شينحۋا اگەنتتىگىنىڭ 3 - ايدىڭ 28 - كۇنى بەيجيڭنەن بەرگەن حابارى. 3 - ايدىڭ 28 - كۇنى تۇستەن كەيىن جۇڭگو كوممۋنيستىك پارتياسى ورتالىق كوميتەتى ساياسي بيۋروسى ءماجىلىس اشىپ، جۋىقتاعى قاتىستى قىزمەتتەردى اقىلداستى. ءماجىلىس باستالعاندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ ۇسىنىسىمەن، ماجىلىسكە قاتىناسقان جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەلەرى قاتارلىلار تەگىس ورىندارىنان تۇرىپ، ”21·3“ شىعىس اۆياتسيا سەرىكتەستىگىنىڭ MU5735 اۋە كولىگى ۇشۋ شىرعالاڭىندا قازا بولعان باۋىرلاستارعا ءۇنسىز ازا ءبىلدىردى.
