شينحۋا اگەنتتىگىنىڭ 8 - ايدىڭ 18 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 8 - ايدىڭ 18 - كۇنى يراننىڭ زۇڭتۇڭى لايشيمەن تەلەفوندا سويلەستى.
شي جينپيڭ بىلاي دەپ اتاپ كورسەتتى: جۇڭگو مەن يران ديپلوماتيالىق قارىم - قاتىناس ورناتقان 50 جىلدان بەرى ەكى ەل قارىم - قاتىناسى حالىقارالىق اۋمالى - توكپەلى جاعدايدىڭ سىنىنان ءوتىپ، ەكى ەل حالقىنىڭ دوستىعى ۋاقىت وتكەن سايىن بەكەمدەلدى. دۇنيە ءجۇزىنىڭ 100 جىلدىق وزگەرىسى مەن عاسىرلىق جاڭا تيپتى ايدارشا ۆيرۋس وكپە قابىنۋ ىندەتى ارالاسقان كۇردەلى جاعداي الدىندا، جۇڭگو مەن يران جاپا - ماشاقاتتا بىرگە بولىپ، ءوزارا قارايلاسىپ، جاڭا تيپتى ايدارشا ۆيرۋس وكپە قابىنۋ ىندەتىنە بىرلەسىپ قارسى اتتانۋمەن بىرگە، ىنتىماقتى، سەلبەستىكتى كۇشەيتىپ، ناقتى ىستەر سەلبەستىگىندە بەلسەندى ىلگەرىلەۋشىلىككە قول جەتكىزۋدى جەبەپ، ەكى ەلدىڭ ستراتەگيالىق ءوزارا سەنىمدىلىگىن پارمەندى بەكەمدەپ، حالىقارالىق ادىلدىكتى، تۋراشىلدىقتى باتىل قورعادى. جۇڭگو جاق يران جاقتىڭ جۇڭگومەن بولعان قارىم - قاتىناستى بەلسەنە دامىتقاندىعىن القايدى، يران جاقپەن قول ۇستاسا قۇلشىنىپ، جۇڭگو مەن يراننىڭ جان - جاقتى ستراتەگيالىق سەرىكتەستىك قارىم - قاتىناسىن ورنىقتى، باياندى ىلگەرىلەتۋدى قالايدى.
شي جينپيڭ بىلاي دەپ باسا دارىپتەدى: مەيلى حالىقارالىق جانە وڭىرلىك جاعداي قالاي وزگەرسە دە، جۇڭگو جاق تيتتەي دە بۇلجىماستان يرانمەن دوستىق قارىم - قاتىناستى دامىتا بەرەدى. ەكى جاق ءبىر - ءبىرىنىڭ وزەكتى مۇددەسىنە جانە ءجىتى قاداعالاپ وتىرعان كەلەلى ىستەرىنە ساياتىن ماسەلەلەردە ۇزدىكسىز ءوزارا قولداۋ كورسەتۋى ءتيىس. جۇڭگو جاق يران جاقتىڭ مەملەكەتتىڭ يەلىك ۇقىعى مەن ۇلتتىڭ ار - نامىسىن قورعاۋىن باتىل قولدايدى، سىرتقى كيلىگۋگە قارسى تۇرادى، يران جاقپەن ەل باسقارۋ تاجىريبەلەرىن اۋىستىرۋدى كۇشەيتىپ، ىندەتكە قارسى اتتانۋ سەلبەستىگىن كۇشەيتىپ، ءوز ەلدەرىنىڭ دامۋىن جەبەپ، ەكى ەل حالقىنىڭ ىرىس - قۇتىن مولايتۋدى قالايدى. جۇڭگو مەن يراننىڭ جالپى بەتتىك سەلبەستىك جوسپارى ەكى ەلدىڭ ءوزارا پايدا جەتكىزۋ سەلبەستىگىن تەرەڭدەتۋگە اناعۇرلىم كەڭ بولاشاق اشتى. ەكى جاق كومەسكى كۇشتەردى بارىنشا اشىپ، ”بىر بەلدەۋ، ءبىر جولدى“ بەلسەنە بىرگە قۇرىپ، ءتىپتى دە كوپ ناقتىلى ىستەر سەلبەستىگى جەتىستىكتەرىن جاراتۋى كەرەك. جۇڭگو جاق يران جاقتىڭ يران يادرو ماسەلەسى جالپى بەتتىك كەلىسىم ماسەلەسىندەگى ورىندى تالاپتارىن قولدايدى، يران جاقپەن وڭىرلىك ىستەر جونىندە سايكەسۋدى، سەلبەسۋدى كۇشەيتىپ، ورتاق مۇددەلەردى قورعاپ، وڭىرلىك حاۋىپسىزدىكتى، ورنىقتىلىقتى جەبەۋدى قالايدى.
لايشي مىنالاردى ءبىلدىردى: جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن جانە يران مەن جۇڭگونىڭ ديپلوماتيالىق قارىم - قاتىناس ورناتقاندىعىنىڭ 50 جىلدىعىن قىزۋ قۇتتىقتايمىن. اناعۇرلىم قۋاتتى دا پارمەندى يران - جۇڭگو جان - جاقتى ستراتەگيالىق سەرىكتەستىك قارىم - قاتىناسىن بۇلجىماستان دامىتۋ − يران ۇكىمەتىنىڭ سىرتقا قاراتقان ساياساتىنداعى الدىڭعى ورىنداعى ءىس جانە ماڭىزدى ءتۇيىن. يران جاق جۇڭگو جاقتىڭ يراننىڭ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋىنا اسا قىمباتتى قولداۋ كورسەتكەندىگىنە العىس ايتادى، جۇڭگو جاقتىڭ يراننىڭ يادرو سياقتى حالىقارالىق جانە وڭىرلىك ىستەردە ءادىل تۇرعى ۇستانعاندىعىن القايدى، جۇڭگو جاقپەن ستراتەگيالىق بايلانىستى قويۋلاتىپ، ستراتەگيالىق ءوزارا سەنىمدىلىكتى نىعايتىپ، ەكى جاقتى سەلبەستىك پەن كوپ جاقتى سايكەسۋدى تەرەڭدەتىپ، سىڭار جاقتىلىققا، زورەكەرلىككە جانە سىرتقى كيلىگۋگە بىرگە قارسى تۇرۋدى قالايدى. يران جاق جۇڭگو جاقتىڭ تايۋانعا ساياتىن، شينجياڭعا ساياتىن، شياڭگاڭعا ساياتىن سياقتى ماسەلەلەردەگى تۇرعىسىن باتىل قولدايدى، ءىشىنارا مەملەكەتتەردىڭ ۆيرۋستىڭ تەگىن انىقتاۋ ماسەلەسىن جەلەۋ ەتىپ جۇڭگوعا قىسىم جاساۋىنا، تەجەۋىنە باتىل قارسى تۇرادى. جۇڭگو جاقتىڭ ”ءبىر بەلدەۋ، ءبىر جولدى“ بىرگە قۇرۋ باستاماسى ستراتەگيالىق كورەگەندىككە تولى، يران جاق بەلسەنە ات سالىسۋدى قالايدى.
شينحۋا اگەنتتىگىنىڭ 8 - ايدىڭ 18 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 8 - ايدىڭ 18 - كۇنى يراقتىڭ زۇڭتۇڭى بارحاممەن تەلەفوندا سويلەستى.
شي جينپيڭ بىلاي دەپ اتاپ كورسەتتى: يراق جاڭا جۇڭگومەن ەڭ ەرتە ديپلوماتيالىق قارىم - قاتىناس ورناتقان اراب ەلدەرىنىڭ ءبىرى ءارى جۇڭگونىڭ باتىس ازيا، سولتۇستىك افريكا وڭىرىندە ”ءبىر بەلدەۋ، ءبىر جولدى“ بىرگە قۇرۋداعى ماڭىزدى سەلبەستىك سەرىگى. يراق حالقىنىڭ ناعىز دوسى رەتىندە، جۇڭگو جاق يراقتىڭ ەكونوميكانى قايتا قۇرۋىنا بەلسەنە ات سالىسىپ، ءارقايسى سالاداعى دوستىق، ناقتى ىستەر سەلبەستىگىن ورنىقتى قاداممەن ىلگەرىلەتتى. جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان كەيىن، جۇڭگو مەن يراق ءبىر - ءبىرىن قولداپ، ءوزارا قارايلاستى. جۇڭگو جاق جۇڭگو - يراق قارىم - قاتىناسىن دامىتۋعا ايرىقشا ءمان بەرەدى، يراق جاقتىڭ ىندەتكە قارسى اتتانۋىن ۇزدىكسىز قولداپ، ەكى ەلدىڭ ەنەرگيا، ەلەكتر قۋاتى، جول - قاتىناس سياقتى سالالارداعى سەلبەستىگىن كەڭەيتىپ، يراقتىڭ ەكونوميكانى قايتا قۇرۋىنا جانە قوعامدىق دامۋىنا دەم بەرىپ، جۇڭگو مەن يراقتىڭ ستراتەگيالىق سەرىكتەستىك قارىم - قاتىناسىنىڭ اناعۇرلىم زور دامۋعا قول جەتكىزۋىن ىلگەرىلەتۋدى قالايدى.
شي جينپيڭ بىلاي دەپ باسا دارىپتەدى: جۇڭگو جاق يراق جاقتىڭ مەملەكەتتىڭ يەلىك ۇقىعىن، تاۋەلسىزدىگىن جانە تەرريتوريا تۇتاستىعىن قورعاۋىن باتىل قولدايدى، يراق جاقتىڭ لاڭكەستىككە سوققى بەرۋىن، مەملەكەتتىڭ حاۋىپسىزدىگىن، ورنىقتىلىعىن قورعاۋىن قولدايدى، يراق حالقىنىڭ ءوز ەلىنىڭ مەملەكەت جاعدايىنا ۇيلەسەتىن دامۋ جولىن دەربەس تاڭداۋىن قولدايدى، ءارقانداي سىرتقى كۇشتىڭ يراقتىڭ ىشكى ىسىنە كيلىگۋىنە قارسى تۇرادى. يراقتاعى ءارقايسى توپ - جىكتەردىڭ ىنتىماقتى كۇشەيتىپ، ەل ءىشى ساياسي اياق الىسىنىڭ تىڭ ىلگەرىلەۋشىلىكتەرگە قول جەتكىزۋىن ىلگەرىلەتىپ، باياندى تىنىشتىقتى جانە گۇلدەنىپ، دامۋدى جۇزەگە اسىرۋىن ءۇمىت ەتەدى. جۇڭگو جاق يراقتى قامتىعان دوس ەلدەرمەن بىرگە بەيبىتشىلىك پەن دامۋدى بىرگە جەبەپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋدى قالايدى.
بارحام مىنالاردى ءبىلدىردى: جۇڭگو كوممۋنيستىك پارتياسى قۇرىلعاندىعىنىڭ 100 جىلدىعى جۇڭگو جانە دۇنيە ءجۇزى جونىنەن بەلەستىك ءمان الاتىن كەلەلى ءىس، جۇڭگونىڭ مۇنى جاڭا باستاما ەتىپ بولاشاق ساپاردا تىڭ، ءتىپتى دە زور تابىسقا قول جەتكىزۋىن تىلەيمىن. يراق پەن جۇڭگو تۇگەلدەي ۇزاق تاريحي وركەنيەتكە يە. يراق جاق جۇڭگو جاقتىڭ مەملەكەتتىڭ يەلىك ۇقىعىن، حاۋىپسىزدىگىن جانە تەرريتوريا تۇتاستىعىن قورعاۋدا قولدانعان شارالارىن تۇسىنەدى، ءبىر جۇڭگو ساياساتىن باتىل اتقارادى. يراق جاق جۇڭگو جاقتىڭ يراقتىڭ ەكونوميكانى قايتا قۇرۋىنا جانە جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋىنا كورسەتكەن كومەگىنە العىس ايتادى، يراق پەن جۇڭگونىڭ دوستىق قارىم - قاتىناسىن تەرەڭدەتۋدى قالايدى، جۇڭگو جاقپەن ىندەتكە قارسى اتتانۋ سەلبەستىگىن ۇزدىكسىز كۇشەيتىپ، ەكى جاقتى ساۋدا، قارجى قوسۋ سەلبەستىگىن كەڭەيتىپ، مادەنيەت، ساياحات، جاستار، دەنە تاربيە سياقتى سالالارداعى اۋىس - كۇيىستى، سەلبەستىكتى كەڭەيتۋدى ءۇمىت ەتەدى. يراق جاق جۇڭگو جاقپەن ستراتەگيالىق بايلانىستى قويۋلاتىپ، حالىقارالىق، وڭىرلىك جاعدايدىڭ تۇتقيىل وزگەرۋىنە بىرگە توتەپ بەرىپ، لاڭكەستىككە سەلبەسە سوققى بەرىپ، ءوڭىردىڭ جانە دۇنيە ءجۇزىنىڭ بەيبىتشىلىگىن، ورنىقتىلىعىن قورعاۋدى قالايدى.
