1. اعىمداعى ورىن:
  2. باس بەت
  3. اعىم جاڭالىقتارى
  4. باس حابار
  5. زاڭ - ەرەجە

شي جينپيڭ مەملەكەتتىك شۇعىل جاعدايعا توتەپ بەرۋ - باسقارۋ جۇيەسىندەگى وزات ۇلگىلەردى جانە ءورت ءسوندىرۋ، ورتتەن ساقتانۋداعى ادال قورعاۋشىلاردى ماداقتاۋ - سيلاۋ جينالىسىنا قاتىناسقان ۋاكىلدەرمەن كەزدەستى

日期:2021年11月07日
来源:新疆日报
【字体:

ۋاڭ حۋنيڭ، حان جىڭ كەزدەسۋگە قاتىناستى

  11 - ايدىڭ 5 - كۇنى پارتيا مەن مەملەكەت باسشىلارىنان شي جينپيڭ، ۋاڭ حۋنيڭ، حان جىڭ قاتارلىلار بەيجيڭ حالىق سارايىندا بۇكىل مەملەكەتتىك شۇعىل جاعدايعا توتەپ بەرۋ - باسقارۋ جۇيەسىندەگى وزات ۇلگىلەردى جانە ءورت ءسوندىرۋ، ورتتەن ساقتانۋداعى ادال قورعاۋشىلاردى ماداقتاۋ - سيلاۋ جينالىسىنا قاتىناسقان ۋاكىلدەرمەن كەزدەستى.

□ سۋرەتتى شينحۋا اگەنتتىگىنىڭ ءتىلشىسى يان يان تۇسىرگەن

  شينحۋا اگەنتتىگىنىڭ 11 - ايدىڭ 6 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 11 - ايدىڭ 5 - كۇنى تۇستەن بۇرىن بەيجيڭدە بۇكىل مەملەكەتتىك شۇعىل جاعدايعا توتەپ بەرۋ - باسقارۋ جۇيەسىندەگى وزات ۇلگىلەردى جانە ءورت ءسوندىرۋ، ورتتەن ساقتانۋداعى ادال قورعاۋشىلاردى ماداقتاۋ - سيلاۋ جينالىسىنا قاتىناسقان ۋاكىلدەرمەن ىقىلاسپەن كەزدەسىپ، ولاردى قىزۋ قۇتتىقتادى، سونداي - اق بۇكىل مەملەكەتتەگى شۇعىل جاعدايعا توتەپ بەرۋ - باسقارۋ جۇيەسىندەگى قالىڭ كادرلاردان جانە ءورت ءسوندىرۋ، ورتتەن ساقتانۋ بويىنشا قۇتقارۋ - كومەكتەسۋشى كوماندير - جاۋىنگەرلەردەن شىنايى حال سۇرادى.

  جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ۋاڭ حۋنيڭ، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى حان جىڭ كەزدەسۋگە قاتىناستى.

  تۇستەن بۇرىن ساعات 11دەن 15 مينۋت وتكەندە، شي جينپيڭ قاتارلىلار حالىق سارايىنىڭ جينسى زالىنا كەلگەندە، تۇتاس زالدان قىزۋ شاپالاق ءۇنى كوتەرىلدى. شي جينپيڭ قاتارلىلار ۋاكىلدەردىڭ اراسىنا كەلىپ، كوپشىلىكپەن شىن ىقىلاستى اڭگىمەلەستى ءارى بىرگە سۋرەتكە ءتۇسىپ، ەستەلىك قالدىردى.

  ديڭ شۋەشياڭ، ليۋ حى، ۋاڭ يۇڭ، جاۋ كىجى كەزدەسۋگە قاتىناستى.

  تۇڭعىش كەزەكتى بۇكىل مەملەكەتتىك شۇعىل جاعدايعا توتەپ بەرۋ - باسقارۋ جۇيەسىندەگى وزات ۇلگىلەردى جانە ءورت ءسوندىرۋ، ورتتەن ساقتانۋداعى ادال قورعاۋشىلاردى ماداقتاۋ - سيلاۋ جينالىسى 11 - ايدىڭ 4 - كۇنى بەيجيڭدە وتكىزىلدى. ۋاڭ يۇڭ جينالىسقا قاتىناستى ءارى ءسوز سويلەدى. ول بۇكىل مەملەكەتتەگى شۇعىل جاعدايعا توتەپ بەرۋ - باسقارۋ جۇيەسىنەن شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، باس شۋجي شي جينپيڭنىڭ ماڭىزدى ءتالىمىنىڭ رۋحىن ەستە بەرىك ساقتاپ، پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرى مەن ورنالاستىرۋلارىن جاپپاي تياناقتاندىرىپ، حالىقتى بارىنەن جوعارى قويۋعا، ءومىردى بارىنەن جوعارى قويۋعا تاباندى بولىپ، دامۋ مەن حاۋىپسىزدىكتى اناعۇرلىم ويداعىداي ءبىر تۇتاس جوسپارلاپ، شۇعىل جاعدايعا توتەپ بەرۋ - باسقارۋ قىزمەتتەرىن دەن قويا، كۇش سالا جاقسى ىستەپ، حالىقتىڭ اماندىعىنا كەپىلدىك ەتۋ، حالىقتى باقىتقا كەنەلتۋ قاسيەتتى قىزمەت جاۋاپكەرشىلىگىن باتىل ارقالاپ، جاڭا كۇرەس ساپارىندا پارتيا مەن حالىق ءۇشىن اناعۇرلىم زور ۇلەس قوسۋعا، اناعۇرلىم زور داڭققا قول جەتكىزۋگە قۇلشىنۋدى تالاپ ەتتى.

  جينالىستا بۇكىل مەملەكەتتەگى شۇعىل جاعدايعا توتەپ بەرۋ - باسقارۋ جۇيەسىنەن 8 ءبىرىنشى دارەجەلى قاھارمان ۇلگى، 99 وزات كوللەكتيۆ، 190 وزات قىزمەتكەر، 30 ”جۇڭگوداعى ءورت ءسوندىرۋ، ورتتەن ساقتانۋداعى ادال قورعاۋشى“ جانە 30 ەكىنشى دارەجەلى قاھارمان ۇلگى ماداقتالىپ - سيلاندى. جياڭسۋ ولكەسى يانچىڭ قالالىق ءورت ءسوندىرۋ، ورتتەن ساقتانۋ بويىنشا قۇتقارۋ - كومەكتەسۋ تارماق اترەتى شيحۋان جولى توتەنشە مىندەت وتەۋ ورنىنىڭ ساياسي جەتەكشىسى جاۋ ي، سىچۋان ولكەسى لۋجوۋ قالالىق شۇعىل جاعدايعا توتەپ بەرۋ - باسقارۋ مەكەمەسىنىڭ باستىعى لي حۋاگۇي، شيزاڭ ورمان ءورت ءسوندىرۋ، ورتتەن ساقتانۋ باس اترەتى ناچۇي ۇلكەن اترەتىنىڭ باستىعى كۇڭ تىتى، مەملەكەتتىك ءوندىرىس حاۋىپسىزدىگى بويىنشا شۇعىل جاعدايعا توتەپ بەرۋ، قۇتقارۋ - كومەكتەسۋ ورتالىعىنىڭ ورىنباسار مەڭگەرۋشىسى شياۋ ۋىنرۋ، بەيجيڭ قالاسى تيان - انمىن رايونى ءورت ءسوندىرۋ، ورتتەن ساقتانۋ بويىنشا قۇتقارۋ - كومەكتەسۋ تارماق اترەتى گۋگۇڭ توتەنشە مىندەت وتەۋ ورنىنىڭ ساياسي جەتەكشىسى ساي رۇي قاتارلى ماداقتالىپ - سيلانعانداردىڭ ۋاكىلدەرى جينالىستا لەبىز ءبىلدىردى.