شينحۋا اگەنتتىگى، 8 - ايدىڭ 4 - كۇنى، بەيجيڭ. مەملەكەتتىك كەڭەستىڭ بىرلەسىپ ساقتانۋ، بىرلەسىپ تىزگىندەۋ مەحانيزمى 8 - ايدىڭ 4 - كۇنى بەيجيڭدە تەلەۆيزور - تەلەفون ءماجىلىسىن اشتى، ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەس زۇڭليىنىڭ ورىنباسارى سۇن چۇنلان ماجىلىسكە قاتىناستى ءارى ءسوز سويلەدى. ول مىنالاردى دارىپتەدى: باس شۋجي شي جينپيڭنىڭ ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، لي كىچياڭ زۇڭليدىڭ بەكىتۋىنىڭ تالابىن تياناقتاندىرىپ، جاۋاپكەرلىك سەزىمدى ونان ارى جوعارىلاتىپ، شۇعىل جۇمىلدىرىپ، شۇعىل ارەكەتتەنىپ، بوساڭسۋ، سالعىرتتىق يدەياسىن جەڭىپ، «4 تە ەرتە بولۋ» تالابى مەن «4 جاقتاعى جاۋاپكەرلىكتى» تياناقتاندىرىپ، ءتۇرلى ساقتانۋ - تىزگىندەۋ شارالارىن قاتاڭ تياناقتاندىرىپ، ىندەتتىڭ كەڭەيۋىن باتىل تەجەپ، وڭاي - وسپاق قولعا كەلمەگەن ساقتانۋ - تىزگىندەۋ جەتىستىكتەرىن ساقتاپ قالۋ كەرەك.
مەملەكەتتىك كەڭەستىڭ مۇشەسى، قوسىمشا مەملەكەتتىك كەڭەستىڭ باس حاتشىسى شياۋ جيە ءماجىلىستى باسقاردى.
سۇن چۇنلان بىلاي دەپ اتاپ كورسەتتى: تاياۋ مەزگىلدە ەل ىشىندە كوپ ورىندا ىندەت تارادى، اسقىنۋ بەتالىسى تۇراقسىزدىققا يە. جەر - جەر ىندەتتەن ساقتانۋ - تىزگىندەۋدى ماڭداي الدى ءىرى ءىس رەتىندە قاراپ، قولباسشىلىق جۇيەسىندە 24 ساعات اينالىمدى ساقتاپ، ىندەت تۋىلماعان كەزدە باستىسى ساقتانۋدى يگەرىپ، ىندەت تۋىلعاننان كەيىن ءبىر جاقتى ەتۋدى تەز يگەرىپ، تارالۋ جولى مەن تىزبەگىن جەدەل ءۇزۋ كەرەك. سىرتتان كىرۋدەن ساقتانۋدى ءبىر ءسات تە بوساڭسىتۋعا بولمايدى، اۋەجاي، پورت، قۇرلىق جولى وتكەلى سياقتى وتكەلدەردى باتىل ساقتاۋ، شەكارادان كىرگەن ادامدار مەن زاتتاردى ەل ىشىندەگى ادامداردىڭ قيمىل ورىندارىنان فيزيكالىق جولمەن اۋاشالاۋ، حاۋىپ - قاتەرى جوعارى جۇمىس ورىندارىنداعى قىزمەتكەرلەردى تۇيىقتاۋ نەمەسە جابىق باسقارۋ، قىزمەت كەزىندە وتباسى مۇشەلەرىمەن جانە الەۋمەتتىك اۋماق بۇقاراسىمەن ارالاسۋدان ساقتانۋ كەرەك. الدىمەن دياگنوز قويۋ، جاۋاپتى بولۋ ءتۇزىمىن قاتاڭ تياناقتاندىرىپ، بايقالعان زامان مالىمدەپ، «الدىمەن باسقارۋ، ونان سوڭ ەلەكتەن وتكىزۋ» پرينسيبى بويىنشا، ءتۇيىندى ادامداردى دەر كەزىندە شوعىرلى تۇردە اۋاشالاۋ، تىعىز جاناسۋشىلاردى وڭىرلىك سەلبەسىپ تەكسەرۋ قىزمەتىن 24 ساعات ىشىندە ورىنداۋ كەرەك. بۇكىل ەل كولەمىندە شيپاحانادا جۇعىمدالۋدان ساقتانۋ - تىزگىندەۋدى ارناۋلى ءبىر - بىرلەپ تەكسەرۋ قيمىلىن ورىستەتىپ، شيپاحانادا جۇعىمدالۋدان ساقتانۋ - تىزگىندەۋ تالابىنا ۇيلەسپەيتىندەرىنە قاراتا شەكتى ۋاقىتتا رەتتەۋ - تۇزەتۋ، رەتتەۋ - تۇزەتۋ تىڭعىلىقتى بولماعاندارىن باتىل جابۋ، توقتاتۋ كەرەك. ىندەت جاعدايىن دەر كەزىندە جاريالاپ، حاۋىپ - قاتەرى بار ادامدارعا ىرىقتىلىقپەن تەكسەرىلىپ، سانالىلىقپەن مالىمدەلۋدى ەسكەرتىپ، ىندەتتەن ساقتانۋ - تىزگىندەۋ قوعامدىق جاۋاپكەرلىگىن شىنايى ارقالاۋ كەرەك.
