1. اعىمداعى ورىن:
  2. باس بەت
  3. اعىم جاڭالىقتارى
  4. باس حابار
  5. زاڭ - ەرەجە

عىلىم - تەحنيكا ءتۇزىلىسى رەفورماسىنان قامال الۋدى جەدەلدەتۋ، بۇكىل ەلدە ءبىر تۇتاس ەلەكتر قۋاتى بازار جۇيەسىن قۇرۋ، ورتا، باستاۋىش مەكتەپتەردە پارتيا ۇيىمى باسشىلىعىنداعى مەكتەپ باستىعى جاۋاپتى بولۋ ءتۇزىمىن ورناتۋ كەرەك

日期:2021年11月25日
来源:新疆日报
【字体:

  شي جينپيڭ ورتالىق رەفورمانى جاپپاي تەرەڭدەتۋ كوميتەتىنىڭ 22 - رەتكى ءماجىلىسىن باسقارىپ اشىپ، بىلاي دەپ باسا دارىپتەدى

  عىلىم - تەحنيكا ءتۇزىلىسى رەفورماسىنان قامال الۋدى جەدەلدەتۋ، بۇكىل ەلدە ءبىر تۇتاس ەلەكتر قۋاتى بازار جۇيەسىن قۇرۋ، ورتا، باستاۋىش مەكتەپتەردە پارتيا ۇيىمى باسشىلىعىنداعى مەكتەپ باستىعى جاۋاپتى بولۋ ءتۇزىمىن ورناتۋ كەرەك

  لي كىچياڭ، ۋاڭ حۋنيڭ، حان جىڭ قاتىناستى

  شينحۋا اگەنتتىگىنىڭ 11 - ايدىڭ 24 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى، ورتالىق رەفورمانى جاپپاي تەرەڭدەتۋ كوميتەتىنىڭ مەڭگەرۋشىسى شي جينپيڭ 11 - ايدىڭ 24 - كۇنى تۇستەن كەيىن ورتالىق رەفورمانى جاپپاي تەرەڭدەتۋ كوميتەتىنىڭ 22 - رەتكى ءماجىلىسىن باسقارىپ اشتى، ءماجىلىس «عىلىم - تەحنيكا ءتۇزىلىسى رەفورماسىنىڭ 3 جىلدىق قامال الۋ جوباسىن (2021 − 2023 - جىل)»، «بۇكىل ەلدە ءبىر تۇتاس ەلەكتر قۋاتى بازار جۇيەسىن جەدەل قۇرۋ جونىندەگى جەتەكشى پىكىردى»، «ورتا، باستاۋىش مەكتەپتەردە پارتيا ۇيىمى باسشىلىعىنداعى مەكتەپ باستىعى جاۋاپتى بولۋ ءتۇزىمىن ورناتۋ جونىندەگى پىكىردى (سىناق رەتىندە اتقارىلادى)»، «مادەني ەسكەرتكىشتەردى جانداندىرۋ، جۇڭحۋا مادەنيەتىنىڭ حالىقاراداعى ىقپال كۇشىن كەڭەيتۋ جونىندەگى اتقارۋ پىكىرىن»، «جۇڭگۋانسۇن مەملەكەتتىك دەربەس جاڭالىق اشۋدان ۇلگى كورسەتۋ رايونىنىڭ جوعارى دەڭگەيلى عىلىم - تەحنيكادا ءوز كۇشىنە سۇيەنۋدى، ءوزىن الۋەتتەندىرۋدى الدىمەن اتقارۋ، الدىمەن سىناق ەتۋ رەفورماسىن ورىستەتۋىنە قولداۋ كورسەتۋ جونىندەگى ءبىرقانشا شارانى» قاراپ ماقۇلدادى.

  شي جينپيڭ ءماجىلىستى باسقارعاندا بىلاي دەپ باسا دارىپتەدى: عىلىم - تەحنيكا ءتۇزىلىسى رەفورماسىنان قامال الۋدى ورىستەتۋدەگى ماقسات − عىلىم - تەحنيكادا جاڭالىق اشۋ جانە شۇعىل جاعدايعا توتەپ بەرۋ، وزگەرىسكە ۇيلەسۋ قابىلەتىن ءتۇزىلىس - مەحانيزم جاعىنان كۇشەيتىپ، نىسانانى باعدار ەتۋدى، ماسەلەنى باعدار ەتۋدى كورنەكتىلەندىرىپ، ماڭىزدى تۇيىندەردى يگەرىپ، ولقىلىقتى تولىقتاپ، ءالسىز بۋىنداردى كۇشەيتىپ، نىسانانى بۇلجىماي كوزدەپ، دالمە - ءدال كۇش سالىپ، ونىمدىلىككە ەرتە قول جەتكىزىپ، جوعارى دەڭگەيلى عىلىم - تەحنيكادا ءوز كۇشىنە سۇيەنۋدى، ءوزىن الۋەتتەندىرۋدى قامتاماسىز ەتەتىن تۇزىمدىك جۇيەنى جەدەل ورناتىپ، عىلىم - تەحنيكادا جاڭالىق اشۋدىڭ جۇيەلىلەنۋ قابىلەتىن جوعارىلاتۋ. ەلەكتر قۋاتى بازارىنىڭ اينالىم زاڭدىلىعى مەن بازار شارۋاشىلىعى زاڭدىلىعىنا بويسۇنىپ، ەلەكتر قۋاتى بازارىن جالپى تۇلعالىق جاقتان جوبالاۋدى جاقسارتىپ، ەلەكتر قۋاتى بايلىعىنان بۇكىل ەلدە اناعۇرلىم زور كولەمدە بىرگە يگىلىكتەنۋدى، ءوزارا كومەكتەسۋدى جانە ونى ساپالى ورنالاستىرۋدى جۇزەگە اسىرىپ، ءبىر تۇتاس اشىق، باسەكەسى ءتارتىپتى، حاۋىپسىز، جوعارى ءونىمدى، باسقارۋى كەمەلدى ەلەكتر قۋاتى بازار جۇيەسىن جەدەل قالىپتاستىرۋ كەرەك. پارتيانىڭ وقۋ - اعارتۋ قىزمەتىنە جالپى بەتتىك باسشىلىعىن كۇشەيتۋ − وقۋ - اعارتۋدى جاقسى جۇرگىزۋدىڭ ءتۇبىرلى كەپىلى، ورتا، باستاۋىش مەكتەپتەردە پارتيا ۇيىمى باسشىلىعىنداعى مەكتەپ باستىعى جاۋاپتى بولۋ ءتۇزىمىن ورناتىپ، ساياسي ولشەم مەن ساياسي تالاپتى وقىتۋدىڭ، مەكتەپ باسقارۋدىڭ، ءبىلىم بەرىپ ادام تاربيەلەۋدىڭ جالپى بارىسىنىڭ ءار جاعىنا ءسىڭىرىپ، پارتيا ءۇشىن ادام تاربيەلەۋگە، مەملەكەت ءۇشىن دارىندى تاربيەلەۋگە تاباندى بولىپ، پارتيانىڭ وقۋ - اعارتۋ باعىتىنىڭ جانە پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ ورتا، باستاۋىش مەكتەپتەردە دايەكتىلەنۋىنە، تياناقتانۋىنا كەپىلدىك ەتۋ كەرەك. مادەني ەسكەرتكىشتەردى قورعاۋدى، پايدالانۋدى جانە مادەنيەت مۇرالارىن قورعاۋدى، جالعاستىرۋدى كۇشەيتىپ، مادەني ەسكەرتكىشتەردى زەرتتەۋ، ءتۇسىندىرۋ جانە كورسەتۋ، تاراتۋ دەڭگەيىن جوعارىلاتىپ، مادەني ەسكەرتكىشتەردى شىن مانىندە جانداندىرىپ، سوتسياليستىك رۋحاني وركەنيەت قۇرىلىسىن كۇشەيتۋدىڭ مايەكتى قورەگىنە اينالدىرۋ، جۇڭحۋا مادەنيەتىنىڭ حالىقاراداعى ىقپال كۇشىن كەڭەيتۋدىڭ ماڭىزدى تانىسقىسىنا اينالدىرۋ كەرەك. جۇڭگۋانسۇن مەملەكەتتىك دەربەس جاڭالىق اشۋدان ۇلگى كورسەتۋ رايونىنىڭ عىلىم - تەحنيكا بايلىعىن جانە تۇزىمدىك جاڭالىق اشۋ ارتىقشىلىعىن اناعۇرلىم ويداعىداي ساۋلەلەندىرىپ، جوعارى دەڭگەيلى عىلىم - تەحنيكادا ءوز كۇشىنە سۇيەنۋدى، ءوزىن الۋەتتەندىرۋدى الدىمەن اتقارۋ، الدىمەن سىناق ەتۋ رەفورماسىن ورىستەتۋىنە قولداۋ كورسەتۋ كەرەك.

  جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرى، ورتالىق رەفورمانى جاپپاي تەرەڭدەتۋ كوميتەتىنىڭ ورىنباسار مەڭگەرۋشىلەرى لي كىچياڭ، ۋاڭ حۋنيڭ، حان جىڭ ماجىلىسكە قاتىناستى.

  ءماجىلىس مىنالاردى اتاپ كورسەتتى: پارتيا 18 - قۇرىلتايىنان بەرى پارتيا ورتالىق كوميتەتى عىلىم - تەحنيكا ءتۇزىلىسى رەفورماسىن جۇيەلى ورنالاستىرىپ جانە تۇتاس تۇلعادا ىلگەرىلەتتى، عىلىم - تەحنيكا سالاسىندا نەگىزدىك ءتۇزىم نەگىزىنەن ورناتىلىپ، كەيبىر ماڭىزدى سالالار مەن شەشۋشى بۋىندار رەفورماسى كەلەلى ىلگەرىلەۋشىلىككە قول جەتكىزىپ، كوپتەگەن قيىن ماسەلەلەردەن قامال الىندى. الايدا جاڭا جاعدايمەن، جاڭا تالاپپەن سالىستىرعاندا، ەلىمىزدىڭ عىلىم - تەحنيكا تۇزىلىسىندە ءالى دە كەيبىر كورنەكتى ولقىلىقتار ساقتالۋدا، كەيبىر تەرەڭ قاتپارلى ءتۇزىلىس - مەحانيزم كەدەرگىلەرى ءالى دە تۇبەگەيلى جويىلعان جوق.

  ءماجىلىس مىنالاردى باسا دارىپتەدى: مەملەكەتتىڭ ستراتەگيالىق عىلىم - تەحنيكا قۋاتىن كۇشەيتىپ، پارتيا مەن مەملەكەتتىڭ ەلەۋلى عىلىم - تەحنيكادا جاڭالىق اشۋدىڭ باسقارۋشىسى، ۇيىمداستىرۋشىسى رولىن ساۋلەلەندىرىپ، شەشۋشى، وزەكتى تەحنيكالاردا قامال الۋدىڭ جوعارى ءونىمدى ۇيىمدىق جۇيەسىن ورناتىپ، بورىش ارقىلى جەبەيتىن، مىندەت ارقىلى جەتەكشىلىك ەتەتىن مەملەكەت تاجىريبەحانا جۇيەسىن قۇرىپ، نەگىزدىك پاندەردى زەرتتەۋ ورتالىعىن سالۋدى ورنالاستىرىپ، ەلەۋلى عىلىم - تەحنيكا نىساندارىن بەلگىلەۋ جانە ۇيىمداستىرۋ، باسقارۋ تاسىلىنە رەفورما جاساپ، جۇيەلىلەنگەن باسەكە قۋاتىن كۇشەيتۋ كەرەك. عىلىم - تەحنيكا كۇشتەرى قۇرىلىمىن جاقسارتىپ، كاسىپورىنداردىڭ عىلىم - تەحنيكادا جاڭالىق اشۋداعى تۇلعالىق رولىن ساۋلەلەندىرىپ، عىلىم - تەحنيكانىڭ، كاسىپ سالاسىنىڭ، فينانستىڭ ءتيىمدى اينالىمىن قالىپتاستىرۋدى ىلگەرىلەتىپ، عىلىم - تەحنيكا جەتىستىكتەرىن كادەگە جاراتىپ قولدانۋدى جەدەل ىلگەرىلەتۋ كەرەك. عىلىم - تەحنيكا دارىندىلارىن باۋلۋ، ىستەتۋ، باعالاۋ، قىزمەت وتەۋ، قولداۋ، ىنتالاندىرۋ سياقتى ءتۇزىلىس - مەحانيزمدەردى كەمەلدەندىرىپ، مەملەكەتتىڭ ستراتەگيالىق دارىندىلار كۇشىن جەدەل قۇرىپ، مەملەكەت بورىشىن اتقارۋ بارىسىندا دارىندى جەتىلدىرۋ، تۇلعالىق ومىرشەڭدىك كۇشىن قاۋلاتۋ كەرەك. ۇكىمەتتىڭ عىلىم - تەحنيكالىق جاقتا باسقارۋ فۋنكتسياسىندا اناعۇرلىم زور باتىلدىقپەن جەدەل بۇرىلىس جاساپ، ستراتەگيانى يگەرۋ، رەفورمانى يگەرۋ، جوسپارلاۋدى يگەرۋ، قىزمەت وتەۋدى يگەرۋ ورنىنا تاباندى بولىپ، جوباعا ساياساتتىق جەتەكشىلىك ەتۋدى كۇشەيتىپ، ەلەۋلى عىلمي زەرتتەۋ نىساندارىنا باسشىلىقتى جانە جەتەكشىلىكتى كۇشەيتىپ، كاسىپورىندارعا اناعۇرلىم دالمە - ءدال جەتەكشىلىك ەتۋ جانە قىزمەت وتەۋ كەرەك. مىندەتتىڭ قاجەتىنە جانە قىزمەتتىڭ ءىس جۇزىندىگىنە ساي عىلمي زەرتتەۋ ورىندارى مەن عىلمي زەرتتەۋ قىزمەتكەرلەرىنە تولىق ۇقىق بەرىپ، جاۋاپكەرشىلىك ءتۇزىم ورناتىپ، ”اسكەري بۇيرىق“ ورناتىپ، جاۋاپكەرشىلىك بولۋدى، باسقارۋ بولۋدى، باقىلاۋ - باسقارۋ بولۋدى ورىنداپ، بەرىلگەن ۇقىقتان ويداعىداي پايدالانباعانداردى، جاۋاپكەرشىلىكتى اتقارۋى تىڭعىلىقتى بولماعانداردى جاۋاپقا تارتىپ، بەرىلگەن ۇقىقتى ويداعىداي يگەرۋگە، ويداعىداي پايدالانۋعا كەپىلدىك ەتۋ كەرەك.

  ءماجىلىس مىنالاردى اتاپ كورسەتتى: جاقىنداعى جىلداردان بەرى ەلىمىزدىڭ ەلەكتر قۋاتى بازارى قۇرىلىسى ورنىقتى قاداممەن ءتارتىپتى ىلگەرىلەپ، بازارلاندىرىلىپ ساۋداعا سالىنعان ەلەكتر مولشەرىنىڭ سالىستىرماسى زور مولشەردە جوعارىلادى. كوپ ساتىلى، ءبىر تۇتاس ەلەكتر قۋاتى بازار جۇيەسىن اقاۋسىزداندىرىپ، مەملەكەت ەلەكتر قۋاتى بازارىن جەدەل قۇرىپ، بۇكىل ەل، ولكە (رايون، قالا)، ءوڭىر ءار ساتىداعى ەلەكتر قۋاتى بازارلارىن سايكەستى اينالىم جاساۋعا، توعىسا دامۋعا جەتەكتەپ، ءبىر تۇتاس ساۋدا ەرەجەسى مەن تەحنيكالىق ولشەمىن ارناعا ءتۇسىرىپ، كوپ نەگىزدە باسەكەلەسەتىن ەلەكتر قۋاتى بازار ارناسىن قالىپتاستىرۋدى ىلگەرىلەتۋ كەرەك. كومىر ەلەكتر باعاسىن بازارلاندىرىپ قالىپتاستىرۋ مەحانيزمىنە رەفورما جۇرگىزىپ كەمەلدەندىرىپ، ەلەكتر باعاسىن جەتكىزۋ مەحانيزمىن كەمەلدەندىرىپ، ەلەكتر قۋاتى قامداۋىن، سۇرانىسىن ءونىمدى تەڭەستىرۋ كەرەك. ەلەكتر قۋاتىن ءبىر تۇتاس جوسپارلاۋ، ساياسات، زاڭ ەرەجە، عىلمي باقىلاۋ - ولشەۋ سياقتى قىزمەتتەردى كۇشەيتىپ، نەگىزگى الەۋمەتتىك قىزمەت وتەۋمەن قامداۋدى تومەنگى شەكتەن تۇسىرمەۋدى جاقسى ىستەپ، تۇرعىندار، اۋىل شارۋاشىلىعى، الەۋمەتتىك ىستەر سياقتىلاردىڭ ەلەكتردەن پايدالانۋ باعاسىنىڭ سالىستىرمالى ورنىقتى بولۋىنا شىنايى كەپىلدىك ەتۋ كەرەك. ەنەرگيا قۇرىلىمىنىڭ تيپ وزگەرىسىنە ۇيلەسەتىن ەلەكتر قۋاتى بازار مەحانيزمى قۇرىلىسىن ىلگەرىلەتىپ، جاڭا ەنەرگيانىڭ بازار ساۋداسىنا قاتىسۋىن تارتىپپەن ىلگەرىلەتىپ، ەلەكتر قۋاتىن جوسپارلاۋعا جانە ءونىمدى قارجى قوسۋعا عىلمي جەتەكشىلىك ەتىپ، ەلەكتر قۋاتى بازارىنىڭ ەنەرگيانىڭ تازا، تومەن كومىر قىشقىل گازدى تيپكە قاراي بۇرىلىس جاساۋىنا تىرەك بولۋ رولىن ساۋلەلەندىرۋ كەرەك.

  ءماجىلىس مىنالاردى باسا دارىپتەدى: پارتيانىڭ ورتا، باستاۋىش مەكتەپتەرگە جالپى بەتتىك باسشىلىعىنا تاباندى بولۋدا جانە ونى كۇشەيتۋدە، سىناق ءتۇيىنى قىزمەتىن ىشكەرىلەي قورىتىندىلاۋ نەگىزىندە، ورتا، باستاۋىش مەكتەپتەردەگى پارتيا ۇيىمىنىڭ باسشىلىق رولىن ساۋلەلەندىرۋ ءتۇزىلىس - مەحانيزمىن كەمەلدەندىرىپ، پارتيا ۇيىمىنىڭ باعداردى مەڭگەرۋ، كەلەلى جاعدايدى باسقارۋ، شەشىم جاساۋ، القانى يگەرۋ، قوسىندى باستاۋ، تياناقتاندىرۋعا كەپىلدىك ەتۋدەگى باسشىلىق مىندەت جاۋاپكەرشىلىگىن اتقارۋىنا شىنايى كەپىلدىك ەتۋ كەرەك. پارتيا قۇرىلىسى قىزمەتىن وقىتۋداعى، مەكتەپ باسقارۋداعى ماڭىزدى مىندەت ەتىپ، نەگىزگى ساتى پارتيا ۇيىمىنىڭ رولىن ساۋلەلەندىرىپ، پارتيا مۇشەلەرى قوسىنى قۇرىلىسىن كۇشەيتىپ، نەگىزگى ساتى پارتيا ۇيىمىن مەكتەپتىڭ ءبىلىم بەرىپ ادام تاربيەلەۋدەگى پارمەندى جاۋىنگەرلىك قامالعا اينالدىرۋ كەرەك. يدەيالىق ساياسي قىزمەتتى مىقتاپ يگەرىپ، سوتسياليستىك وزەكتى قۇن كوزقاراسى تاربيەسىن ىشكەرىلەي ورىستەتىپ، وقۋشىلاردىڭ ءمورال تاربيەسى قىزمەتىن ويداعىداي يگەرىپ، توڭكەرىستىك ءداستۇردى اسقاقتاتۋدى، قىزىل گەندى جالعاستىرۋدى مەكتەپ تاربيەسىنە تەرەڭدەي توعىستىرىپ، پارتيانى ءسۇيۋ، وتاندى ءسۇيۋ، حالىقتى ءسۇيۋ، سوتسياليزمدى ءسۇيۋ ىنتا - ىقىلاسىن تەرەڭدەتىپ، احىلاق، اقىل - وي، دەنە، ەستەتيكا، ەڭبەك جاقتارىنان جان - جاقتى جەتىلگەن سوتسياليزم قۇرىلىسشىلارى مەن ءىزباسارلارىن قۇلشىنا باۋلۋ كەرەك. تۇرگە ءبولىپ جەتەكشىلىك ەتۋدى، قادامعا ءبولىپ اتقارۋدى كۇشەيتىپ، تۇرلىشە تيپتەگى، تۇرلىشە كولەمدەگى مەكتەپتەرگە قاراي، يدەيالىق دايىندىقتى، ۇيىمدىق دايىندىقتى، قىزمەت دايىندىعىن جاقسى ىستەۋ العى شارتىندا، بىرەۋى جەتىلسە بىرەۋىن رەتتەپ، رەفورمانىڭ ناقتى تياناقتانۋىن ىلگەرىلەتۋ كەرەك.

  ءماجىلىس مىنالاردى اتاپ كورسەتتى: پارتيا 18 - قۇرىلتايىنان بەرى ەلىمىزدىڭ مادەني ەسكەرتكىش ىستەرى زور دارەجەدە دامىپ، مادەني ەسكەرتكىشتى قورعاۋ، باسقارۋ جانە پايدالانۋ دەڭگەيى ۇزدىكسىز جوعارىلادى. مادەني ەسكەرتكىشتەردى قورعاۋدى جالپى تۇلعالىق جاقتان جوسپارلاۋدى كۇشەيتىپ، قۇتقارۋ سيپاتتى قورعاۋ مەن ساقتىق سيپاتتى قورعاۋدى، ءوز تۇلعاسىن قورعاۋ مەن توڭىرەگىن قورعاۋدى، جەكە ءتۇيىندى قورعاۋ مەن شوعىرلى توپتىق قورعاۋدى ءبىر تۇتاس جوسپارلاپ، مادەني ەسكەرتكىش بايلىعىنىڭ تاريحي شىنايىلىعىن، بەت - بەينەسىنىڭ بۇتىندىگىن، مادەنيەت جالعاستىعىن قورعاپ، مادەني ەسكەرتكىش حاۋىپسىزدىگىنىڭ تومەنگى شەگىن بەرىك ورناتۋ كەرەك. جۇڭحۋانىڭ تاڭداۋلى ءداستۇرلى مادەنيەتىنىڭ رۋحاني بەلگىسىن دالمە - ءدال سۇرىپتاپ ءارى كورسەتىپ، مادەني ەسكەرتكىشتەردىڭ تاريحي قۇنىن، مادەنيەت قۇنىن، ەستەتيكالىق قۇنىن، عىلىم - تەحنيكالىق قۇنىن، داۋىرلىك قۇنىن اناعۇرلىم ويداعىداي ايگىلەۋ كەرەك. كادەگە جاراتۋ تاسىلىندە جاڭالىق اشىپ، تۇعىر قۇرىلىسىن كۇشەيتىپ، دارىندى نەگىزىن بەكەمدەپ، ءتۇزىلىس - مەحانيزمدى كەمەلدەندىرىپ، كەلەلى نىسانداردى اتقارۋدى جەتەكشى ەتىپ، مادەني ەسكەرتكىش عىلىم - تەحنيكاسىندا جاڭالىق اشۋ قابىلەتىن جانە قىزمەتتەردى قامتاماسىز ەتۋ دەڭگەيىن جوعارىلاتۋ كەرەك. جاسامپازدىقپەن قىزمەت وتەۋ ورىستەتىپ، مادەني ەسكەرتكىشتەردى تۇرمىسقا اناعۇرلىم ءسىڭىرىپ، حالىققا قىزمەت وتەتىپ، مادەني ەسكەرتكىش جاعىنداعى سىرتپەن اۋىس - كۇيىس تۇعىرىن بەلسەندىلىكپەن كەڭەيتىپ، جۇڭحۋا مادەنيەتىنىڭ حالىقاراداعى تارالۋ قابىلەتىن كوپ ارنامەن جوعارىلاتۋ كەرەك.

  ءماجىلىس مىنالاردى اتاپ كورسەتتى: جۇڭگۋانسۇن مەملەكەتتىك دەربەس جاڭالىق اشۋدان ۇلگى كورسەتۋ رايونىنىڭ جوعارى دەڭگەيلى عىلىم - تەحنيكادا ءوز كۇشىنە سۇيەنۋدى، ءوزىن الۋەتتەندىرۋدى الدىمەن اتقارۋ، الدىمەن سىناق ەتۋ رەفورماسىن ورىستەتۋىنە قولداۋ كورسەتۋدە، جوعارى دەڭگەيلى عىلىم - تەحنيكادا ءوز كۇشىنە سۇيەنۋدى، ءوزىن الۋەتتەندىرۋدى جۇزەگە اسىرۋداعى ەڭ كورنەكتى ولقىلىقتى، ەڭ شۇعىل مىندەتتى ءدال كوزدەپ، جاڭالىق اشۋ تۇلعاسىن كۇشەيتۋدە، جاڭالىق اشۋ فاكتورلارىن شوعىرلاندىرۋدا، جاڭالىق اشۋ مەحانيزمىن جاقسارتۋدا سەرپىلىس جاساۋعا تالپىنىپ، جاڭالىق اشۋعا ۇمتىلىپ، دۇنيە جۇزىندە وزىق عىلىم - تەحنيكا باقشا رايونىن جانە جاڭالىق اشۋدىڭ بيىك بەلەسىن جەدەل تۇلعالاۋ كەرەك. رەفورمادا ءتىپتى دە كوپ ناقتى شارالاردى جولعا قويىپ، سىناق تۇيىنىندە سەرپىلىس جاساۋ جانە قىسىم سىناعى رولىن اتقارىپ، قيىن ماسەلەلەردى شەشۋدىڭ رەال جولىنا بەلسەندىلىكپەن ىزدەنىس جاساپ، حاۋىپ - قاتەردەن ساقتانۋ - تىزگىندەۋ جانە ونى جويۋ تاجىريبەسىن توپتاۋعا نازار اۋدارۋ كەرەك.

  ورتالىق رەفورمانى جاپپاي تەرەڭدەتۋ كوميتەتىنىڭ مۇشەلەرى ماجىلىسكە قاتىناستى، ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار ماجىلىسكە سىرتتاي قاتىناستى.