن، بالتامەن شاۋىپ اشىلعان بۇتا - بۇرگەندى تاۋ جولىمەن ”شياداڭعا 3 رەت باردى“؛ فۋجوۋدا ورگان مەكەمە - ورىندارىن تەلەفوندى جاريا ۇستاپ، بۇقارا اڭىس ەتكەن ءىستى بىتىرۋدە ادام تابۋ قيىن بولۋ، تەلەفون بەرگەندە العىزا الماۋ ماسەلەلەرىن شەشۋدى تالاپ ەتتى؛ جىجياڭدا ولكە دارەجەلى باسشىلاردى باستاپ ”پۋجياڭعا بارىپ تومەننىڭ حال - جايىن سۇراپ“، بۇقارا اڭىس ەتكەن قايشىلىقتاردى، ماسەلەلەردى ىرىقتىلىقپەن تىڭدادى...
2016 - جىلى مەملەكەتتىك حالىق قۇرىلتايىنىڭ باياندامانى قاراۋى ۇستىندە، باس شۋجي شي جينپيڭ 20 مينۋت ۋاقىتپەن ءبىر قىستاق پارتكوم شۋجيىنەن جەرگىلىكتى ورىننىڭ دامۋ جاعدايىن ۇعىستى.
”سيىر، قوي قانشا اي بورداقىلانادى“، ”قىستاق پارتكومىندا قانشا ادام بار“ ،”نە ەگەسىزدەر“، ”سۋ ونىمدەرى باعىمشىلىعىنىڭ دامۋ جاعدايى قانداي“ ... باس شۋجيدىڭ ءبىر - بىردەن اشالاپ سۇراعان سۇراۋلارىنا چيڭحاي گۇيدى اۋدانى داشىجيا قىستاعىنىڭ پارتكوم شۋجيى بي شىڭجۇڭ ەگجەي - تەگجەيلى جاۋاپ قايتاردى.
تيپتىك ماسەلەلەردى تەكسەرىپ - زەرتتەۋ ۇلگىسىندەگى جۇمىس باسى تەكسەرۋ - زەرتتەۋىندە باس شۋجي شي جينپيڭ نەگىزگى ساتىنىڭ باسقارۋىنداعى ءاربىر بۋىندى قاعىس قالدىرمادى. وسىنشاما تاپتەشتەي سۇراۋىنىڭ ءوزى ”حالىقتىڭ الدىندا ءبىز ماڭگى باستاۋىش مەكتەپ وقۋشىسىمىز، ءسوز جوق، سانالىلىقپەن حالىقتى ۇستاز تۇتۋىمىز كەرەك“ دەگەندى قانىق بىلگەندىگىندە.
2013 - جىلدان 2022 - جىلعا دەيىن 10 جىلداعى مەملەكەتتىك ەكى ماجىلىستە باس شۋجي شي جينپيڭ ۇيىرمە - گرۋپپالاردىڭ باياندامانى قاراۋىنا، تالقىسىنا 53 رەت قاتىناسىپ، 400دەي ۋاكىلدىڭ، مۇشەنىڭ ءسوزىن تىڭدادى، كوپشىلىكپەن مەملەكەت ءىسىن بىرگە اقىلداسىپ، جۇرتتىڭ اقىل - پاراساتىن ۇيىستىردى.
”دۇرىس جول قايدان كەلەدى؟ بۇقارادان كەلەدى“. حالىقتىڭ ويلاعانىن، كوكسەگەنىن باس شۋجي كوكەيىندە بەرىك ساقتاپ، مەملەكەت دامۋىنىڭ جوعارى دەڭگەيلى جوباسىمەن توعىستىردى.
2020 - جىلى 9 - ايدىڭ 17 - كۇنى، حۋنان چاڭشا، جيۋسو قوناق ءۇيى.
باس شۋجي شي جينپيڭ نەگىزگى ساتى ۋاكىلدەرىن ارنايى شاقىرىپ، كوپشىلىكتىڭ ”14 - بەسجىلدىق“ جوبانى جاساۋ جونىندەگى پىكىرلەرى مەن ۇسىنىستارىن تىڭدادى.
ولاردىڭ اراسىندا اۋىل - قىستاق وقىتۋشىلارى، شارۋا جۇمىسكەرلەرى بار، زات تاسىمال شوفەرلەرى، استىق ەگۋشى ءىرى وتباسىلار دا بار. كوپشىلىك بىرىنەن كەيىن ءبىرى سويلەپ، شۇعىل، قيىن، الاڭداعان، ءزارۋ ماسەلەلەردى ايتتى، قيىن تۇيىندەردى، تالماۋ تۇستاردى تىلگە تيەك ەتتى، شەشۋ ءتاسىلىن ورتاعا قويدى.
”حالىق بۇقاراسىندا مول اقىل - پاراسات جانە شەكسىز جاسامپازدىق قۋات بار. كوپشىلىك وتە اشىق ايتتى، ءىس جۇزىندىككە ەرەكشە ۇيلەسەدى“. باس شۋجي شي جينپيڭ قاتىستى جاقتاردان مۇقيات زەرتتەۋدى، قابىلداۋدى تالاپ ەتتى.
پان جيۋرىن سول رەتكى ”جاناسىمدى، ءنارلى، جالىندى“ اڭگىمە ماجىلىسكە قاتىناستى، ول باس شۋجيگە ”اۋىل - قىستاق وقىتۋشىلار قوسىنى قۇرىلىسىن كۇشەيتۋ“ ۇسىنىسىن ايتتى. بۇگىنگى تاڭدا ول تۇرعان حۋنان ولكەسى تاشان ياۋزۋ اۋىلى سەنترلى باستاۋىش مەكتەبىنە جاڭا مۇعالىمدار كەلدى، وقىتۋشىلار كۇشى كۇشەيتىلدى.
”14 - بەسجىلدىق“ جوبا ۇسىنىسىن ويداعىداي دايىنداۋ ءۇشىن سول جىلى 7 - ايدان 9 - ايعا دەيىن باس شۋجي شي جينپيڭ ىلگەرىندى - كەيىندى 7 رەت ارناۋلى تاقىرىپتا اڭگىمە ءماجىلىس اشىپ، جان - جاقتىڭ ۇنىنە قۇلاق ءتۇردى؛ العاش رەت بەسجىلدىق جوبانى جاساۋ جونىندە ”ينتەرنەتتە كەڭەس الۋ“ جۇرگىزدى، ينتەرنەتتەگى لەبىز سانى ميلليوننان اسىپ كەتتى.
حالىقتىڭ كوسەمى دارقان كوڭىلدى، اق پەيىل بولىپ، حالىقتىڭ وزىنە - ءوزى قوجايىن بولۋى سىندى قوجايىندىق تانىمدى قاۋلاتىپ، سان ميلليونداعان حالىقتىڭ اقىل - پاراساتىن ۇيىستىردى.
”كوپتىڭ كۇش - قۋاتىنان پايدالانعاندا عانا، جەڭىمپاز بولاسىڭ؛ كوپتىڭ اقىل - پاراساتىن ىستەتكەندە عانا، ەرجۇرەك كەمەڭگەر بولاسىڭ“. باس شۋجي شي جينپيڭ كەزىندە وسى ناقىلدى سيتاتقا الىپ، حالىقتىڭ كۇشىن ۇعىندىردى.
نيڭدىدا ”تامشى سۋ تاس تەسەر“، ”شابان ۇيرەك بۇرىن ۇشار“ دەگەندەردى العا قويىپ، ميندۇڭ حالقىنىڭ ”ەل ءبىر رەت ىستەسە، مەن ون رەت ىستەيمىن“ دەيتىن دامۋ ارىنىن قاۋلاتتى؛ جىجياڭدا ”فىڭچياۋ تاجىريبەسىن“ ساۋلەلەندىرىپ، ”بۇقارانى جۇمىلدىرۋعا سۇيەنىپ، تىنىش قوعام قۇرۋعا“ ۇندەدى؛ تايفىڭعا قارسى اتتانۋ كەزىندە ”ارميا مەن حالىق جۇدىرىقتاي جۇمىلۋدى“ باسا دارىپتەپ، جاراتىلىستىق اپاتقا قارسى تۇرۋدىڭ بەرىك توسپاسىن بەكەمدەدى... وسى جولدا شي جينپيڭ باستان - اياق شىن نيەتپەن سەنىپ، حالىقتىڭ كۇش - قۋاتىنا تىعىز ارقا سۇيەدى.
شيە شياۋيۇي سىندى ”2000 - جىلداردىڭ تۇلەگى“ بولعان بويجەتكەننىڭ ءون - بويىنان باس شۋجي جۇڭگونىڭ جاڭا ءبىر ۇرپاق جاستارىنىڭ كۇش - قۋاتىن كوردى.
2 جىلدىڭ الدىنداعى كوكتەم مەرەكەسىندە دەمالىسقا تاراپ ۇيىنە قايتقان شيە شياۋيۇي ىندەت جاعدايىنا كەز كەلىپ، ىرىقتىلىقپەن تىزىمدەلىپ ۋحان دۇڭحۋ شينچىڭ الەۋمەتتىك اۋماعىنىڭ ەڭ جاس ەرىكتىسى بولىپ، 200گە جۋىق وتباسىنداعى تۇرعىندارعا زىر جۇگىرىپ كوكونىس، ءدارى - دارمەك ساتىپ اكەلىپ بەردى، جەدەل جولدامالارىن جەتكىزىپ بەردى.
2020 - جىلى 3 - ايدىڭ 10 - كۇنى باس شۋجي شي جينپيڭ ۋحاندا شيە شياۋيۇي جانە نەگىزگى ساتى حالىق ساقشىسى، دەنساۋلىق ساقتاۋ قىزمەت وتەۋ پۋنكتىنىڭ شيپاگەرى، تومەنگە تۇسكەن كادر قاتارلىلاردىڭ ۋاكىلدەرىمەن كەزدەستى. شيە شياۋيۇيدىڭ مالىمەتىن تىڭداعاننان كەيىن باس شۋجي تەرەڭ اسەر الدى: ”وتكەندە بىرەۋلەر ولاردى ەركە ۇرپاق دەپ ەدى، ال قازىر قاراسام، ولار ىندەتكە قارسى اتتانۋدىڭ ءبىرىنشى شەبىندەگى نەگىزگى كۇشكە اينالىپتى“.
باس شۋجي تاعى كوپشىلىكتى تالپىنۋعا قايراتتاندىردى: ”حالىقتىق شايقاستى حالىققا سۇيەنىپ بىرگە جۇرگىزۋ كەرەك. كوپشىلىك كۇندى تۇنگە جالعاپ، شارشاپ - شالدىقتىم دەمەي، ءۇنسىز ۇلەس قوسىپ، بار زەيىندەرىمەن بۇقاراعا قىزمەت وتەپ، ىندەتتىڭ تارالۋىن، ءورشۋىن تىزگىندەۋگە، بۇقارانىڭ تۇرمىسىن قامتاماسىز ەتۋگە ماڭىزدى ۇلەس قوستى...“
”وسى رەتكى ىندەتتى جەڭۋدە جۇڭگو حالقى بىزگە كۇش - قۋات جانە سەنىم بەردى“.
ۇشقىن الاۋعا اينالادى. ”90 - جىلداردىڭ تۇلەكتەرى“، ”2000 - جىلداردىڭ تۇلەكتەرى“ بولعان جاس ءبىر ۇرپاقتان سەكسەننىڭ سەڭگىرىنە شىققان قاريالارعا دەيىن، اق حالاتتى پەرىشتەلەردەن حالىقتىڭ پەرزەنت اسكەرلەرىنە دەيىن، عىلمي زەرتتەۋ قىزمەتكەرلەرىنەن الەۋمەتتىك اۋماق قىزمەتكەرلەرىنە دەيىن، ءوز - وزدەرىنىڭ تيتتەي ۇلەستەرىمەن ءومىردى قورعاۋدىڭ قۇرىش قورعانىن تۇرعىزدى.
حالىق ءۇشىن شايقاس جاساپ، حالىققا سۇيەنىپ جەڭىسكە جەتتى.
كەدەيلىكتەن ارىلۋ سىندى مىڭ جىلدىق ارماندى جۇزەگە اسىرۋدان ءجۇز جىلدا كەز بولماعان عاسىرلىق ىندەتكە قارسى اتتانۋعا دەيىن، ودان قىسقى وليمپيادا سپورت جارىسىنىڭ، مۇگەدەكتەر قىسقى وليمپيادا سپورت جارىسىنىڭ كەرەمەتتەي سالتاناتتى جينالىسىنا ۇلەس قوسۋعا دەيىن، سان ميلليونداعان حالىقتىڭ قولداپ، ات سالىسۋى ءدال جۇڭگو كوممۋنيستىك پارتياسىنىڭ قاشاندا جەڭىسكە جەتەتىن كۇش - قۋات قاينارى بولىپ تابىلادى.
گۇلدەندىرۋ بەكىمىنەن مىزعىماي، تالماي تالپىنعاندا عانا، قۇدىرەتتەنۋگە بولادى، جاپپاي ىنتىماقتاسقاندا عانا، جۇڭگونى قۇدىرەتتەندىرۋگە بولادى.
تاريحتىڭ جاڭا ءبىر پاراعى اشىلدى.
2022 - جىلى 1 - ايدىڭ 30 - كۇنى رىنيىن بارىس جىلعى كوكتەم مەرەكەسى كەلۋ قارساڭىندا باس شۋجي شي جينپيڭنىڭ ءسوزى ارىندى ايبىنمەن جۇرت جۇرەگىن جەلپىندىردى:
”ءبىر ميلليارد 400 ميلليوننان استام جۇڭگو حالقى تەك قاي - قاشان دا قول ۇستاسىپ بولاشاققا بىرگە بەت الاتىن، 95 ميلليوننان استام جۇڭگو كوممۋنيستەرى تەك قاي - قاشان دا حالىقپەن جۇرەكتەس بولىپ بولاشاققا بىرگە بەت الاتىن بولسا بولعانى، ءبىز، ءسوز جوق، جاڭا ەمتيحان تاپسىرۋ جولىندا ۇزدىكسىز جۇرتتى جالت قاراتاتىن كەرەمەتتەر جاراتا الامىز!“
