1. اعىمداعى ورىن:
  2. باس بەت
  3. اعىم جاڭالىقتارى
  4. باس حابار
  5. زاڭ - ەرەجە

ج ك پ ورتالىق كوميتەتى اقپار جاريالاۋ ءماجىلىسىن اشىپ،

جۇڭگو كوممۋنيستىك پارتياسى قۇرىلعانىنىڭ 100 جىلدىعىن قۇتتىقتاۋ قيمىلىنىڭ جاعدايىن تانىستىردى

日期:2021年03月25日
来源:人民网
【字体:

    شينحۋا اگەنتتىگى، 3 – ايدىڭ 23 – كۇنى، بەيجيڭ (تىلشىلەر سۇن تيەشياڭ، سۇن شاۋلۇڭ). ج ك پ ورتالىق كوميتەتى 3 - ايدىڭ 23 - كۇنى تۇستەن بۇرىن اقپار جاريالاۋ ءماجىلىسىن اشىپ، جۇڭگو كوممۋنيستىك پارتياسى قۇرىلعانىنىڭ 100 جىلدىعىن قۇتتىقتاۋ قيمىلىنا قاتىستى جاعدايلاردى تانىستىردى ءارى تىلشىلەردىڭ سۇراۋىنا جاۋاپ بەردى.

  تانىستىرۋعا قاراعاندا، جۇڭگو كوممۋنيستىك پارتياسىنىڭ عاسىرلىق مەرەكەسى قارساڭىندا قۇتتىقتاۋ قيمىلى وتكىزىلىپ، جۇڭگو كوممۋنيستىك پارتياسىنىڭ حالىقپەن بىرگە تار جول، تايعاق كەشۋلەردى وتكەرىپ، جەڭىستەن - جەڭىسكە قادام تاستاۋ ۇلى بارىسى ەسكە الىنىپ، جۇڭگو كوممۋنيستىك پارتياسىنىڭ عاسىرلىق شۇعىلالى تابىستارى مەن قۇندى تاجىريبەلەرى قورىتىندىلانىپ، جاڭا داۋىرگە قادام تاستاپ، شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، پارتيا مەن مەملەكەتتىڭ ءتۇرلى ىستەرىندە قول جەتكەن تاريحي تابىستار، تۋىلعان تاريحي وزگەرىستەر ايگىلەنىپ، بۇكىل پارتيا، بۇكىل ارميا، بۇكىل ەلدەگى ءار ۇلت حالقى شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، تولىق سەنىممەن جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىنا قادام تاستاۋعا شابىتتاندىرىلىپ، جۇمىلدىرىلادى ەكەن.

  تانىستىرۋعا قاراعاندا، قۇتتىقتاۋ قيمىلى، باستىسى، مىنالاردى قامتيدى ەكەن: ءبىرىنشى، «اۋەلگى ماقساتتى ۇمىتپاۋ، بورىشتى ەستە بەرىك ساقتاۋ» نەگىزگى تاقىرىپتىق تاربيەسىنىڭ جەتىستىكتەرىن بەكەمدەۋمەن، تەرەڭدەتۋمەن ۇشتاستىرىپ، جالپى پارتيا مۇشەلەرى اراسىندا پارتيا تاريحىن ۇيرەنۋ تاربيەسىن ورىستەتۋ. ەكىنشى، ج ك پ ورتالىق كوميتەتى اتىنان جۇڭگو كوممۋنيستىك پارتياسى قۇرىلعانىنىڭ 100 جىلدىعىن قۇتتىقتاۋ جينالىسىن سالتاناتپەن وتكىزۋ، ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماڭىزدى ءسوز سويلەيدى. ءۇشىنشى، ج ك پ ورتالىق كوميتەتى اتىنان پارتياعا كورنەكتى ۇلەس قوسقان، باعالى رۋحاني بايلىق جاراتقان پارتيا مۇشەلەرىنە «1 - شىلدە وردەنى» بەرىلەدى، ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ كۋالىك تاراتىپ، وردەن بەرەدى؛ مەملەكەتتىك تاڭداۋلى پارتيا مۇشەلەرى، مەملەكەتتىك تاڭداۋلى پارتيا ىستەرى قىزمەتكەرلەرى، مەملەكەتتىك وزات نەگىزگى ساتى پارتيا ۇيىمدارى باعالانىپ، ماداقتالادى؛ پارتيا ستاجى 50 جىلعا تولعان، بەينەسى باستان - اياق جاقسى بولعان ساۋ - سالامات پارتيا مۇشەلەرىنە «پارتيا ۇيىمىندا وتكەن داڭقتى 50 جىل» اتىنداعى ەستەلىك مەدالى بەرىلەدى؛ پارتيا ىشىندە ەڭبەك ءسىڭىرىپ، داڭققا يە بولعان پارتيا مۇشەلەرىنەن، تۇرمىسىندا قيىنشىلىعى بار پارتيا مۇشەلەرىنەن، ساقا پارتيا مۇشەلەرىنەن، ساقا كادرلاردان جانە قۇربانداردىڭ ءۇي ىشىندەگىلەردەن، ۇكىمەت قىزمەتى جولىندا قۇربان بولعان پارتيالى كادرلاردىڭ ءۇي ىشىندەگىلەردەن حال سۇراۋ سياقتى قيمىلدار ورىستەتىلەدى. ءتورتىنشى، «اۋەلگى ماقساتتى ۇمىتپاۋ، بورىشتى ەستە بەرىك ساقتاۋ» اتىنداعى كولەمدى تاقىرىپتىق كورمە وتكىزىلىپ، جۇڭگو كوممۋنيستىك پارتياسىنىڭ 100 جىلدىق شۇعىلالى بارىسى، ۇلى تابىستارى جانە باعالى تاجىريبەلەرى جان - جاقتى، جۇيەلى، جاندى، سترەولدى ايگىلەنەدى. بەسىنشى، جۇڭگو كوممۋنيستىك پارتياسى قۇرىلعانىنىڭ 100 جىلدىعىن قۇتتىقتاۋعا ارنالعان كولەمدى ادەبيەت - كوركەمونەر كونسەرتى وتكىزىلىپ، پارتيا مەن مەملەكەت باسشىلارى، ەلەۋلى ەڭبەك ءسىڭىرىپ، داڭققا يە بولىپ ماداقتاپ - سيلانعانداردىڭ ۋاكىلدەرى، نەگىزگى ساتىداعى پارتيا مۇشەلەرى مەن بۇقارانىڭ ۋاكىلدەرى سياقتى ءار سالا قايراتكەرلەرى كورۋگە ۇسىنىس ەتىلەدى. التىنشى، ورتالىق كوميتەتتىڭ ۇگىت ءبولىمى ورتالىق ۇيىمداستىرۋ بولىمىمەن، ورتالىق پارتيا مەكتەبىمەن (مەملەكەتتىك اكىمشىلىك شۋەيۋانى)، ورتالىقتىڭ پارتيا تاريحى جانە قۇجات زەرتتەۋ ورنىمەن، وقۋ - اعارتۋ مينيسترلىگىمەن، جۇڭگو قوعامدىق عىلىمدار اكادەمياسىمەن، اسكەري ىستەر كوميتەتىنىڭ ساياسي قىزمەت بولىمىمەن بىرگە پارتيا قۇرىلعانىنىڭ 100 جىلدىعىن قۇتتىقتاۋ نازاريالىق زەرتتەۋ - تالقى ءماجىلىسىن اشادى؛ ورتالىق كوميتەتتىڭ ۇيىمداستىرۋ ءبولىمى مەملەكەتتىك تاڭداۋلى پارتيا مۇشەلەرىنىڭ، تاڭداۋلى پارتيا ىستەرى قىزمەتكەرلەرىنىڭ، وزات نەگىزگى ساتى پارتيا ۇيىمدارىنىڭ ۋاكىلدەرىنىڭ پارتيا قۇرىلعانىنىڭ 100 جىلدىعىن قۇتتىقتاۋ اڭگىمە ءماجىلىسىن جانە ساقا پارتيا مۇشەلەرى مەن ساقا كادرلاردىڭ اڭگىمە ءماجىلىسىن، پارتيا قۇرىلىسىنىڭ تاريحي تاجىريبەلەرىن زەرتتەۋ - تالقى ءماجىلىسىن اشادى؛ ورتالىق كوميتەتتىڭ بىرلىكساپ ءبولىمى دەموكراتيالىق پارتيا - توپتاردىڭ ورتالىق كوميتەتتەرىمەن، پارتيادا، توپتا جوق قايراتكەرلەرمەن، مەملەكەتتىك ونەركاسىپشىلەر مەن ساۋداگەرلەر بىرلەستىگىمەن بىرگە ءار سالا قايراتكەرلەرىنىڭ جۇڭگو كوممۋنيستىك پارتياسى قۇرىلعانىنىڭ 100 جىلدىعىن قۇتتىقتاۋ اڭگىمە ءماجىلىسىن اشادى. جەتىنشى، جۇڭگو كوممۋنيستىك پارتياسى قۇرىلعان 100 جىلدان بەرگى شۇعىلالى تاريح، ۇلى تابىس جانە قۇندى تاجىريبە، سونداي - اق ءارقايسى تاريحي داۋىردە جارىققا شىققان وزات تيپتەر باستى مازمۇن ەتىلىپ، كولەمدى ارناۋلى قۇجاتتىق فيلم جانە ارناۋلى باعدارلاما جاسالادى جانە تاراتىلادى؛ ءبىرشاما جوعارى يدەيالىق - كوركەمونەر ورەسىنە جەتكەن تەاتر، مۋزىكا، ءبي جانە كينو، تەلە فيلم سياقتى ءتۇرلى تاڭداۋلى ادەبيەت - كوركەمونەر تۋىندىلارى جاراتىلادى؛ ءبىر توپ ءتۇيىندى پارتيا تاريحى شىعارمالارى مەن نازاريالىق ماقالالار شىعارىلادى؛ «جۇڭگو كوممۋنيستىك پارتياسىنىڭ 100 جىلى» قاتارلى ءتۇيىندى باسىلىمدار قۇراستىرىپ شىعارىلادى؛ پارتيا قۇرىلعانىنىڭ 100 جىلدىعىن قۇتتىقتاۋدى نەگىزگى تاقىرىپ ەتىپ، ەستەلىك ماركالارى، ەستەلىك كونۆەرتتەرى جانە ەستەلىك اقشالارى تاراتىلادى؛ سەگىزىنشى، بۇكىل ەلدىڭ قالا - اۋىلدارىندا «پارتياعا ماڭگى ىلەسۋ» اتىنداعى بۇقارالىق تاقىرىپتىق ۇگىت - تاربيە قيمىلى كەڭ كولەمدە ورىستەتىلەدى؛ جەر - جەر، اسىرەسە، پارتيا تاريحىندا ماڭىزدى مانگە يە جەرلەر پارتيا ورتالىق كوميتەتىنىڭ ءبىر تۇتاس ورنالاستىرۋىنا ساي، ءوز جەرىنىڭ ءىس جۇزىندىگىمەن ۇشتاستىرىپ، پارتيا تاريحىنداعى ماڭىزدى وقيعالار، ماڭىزدى قيمىلدار جانە ماڭىزدى ەسكى جۇرتتار، كونە جۇرتتار سياقتىلاردى ارقاۋ ەتىپ، باي مازمۇندى قۇتتىقتاۋ قيمىلدارىن ۇيىمداستىرادى.

  تانىستىرۋعا قاراعاندا، قۇتتىقتاۋ قيمىلىندا ورتالىقتىڭ «8 ءتۇرلى بەلگىلەمەسى» مەن ونى اتقارۋدىڭ ەگجەي – تەگجەيلى ەرەجەسىنىڭ رۋحى قاتاڭ اتقارىلىپ، ىندەتتەن ساقتانۋ - تىزگىندەۋگە قاتىستى تالاپتار قاتاڭ تياناقتاندىرىلىپ، سالتاناتتى، دۋماندى، ناقتى، ۇنەمشىل، حاۋىپسىز، ءتارتىپتى بولۋعا كەپىلدىك ەتىلەدى ەكەن.

  ورتالىق كوميتەت ۇگىت ءبولىمى باستىعىنىڭ كۇندەلىكتى قىزمەتكە جاۋاپتى ورىنباسارى ۋاڭ شياۋحۇي جاعدايدى تانىستىردى، ورتالىق كوميتەت ۇيىمداستىرۋ ءبولىمى باستىعىنىڭ ورىنباسارى فۋ شيڭگو، ورتالىق ۇگىت ءبولىمى باستىعىنىڭ ورىنباسارى، مادەنيەت - ساياحات مينيسترلىگىنىڭ مينيسترى حۋ حىپيڭ، ورتالىق پارتيا تاريحى جانە قۇجات زەرتتەۋ ورنىنىڭ باستىعى چۇي چيڭشان، ورتالىق اسكەري ىستەر كوميتەتى ساياسي قىزمەت ءبولىمى مەڭگەرۋشىسىنىڭ كومەكشىسى لي جۇن اقپار جاريالاۋ ماجىلىسىنە بىرگە قاتىناستى ءارى تىلشىلەردىڭ سۇراۋىنا جاۋاپ بەردى. ورتالىق ۇگىت ءبولىمى باستىعىنىڭ ورىنباسارى، مەملەكەتتىك كەڭەس اقپارات كەڭسەسىنىڭ مەڭگەرۋشىسى شۇي لين اقپار جاريالاۋ ءماجىلىسىن باسقاردى.