جۇڭگو كوممۋنيستىك پارتياسى ورتالىق كوميتەتى ساياسي بيۋروسى ءماجىلىس اشتى
كەزەكتەگى ەكونوميكالىق جاعداي مەن ەكونوميكالىق قىزمەتكە تالداۋ جاسادى، اقىلداستى
جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى
شينحۋا اگەنتتىگىنىڭ 7 - ايدىڭ 30 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى ساياسي بيۋروسى 7 - ايدىڭ 30 - كۇنى ءماجىلىس اشىپ، كەزەكتەگى ەكونوميكالىق جاعدايعا تالداۋ جاساپ، اقىلداسىپ، سوڭعى جارتى جىلداعى ەكونوميكالىق قىزمەتتى ورنالاستىردى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى.
ءماجىلىس بىلاي دەپ قارادى: بيىل جىل باسىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ءبىز ەل ءىشى، حالىقارا سىندى ەكى كەلەلى جاعدايدى ءبىر تۇتاس جوسپارلاپ، ىندەتتەن ساقتانۋ - تىزگىندەۋدى جانە ەكونوميكالىق، قوعامدىق دامۋدى ءبىر تۇتاس جوسپارلاپ، ماكرولىق ساياساتتى ءونىمدى اتقاردىق، ەكونوميكا ۇزدىكسىز ورنىقتى قالپىنا كەلىپ، ورنىقتىلىق بارىسىندا جاقساردى، عىلىم - تەحنيكادا ءوز كۇشىنە سۇيەنۋ، ءوزىن الۋەتتەندىرۋ بەلسەنە ىلگەرىلەتىلىپ، رەفورما جاساۋ، ەسىك اشۋ تەبىنى ارتىپ، حالىق تۇرمىسى ءونىمدى قامتاماسىز ەتىلدى، جوعارى ساپالى دامۋدا جاڭا تابىسقا قول جەتىپ، قوعامدىق كەلەلى جاعداي ورنىقتىلىقتى ساقتادى. جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ جەلىلەس قيمىلدارىن تابىستى وتكىزىپ، جاپپاي دوڭگەلەك داۋلەتتى قوعام ورناعاندىعىن رەسمي جاريالاپ، ەكىنشى 100 جىلدىق كۇرەس نىساناسىنا قاراي شەرۋ تارتۋدىڭ جاڭا ساپارىنا قادام تاستادىق.
ءماجىلىس مىنالاردى اتاپ كورسەتتى: كەزەكتە بۇكىل الەمدە ىندەت ءالى دە ءۇرتىس قۇبىلۋدا، سىرتقى ورتا ءتىپتى دە كۇردەلى، قاتاڭ بولىپ وتىر، ەل ءىشى ەكونوميكاسىنىڭ قالپىنا كەلۋى ءالى دە تۇراقتى ەمەس، بىركەلكى ەمەس. سوڭعى جارتى جىلداعى ەكونوميكالىق قىزمەتتى ويداعىداي ىستەۋدە ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جاڭا دامۋ ۇستانىمىن تولىق، دالمە - ءدال، جان - جاقتى دايەكتىلەندىرىپ، قامداۋ جاعىنداعى قۇرىلىمدىق رەفورمانى تەرەڭدەتىپ، جاڭا دامۋ ارناسىن جەدەل قالىپتاستىرىپ، جوعارى ساپالى دامۋدى ىلگەرىلەتۋ كەرەك. ماكرولىق ساياساتتى پەريود اتتاپ رەتتەۋدى ويداعىداي يگەرىپ، ماكرولىق ساياساتتىڭ ۇلاسپالىلىعىن، تۇراقتىلىعىن، باياندىلىعىن ساقتاپ، بيىل، كەلەر جىلى 2 جىلدىڭ ماكرولىق ساياساتىن ۇشتاستىرۋدى ءبىر تۇتاس جوسپارلاپ، ويداعىداي ىستەپ، ەكونوميكالىق اينالىمنىڭ ۇيلەسىمدى ارالىعىن ساقتاۋ كەرەك. بەلسەندى قازىنا ساياساتىندا ساياساتتىق ونىمدىلىگىن جوعارىلاتىپ، نەگىزگى ساتىنىڭ ”ءۇشتى قامتاماسىز ەتۋ“ تومەنگى شەگىن بەكەمدەپ، مەجە ەسەپ ىشىندەگى قارجى قوسۋ مەن جەرگىلىكتى ۇكىمەتتەردىڭ زايوم تاراتۋ اياق الىسىن ۇيلەسىمدى يگەرىپ، بيىل جىل سوڭى مەن كەلەر جىلدىڭ باسىندا ناقتى جۇمىس مولشەرىنىڭ قالىپتاسۋىن ىلگەرىلەتۋ كەرەك. ورنىقتى اقشا ساياساتىندا جىلجىمالىلىقتىڭ ۇيلەسىمدى، جەتكىلىكتى بولۋىن ساقتاپ، ورتا، شاعىن كاسىپورىندار مەن قيىنشىلىعى بار كاسىپتەردىڭ ۇزدىكسىز قالپىنا كەلۋىنە دەم بەرۋ كەرەك. ماكرولىق ساياساتتىڭ دەربەستىك سيپاتىن كۇشەيتىپ، حالىق اقشاسى سىندىرىلىمىنىڭ ۇيلەسىمدى، بىركەلكى دەڭگەيدە نەگىزىنەن ورنىقتى بولۋىن ساقتاۋ كەرەك. مول تاۋارلاردىڭ قامداۋىن قامتاماسىزداندىرۋ، باعاسىن ورنىقتىرۋ قىزمەتىن ويداعىداي ىستەۋ كەرەك.
ءماجىلىس مىنالاردى تالاپ ەتتى: ەل ءىشى بازارىنىڭ كومەسكى كۇشىن اشىپ، جاڭا ەنەرگيالى اۆتوكولىكتەرىنىڭ جەدەل دامۋىن قولداپ، اۋدان، اۋىل، قىستاق ەلەكتروندى ساۋدا جۇيەسى مەن جەدەل جەتكىزۋ زات اينالىمى، سەپتەۋ - جەتكىزۋ جۇيەسىن جەدەل تۇتاستىرىپ، ”14 - بەسجىلدىق“ جوباداعى كەلەلى ينجەنەريالىق نىسان قۇرىلىستارىن جەدەل ىلگەرىلەتىپ، كاسىپورىنداردى تەحنيكانى جاڭالاۋعا قوساتىن قارجىنى ارتتىرۋعا جەتەكتەۋ كەرەك. عىلىم - تەحنيكادا جاڭالىق اشۋ مەن كاسىپ تىزبەگىنىڭ، قامداۋ تىزبەگىنىڭ سەرپىمدىلىگىن كۇشەيتىپ، نەگىزدىك زەرتتەۋدى كۇشەيتىپ، قولدانىلمالى زەرتتەۋدى ىلگەرىلەتىپ، تىزبەكتى تولىقتاۋ، تىزبەكتى كۇشەيتۋ ارناۋلى ارەكەتىن ورىستەتىپ، ”القىمداپ وتىرعان“ قيىن ماسەلەلەردى جەدەل شەشىپ، ماماندانعان، سارالانعان، ەرەكشە، جاڭا ورتا، شاعىن كاسىپورىنداردى دامىتۋ كەرەك. رەفورمادان قامال الۋ تەبىنىن ارتتىرىپ، بازار نەگىزگى تۇلعاسىنىڭ ومىرشەڭدىك كۇشىن ونان ارى قاۋلاتۋ كەرەك. جوعارى دەڭگەيدە ەسىك اشۋعا تاباندى بولىپ، ”ءبىر بەلدەۋ، ءبىر جولدى“ بىرگە قۇرۋدىڭ جوعارى ساپالى دامۋىن بۇلجىماي ىلگەرىلەتۋ كەرەك. كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋ، كومىر قىشقىل گازىن بەيتاراپتاندىرۋ قىزمەتىن ءبىر تۇتاس جوسپارلاپ، تارتىپپەن جاقسى ىستەپ، 2030 - جىلدان بۇرىن كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋ ارەكەت جوباسىن تەز ارادا شىعارىپ، بۇكىل مەملەكەت ءبىر تۇتاس جۇيە دەگەنگە تاباندى بولىپ، ناۋقاندىق ۇلگىدەگى ”كومىر قىشقىل گازىنىڭ شىعارىلۋىن ازايتۋدى“ تۇزەتىپ، الدىمەن ورناتىپ، سوڭىنان قالدىرىپ، ”ەكى جوعارى“ نىساندى كوزسىزدىكپەن دامىتۋدى باتىل تەجەۋ كەرەك. ەلەكتردەن پايدالانۋدىڭ جازعى مەزگىلدەگى جوعارى شەگىن قارسى الۋدى قامتاماسىز ەتۋ قىزمەتىن ويداعىداي ىستەۋ كەرەك. ءتۇيىندى سالالارداعى حاۋىپ - قاتەرلەردەن ساقتانىپ، ونى جويىپ، جەرگىلىكتى پارتيا، ۇكىمەت ورىندارىنداعى نەگىزگى باسشىلار جاۋاپتى بولاتىن قازىنا، فينانس حاۋىپ - قاتەرىن ءبىر جاقتى ەتۋ مەحانيزمىن تياناقتاندىرىپ، كاسىپورىنداردىڭ شەكارا سىرتىندا جارناسىن بازارعا شىعارۋدى باقىلاۋ - باسقارۋ ءتۇزىمىن كەمەلدەندىرۋ كەرەك. ءۇيدىڭ ساۋدالاۋعا ەمەس، تۇرۋعا ارنالعاندىعى سىندى انىقتاماعا تاباندى بولىپ، جەر باعاسىن ورنىقتىرىپ، ءۇي باعاسىن ورنىقتىرىپ، مەجەنى ورنىقتىرىپ، قورا - جاي كاسىبى بازارىنىڭ ورنىقتى، اقاۋسىز دامۋىن جەبەۋ كەرەك. تۇرعىن ءۇيدى جالعا بەرۋدى جەدەل دامىتىپ، پايدالاناتىن جەر، سالىق سياقتى جاقتاردان قولداۋ ساياساتىن تياناقتاندىرۋ كەرەك.
ءماجىلىس مىنالاردى باسا دارىپتەدى: حالىق تۇرمىسىن قامتاماسىز ەتۋ مەن ءوندىرىس حاۋىپسىزدىگىن ويداعىداي ىستەپ، كەدەيلىكتەن ارىلتۋدان قامال الۋ جەتىستىگىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋعا تاباندى بولىپ، جوعارى مەكتەپ تاۋىسقان وقۋشىلاردىڭ جۇمىستانۋىنا قىزمەت وتەۋدى كۇشەيتىپ، شارۋا جۇمىسكەرلەردىڭ سىرتقا شىعىپ جۇمىستانۋ ارناسىن ىركىلىسسىزدەندىرىپ، يكەمدى جۇمىستانعانداردىڭ ەڭبەكشىلەر ۇقىق - مۇددەسىن قامتاماسىز ەتۋدى جاقسارتۋ كەرەك.
نەگىزگى زەينەتكەرلىك قامسىزداندىرۋىن بۇكىل ەل بويىنشا ءبىر تۇتاس جوسپارلاۋدى ىلگەرىلەتىپ، ”3 بالالى بولۋ“ تۋىت ساياساتىن تياناقتاندىرىپ، تۋۋ، باعۋ، تاربيەلەۋ سياقتى جاقتارداعى ساياساتتاردىڭ سايكەسۋىن كەمەلدەندىرۋ كەرەك. كۇزگى استىق ءوندىرىسىن ويداعىداي يگەرىپ، ازىق - تۇلىك حاۋىپسىزدىگىنە شىنايى كەپىلدىك ەتىپ، شوشقا ءوندىرىسىن ورنىقتىرۋ كەرەك. ءوندىرىس حاۋىپسىزدىگى مەن الەۋمەتتىك حاۋىپسىزدىك سىندى وسى ارقاۋدى مىقتاپ شيراتىپ، ءتۇرلى تاسقىننان ساقتانۋ، اپاتتان قۇتقارۋ شاراسىن ەگجەي - تەگجەيلى، ناقتى يگەرىپ، حالىق بۇقاراسىنىڭ ءومىرىنىڭ، مال - مۇلكىنىڭ حاۋىپسىزدىگىنە شىنايى كەپىلدىك ەتۋ كەرەك. جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋدى تيتتەي دە بوساڭسىماي ويداعىداي ىستەپ، ۆاكسينا ەگۋ قىزمەتىن ۇزدىكسىز ىلگەرىلەتۋ كەرەك. بەيجيڭ قىسقى وليمپياداسىنا، قىسقى مۇگەدەكتەر وليمپياداسىنا دايىندالۋ، وتكىزۋ قىزمەتىن ويداعىداي ىستەۋ كەرەك.
ءماجىلىس باسقا دا ىستەردى اقىلداستى.
