شي جينپيڭ اي بارلاۋ ينجەنەرياسى چاڭ - ى 5 - ءنومىرلىنىڭ زەرتتەۋ، سىناق ەتۋ مىندەتىنە ات سالىسقان قىزمەتكەرلەر ۋاكىلدەرىمەن كەزدەسكەندە ءارى اي شارىنان الىنعان ۇلگى جانە اي بارلاۋ ينجەنەرياسى جەتىستىگى كورمەسىن ەكسكۋرسيالاعاندا بىلاي دەپ باسا دارىپتەدى

عىلىم - تەحنيكانىڭ شىڭىنا باتىلدىقپەن شىعىپ، مەملەكەتتىڭ دامۋ كەلەلى جاعدايىنا قىزمەت ەتىپ، ادامزاتتىڭ الەم كەڭىستىگىنەن بەيبىت پايدالانۋى ءۇشىن جاڭا دا اناعۇرلىم زور ۇلەس قوسۋ كەرەك

لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ قيمىلعا قاتىناستى

　　2 - ايدىڭ 22 - كۇنى پارتيا مەن مەملەكەت باسشىلارىنان شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ قاتارلىلار بەيجيڭ حالىق سارايىندا اي بارلاۋ ينجەنەرياسى چاڭ - ى 5 - ءنومىرلىنىڭ زەرتتەۋ، سىناق ەتۋ مىندەتىنە ات سالىسقان قىزمەتكەرلەر ۋاكىلدەرىمەن كەزدەستى ءارى اي شارىنان الىنعان ۇلگى جانە اي بارلاۋ ينجەنەرياسى جەتىستىگى كورمەسىن ەكسكۋرسيالادى. سۋرەتتە: شي جينپيڭ قاتارلىلار اي بارلاۋ ينجەنەرياسى چاڭ - ى 5 - ءنومىرلىنىڭ زەرتتەۋ، سىناق ەتۋ مىندەتىنە ات سالىسقان قىزمەتكەرلەر ۋاكىلدەرىمەن كەزدەستى.

□ سۋرەتتى شينحۋا اگەنتتىگىنىڭ ءتىلشىسى ۋاڭ يە تۇسىرگەن

　　2 - ايدىڭ 22 - كۇنى پارتيا مەن مەملەكەت باسشىلارىنان شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ قاتارلىلار بەيجيڭ حالىق سارايىندا اي بارلاۋ ينجەنەرياسى چاڭ - ى 5 - ءنومىرلىنىڭ زەرتتەۋ، سىناق ەتۋ مىندەتىنە ات سالىسقان قىزمەتكەرلەر ۋاكىلدەرىمەن كەزدەستى ءارى اي شارىنان الىنعان ۇلگى جانە اي بارلاۋ ينجەنەرياسى جەتىستىگى كورمەسىن ەكسكۋرسيالادى. سۋرەتتە: شي جينپيڭ قاتارلىلار حالىق سارايىنىڭ شىعىس زالىندا اي شارىنان الىنعان ۇلگى جانە اي بارلاۋ ينجەنەرياسى جەتىستىگى كورمەسىن ەكسكۋرسيالاۋدا.

□ سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن

شينحۋا اگەنتتىگىنىڭ 2 - ايدىڭ 22 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 2 - ايدىڭ 22 - كۇنى تۇستەن بۇرىن بەيجيڭ حالىق سارايىندا اي بارلاۋ ينجەنەرياسى چاڭ - ى 5 - ءنومىرلىنىڭ زەرتتەۋ، سىناق ەتۋ مىندەتىنە ات سالىسقان قىزمەتكەرلەر ۋاكىلدەرىمەن كەزدەسىپ ءارى اي شارىنان الىنعان ۇلگى جانە اي بارلاۋ ينجەنەرياسى جەتىستىگى كورمەسىن ەكسكۋرسيالاپ، اي بارلاۋ ينجەنەرياسىنىڭ، اسىرەسە، چاڭ - ى 5 - ءنومىرلىنىڭ مىندەت اتقارۋدا قول جەتكىزگەن تابىستارىن تولىق تۇراقتاندىردى. ول بىلاي دەپ باسا دارىپتەدى: اي بارلاۋ رۋحىن اسقاقتاتىپ، جاڭاشا بۇكىل ەلدىك ءتۇزىلىس ابزالدىلىعىن ساۋلەلەندىرىپ، عىلىم - تەحنيكانىڭ شىڭىنا باتىلدىقپەن شىعىپ، مەملەكەتتىڭ دامۋ كەلەلى جاعدايىنا قىزمەت ەتىپ، اسپان دەنەلەرىن بارلاۋدىڭ جاڭا ساپارىن نىق قاداممەن باستاپ، جۇڭگو عارىش ىستەرىنىڭ جاڭالىق اشا دامۋىن ۇزدىكسىز ىلگەرىلەتىپ، ادامزاتتىڭ الەم كەڭىستىگىنەن بەيبىت پايدالانۋى ءۇشىن جاڭا دا اناعۇرلىم زور ۇلەس قوسۋ كەرەك.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرى لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ قيمىلعا قاتىناستى.

حالىق سارايىنىڭ سولتۇستىك زالى دۋماندى دا مەرەيلى بەينەگە شومدى. تۇستەن بۇرىن ساعات 10 مولشەرىندە پارتيا مەن مەملەكەت باسشىلارىنان شي جينپيڭ قاتارلى جولداستار ءماجىلىس زالىنا كىرىپ، زەرتتەۋ، سىناق ەتۋ جۇمىسىنا ات سالىسقان قىزمەتكەرلەر ۋاكىلدەرىنە قول بۇلعاپ قۇرمەت ءبىلدىردى، تۇتاس زالدان تولاسسىز دۋ قول شاپالاق ءۇنى كوتەرىلدى. شي جينپيڭ سۇن جيادۇڭ، لۋان ىنجيە قاتارلىلارمەن ىقىلاسپەن اڭگىمەلەستى ءارى كوپشىلىكپەن بىرگە سۋرەتكە ءتۇسىپ ەستەلىك قالدىردى.

ونان سوڭ شي جينپيڭ قاتارلىلار حالىق سارايىنىڭ شىعىس زالىنا كەلىپ، اي شارىنان الىنعان ۇلگى جانە اي بارلاۋ ينجەنەرياسى جەتىستىگى كورمەسىن ەكسكۋرسيالاپ، اي شارىنان الىنعان ۇلگى، ينجەنەريا قۇرىلىسى، تەحنيكانى كادەگە جاراتۋ، عىلىم جەتىستىگى، حالىقارالىق سەلبەستىك جانە سوڭعى دامۋ سياقتى جاقتارعا قاتىستى تانىستىرۋلاردى تىڭدادى. شي جينپيڭ ءالسىن - ءالى توقتاپ زەر سالا قاراپ، قاتىستى جاعدايلاردى تاپتەشتەي سۇرادى.

شي جينپيڭ بىلاي دەپ باسا دارىپتەدى: چاڭ - ى 5 - ءنومىرلىنىڭ مىندەتتى تابىسپەن ورىنداۋى اي بارلاۋ ينجەنەرياسى ”اينالۋ، قونۋ، ورالۋ“ سىندى 3 باسقىشپەن ءجۇرۋ جوباسىنىڭ ءساتتى اياقتاعاندىعىن كورسەتەدى، بۇل جاڭاشا بۇكىل ەلدىك ءتۇزىلىس ابزالدىلىعىن ساۋلەلەندىرىپ، قامال الىپ، قيىندىقتى جەڭىپ قول جەتكىزگەن تاعى ءبىر كەلەلى تابىس، عارىش جاعىندا قۋاتتى ەل قۇرۋ قۇرىلىسى ساپارىنداعى ماڭىزدى بەلەس، ەلىمىزدىڭ عارىش ىستەرىنىڭ دامۋى جونىنەن ەرەكشە كەلەلى ماڭىز الادى. 17 جىلدان بەرى اي بارلاۋ ينجەنەرياسىنداعى زەرتتەۋ - جاساۋ قۇرىلىسىنا ات سالىسقان بارلىق قىزمەتكەرلەر ارمانعا ۇمتىلاتىن، باتىلدىقپەن ىزدەنەتىن، سايكەسە قامال الاتىن، سەلبەسىپ بىرگە جەڭىسكە جەتەتىن اي بارلاۋ رۋحىن بارىنشا اسقاقتاتىپ، عىلىم - تەحنيكانىڭ جاڭا اسقار شىڭىنا ۇزدىكسىز قۇلاش سەرمەدى، بۇل قۋاناتىن، قۇتتىقتايتىن، ادامدى سۇيىندىرەتىن ءىس. شەكسىز دە شەتسىز الەم جونىندە ىزدەنىس جاساۋ ادامزاتتىڭ ورتاق ارمانى، اي بارلاۋ ينجەنەرياسىنىڭ 4 - مەرزىمدىك جۇمىستارىن ويداعىداي اتقارۋدى ىلگەرىلەتىپ، اسپان دەنەلەرىن بارلاۋ جاڭا ساپارىن نىق قاداممەن باستاۋ كەرەك. جاڭاشا بۇكىل ەلدىك ءتۇزىلىس ابزالدىلىعىن ۇزدىكسىز ساۋلەلەندىرىپ، دەربەس جاڭالىق اشۋ قىزمەت تەبىنىن ارتتىرىپ، ءبىر تۇتاس جوسپارلاپ، كۇش ۇستىنە كۇش قوسىپ، جۇڭگونىڭ عارىش كەڭىستىك عىلىمىندا، كەڭىستىك تەحنيكاسىندا، كەڭىستىكتەن پايدالانۋدا جاڭالىق اشا دامۋىن ىلگەرىلەتىپ، حالىقارالىق سەلبەستىكتى بەلسەنە ورىستەتىپ، ادامزاتتىڭ ىرىس - قۇتىن ارتتىرۋ جولىندا جاڭا دا اناعۇرلىم زور ۇلەس قوسۋ كەرەك.

ديڭ شۋەشياڭ، ليۋ حى، جاڭ يوۋشيا، چىن شي، حۋاڭ كۇنميڭ، ۋاڭ يۇڭ، شياۋ جيە جوعارىداعى قيمىلدارعا قاتىناستى.

اي بارلاۋ ينجەنەرياسى باسشىلىق گرۋپپاسىنىڭ مۇشەلەرى جانە بايلانىس جاساۋشىلارى، قاتىستى تاراۋلارداعى جاۋاپتى جولداستار، قاتىستى ولكەلەردىڭ، اۆتونوميالى رايونداردىڭ، توتە قاراستى قالالاردىڭ مىندەتتى قامتاماسىز ەتۋ تاراۋلارىنىڭ ۋاكىلدەرى، ت. ب كەزدەسۋگە قاتىناستى.

اي بارلاۋ ينجەنەرياسىن اتقارۋ − پارتيا ورتالىق كوميتەتىنىڭ ەلىمىزدىڭ ەكونوميكالىق، عىلىم - تەحنيكالىق دامۋ اۋقىمىن يگەرۋدەگى كەلەلى ستراتەگيالىق شەشىمى. ينجەنەريا جوسپارعا الىنعاننان بەرى 6 رەتكى بارلاۋ مىندەتىن تابىسپەن ورىندادى. چاڭ - ى 5 - ءنومىرلىنىڭ مىندەتى ەلىمىزدىڭ كۇردەلىلىك دەڭگەيى ەڭ جوعارى، تەحنيكالىق ادىمى ەڭ ۇلكەن عارىش جۇيە ينجەنەرياسى رەتىندە 2020 - جىلى 12 - ايدىڭ 17 - كۇنى العاش رەت ەلىمىزدىڭ جەر شارىنان تىسقارى اسپان دەنەلەرىنەن ۇلگى الىپ قايتا ورالۋدى جۇزەگە اسىرىپ، بولاشاقتا ەلىمىزدىڭ اي شارىندا جانە قىدىرما جۇلدىزداردا بارلاۋ جۇرگىزۋىنە بەرىك نەگىز قالادى.