1. اعىمداعى ورىن:
  2. باس بەت
  3. اعىم جاڭالىقتارى
  4. باس حابار
  5. زاڭ - ەرەجە

شي جينپيڭ ورتالىق پارتيا مەكتەبىنىڭ (مەملەكەتتىك اكىمشىلىك شۋەيۋانى) ورتا جاس، جاس كادرلار كۋرسىنىڭ وقۋ باستاۋ سالتىندا ماڭىزدى ءسوز سويلەپ، بىلاي دەپ باسا دارىپتەدى

日期:2021年03月03日
来源:新疆日报
【字体:

پارتيانىڭ داڭقتى ءداستۇرى مەن تاڭداۋلى ستيلىنىڭ ادال جالعاستىرۋشىسى بولۋدى مۇرات ەتىپ، جاڭا داۋىردەگى جاڭا ساپاردا ۇزدىك بولۋعا ەرلىكپەن ۇمتىلىپ، ەڭبەك كورسەتىپ، ۇلەس قوسۋ كەرەك

 ۋاڭ حۋنيڭ قاتىناستى

 2021 - جىلعى كوكتەمگى وقۋ ماۋسىمىنداعى ورتالىق پارتيا مەكتەبىنىڭ (مەملەكەتتىك اكىمشىلىك شۋەيۋانى) ورتا جاس، جاس كادرلار كۋرسى 3 - ايدىڭ 1 - كۇنى ورتالىق پارتيا مەكتەبىندە وقۋ باستادى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ وقۋ باستاۋ سالتىندا ماڭىزدى ءسوز سويلەدى. سۋرەتتى شينحۋا اگەنتتىگىنىڭ ءتىلشىسى ۋاڭ يە تۇسىرگەن

شينحۋا اگەنتتىگىنىڭ 3 - ايدىڭ 1 - كۇنى بەيجيڭنەن بەرگەن حابارى. 2021 - جىلعى كوكتەمگى وقۋ ماۋسىمىنداعى ورتالىق پارتيا مەكتەبىنىڭ (مەملەكەتتىك اكىمشىلىك شۋەيۋانى) ورتا جاس، جاس كادرلار كۋرسى 3 - ايدىڭ 1 - كۇنى تۇستەن بۇرىن ورتالىق پارتيا مەكتەبىندە وقۋ باستادى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ وقۋ باستاۋ سالتىندا ماڭىزدى ءسوز سويلەپ، بىلاي دەپ باسا دارىپتەدى: وتكەندە بولسىن، قازىر نەمەسە بولاشاقتا بولسىن، پارتيانىڭ داڭقتى ءداستۇرى مەن تاڭداۋلى ستيلى ءبىزدى ماشاقاتتان، قيىندىقتان تايسالماي، جۇرەكتىلىكپەن العا ۇمتىلۋعا ىنتالاندىراتىن قىمباتتى رۋحاني بايلىق بولىپ كەلەدى. جاس كادرلار − پارتيا مەن مەملەكەت ىستەرىنىڭ ءىزباسارى، ءسوز جوق، پارتيانىڭ داڭقتى ءداستۇرى مەن تاڭداۋلى ستيلىنىڭ ادال جالعاستىرۋشىسى بولۋدى مۇرات ەتىپ، ەرىك - جىگەرىن، قايسارلىعىن، ۇستامدىلىعىن ۇزدىكسىز كۇشەيتىپ، جاڭا داۋىردە جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىندا ەرلىكپەن ۇزدىك بولۋعا ۇمتىلىپ، ەڭبەك كورسەتىپ، ۇلەس قوسىپ، پارتيانىڭ ۇمىتىنەن شىعاتىن، حالىقتىڭ ۇمىتىنەن شىعاتىن، ءداۋىردىڭ ۇمىتىنەن شىعاتىن ناتيجە جاراتۋعا قۇلشىنۋ كەرەك!

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ۋاڭ حۋنيڭ وقۋ باستاۋ سالتىنا قاتىناستى.

شي جينپيڭ بىلاي دەپ باسا دارىپتەدى: پارتيامىز حالىقتى ىنتىماقتاستىرىپ، باستاپ، توڭكەرىستىڭ، قۇرىلىستىڭ، رەفورمانىڭ ۇلى تابىسىنا قول جەتكىزدى، مۇنداعى اسا ماڭىزدى ءبىر ءتۇيىن − پارتيامىزدىڭ ۇزاق ۋاقىتتىق اماليات بارىسىندا جۇيەلى داڭقتى ءداستۇر جانە تاڭداۋلى ستيل جەتىلدىرگەندىگى جانە وعان تاباندى بولعاندىعى. بۇل داڭقتى داستۇرلەر مەن تاماشا ستيلدەر پارتيامىزدىڭ سيپاتىنىڭ جانە تۇپكى ماقساتىنىڭ شوعىرلى بەينەلەنۋى، پارتيامىزدىڭ باسقا ساياسي پارتيالاردان پارىقتالاتىن كورنەكتى بەلگىسى سانالادى. پارتيا حالىق بۇقاراسىنىڭ قولداۋىنا جانە جاقتاۋىنا يە بولۋ ءۇشىن، ءسوز جوق، پارتيانىڭ داڭقتى ءداستۇرى مەن تاڭداۋلى ستيلىن مىزعىماس تاباندىلىقپەن اسقاقتاتۋ كەرەك.

شي جينپيڭ بىلاي دەپ اتاپ كورسەتتى: بۇگىنگى دۇنيە جۇزىندە، 100 جىلدا بولماعان زور وزگەرىس جەدەل ۇدەۋدە، ەلىمىز جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ شەشۋشى كەزەڭىندە تۇر، جاپپاي دوڭگەلەك داۋلەتتى قوعام ورناتۋ ۇلى تاريحي تابىسقا قول جەتكىزىپ، كەدەيلىكتەن ارىلتۋدان قامال الۋ شايقاسى جاپپاي جەڭىسكە جەتىپ، جاپپاي سوتسياليستىك وسىزاماندانعان مەملەكەت قۇرۋ جاڭا ساپارى ءساتتى باستالدى. سونىمەن بىرگە، ءبىز العا باسۋ جولىندا ءالى دە كوپتەگەن قيىن وتكەلدەر مەن سىن - سايىستارعا ءدوپ كەلىپ وتىرمىز. حاۋىپ - قاتەر نەعۇرلىم ۇلكەن، سىن - سايىس نەعۇرلىم كوپ، مىندەت نەعۇرلىم اۋىر بولعان سايىن، پارتيانىڭ ستيل قۇرىلىسىن سولعۇرلىم كۇشەيتۋ، تاماشا ستيلمەن رۋحتى سەرپىلتۋ، كۇرەس جىگەرىن قاۋلاتۋ، وبراز ورناتۋ، حالىق قالاۋىنا قول جەتكىزۋ كەرەك.

شي جينپيڭ بىلاي دەپ باسا دارىپتەدى: پارتياعا ادال بولۋ − كوممۋنيستەردىڭ ماڭداي الدى ساياسي قاسيەتى. پارتيامىز باسىپ وتكەن جولىندا سان - ساناقسىز ماشاقاتتار مەن قيىندىقتاردى باستان كەشىردى، الايدا ەشقانداي قيىنشىلىق اتاۋلى ءبىزدىڭ ەڭسەمىزدى باسا العان جوق، ەشقانداي جاۋ ءبىزدى كۇيرەتە العان جوق، مۇندا ءبىز سان ميلليونداعان پارتيا مۇشەلەرىنىڭ ادالدىعىنا سۇيەندىك. پارتياعا ادال بولۋدى، ءسوز جوق، بار ىنتا - پەيىلمەن دايەكتى جالعاستىرۋ، ءسوز جوق، ءىشى مەن سىرتى بىردەي بولۋ، تانىم مەن ارەكەتتى بىرلىككە كەلتىرۋ، ءارقانداي كەزدە، ءارقانداي جاعدايدا وسى پەيىلدى وزگەرتپەۋ، بۇل مۇراتتان اينىماۋ، وسى قۇلىقتى بۇزباۋ كەرەك. جاس كادرلار اعا بۋىن ارداگەرلەردى اينا ەتىپ، ۇنامسىز تيپتەردەن ساباق الىپ، سەنىمنىڭ نەگىزىن ۇزدىكسىز بەكەمدەپ، رۋحاني كالتسيدى تولىقتاپ، يدەيانىڭ رولىن مىقتى ۇستاپ، بۇلجىماس مۇرات - سەنىممەن پارتياعا دەگەن شىنايى ادالدىقتى شىڭداۋ كەرەك. ساياسي شىڭدالۋدى سانالىلىقپەن كۇشەيتىپ، پارتيا ىشىندەگى ساياسي تۇرمىستىڭ قاتاڭ شىڭداۋىن قابىلداپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، ءوزىنىڭ ساياسي قابىلەتىن ارقالاعان قىزمەت جاۋاپكەرشىلىگىمەن سايكەستىرۋ كەرەك. پارتيانىڭ قامىن ويلاۋدى، وتان ءۇشىن جاۋاپكەرشىلىكتى ادا ەتۋدى، حالىق ءۇشىن ۇلەس قوسۋدى مۇرات ەتىپ، جۇرەكتىلىكپەن جاپالى، قيىن، اۋىر، قاتەرلى مىندەتتەردى ارقالاپ، پارتياعا ادالدىعىن ناقتى ارەكەتتەرىمەن كورسەتۋ كەرەك.

شي جينپيڭ بىلاي دەپ اتاپ كورسەتتى: پارتيامىزدىڭ تاريحى نازاريانى امالياتپەن بايلانىستىرۋعا قاي كەزدە ويداعىداي تاباندى بولعاندا پارتيا مەن حالىق ىستەرىنىڭ ۇزدىكسىز جەڭىستەرگە قول جەتكىزگەندىگىن؛ كەرىسىنشە بولعاندا پارتيا مەن حالىق ىستەرىنىڭ زيانعا ۇشىراعاندىعىن، ءتىپتى، اۋىر بۇرالاڭدىق جارىققا شىققاندىعىن قايتا - قايتا دالەلدەدى. نازاريانى امالياتپەن بايلانىستىرۋدىڭ العى شارتى − نازاريانى جەتە ۇيرەنۋ، جەتە ءتۇسىنۋ، يدەيانىڭ شىن ءمانىن يگەرۋ. جاس كادرلار ماركسيزمنىڭ نەگىزگى قاعيدالارىن، اسىرەسە، جاڭا داۋىردەگى پارتيانىڭ جاسامپاز نازاريالىق جەتىستىكتەرىن قاجىرلىلىقپەن دەن قويا زەرتتەپ، وندا قامتىلعان تۇرعىنى، كوزقاراستى، ءادىستى، قيسىندى، عىلمي قاعيدانى، فيلوسوفيانى يگەرۋگە قۇلشىنىپ، ەمەۋرىنىن ءبىلۋ، ونان دا ماڭىزدىسى، ءمانىن ۇعىنۋ، سولاي ەكەنىن ءبىلۋ، ونان دا ماڭىزدىسى، نە ءۇشىن سولاي ەكەنىن ۇعىنۋ كەرەك. پارتيانىڭ نازاريالىق جاسامپازدىق جەتىستىكتەرىن ىشكەرىلەي ۇيرەنىپ، الدىڭعىلارى مەن سوڭعىلارىن ساباقتاستىرا ۇيرەنىپ، دەر كەزىندە ىلەسە ۇيرەنىپ، پارتيانىڭ عىلمي نازاريالارىنان پايدالانىپ يدەيانى، ءادىستى كەمەلدەندىرىپ، يدەياداعى ءدۇدامالدىقتاردى شەشىپ، ءوزىنىڭ يدەياسىن، ستيلىن جانە رۋحاني كۇيىن تەكسەرىپ، دۇرىس دۇنيە كوزقاراسىن، ءومىر كوزقاراسىن، قۇن كوزقاراسىن جانە بيلىك كوزقاراسىن، ساياسي ناتيجە كوزقاراسىن، كاسىپ كوزقاراسىن مىقتاپ ورناتىپ، ءوزىنىڭ ويلاۋ ءتاسىلى مەن رۋحاني دۇنيەسىن ىستەردىڭ دامۋ قاجەتىنە اناعۇرلىم ويداعىداي ۇيلەستىرۋ كەرەك. شىندىقتى ءىس جۇزىنەن ىزدەۋگە، شىندىققا جۇگىنىپ، ناقتى ءىس ىستەۋگە تاباندى بولىپ، ءىس جۇزىندىكتى نەگىزگە الا وتىرىپ ىستەر مەن قىزمەتتەردى جوسپارلاپ، ورتاعا قويعان ءادىس - امالداردى، ساياساتتاردى، جوبالاردى ءىس جۇزىندىك جاعدايعا ۇيلەستىرۋ، وبيەكتيۆ زاڭدىلىققا ۇيلەستىرۋ، عىلىم رۋحىنا ۇيلەستىرۋ، جاسامپازدىقپەن قىزمەت ىستەۋ ارقىلى پارتيا ورتالىق كوميتەتىنىڭ شەشىمدەرىن، ورنالاستىرۋلارىن ناقتى تياناقتاندىرۋ كەرەك. شىنايى يگەرۋگە، شىنداپ ىستەۋگە، تياناقتاندىرۋدى مىقتاپ يگەرۋگە تاباندى بولىپ، بارلىق قىزمەتتى ناقتى ىستەپ، ناقتى ناتيجە شىعارۋ، قول جەتپەسكە قول سوزۋدان اۋلاق بولۋ، ءىس جۇزىندىكتەن قول ۇزبەۋ، فورماشىلدىقتى، تورەشىلدىكتى باتىل تيۋ كەرەك. ادال ادام بولۋدى، ادال ءسوز سويلەۋدى، ادال ءىس ىستەۋدى ومىرلىك ۇستانىم ەتۋ كەرەك، سوندا عانا شىن مانىندە نىق قاداممەن ۇزاق بولاشاققا جەتۋگە بولادى.

شي جينپيڭ بىلاي دەپ باسا دارىپتەدى: حالىق − پارتيامىزدىڭ كۇش قاينارى، پارتيامىزدىڭ نەگىزى حالىقتا، قان تامىرى حالىقتا، ءسوز جوق، حالىقتى جۇرەكتە ەڭ جوعارى ورىنعا قويىپ، قاشاندا بۇقارانىڭ مۇراتىن مۇرات ەتۋىمىز كەرەك. كوممۋنيستىك پارتيانىڭ كادرلارى ”بۇقارانىڭ ءمانساپتىسى بولۋعا“ تاباندى بولىپ، ءوزىن بۇقارا ساناۋ، تورە بولىپ ۇلىقسىنۋدان اۋلاق بولۋ كەرەك، بۇل ءتۇيىندى جاس كادرلار ءاۋ باستان ايقىن ويلاپ ءتۇسىنۋى، سونداي - اق ءومىر بويى ەسىندە بەرىك ساقتاۋى كەرەك. جاس كادرلار وزگەلەرمەن قارىم - قاتىناس جاساۋدا بولسىن، الدە اكىمشىلىكپەن شۇعىلدانىپ، ءىس ىستەۋدە بولسىن، ەڭ الدىمەن، ”مەن كىممىن، كىم ءۇشىن ىستەيمىن، كىمگە سۇيەنەمىن“ دەگەن ماسەلەنى ويداعىداي شەشىپ، ”مەن وزىممەن ساناسپاي حالىقتىڭ ءۇمىتىن اقتايمىن“ دەيتىن رۋحاني ورىسكە تىنباي تالپىنۋ كەرەك. حالىقتى ۇستاز تۇتىپ، بالا شاكىرت بولۋعا پەيىل بولۋ، اسىرەسە، نەگىزگى ساتىدان جۇرەك ءسوزىن ايتا الاتىن كوبىرەك دوس تابۋ كەرەك، سوندا عانا شىن جاعدايدى يگەرۋگە پايدالى بولادى، قىزمەتتەردى ويداعىداي ىستەۋگە پايدالى بولادى. پارتيامىزدىڭ حالىقتى باقىتقا كەنەلتۋ، ۇلتتىڭ گۇلدەنۋىن جۇزەگە اسىرۋ سىندى اۋەلگى ماقساتى مەن بورىشىن ەستە بەرىك ساقتاپ، پارتيانىڭ بۇكىل ىنتا - پەيىلمەن حالىق ءۇشىن قىزمەت ىستەيتىن ءتۇبىرلى ماقساتىنان ءارقاشان جازباي، بۇقارا ”اسىعىپ وتىرعان، قينالىپ وتىرعان، ۋايىمداپ وتىرعان، كۇتىپ وتىرعان“ ماسەلەلەرىن شىن پەيىلمەن، شىنايى سۇيىسپەنشىلىكپەن كۇش سالا ويداعىداي شەشىپ، بۇقارانى اناعۇرلىم كوپ، اناعۇرلىم تىكە، اناعۇرلىم ناقتى تابىس سەزىمىنە، باقىت سەزىمىنە، حاۋىپسىزدىك سەزىمىنە كەنەلدىرۋ كەرەك.

شي جينپيڭ بىلاي دەپ اتاپ كورسەتتى: ءبىز كوممۋنيستەردىڭ ءوز - وزىنە سىن ورىستەتۋىنىڭ ءتۇبىرلى قوزعاۋشى كۇشى پارتيالىلىقتان كەلگەن، پارتيا مەن حالىق ىستەرىنە وسكەلەڭ جاۋاپكەرلىكپەن قاراۋ رۋحىنان كەلگەن. جاس كادرلاردا ”باسقالاردىڭ ءمىنسىز بولۋىن تالاپ ەتپەي، ءوز ءمىنىن قاتاڭ تەكسەرەتىن“ سانالىلىق بولۋ كەرەك، ۇنەمى پارتيانىڭ نازاريالارىمەن سالىستىرىپ، پارتيا ۋستاۆىمەن، پارتيا ەرەجەسىمەن، پارتيا تارتىبىمەن سالىستىرىپ، اۋەلگى ماقساتپەن، بورىشپەن سالىستىرىپ، پارتيا ورتالىق كوميتەتىنىڭ ورنالاستىرۋلارىمەن، تالاپتارىمەن سالىستىرىپ، ءوز بويىنداعى كەمشىلىكتەر مەن ولقىلىقتاردى ىرىقتىلىقپەن تابۋ، جۇرەكتىلىكپەن تۇزەتۋ كەرەك. پارتياعا، كاسىپكە، جولداستارعا وسكەلەڭ جاۋاپكەرلىكپەن قاراۋ رۋحىن نەگىزگە الا وتىرىپ جۇرەكتىلىكپەن سىن ورىستەتىپ، جولداستاردىڭ كەمشىلىكتەردى بايقاۋىنا، قاتەلىكتەردى تۇزەتۋىنە كومەكتەسىپ، جولداستارمەن ىنتىماقتاسىپ بىرگە العا باسۋ كەرەك. سىندى كىشى پەيىلدىلىكپەن قابىلدايتىن دارقاندىق - پەيىل جەتىلدىرىپ، دارقان پەيىلمەن، شىن نيەتپەن قابىلداۋ، بار بولسا تۇزەتۋ، جوق بولسا ساقتانۋ كەرەك.

شي جينپيڭ بىلاي دەپ باسا دارىپتەدى: باتىلدىقپەن كۇرەس جۇرگىزۋ − پارتيامىزدىڭ ايقىن قاسيەتى. پارتيامىز كۇرەسكە سۇيەنىپ بۇگىنگە جەتتى ءارى تابيعي تۇردە كۇرەسكە سۇيەنىپ بولاشاققا قول جەتكىزەدى. جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستاپ، جاڭا دامۋ كەزەڭىن تياناق ەتۋدە، جاڭا دامۋ ۇستانىمىن دايەكتىلەندىرۋدە، جاڭا دامۋ ارناسىن قالىپتاستىرۋدا ءدوپ كەلەتىن حاۋىپ - قاتەر مەن سىناق بۇرىنعىدان تيتتەي دە از بولمايدى. جاس كادرلار كۇرەستە شىنىعۋدى سانالىلىقپەن كۇشەيتىپ، كۇرەس بارىسىندا كۇرەس جۇرگىزۋدى ۇيرەنىپ، كۇرەس بارىسىندا جەتىلىپ، ءوسىپ، باتىلدىقپەن كۇرەس جۇرگىزەتىن، شەبەرلىكپەن كۇرەس جۇرگىزەتىن ەرجۇرەكتەرگە اينالۋعا قۇلشىنۋ كەرەك. كۇرەس جىگەرىن بەكەمدەپ، قايىسپاس قايسارلىق كورسەتۋ، ۇدەرە العا تارتۋ كەرەك، بولماشى ساتسىزدىككە بولا تايساقتاۋعا، قيىنشىلىققا جولىقسا بولدى شەگىنشەكتەۋگە استە بولمايدى. شەبەرلىكپەن كۇرەس جۇرگىزۋ، كۇرەس جۇرگىزە ءبىلۋ كەرەك، بولماشى بەلگىسىنەن توركىنىن اڭداۋ قابىلەتىن ءوسىرىپ، قۇبىلىستان ءمانىن كورە ءبىلىپ، وزگەرىستى ءدال تانىپ، وزگەرىسكە عىلمي توتەپ بەرىپ، وزگەرۋگە ىرىقتىلىقپەن تالپىنىپ، ۇتىمدى ورايدى باعامداي ءبىلىپ، تيىمدىسىنەن تولىق پايدالانىپ، تيىمسىزىنەن اۋلاق بولۋ كەرەك. ستراتەگيالىق جوسپارلاۋدى كۇشەيتىپ، ۇلكەن اۋقىمدى، كەلەلى جاعدايدى يگەرىپ، باستى قايشىلىق پەن قايشىلىقتىڭ باستى جاعىن مىقتى ۇستاپ، جەڭىل - اۋىرىن، باياۋ - شۇعىلىن ايقىن ايىرىپ، كۇشتى عىلمي ورنالاستىرىپ، ىستەردى عىلمي ورنالاستىرىپ، كۇرەستىڭ ىرىقتىلىق ۇقىعىن مىقتاپ يگەرۋ كەرەك. تومەنگى شەكتە ويلاۋدى كۇشەيتىپ، حاۋىپ - قاتەر فاكتورلارىنا مەرزىمدى ۋاقىتپەن جاپپاي اداقتاپ تەكسەرۋ جۇرگىزۋ كەرەك. باستان وتكەن ىستەردەن پاراسات - پايىم تۇيۋگە شەبەر بولىپ، بەرگىسىن بىلگەن سوڭ ارعىسىن بىلۋگە دە ۇمتىلىپ، بىرەۋى ارقىلى وزگەسىن تۇسپالداپ، كۇرەس جۇرگىزەتىن شىنايى قابىلەت، شىن ونەر جەتىلدىرۋ كەرەك.

شي جينپيڭ بىلاي دەپ اتاپ كورسەتتى: جاس كادرلار قاجىرلىلىقپەن كۇرەس جۇرگىزۋدىڭ ۇتىلامالى تاياقشاسىن قولعا الىپ، ۇدەرە العا تارتاتىن كۇرەسكەرلىك بەينەمەن جانە ماڭگى قاجىمايتىن رۋحاني كۇيمەن اۋىر مىندەتتى باتىلدىقپەن ارقالاپ، قاجىرلىلىقپەن ىستەپ، ناقتى ىستەپ، جاڭا داۋىردەگى جاڭا ساپاردا پارتيا مەن مەملەكەتتىڭ ءۇمىتىن اقتايتىن كۇرەس ءىزىن قالدىرۋ كەرەك. ۇنەمشىل، قاراپايىم بولىپ، استا - توكتىكتى باتىل تيۋ − پارتيامىزدىڭ اسىل مۇراسى. قازىر تۇرمىس شارت - جاعدايىمىز جاقساردى، الايدا قاجىرلىلىقپەن كۇرەس جۇرگىزەتىن رۋح تيتتەي دە كەم بولسا بولمايدى، ءسوز جوق، ۇنەمشىلدىكپەن ءوزىن تاربيەلەۋگە، ۇنەمشىلدىكپەن ىستەردى كوركەيتۋگە تاباندى ءبولۋ، ۇقىپتى، ۇنەمشىل بولۋعا، بارلىق ءىستى ۇنەمشىلدىكپەن، ۇقىپتىلىقپەن ىستەۋگە تاباندى بولۋ كەرەك. جاس كادرلار ءار ۋاقىت وزدەرىن ساقتاندىرىپ، بەلسەندى، اقاۋسىز تۇرمىس ىنتاسىن جەتىلدىرىپ، راقاتقۇمارلىققا، استا - توك ىسىراپشىلدىققا باتىل قارسى تۇرىپ، كوممۋنيستەردىڭ كىرشىكسىز، پاك ساياسي قاسيەتىن ماڭگى ساقتاۋ كەرەك.

چىن شي وقۋ باستاۋ سالتىن باسقارىپ، مىنالاردى ءبىلدىردى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، پارتيا تاريحىن، جاڭا جۇڭگو تاريحىن، رەفورما جاساۋ، ەسىك اشۋ تاريحىن، سوتسياليزمنىڭ دامۋ تاريحىن ۇيرەنۋمەن ساباقتاستىرىپ، پارتيانىڭ جاسامپاز نازاريالارىنىڭ اقيقاتتىق كۇشىن، امالياتتىق كۇشىن، ادامدىق قاسيەت كۇشىن تەرەڭ ۇعىنىپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، پارتيانىڭ داڭقتى ءداستۇرى مەن تاڭداۋلى ستيلىن ۇيرەنۋ جانە اسقاقتاتۋ ساياسي سانالىلىعىن، يدەيالىق سانالىلىعىن، ارەكەت سانالىلىعىن شىنايى كۇشەيتىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن قاجىماي - تالماي كۇرەس جۇرگىزىپ، پارتيا قۇرىلعاندىعىنىڭ 100 جىلدىعىن ۇزدىك ناتيجەمەن قارسى الۋ كەرەك.

ديڭ شۋەشياڭ، حۋاڭ كۇنميڭ وقۋ باستاۋ سالتىنا قاتىناستى.

2021 - جىلعى كوكتەمگى وقۋ ماۋسىمىنداعى ورتالىق پارتيا مەكتەبىنىڭ (مەملەكەتتىك اكىمشىلىك شۋەيۋانى) ورتا جاس، جاس كادرلار كۋرسىنداعى كۋرسانتتار وقۋ باستاۋ سالتىنا قاتىناستى، ورتالىقتىڭ قاتىستى تاراۋلارىنداعى جاۋاپتى جولداستار وقۋ باستاۋ سالتىنا سىرتتاي قاتىناستى.