تاياۋدا ج ك پ ورتالىق كوميتەتى كەڭسەسى، مەملەكەتتىك كەڭەس كەڭسەسى «جەرگىلىكتى
پارتيا، ۇكىمەت باسشى كادرلارىنىڭ ازىق - تۇلىك حاۋىپسىزدىگى جاۋاپكەرشىلىك ءتۇزىمى
بەلگىلەمەسىن» باسىپ تاراتتى ءارى حابارلاندىرۋ شىعارىپ، ءارقايسى وڭىرلەردەن،
تاراۋلاردان مۇقيات بويسۇنىپ، اتقارۋدى تالاپ ەتتى.
«بەلگىلەمەدە» مىنالار
العا قويىلدى: ازىق - تۇلىك حاۋىپسىزدىگىندە پارتيا مەن ۇكىمەت بىردەي
جاۋاپكەرشىلىك ارقالاۋ تالابىن ىشكەرىلەي تياناقتاندىرىپ، ازىق - تۇلىك
حاۋىپسىزدىگىن قاراستى جەر باسقارۋ جاۋاپكەرشىلىگىن كۇشەيتىپ، ازىق - تۇلىك
حاۋىپسىزدىگى قىزمەت جاۋاپكەرشىلىگى ءتۇزىمىن اقاۋسىزداندىرىپ، حالىق جۇرتشىلىعىنىڭ
«اس - سۋ حاۋىپسىزدىگىن» قامتاماسىز ەتۋ ءۇشىن، پارتيا ىشىندەگى قاتىستى زاڭ -
ەرەجەلەر جانە مەملەكەتتىڭ قاتىستى زاڭدارى بويىنشا، وسى بەلگىلەمە جاسالدى.
جەرگىلىكتى پارتيا، ۇكىمەت باسشى كادرلارىنان حالىقتى وزەك ەتكەن دامۋ يدەياسىن
بەرىك ورناتىپ، ازىق - تۇلىك حاۋىپسىزدىگى جاعىنداعى «تورتتە ەڭ قاتاڭ بولۋ»
تالابىن دايەكتىلەندىرىپ، تياناقتاندىرىپ، ازىق - تۇلىك حاۋىپسىزدىگى ستراتەگياسىن
ىشكەرىلەي اتقارىپ، «ءبىر ءوڭىردىڭ دامۋىن جەبەپ، ءبىر ءوڭىردىڭ تىنىشتىعىن ساقتاۋ»
ساياسي جاۋاپكەرشىلىگىن ارقالاپ، ازىق - تۇلىك حاۋىپسىزدىگى قىزمەتىنىڭ ورەسىن
ۇزدىكسىز ءوسىرىپ، حالىق جۇرتشىلىعىنىڭ تابىس سەزىمىن، باقىت سەزىمىن، حاۋىپسىزدىك
سەزىمىن قۇلشىنا كۇشەيتۋ تالاپ ەتىلدى.