شينحۋا اگەنتتىگىنىڭ 4 - ايدىڭ 5 - كۇنى بەيجيڭنەن بەرگەن حابارى. 4 - ايدىڭ 5 - كۇنى مەملەكەت ءتوراعاسى شي جينپيڭ الەكساندار ۆۋچيچكە تەلەگرامما جولداپ، ونىڭ سەربيا رەسپۋبليكاسىنىڭ زۇڭتۇڭى بولىپ جالعاستى سايلانعاندىعىن قۇتتىقتادى.
شي جينپيڭ بىلاي دەپ اتاپ كورسەتتى: سوڭعى جىلدارى جۇڭگو مەن سەربيانىڭ جان - جاقتى ستراتەگيالىق سەرىكتەستىك قارىم - قاتىناسى قارىشتاپ دامۋ ارىنىن ساقتادى. ەكى ەلدىڭ ساياسي ءوزارا سەنىمدىلىگى بەرىك، ناقتى ىستەر سەلبەستىگىندە سۇبەلى جەتىستىكتەرگە قول جەتكىزدى. دۇنيە ءجۇزىنىڭ 100 جىلدىق وزگەرىسى الدىندا ەكى جاق ءوزارا قۇرمەت ەتۋگە، تەڭ تۇرعىدا مامىلە جاساۋعا تاباندى بولىپ، ادامزاتتىڭ تاعدىرلاس ورتاق تۇلعاسىن قۇرۋدى قول ۇستاسا ىلگەرىلەتىپ، حالىقارانىڭ ادىلدىگىن، تۋراشىلدىعىن قورعاۋعا بەلسەندى ۇلەس قوستى. مەن جۇڭگو - سەربيا قارىم - قاتىناسىنىڭ دامۋىنا باسا ءمان بەرەمىن، ۆۋچيچ زۇڭتۇڭمەن ورناتقان تاماشا قىزمەت بايلانىسى مەن دوستىقتى قاستەرلەيمىن، ۆۋچيچ زۇڭتۇڭمەن بىرگە قۇلشىنىپ، ەكى ەلدىڭ ستراتەگيالىق بايلانىسىن كۇشەيتىپ، ەكى جاقتىڭ ساياسي ءوزارا سەنىمدىلىگىن بەكەمدەپ، ءتۇرلى سالاداعى ءوزارا تيىمدىلىك جەتكىزەتىن سەلبەستىكتى كەڭەيتىپ جانە تەرەڭدەتىپ، جۇڭگو - سەربيا قارىم - قاتىناسىنىڭ ۇزدىكسىز جاڭا جەتىستىكتەرگە قول جەتكىزۋىنە جەتەكشىلىك ەتىپ، ەكى ەلدى جانە ەكى ەل حالقىن باقىتقا كەنەلتۋدى قالايمىن.