شي جينپيڭ ولكە، مينيسترلىك دارەجەلى نەگىزگى باسشى كادرلاردىڭ پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ ارناۋلى تاقىرىپتىق زەرتتەۋ - تالقى كۋرسىنىڭ ساباق باستاۋ سالتىندا ماڭىزدى ءسوز سويلەپ، بىلاي دەپ باسا دارىپتەدى
پارتيا تاريحىن قورىتىندىلاۋدى، ۇيرەنۋدى، پارتيا تاريحى جونىندەگى تاربيەنى، ۇگىتتى ۇزدىكسىز تەرەڭدەتىپ، پارتيانىڭ 100 جىلدىق كۇرەسىنىڭ تاريحي تاجىريبەلەرىن اناعۇرلىم ويداعىداي يگەرۋ جانە قولدانۋ كەرەك
لي كىچياڭ باسقاردى، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتىناستى
1 - ايدىڭ 11 - كۇنى ولكە، مينيسترلىك دارەجەلى نەگىزگى باسشى كادرلاردىڭ پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ ارناۋلى تاقىرىپتىق زەرتتەۋ - تالقى كۋرسى ورتالىق پارتيا مەكتەبىندە (مەملەكەتتىك اكىمشىلىك شۋەيۋانى) ساباق باستادى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ساباق باستاۋ سالتىندا ماڭىزدى ءسوز سويلەدى.
□ سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن
شينحۋا اگەنتتىگىنىڭ 1 - ايدىڭ 11 - كۇنى بەيجيڭنەن بەرگەن حابارى. ولكە، مينيسترلىك دارەجەلى نەگىزگى باسشى كادرلاردىڭ پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ ارناۋلى تاقىرىپتىق زەرتتەۋ - تالقى كۋرسى 1 - ايدىڭ 11 - كۇنى تۇستەن بۇرىن ورتالىق پارتيا مەكتەبىندە (مەملەكەتتىك اكىمشىلىك شۋەيۋانى) ساباق باستادى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ساباق باستاۋ سالتىندا ماڭىزدى ءسوز سويلەپ، بىلاي دەپ باسا دارىپتەدى: پارتيا ورتالىق كوميتەتىنىڭ وسى رەتكى ارناۋلى تاقىرىپتىق زەرتتەۋ - تالقى كۋرسىن وتكىزۋدەگى ماقساتى پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ قارارىن ىشكەرىلەي زەرتتەپ وقىپ جانە ءتۇسىنىپ، پارتيا تاريحىن قورىتىندىلاۋدى، ۇيرەنۋدى، پارتيا تاريحى جونىندەگى تاربيەنى، ۇگىتتى ۇزدىكسىز تەرەڭدەتىپ، پارتيانىڭ 100 جىلدىق كۇرەسىنىڭ تاريحي تاجىريبەلەرىن اناعۇرلىم ويداعىداي يگەرىپ جانە قولدانىپ، پارتيا قۇرۋ ۇلى رۋحىن اسقاقتاتىپ، تاريحي سەنىمدى ارتتىرىپ، ىنتىماقتى، بىرلىكتى نىعايتىپ، كۇرەسكەرلىك رۋحتى كۇشەيتىپ، بۇكىل پارتيانى، بۇكىل ەلدەگى ءار ۇلت حالقىن سەنىمدى بەكەمدەپ، قايسارلىقپەن العا ىلگەرىلەپ، ەكىنشى 100 جىلدىق كۇرەس نىساناسىن جۇزەگە اسىرۋ جولىندا قاجىماي - تالماي قۇلشىنۋعا جۇمىلدىرۋ.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى لي كىچياڭ ساباق باستاۋ سالتىن باسقاردى، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرى لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، مەملەكەتتىڭ ورىنباسار ءتوراعاسى ۋاڭ چيشان ساباق باستاۋ سالتىنا قاتىناستى.
شي جينپيڭ سوزىندە بىلاي دەپ اتاپ كورسەتتى: ءبىر ۇلت ءداۋىردىڭ الدىڭعى لەگىندە ءجۇرۋ ءۇشىن، نازاريالىق ويلاۋدان ءبىر ءسات تە قول ۇزسە بولمايدى، دۇرىس يدەيالىق جەتەكشىلىكتەن ءبىر ءسات تە قول ۇزسە بولمايدى. جۇڭگو كوممۋنيستىك پارتياسى نە ءۇشىن ىسكەر، جۇڭگوشا سوتسياليزم نە ءۇشىن جاقسى، بۇل، تۇپتەپ كەلگەندە، ماركسيزمنىڭ جارامدى بولعاندىعىنان. ماركسيزمنىڭ جارامدى بولاتىندىعى پارتيانىڭ ماركسيزمنىڭ جۇڭگوشالانۋىن، زامانالانۋىن ۇزدىكسىز ىلگەرىلەتكەندىگىندە ءارى ونى قولدانىپ امالياتقا جەتەكشىلىك ەتكەندىگىندە. وسى رەتكى جالپى ءماجىلىستىڭ قارارى 100 جىلدىق كۇرەس بارىسىندا پارتيانىڭ ماركسيزمنىڭ جۇڭگوشالانۋىن، زامانالانۋىن ۇزدىكسىز ىلگەرىلەتكەندىگىن جالپى بەتتىك قورىتىندىلادى. پارتيانىڭ 100 جىلدىق كۇرەس بارىسىندا ماركسيزمدى جۇڭگوشالاندىرۋىنا، زامانالاندىرۋىنا تالداۋ جاساۋعا، ونى زەرتتەۋگە جانە قورىتىندىلاۋعا ءمان بەرۋ جالپى ءماجىلىستىڭ قارارىنا سىڭىرىلگەن ماڭىزدى ءبىر مازمۇن، ءبىز، ءسوز جوق، ىشكەرىلەي ۇيرەنۋىمىز، جان - جاقتى ءتۇسىنۋىمىز كەرەك. ماركسيزم ادامزات قوعامىنىڭ دامۋىنا، العا باسۋىنا ايقىن باعدار كورسەتتى، ول ءبىزدىڭ دۇنيەنى تانۋداعى، زاڭدىلىقتى يگەرۋدەگى، اقيقاتقا تالپىنۋداعى، دۇنيەنى وزگەرتۋدەگى قۋاتتى يدەيالىق قارۋىمىز. سونىمەن بىرگە ماركسيزم نازارياسى دوگما ەمەس، قايتا ارەكەت باعدارناماسى، ءسوز جوق، امالياتتىڭ وزگەرۋىنە ىلەسە داميدى. ماركسيزمنىڭ اماليات بارىسىندا رول اتقارا الۋ - الماۋىنداعى تەتىك ماركسيزمنىڭ نەگىزگى قاعيدالارىن جۇڭگونىڭ ءىس جۇزىندىگىمەن جانە ءداۋىردىڭ ەرەكشەلىگىمەن ۇشتاستىرا الۋ - الماۋدا. تەز وزگەرىپ وتىرعان دۇنيە ءجۇزى مەن جۇڭگو الدىندا، قاساڭ قالىپتان جازباساق، يدەيا قاتىپ - سەمسە، نازاريادا جاڭالىق اشۋعا باتىلدىق بولماسا، جۇڭگو ساۋالىنا، دۇنيە ءجۇزى ساۋالىنا، حالىق ساۋالىنا، ءداۋىر ساۋالىنا عىلمي جاۋاپ بەرە الماساق، پارتيا مەن مەملەكەت ىستەرى ۇزدىكسىز العا ىلگەرىلەمەگەنى بىلاي تۇرسىن، ماركسيزم دە ومىرشەڭدىك قۋاتىنان، يلاندىرۋ كۇشىنەن ايرىلادى. زامانىمىزداعى جۇڭگو ادامزات تاريحىنداعى ەڭ ايبىندى دا وزگەشە امالياتتىق جاسامپازدىقتى باستان كەشىرۋدە، رەفورما، دامۋ، ورنىقتىلىق مىندەتىنىڭ اۋىرلىعى، قايشىلىقتىڭ، حاۋىپ - قاتەردىڭ، سىن - سايىستىڭ كوپتىگى، ەل باسقارۋ سىناعىنىڭ كۇشتىلىگى بۇرىن بولىپ كورمەگەن دارەجەدە، دۇنيە جۇزىندە 100 جىلدا بولماعان زور وزگەرىستىڭ تەرەڭدىگى، وزگەرۋى بۇرىن بولىپ كورمەگەن دارەجەدە بولىپ وتىر، ول جاۋاپ بەرۋگە ءتيىستى قىرۋار نازاريالىق جانە امالياتتىق تاقىرىپتاردى ورتاعا قويدى. ءبىز ءداۋىردىڭ زور اۋقىمىن ءداپ باسىپ يگەرىپ، ادامزات دامۋىنىڭ الدىڭعى لەگىندە باتىلدىقپەن ءجۇرىپ، حالىقتىڭ جۇرەك ۇنىنە زەر سالا قۇلاق ءتۇرىپ، رەال قاجەتكە جاۋاپ قاتىپ، يدەيانى ازات ەتۋگە، شىندىقتى ءىس جۇزىنەن ىزدەۋگە، تۋراشىلدىقتان اينىماي، جاڭالىق اشۋعا تاباندى بولىپ، ماركسيزمگە تاباندى بولۋ مەن ماركسيزمدى دامىتۋدى اناعۇرلىم جاقسى بىرلىككە كەلتىرىپ، ماركسيزم ”جەبەسى“ ارقىلى جاڭا داۋىردەگى جۇڭگو سىندى ”نىسانانى“ كوزدەپ، ماركسيزمنىڭ نەگىزگى قاعيدالارىنىڭ جۇڭگونىڭ ناقتى امالياتىمەن ۇشتاسۋىن، جۇڭحۋانىڭ تاڭداۋلى ءداستۇرلى مادەنيەتىمەن ۇشتاسۋىن ۇزدىكسىز ىلگەرىلەتىپ، ماركسيزمدى جۇڭگوشالاندىرۋدىڭ، زامانالاندىرۋدىڭ جاڭا تاراۋلارىن جالعاستى جازۋىمىز كەرەك.
شي جينپيڭ بىلاي دەپ باسا دارىپتەدى: پارتيانىڭ 100 جىلدىق كۇرەس بارىسى بىزگە مىنانى ءتۇسىندىردى: پارتيا مەن حالىق ىستەرىنىڭ دۇرىس باعدارمەن العا ىلگەرىلەي الۋ - الماۋى ءبىزدىڭ قوعامدىق باستى قايشىلىقتى ءدال تاني جانە يگەرە الۋ - الماۋىمىزعا، وزەكتى مىندەتتى تۇراقتاندىرا الۋ - الماۋىمىزعا بايلانىستى. قوعامدىق باستى قايشىلىق پەن وزەكتى مىندەت قاي كەزدە دۇرىس تۇجىرىمدالعاندا، پارتيا مەن حالىق ىستەرى ءساتتى داميدى، ويتپەگەندە پارتيا مەن حالىق ىستەرى ساتسىزدىككە ۇشىرايدى. وسى رەتكى جالپى ءماجىلىستىڭ قارارى پارتيانىڭ قوعامدىق باستى قايشىلىق پەن وزەكتى مىندەتتى شەبەرلىكپەن يگەرىپ، جالپى جاعداي قىزمەتىن جەتەكتەگەندىگىنە جالپى بەتتىك تالداۋ جاسادى. پارتيانىڭ 100 جىلدىق كۇرەس بارىسىندا ەلىمىزدىڭ قوعامدىق باستى قايشىلىعىنا جانە وزەكتى مىندەتىنە زەرتتەۋ جاساعاندىعىنا جانە يگەرگەندىگىنە تالداۋ جاساۋعا جانە قورىتىندىلاۋعا ءمان بەرۋ جالپى ءماجىلىستىڭ قارارىنا سىڭىرىلگەن ماڭىزدى ءبىر مازمۇن، ءبىز، ءسوز جوق، ونى ىشكەرىلەي ۇيرەنۋىمىز، جان - جاقتى ءتۇسىنۋىمىز كەرەك. كۇردەلى جاعداي، كۇردەلى قايشىلىق، اۋىر مىندەت الدىندا، باستى مەن باستى ەمەسىن ايىرماساق، پارىقتاماساق، ءبارىن بىردەي يگەرسەك قىزمەتتى جاقسى ىستەي المايمىز. بىزدە جالپى جاعداي كوزقاراسى بولۋى ءتيىس، ءتۇرلى قايشىلىقتاردى قانىق ءبىلۋىمىز، سونىمەن بىرگە باستى قايشىلىق پەن وزەكتى مىندەتتى مىقتاپ ارقاۋ ەتىپ، باستى قايشىلىق پەن قايشىلىقتىڭ باستى جاعىن الدىمەن شەشىپ، وسى ارقىلى باسقا قايشىلىقتاردىڭ شەشىلۋىن جەبەۋىمىز، تۇتاس تۇلعالى ىلگەرىلەتۋ بارىسىندا تۇيىننەن قامال الۋدى جۇزەگە اسىرىپ، تۇيىننەن قامال الۋ ارقىلى ەكونوميكالىق، قوعامدىق دامۋ ورەسىنىڭ تۇتاس تۇلعالىق جوعارىلاۋىن جەبەپ، جاپپاي سوتسياليستىك وسىزاماندانعان قۇدىرەتتى مەملەكەت قۇرىپ شىعۋ كۇرەس نىساناسىنا قاراي ۇزدىكسىز ىلگەرىلەۋىمىز كەرەك.
شي جينپيڭ بىلاي دەپ اتاپ كورسەتتى: ستراتەگيا ماسەلەسى ءبىر ساياسي پارتيانىڭ، ءبىر مەملەكەتتىڭ ءتۇبىرلى ماسەلەسى. ستراتەگيالىق جاقتاعى تۇجىرىم دۇرىس بولسا، ستراتەگيالىق جاقتاعى جوسپار عىلمي بولسا، ستراتەگيالىق جاقتا ىرىقتىلىققا قول جەتسە، پارتيا مەن حالىق ىستەرىندە زور ءۇمىت بولادى. 100 جىلدان بەرى، پارتيا قاشاندا ەلەۋلى تاريحي كەزەڭدەردە ءدوپ كەلگەن ەلەۋلى تاريحي تاقىرىپتاردى ستراتەگيالىق جاقتان تانىپ، وعان تالداۋ جۇرگىزىپ، تۇجىرىم جاساپ، دۇرىس ساياسي ستراتەگيالىق تاكتيكا بەلگىلەدى، بۇل پارتيانىڭ سان - ساناقسىز حاۋىپ - قاتەرلەردى، سىن - سايىستاردى جەڭىپ، جەڭىستەن - جەڭىسكە ۇزدىكسىز جەتۋىنىڭ پارمەندى كەپىلى. وسى رەتكى جالپى ءماجىلىستىڭ قارارى 100 جىلدىق كۇرەس بارىسىندا پارتيانىڭ ستراتەگيالىق تاكتيكا ماسەلەسىنە ايرىقشا ءمان بەرگەندىگىنە، عىلمي ستراتەگيالىق تاكتيكالاردى ۇزدىكسىز ورتاعا قويعاندىعىنا جان - جاقتى قورىتىندى جاسادى. پارتيانىڭ 100 جىلدىق كۇرەس بارىسىندا ستراتەگيالىق تاكتيكاعا زەرتتەۋ جاساعاندىعىنا جانە يگەرگەندىگىنە تالداۋ جاساۋعا جانە قورىتىندىلاۋعا ءمان بەرۋ جالپى ءماجىلىستىڭ قارارىنا سىڭىرىلگەن ماڭىزدى ءبىر مازمۇن، ءبىز ونى، ءسوز جوق، ىشكەرىلەي ۇيرەنۋىمىز، جان - جاقتى ءتۇسىنۋىمىز كەرەك. ستراتەگيا جالپى جاعداي، ۇزاق بولاشاق، زور اۋقىم جاعىنان تۇجىرىم جانە شەشىم جاساۋ بولىپ تابىلادى. ءبىز ءىرى پارتيامىز، ءىرى ەلگە باسشىلىق ەتىپ وتىرمىز، ۇلى ءىس جۇرگىزىپ وتىرمىز، ستراتەگيالىق ويلاۋعا شەبەر بولۋ، ماسەلەگە ستراتەگيالىق جاقتان قاراۋعا، وي جۇگىرتۋگە شەبەر بولۋ كەرەك. دۇرىس ستراتەگيا دۇرىس تاكتيكا ارقىلى تياناقتاندىرۋدى قاجەت ەتەدى. تاكتيكا ستراتەگيانىڭ جەتەكشىلىگىندە ستراتەگياعا قىزمەت ەتەدى. ستراتەگيا مەن تاكتيكا ديالەكتيكالى بىرلىك قاتىناستا بولادى، ستراتەگيانىڭ تۇراقتىلىعى مەن تاكتيكانىڭ يكەمدىلىگىن ۇشتاستىرۋ كەرەك. وڭىرلەر، تاراۋلار قىزمەت وي جەلىسىن، قىزمەت ورنالاستىرۋىن، ساياسات - شارالاردى تۇراقتاندىرعاندا سانالى تۇردە پارتيانىڭ نازارياسىنا جانە لۋشيان، باعىت، ساياساتىنا تۋرالانىپ، اعاتتىقتاردى دەر كەزىندە دۇرىستاۋ، پارتيا ورتالىق كوميتەتى جاساعان ستراتەگيالىق شەشىمدى، ءسوز جوق، شارتسىز اتقارىپ، باعداردان اۋىتقىماۋعا، ءتۇسىن تۇرلەندىرمەۋگە، فورماسىن وزگەرتپەۋگە شىنايى كەپىلدىك ەتۋ كەرەك.
شي جينپيڭ بىلاي دەپ باسا دارىپتەدى: 100 جىلدىق كۇرەس بارىسىندا پارتيانىڭ حالىققا باسشىلىق ەتىپ تالاي - تالاي ۇلى تابىستارعا قول جەتكىزىپ، تالاي - تالاي قيىندىقتاردى، حاۋىپ - قاتەرلەر مەن بوگەتتەردى جەڭىپ، سان رەتكى شىڭدالۋدان ءوتىپ، قاۋلاعان جىگەرىن ساقتاپ، حالىق بۇقاراسىنىڭ قولداۋى مەن جاقتاۋىنا يە بولۋىنداعى سەبەپ − پارتيانىڭ وزىندە ءومىر سۇرگەن ماسەلەلەرگە باتىلدىقپەن بەتپە - بەت كەلىپ، باتىلدىقپەن وزىنە توڭكەرىس جاساپ، باستان - اياق العاباسارلىعى مەن كىرشىكسىزدىگىن ساقتاعاندىعىندا، جاسامپازدىق قۋاتىن، ۇيىستىرۋ قۋاتىن، جاۋىنگەرلىك قۋاتىن ۇزدىكسىز كۇشەيتىپ، ماركسيزمدىك ساياسي پارتيانىڭ قاسيەتىن ماڭگى ساقتاعاندىعىندا. وسى رەتكى جالپى ءماجىلىستىڭ قارارى 100 جىلدىق كۇرەس بارىسىندا پارتيانىڭ پارتيانى باسقارۋعا، پارتيانى جونگە سالۋعا ايرىقشا ءمان بەرگەندىگىنە، وزىنە توڭكەرىس جاساۋدى ۇزدىكسىز ىلگەرىلەتكەندىگىنە جان - جاقتى قورىتىندى جاسادى. پارتيانىڭ 100 جىلدىق كۇرەس بارىسىندا وزىنە توڭكەرىس جاساۋعا زەرتتەۋ جاساعاندىعىنا جانە يگەرگەندىگىنە تالداۋ جاساۋعا جانە قورىتىندىلاۋعا ءمان بەرۋ جالپى ءماجىلىستىڭ قارارىنا سىڭىرىلگەن ماڭىزدى ءبىر مازمۇن، ءبىز، ءسوز جوق، ىشكەرىلەي ۇيرەنۋىمىز، جان - جاقتى ءتۇسىنۋىمىز كەرەك. جاڭا تاريحي شارت - جاعدايدا، پارتيانىڭ ماركسيزمدىك ساياسي پارتيا قاسيەتىن ماڭگى ساقتاۋدىڭ تەتىگى − تاعى دا پارتيامىزدىڭ وزىنە سۇيەنۋىندە. كىم ءۇشىن بيلىك جۇرگىزۋ، كىم ءۇشىن ۇقىق ىستەتۋ، كىمنىڭ مۇددەسىن كوزدەۋ سىندى وسى ءتۇبىرلى ماسەلەدە وي - سانامىز ەرەكشە سەرگەك بولۋى، تۇرعىمىز ەرەكشە بەرىك بولۋى كەرەك. بۇكىل پارتياداعى جولداستار اسقاق ءمورالدى ايگىلەپ، جالپىلىق ءمورالدى ساقتاپ، جەكە ءمورالدى قاتايتىپ، كىرشىكسىز ادام بولىپ، پاكتىكپەن جۇمىس ىستەپ، ءوزىنىڭ ەمەس، كوپتىڭ قامىن ويلاپ، ۇقىپتىلىقپەن ءوزىن باۋلىپ، پاك، كىرشىكسىز ساياسي قاسيەتىن ماڭگى ساقتاۋ كەرەك. وزىنە توڭكەرىس جاساۋدىڭ تەتىگى − ماسەلەگە دۇرىس قاراۋ سانالىلىعى مەن پىشاقتىڭ ءدۇزىن وزىنە قاراتۋ باتىلدىعىنىڭ بولۋىندا. قازىر شىرىكتەسۋگە قارسى تۇرۋ كۇرەسى ۇستەم جەڭىسكە جەتتى ءارى جاپپاي بەكەمدەلدى، الايدا بۇكىل پارتياداعى جولداستار وزىنە توڭكەرىس جاساۋ رۋحىن ماڭگى ساقتاپ، پارتيانى جاپپاي قاتاڭ باسقارۋدى ماڭگى جالعاستىرۋ ساياسي سانالىلىعىن كۇشەيتىپ، قاتاڭدىق شەگىنە جەتتى دەيتىن جالىعۋ پيعىلىنىڭ تۋىلۋىنا استە جول بەرمەۋ كەرەك. پارتيا ستيلى، پاكتىك قۇرىلىسى جانە شىرىكتەسۋگە قارسى تۇرۋ كۇرەسى ماڭگى جالعاسادى، ونى ءبىر ءسات تە بوساڭسىتۋعا بولمايدى، تەمىرگە تاپ، تاسقا تاڭبا قالدىراتىن قايسارلىقپەن جانە تاباندىلىقپەن، پارتيا ستيلى، پاكتىك قۇرىلىسى جانە شىرىكتەسۋگە قارسى تۇرۋ كۇرەسى سىندى قامال الۋ شايقاسىن، ۇزاققا سوزىلاتىن شايقاستى ۇزدىكسىز ويداعىداي جۇرگىزۋ كەرەك. مەيلى كىم بولسىن، پارتيا ءتارتىبى، مەملەكەت زاڭى جاعىندا ماسەلە تۋدىرسا، پارتيا ءتارتىبى، مەملەكەت زاڭى استە كەشىرىم ەتپەيدى.
شي جينپيڭ بىلاي دەپ اتاپ كورسەتتى: وسى رەتكى جالپى ءماجىلىستىڭ قارارى 100 جىلدىق كۇرەس بارىسىندا پارتيانىڭ پارتيا تاريحىن ۇيرەنۋ تاربيەسىن جۇرگىزۋگە باسا ءمان بەرگەندىگىنە جاپپاي قورىتىندى جاساپ، بۇكىل پارتيا ماتەرياليستىك تاريح كوزقاراسى مەن دۇرىس پارتيا تاريحى كوزقاراسىنا تاباندى بولىپ، پارتيانىڭ 100 جىلدىق كۇرەسىنەن ىلگەرى نە ءۇشىن تابىسقا جەتە العاندىعىمىزدى ايقىن كورىپ، بولاشاقتا قايتكەندە ۇزدىكسىز تابىسقا جەتەتىندىگىمىزدى انىق اڭعارىپ، سول ارقىلى اۋەلگى ماقسات پەن بورىشتى اناعۇرلىم باتىل، اناعۇرلىم سانالى تۇردە امالياتتا ايگىلەپ، جاڭا داۋىردە جۇڭگوشا سوتسياليزمگە اناعۇرلىم ويداعىداي تاباندى بولۋ جانە ونى دامىتۋ كەرەكتىگىن باسا دارىپتەدى. بۇل التىنشى جالپى ءماجىلىس العا قويعان ءبىر ماڭىزدى ساياسي مىندەت، ونى تياناقتاندىرۋدى ۇزدىكسىز ويداعىداي يگەرۋىمىز كەرەك. پارتيانىڭ ءۇشىنشى تاريحي قارارى ءبىزدىڭ پارتيانىڭ 100 جىلدىق كۇرەس تاريحى جونىندەگى جاڭا تانىمىمىزدى بەينەلەدى، بۇل جاعىن دا اناعۇرلىم ىشكەرىلەي ۇيرەنۋىمىز، ءتۇسىنۋىمىز كەرەك، بۇل پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرىن اناعۇرلىم ويداعىداي تانۋىمىزعا جانە يگەرۋىمىزگە ءتيىمدى. وسى رەتكى پارتيا تاريحىن ۇيرەنۋ تاربيەسىنىڭ تابىستى تاجىريبەلەرىن مۇقيات قورىتىندىلاپ، ۇدايىلانعان، ۇزاق ونىمدىلىككە يە ءتۇزىم، مەحانيزم ورناتىپ، پارتيا تاريحىن ۇيرەنۋ تاربيەسىنىڭ جەتىستىكتەرىن ۇزدىكسىز بەكەمدەۋ، كەڭەيتۋ كەرەك. بۇكىل پارتيا پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ۇيرەنۋدى، دايەكتىلەندىرۋدى ماڭىزدى ءتۇيىن ەتىپ، پارتيا تاريحىن ۇيرەنۋ تاربيەسىن ىشكەرىلەي ىلگەرىلەتىپ، تاريحتى ۇيرەنۋ ارقىلى قاعيدانى ءتۇسىنۋدى، تاريحتى ۇيرەنۋ ارقىلى سەنىمدى ارتتىرۋدى، تاريحتى ۇيرەنۋ ارقىلى ءمورالدى اسقاقتاتۋدى، تاريحتى ۇيرەنۋ ارقىلى ۇمتىلا ىستەۋدى ونان ارى ويداعىداي ورىنداپ، بۇكىل پارتياداعى جولداستاردى پارتيا تاريحىن ۇيرەنۋگە، يدەيانى تۇسىنۋگە، ناقتى ءىس ىستەۋگە، جاڭا جاعداي اشۋعا تاربيەلەپ جانە باستاپ، پارتيانىڭ جاسامپاز نازارياسىمەن بۇكىل پارتيانى اناعۇرلىم ويداعىداي قارۋلاندىرىپ، پارتيا ورتالىق كوميتەتىنىڭ شەشىمدەرىندەگى، ورنالاستىرۋلارىنداعى مىندەتتەردى تياناقتاندىرۋ كەرەك. جالپى ءماجىلىس قارارىن قاز - قالپىندا ۇيرەنۋ، پارتيانىڭ 100 جىلدىق كۇرەسىنىڭ شۇعىلالى بارىسىن جەتە ۇيرەنۋ، جەتە يگەرۋ، پارتيانىڭ اۋەلگى ماقساتتان، بورىشتان اينىمايتىن تاباندى كۇرەسىن جەتە ۇيرەنۋ، جەتە يگەرۋ، پارتيانىڭ 100 جىلدىق كۇرەسىنىڭ تاريحي ماڭىزى مەن تاريحي تاجىريبەلەرىن جەتە ۇيرەنۋ، جەتە يگەرۋ، تاريحتى اينا ەتۋدىڭ، بولاشاققا جول اشۋدىڭ ماڭىزدى تالاپتارىن جەتە ۇيرەنۋ، جەتە يگەرۋ كەرەك. پارتكوم (پارتيا باسشىلىق گرۋپپاسى) نازاريا ۇيرەنۋ وزەكتى گرۋپپاسى تۇزىمىنەن ويداعىداي پايدالانىپ، باسشىلىق القاسىنىڭ، باسشى كادرلاردىڭ باستاماشىلدىقپەن پارتيا تاريحىن ۇيرەنۋىن، ۇنەمى پارتيا تاريحىن ۇيرەنۋىن ىلگەرىلەتۋ كەرەك. كادرلاردى تاربيەلەۋ - باۋلۋ مەحانيزمىنەن ويداعىداي پايدالانىپ، پارتيا تاريحىن ۇزدىكسىز پارتيا مەكتەبىنىڭ (اكىمشىلىك شۋەيۋان)، كادرلار شۋەيۋانىنىڭ مىندەتتى ساباعى، ۇنەمىلىك ساباعى ەتۋ كەرەك. مەكتەپتىڭ يدەيا - ساياسي ساباعى سىندى ارنادان ويداعىداي پايدالانىپ، پارتيا تاريحىنىڭ اناعۇرلىم ويداعىداي وقۋلىققا ەنگىزىلۋىن، ساباقحاناعا كىرگىزىلۋىن، وي - ساناعا ۇيالاۋىن ىلگەرىلەتىپ، پارتيا تاريحىنىڭ ونەگە كورسەتىپ، ادام تاربيەلەۋ سىندى ماڭىزدى رولىن ويداعىداي ساۋلەلەندىرۋ كەرەك. قىزىل بايلىقتان ويداعىداي پايدالانىپ، توڭكەرىستىك ءداستۇر تاربيەسىن، وتانشىلدىق تاربيەسىن، جاس وسپىرىمدەردىڭ يدەيا - ءمورال تاربيەسىن كۇشەيتىپ، بۇكىل قوعامدى تاريحتى اناعۇرلىم ويداعىداي ءبىلىپ، پارتيانى سۇيۋگە، تاريحتى ءبىلىپ، وتاندى سۇيۋگە جەتەكتەۋ كەرەك. ”مەن بۇقارا ءۇشىن ناقتى ءىس ىستەيمىن“ امالياتتىق قيمىلى قالىپتاستىرعان تاماشا مەحانيزمنەن ويداعىداي پايدالانىپ، ءار دارەجەلى پارتيا ۇيىمدارى مەن قالىڭ پارتيا مۇشەلەرىنىڭ، كادرلاردىڭ كوكىرەك كەرنەگەن قىزۋ ىنتامەن بۇقارا ءۇشىن ناقتى ءىس ىستەۋىن، قيىن ىستەردى شەشىم ەتۋىن ىلگەرىلەتىپ، جاڭا داۋىردەگى پارتيانىڭ بۇقارالىق لۋشيانىمەن ويداعىداي ءجۇرۋ كەرەك.
لي كىچياڭ ساباق باستاۋ سالتىن باسقارعاندا بىلاي دەپ اتاپ كورسەتتى: باس شۋجي شي جينپيڭ ماڭىزدى سوزىندە ماركسيزمنىڭ جۇڭگوشالانۋىن، زامانالانۋىن ىلگەرىلەتۋ، قوعامنىڭ باستى قايشىلىعى مەن وزەكتى مىندەتىن دۇرىس يگەرۋ، ستراتەگيالىق، تاكتيكالىق ماسەلەگە ءمان بەرۋ، پارتيانىڭ ماركسيزمدىك ساياسي پارتيا قاسيەتىن ماڭگى ساقتاۋ، پارتيا تاريحىن ۇيرەنۋ تاربيەسىن ۇدايىلاندىرۋ، ۇزاق ونىمدىلىككە يە ەتۋ سياقتى 5 ماسەلەنى ىشكەرىلەي بايىمداپ، پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ قارارىن ىشكەرىلەي زەرتتەپ وقىپ جانە ءتۇسىنىپ، پارتيانىڭ 100 جىلدىق كۇرەسىنىڭ تاريحي تاجىريبەلەرىن اناعۇرلىم ويداعىداي يگەرىپ جانە قولدانىپ، پارتيا قۇرۋ ۇلى رۋحىن اسقاقتاتىپ، پارتيانىڭ ەكىنشى 100 جىلدىق كۇرەس نىساناسىن جۇزەگە اسىرۋ جولىندا قاجىماي - تالماي قۇلشىنۋ كەرەكتىگىن باسا دارىپتەدى، مۇنىڭ ساياسي سيپاتى، نازاريالىق سيپاتى، جەتەكشىلىك سيپاتى وتە كۇشتى بولىپ، بۇكىل پارتيانىڭ ”ەكىنى تۇراقتاندىرۋدىڭ“ شەشۋشى ماڭىزىن ىشكەرىلەي تانۋى، ونان ارى ”ءتورت تانىمدى“ كۇشەيتۋى، ”ءتورت سەنىمدى“ بەكەمدەۋى، ”ەكىنى قورعاۋدى“ ورىنداۋى جونىنەن ايرىقشا كەلەلى ماڭىز الادى. يدەيا مەن ارەكەتتى ءسوزدىڭ رۋحىمەن بىرلىككە كەلتىرىپ، پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن بىرلىككە كەلتىرىپ، شىنايى يگەرىپ، ناقتى ىستەپ، ءىس جۇزىندىك ارەكەت ارقىلى پارتيا 20 - قۇرىلتايىنىڭ جەڭىسپەن اشىلۋىن قارسى الۋىمىز كەرەك.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەلەرى، ورتالىق كوميتەت شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتىنىڭ ورىنباسار كوميتەت باستىقتارى، مەملەكەتتىك كەڭەستىڭ مۇشەلەرى، ەڭ جوعارى حالىق سوتى مەكەمەسىنىڭ باستىعى، ەڭ جوعارى حالىق پروكۋراتۋراسىنىڭ باس پروكۋرورى، مەملەكەتتىك ساياسي كەڭەستىڭ پارتيالى ورىنباسار ءتوراعالارى، سونداي - اق ورتالىق اسكەري ىستەر كوميتەتىنىڭ مۇشەلەرى ساباق باستاۋ سالتىنا قاتىناستى.
ءارقايسى ولكە، اۆتونوميالى رايون، توتە قاراستى قالالارداعى جانە شينجياڭ ءوندىرىس - قۇرىلىس بيڭتۋانىنداعى، ورتالىق پەن مەملەكەت ورگاندارىنىڭ قاتىستى تاراۋلارىنداعى، قاتىستى حالىقتىق ۇيىمدارداعى نەگىزگى جاۋاپتى جولداستار، ارميانىڭ ءارقايسى ءىرى ورىندارىنداعى، ورتالىق اسكەري ىستەر كوميتەتى ورگانىنىڭ ءارقايسى تاراۋلارىنداعى نەگىزگى جاۋاپتى جولداستار زەرتتەۋ - تالقى كۋرسىنا قاتىناستى. ءارقايسى دەموكراتيالىق پارتيا - توپتاردىڭ ورتالىق كوميتەتتەرىندەگى، مەملەكەتتىك ساۋدا - ونەركاسىپشىلەر بىرلەستىگىندەگى جانە قاتىستى جاقتارداعى جاۋاپتى جولداستار ساباق باستاۋ سالتىنا سىرتتاي قاتىناستى.
