شينحۋا اگەنتتىگىنىڭ 8 - ايدىڭ 5 - كۇنى بەيجيڭنەن بەرگەن حابارى. 8 - ايدىڭ 5 - كۇنى مەملەكەت ءتوراعاسى شي جينپيڭ جاڭا تيپتى ايدارشا ۆيرۋس وكپە قابىنۋ ىندەتى ۆاكسيناسى سەلبەستىگى حالىقارالىق تالقى مىنبەرىنىڭ تۇڭعىش رەتكى ماجىلىسىنە جازباشا ءسوز سويلەدى.
شي جينپيڭ بىلاي دەپ اتاپ كورسەتتى: بيىل 5 - ايدا مەن الەمدىك سالاماتتىق باسشىلار باس قوسۋىندا جۇڭگونىڭ بۇكىل الەمنىڭ ىنتىماقتاسا وتىرىپ، ىندەتكە قارسى اتتانۋىن قولداۋداعى 5 ءتۇرلى شاراسىن جاريالادىم، مۇنىڭ ىشىندە، جاڭا تيپتى ايدارشا ۆيرۋس وكپە قابىنۋ ىندەتى ۆاكسيناسى سەلبەستىگى حالىقارالىق تالقى مىنبەرىن ورنالاستىرىپ، ۆاكسينا وندىرگەن، زەرتتەپ جاساعان ەلدەردىڭ، كاسىپورىنداردىڭ، مۇددەلى تاراپتاردىڭ الەمدەگى ۆاكسينانىڭ ءادىل، ۇيلەسىمدى ۇلەستىرىلۋىن ىلگەرىلەتۋدى بىرگە اقىلداسۋىن دارىپتەۋ قامىتىلعان بولاتىن. قازىر ىندەت بىردە كۇشەيىپ، بىردە باسەيىپ، قايتالانىپ، ۆيرۋس ءالسىن - ءالى قۇبىلۋدا. مەن وسى رەتكى تالقى مىنبەرى ءماجىلىسىنىڭ الەمدەگى ۆاكسينانىڭ ءادىل، قولجەتىمدى ۇلەستىرىلۋىندە جاڭا قادام تاستاپ، وركەندەپ كەلە جاتقان ەلدەردىڭ ىنتىماقتاسۋىنا، سەلبەسۋىنە جاڭا قوزعاشى كۇش قوسىپ، ادامزاتتىڭ ىندەتتى ەرتەرەك جەڭۋىنە جاڭا ۇلەس قوسۋىن ءۇمىت ەتەمىن.
شي جينپيڭ بىلاي دەپ باسا دارىپتەدى: جۇڭگو باستان - اياق ادامزاتتىڭ دەنساۋلىق ساقتاۋ، سالاماتتىق ورتاق تۇلعاسى ۇستانىمىنان جازبايدى، دۇنيە ءجۇزىن، وتە - موتە، قالىڭ وركەندەپ كەلە جاتقان ەلدەردى ۆاكسينامەن قامداپ، سەلبەسىپ ءوندىرۋدى بەلسەندىلىكپەن ورىستەتەدى. بۇل ۆاكسينانىڭ الەمدىك الەۋمەتتىك ءونىم رەتىندەگى بولۋعا ءتيىستى مازمۇن. جۇڭگو ۇزدىكسىز قالىڭ وركەندەپ كەلە جاتقان ەلدەردىڭ ىندەتكە توتەپ بەرۋىنە قولىنان كەلگەنىنشە كومەك كورسەتەدى. بيىل تۇتاس جىلدا جۇڭگو دۇنيە ءجۇزىن 2 ميلليارد ۆاكسينامەن قامداۋعا قۇلشىنىس جاسايدى.
جۇڭگو ”جاڭا تيپتى ايدارشا ۆيرۋس وكپە قابىنۋ ىندەتى ۆاكسيناسى اتقارۋ جوسپارىنا“ 100 ميلليون امەريكا دوللارى جىلۋ اتاپ، وركەندەپ كەلە جاتقان ەلدەرگە ۆاكسينا ۇلەستىرۋگە پايدالانۋدى ۇيعاردى. ءبىز حالىقارالىق قوعاممەن بىرگە، ۆاكسينا حالىقارالىق سەلبەستىگى اياق الىسىن ىلگەرىلەتۋدى، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋدى قالايمىز.
