1. اعىمداعى ورىن:
  2. باس بەت
  3. اعىم جاڭالىقتارى
  4. باس حابار
  5. زاڭ - ەرەجە

ج ك پ ورتالىق كوميتەتىنىڭ كەڭسە مەڭگەرمەسى «ۇقتىرۋ» باسىپ تاراتتى

جۇڭگو كوممۋنيستىك پارتياسى قۇرىلعانىنىڭ 100 جىلدىعىن قۇتتىقتاۋ بايلانىسىمەن «پارتياعا ماڭگى ىلەسۋ» اتىنداعى بۇقارالىق نەگىزگى تاقىرىپتىق ۇگىت - تاربيە قيمىلى ۇيىمداستىرىپ ورىستەتىلەدى

日期:2021年04月13日
来源:人民网
【字体:

شينحۋا اگەنتتىگى، 4 - ايدىڭ 9 - كۇنى، بەيجيڭ. ج ك پ ورتالىق كوميتەتى كەڭسەسى تاياۋدا «جۇڭگو كوممۋنيستىك پارتياسى قۇرىلعانىنىڭ 100 جىلدىعىن قۇتتىقتاۋ بايلانىسىمەن ‹پارتياعا ماڭگى ىلەسۋ› اتىنداعى بۇقارالىق نەگىزگى تاقىرىپتىق ۇگىت - تاربيە قيمىلىن ۇيىمداستىرىپ ورىستەتۋ جونىندەگى ۇقتىرۋدى» باسىپ تاراتىپ، جۇڭگو كوممۋنيستىك پارتياسى قۇرىلعانىنىڭ 100 جىلدىعىن قۇتتىقتاۋ بۇقارالىق نەگىزگى تاقىرىپتىق ۇگىت - تاربيە قيمىلى جونىندە ورنالاستىرۋ جاسادى.

  «ۇقتىرۋدا» بىلاي دەپ دارىپتەلدى: جۇڭگوشا سوتسياليزم ۇلى تۋىن بيىك ۇستاپ، ماركسيزم - لەنينيزمدى، ماۋ زىدۇڭ يدەياسىن، دىڭ شياۋپيڭ نازارياسىن، «ۇشكە ۋاكىلدىك ەتۋ» ماڭىزدى يدەياسىن، عىلمي دامۋ كوزقاراسىن، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە پارتيا 19 - كەزەكتى ورتالىق كوميتەتىنىڭ ەكىنشى، ءۇشىنشى، ءتورتىنشى، بەسىنشى جالپى ماجىلىستەرىنىڭ رۋحىن جاپپاي دايەكتى تياناقتاندىرىپ، «پارتياعا ماڭگى ىلەسۋدى» نەگىزگى تاقىرىپ ەتىپ، فورماسى الۋان ءتۇرلى، مازمۇنى باي بۇقارالىق نەگىزگى تاقىرىپتىق ۇگىت - تاربيە قيمىلىن ۇيىمداستىرىپ ورىستەتىپ، كوممۋنيستىك پارتيا جاقسى، سوتسياليزم جاقسى، رەفورما جاساپ، ەسىك اشۋ جاقسى، ۇلى وتان جاقسى، ءار ۇلت حالقى جاقسى دەيتىن داۋىرلىك نەگىزگى اۋەندى كۇش سالا اسقاقتاتىپ، بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسۋعا شابىتتاندىرىپ جانە جۇمىلدىرىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، ءورىس اشا العا ىلگەرىلەپ، قيىندىقتاردان قامال الىپ، ءوز قىزمەت ورنىن تياناق ەتىپ ۇلەس قوسىپ، پارتيانى، وتاندى، سوتسياليزمدى ءسۇيۋ ىنتاسىن ءىس جۇزىندىك ارەكەتكە اينالدىرىپ، «14 - بەسجىلدىقتا» جاقسى باستاما باستاپ، جاقسى قادام تاستاۋعا كەپىلدىك ەتۋ ءۇشىن، جاپپاي سوتسياليستىك وسىزاماندانعان مەملەكەت قۇرۋ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن ۇزدىكسىز كۇرەس جۇرگىزۋ كەرەك.

  «ۇقتىرۋدا» مىنالار ايقىن بەلگىلەندى: نەگىزگى تاقىرىپتىق ۇگىت – تاربيە قيمىلى ەكى ساتىعا ءبولىپ اتقارىلادى. ءبىرىنشى ساتى 2021 - جىلى 5 – ايدىڭ الدىنا دەيىن، مۇندا پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ، مەملەكەتتىك ەكى ءماجىلىستىڭ جانە كەدەيلىكتەن ارىلتۋدان قامال الۋ جونىندەگى مەملەكەتتىك قورىتىندىلاۋ، ماداقتاۋ - سيلاۋ جينالىسىنىڭ رۋحى ىشكەرىلەي ۇيرەنىلىپ، ۇگىتتەلىپ، دايەكتىلەندىرىلىپ، «13 – بەسجىلدىق» جوبا مەزگىلىندەگى دامۋدىڭ شۇعىلالى تابىستارى ايگىلەنىپ، «14 – بەسجىلدىق» جوبا مەزگىلىندەگى دامۋدىڭ جارقىن بولاشاعى ۇگىتتەلەدى. ەكىنشى ساتى 2021 - جىلى 5 - ايدان جىل سوڭىنا دەيىن، 6 -، 7 - ايلاردا ورلەۋ قالىپتاستىرىلادى. مۇندا باس شۋجي شي جينپيڭنىڭ جۇڭگو كوممۋنيستىك پارتياسى قۇرىلعانىنىڭ 100 جىلدىعىن قۇتتىقتاۋ جينالىسىندا سويلەگەن ماڭىزدى ءسوزىنىڭ رۋحىن ۇيرەنۋ، ۇگىتتەۋ، دايەكتىلەندىرۋ، پارتيا ورتالىق كوميتەتىنىڭ ەلىمىزدىڭ جاپپاي دوڭگەلەك داۋلەتتى قوعام قۇرعانىن رەسمي جاريالاۋى سياقتىلار ارقاۋ ەتىلىپ، تاقىرىبى كورنەكتى، ەرەكشەلىگى ايقىن بۇقارالىق تاقىرىپتىق قيمىلدار ۇيىمداستىرىپ ورىستەتىلەدى.

  «ۇقتىرۋدا» مىنالار اتاپ كورسەتىلدى: ءتۇرلى بۇقارالىق نەگىزگى تاقىرىپتىق ۇگىت تاربيەسى قيمىلدارىن كەڭ كولەمدە ورىستەتۋ كەرەك. ءبىرىنشى، پارتيا تۋى نەگىزگى ساتىنىڭ ءبىرىنشى شەبىندە جەلبىرەيدى اتىنداعى قيمىلداردى ورىستەتۋ كەرەك. ءار سالاداعى نەگىزگى ساتى پارتيا ۇيىمدارىن پارتيا مەن مەملەكەت قىزمەتىنىڭ جالپى جاعدايىن تىعىز ارقاۋ ەتىپ، ءوز رايونىنىڭ، ءوز تاراۋىنىڭ، ءوز ورنىنىڭ وزەكتى مىندەتىن ورىنداۋدى ارقاۋ ەتىپ، قايراتتانا العا ۇمتىلىپ، ەڭبەك ءسىڭىرىپ، ۇلەس قوسۋعا جەتەكتەۋ كەرەك. ەكىنشى، پارتياعا كىرۋ سەرتى قيمىلىن ورىستەتۋ كەرەك. توڭكەرىستىك بايىرعى جۇرت، توڭكەرىستىك ەسكەرتكىش سارايى، قۇرباندار قابىرستانى سياقتى توڭكەرىستىك بايلىقتاردان پايدالانىپ، جاڭا پارتيا مۇشەلەرىنىڭ پارتياعا كىرۋ سەرتىن بەرۋ قيمىلىن ۇيىمداستىرۋ جانە ورىستەتۋ، پارتيا مۇشەلەرى پارتياعا كىرۋ سەرتىن قايتا ەسكە ءتۇسىرۋ قيمىلىن ورىستەتۋ كەرەك. ءۇشىنشى، پارتيا ساباعى مەن تاڭداۋلى پارتيا ساباعىن ءوتۋ قيمىلىن ورىستەتۋ كەرەك. «پارتيا ساباعى باستالدى» قيمىلىن كەڭ كولەمدە ورىستەتىپ، ءار دارەجەلى پارتيا ۇيىمدارىنىڭ شۋجيلەرىن، پارتيالى باسشى كادرلاردى، تاڭداۋلى پارتيا مۇشەلەرىن، ساقا پارتيا مۇشەلەرىن پارتيا ساباعىن وتۋگە ۇيىمداستىرۋ كەرەك. ءار دارەجەلى تەلەۆيزيا ستانسيالارى سياقتى اقپارات قۇرالدارى مەن پارتيا مۇشەلەرىن تاربيەلەۋ تەكشەلەرى ارناۋلى ايدار اشىپ، ءبىر توپ تاڭداۋلى پارتيا ساباعىن شوعىرلى تاراتۋ كەرەك. ءتورتىنشى، ۇيرەنۋ، باستان كەشىرۋ قيمىلىن ورىستەتۋ كەرەك. نازاردى پارتيا قۇرىلعانىنىڭ 100 جىلدىعى، كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەۋ، كەڭەيتۋ، جاپپاي دوڭگەلەك داۋلەتتى قوعام قۇرۋ سياقتىلارعا شوعىرلاندىرىپ، ۇيرەنۋ، باستان كەشىرۋ جەلىلەرىنەن جانە سارا توڭكەرىستىك ساياحات جەلىلەرىنەن ءبىر توبىن دەن قويا جوبالاپ، ىسكە قوسىپ، كادرلار مەن بۇقارانى جاقىن ماڭدا ناقتى تەكسەرۋ - زەرتتەۋ جۇرگىزۋگە، مەملەكەت جاعدايىنا تەكسەرۋ - زەرتتەۋ جۇرگىزۋگە جەتەكتەۋ كەرەك. بەسىنشى، تاقىرىپتىق ۇگىت - لەكسيا قيمىلىن ورىستەتۋ كەرەك. بۇقاراعا ۇگىت - لەكسيا جاساۋ قيمىلىن كەڭ كولەمدە ۇيىمداستىرىپ جانە ورىستەتىپ، ماڭىزدى وقيعالاردى ءوز كوزىمەن كورۋشىلەردى جانە كۋاگەرلەردى، نازاريا قىزمەتكەرلەرىن، ءىس جۇزىندىك قىزمەتكەرلەردى، اسىرەسە، ءداۋىر ۇلگىلەرى، ەڭ سۇيىكتى ادامدار قاتارلىلاردى نەگىزگى ساتىعا بارىپ ارالاپ ۇگىت - لەكسيا جاساۋعا ۇسىنىس ەتۋ كەرەك. التىنشى، جاستار مەن ورەندەر پارتياعا تالپىنادى اتىنداعى تاربيە قيمىلىن ورىستەتۋ كەرەك. «العاشقى قوڭىراۋ» ارناۋلى تەلە باعدارلامالارىن جاساپ جانە تاراتىپ، بۇكىل ەلدەگى جوعارى، ورتا، باستاۋىش مەكتەپتەردى ارناۋلى تاقىرىپتىق پارتيا، وداق قيمىلىن ورىستەتۋگە ۇيىمداستىرىپ، قالىڭ جاستار مەن ورەندەردى ساياسي - نازاريا ۇيرەنۋدى كۇشەيتۋگە جەتەكتەپ، پارتيا تاريحىن، جاڭا جۇڭگو تاريحىن، رەفورما جاساۋ، ەسىك اشۋ تاريحىن، سوتسياليزمنىڭ دامۋ تاريحىن ۇيرەنۋدى كۇشەيتىپ، سانالى تۇردە جۇڭگوشا سوتسياليزمنىڭ مىزعىماس سەنۋشىلەرى، ادال اتقارۋشىلارى بولۋعا باستاۋ كەرەك. جەتىنشى، ءتۇرلى بۇقارالىق مادەنيەت قيمىلدارىن ورىستەتۋ كەرەك. نەگىزگى تاقىرىپتىق تۋىندىلاردى جيناۋ جانە كورمەگە قويۋ قيمىلىن ۇيىمداستىرىپ جانە ورىستەتىپ، ميكرو كينو، ميكرو كەسكىن سياقتى توعىسپالى مەديا ۇگىتى قيمىلىن ورىستەتىپ، توڭكەرىستىك تاقىرىپتاعى كينو - تەلە فيلمدەردى قويۋ قيمىلىن ورىستەتۋ كەرەك. مەملەكەت مەرەكەسى كەزىندەگى جاڭا سالتتى بەكەمدەپ جانە تەرەڭدەتىپ، جالپى حالىقتىق قورعانىس تاربيەسى قيمىلىن كەڭ كولەمدە ورىستەتىپ، «ءبىزدىڭ مەرەكەمىز» قيمىلىن تەرەڭدەتىپ، قالا، اۋىل، الەۋمەتتىك اۋماقتاردا كورشىلەر مەرەكەسىن وتكىزىپ، تاماشا سالت قالىپتاستىرۋدى ىلگەرىلەتۋ كەرەك.

  «ۇقتىرۋدا» بىلاي دەپ دارىپتەلدى: جەر - جەر، تاراۋلار دۇرىس بەتالىستا تاباندى بولىپ، يدەيالىق مازمۇنعا ءمان بەرىپ، نەگىزگى تاقىرىپتىق ۇگىت - تاربيە قيمىلىن شي جينپيڭ جاڭا ءداۋىر جۇڭگوشا سوتسياليزم يدەياسىن جانە پارتيا 19 - قۇرىلتايىنىڭ رۋحىن ىشكەرىلەي ۇيرەنۋمەن، ۇگىتتەۋمەن، دايەكتىلەندىرۋمەن ۇشتاستىرىپ، «پارتيانىڭ سالتاناتى، حالىقتىڭ مەرەكەسى» سىندى قويۋ قوعامدىق راي قالىپتاستىرۋ كەرەك. ءىس جۇزىندىك جاعدايمەن تىعىز ۇشتاستىرىپ، ءادىس - امالدى جاڭالاپ، بۇقارا ۇناتىپ تىڭدايتىن، قابىلداي قوياتىن تىلدەن كوبىرەك پايدالانىپ، بۇقارا ات سالىساتىن، قاتىناسا الاتىن تەكشەلەردى كوبىرەك قۇرىپ، ەرەكشەلىگى ايقىن ءتۇرلى قيمىلداردى ۇيىمداستىرىپ جانە ورىستەتىپ، ۇگىت - تاربيەنىڭ ناقتى ونىمدىلىگى مەن باۋراۋ قۋاتىن كۇشەيتۋ كەرەك. دەن قويا ۇيىمداستىرىپ، ورنالاستىرىپ، ۇيىمدىق باسشىلىقتى كۇشەيتىپ، ناقتى ونىمدىلىككە قول جەتكىزۋ كەرەك. ورتالىقتىڭ «8 ءتۇرلى بەلگىلەمەسىنىڭ» جانە ونى اتقارۋداعى ەگجەي - تەگجەيلى ەرەجەنىڭ رۋحىن قاتاڭ اتقارىپ، استا - توك ىسىراپشىلدىقتان بارىنشا ساقتانۋ كەرەك. حاۋىپسىزدىك تانىمىن بەرىك ورناتىپ، جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتىن جاقسى ىستەپ، ءتۇرلى قيمىلداردىڭ حاۋىپسىز، ءتارتىپتى جۇرگىزىلۋىنە كەپىلدىك ەتۋ كەرەك.

  «ۇقتىرۋدا» تاعى جۇڭگو كوممۋنيستىك پارتياسى قۇرىلعانىنىڭ 100 جىلدىعىن قۇتتىقتاۋ ۇگىت ۇرانى ءبىر ۋاقىتتا جاريالاندى.