1. اعىمداعى ورىن:
  2. باس بەت
  3. اعىم جاڭالىقتارى
  4. باس حابار
  5. زاڭ - ەرەجە

«ىزدەنۋ» جۋرنالى باس شۋجي شي جينپيڭنىڭ ماڭىزدى ماقالاسىن جاريالايدى

日期:2021年02月02日
来源:新疆日报
【字体:

ءبىلىم مەنشىك ۇقىعىن قورعاۋ قىزمەتىن جالپى بەتتىك كۇشەيتىپ، جاڭالىق اشۋ ومىرشەڭدىك قۋاتىن قاۋلاتىپ، جاڭا دامۋ ارناسىن قالىپتاستىرۋدى ىلگەرىلەتەيىك

  شينحۋا اگەنتتىگىنىڭ 1 - ايدىڭ 31 - كۇنى بەيجيڭنەن بەرگەن حابارى. 2 - ايدىڭ 1 - كۇنى باسپادان شىعاتىن «ىزدەنۋ» جۋرنالىنىڭ 3 - سانى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «ءبىلىم مەنشىك ۇقىعىن قورعاۋ قىزمەتىن جالپى بەتتىك كۇشەيتىپ، جاڭالىق اشۋ ومىرشەڭدىك قۋاتىن قاۋلاتىپ، جاڭا دامۋ ارناسىن قالىپتاستىرۋدى ىلگەرىلەتەيىك» دەگەن ماڭىزدى ماقالاسىن جاريالايدى.

  ماقالادا مىنالار باسا دارىپتەلدى: جاڭالىق اشۋ − دامۋدى جەتەكتەيتىن ءبىرىنشى قوزعاۋشى كۇش، ءبىلىم مەنشىك ۇقىعىن قورعاعاندىق جاڭالىق اشۋدى قورعاعاندىق. جاپپاي سوتسياليستىك وسىزاماندانعان مەملەكەت قۇرۋدا، ءسوز جوق، ءبىلىم مەنشىك ۇقىعىن قورعاۋ قىزمەتىن اناعۇرلىم ويداعىداي ىلگەرىلەتۋ كەرەك. ءبىلىم مەنشىك ۇقىعىن قورعاۋ قىزمەتى مەملەكەتتىڭ جونگە سالۋ جۇيەسى مەن جونگە سالۋ قابىلەتىن وسىزامانداندىرۋعا سايادى، جوعارى ساپالى دامۋعا سايادى، حالىق تۇرمىسىنىڭ باقىتىنا سايادى، مەملەكەتتىڭ سىرتقا ەسىك اشۋ كەلەلى جاعدايىنا سايادى، مەملەكەت حاۋىپسىزدىگىنە سايادى.

  ماقالادا مىنالار اتاپ كورسەتىلدى: ەلىمىزدىڭ ءبىلىم مەنشىك ۇقىعى ىستەرى ۇزدىكسىز دامىپ، جۇڭگوشا ءبىلىم مەنشىك ۇقىعىن دامىتۋ جولىمەن ءجۇرىپ، ءبىلىم مەنشىك ۇقىعىن قورعاۋ قىزمەتى تاريحي جەتىستىككە قول جەتكىزدى، ءبىلىم مەنشىك ۇقىعى زاڭ ەرەجە، ءتۇزىم جۇيەسى مەن قورعاۋ جۇيەسى ۇزدىكسىز اقاۋسىزدانىپ، قورعاۋ تەبىنى ۇزدىكسىز كۇشەيىپ، بۇكىل قوعامنىڭ ءبىلىم مەنشىك ۇقىعىنا قۇرمەت ەتۋ جانە ونى قورعاۋ تانىمى ايتارلىقتاي جوعارىلاپ، جاڭالىق اشۋعا شابىتتاندىرۋدا، ماركا قالىپتاستىرۋدا، بازار ءتارتىبىن ارناعا تۇسىرۋدە، سىرتقا ەسىك اشۋدى كەڭەيتۋدە ماڭىزدى رول اتقاردى. سونىمەن بىرگە، ءبىز جەتەرسىزدىكتەردى دە سەرگەكتىكپەن كورە ءبىلۋىمىز كەرەك.

  ماقالادا مىنالار اتاپ كورسەتىلدى: قازىر ەلىمىز ءبىلىم مەنشىك ۇقىعىن ەنگىزەتىن ءىرى ەلدەن ءبىلىم مەنشىك ۇقىعىن جارىققا شىعاراتىن ءىرى ەلگە قاراي بۇرىلىس جاساۋدا، ءبىلىم مەنشىك ۇقىعى قىزمەتى سانعا بوي ۇرۋدان ساپانى جوعارىلاتۋعا قاراي بۇرىلىس جاساۋدا. ءبىز، ءسوز جوق، مەملەكەت ستراتەگياسى دەڭگەيىن جانە جاڭا دامۋ كەزەڭىنە ءوتۋ تالابىن نەگىزگە الىپ، ءبىلىم مەنشىك ۇقىعىن قورعاۋ قىزمەتىن جالپى بەتتىك كۇشەيتىپ، وسىزاماندانعان ەكونوميكا جۇيەسىن ورناتۋدى جەبەپ، بۇكىل قوعامنىڭ جاڭالىق اشۋ ومىرشەڭدىك قۋاتىن قاۋلاتىپ، جاڭا دامۋ ارناسىن قالىپتاستىرۋدى ىلگەرىلەتۋىمىز كەرەك. ءبىرىنشى، ءبىلىم مەنشىك ۇقىعىن قورعاۋ قىزمەتىن جوعارى دەڭگەيدە جوبالاۋدى كۇشەيتۋ. ەكىنشى، ءبىلىم مەنشىك ۇقىعىن قورعاۋ قىزمەتىنىڭ زاڭمەن جونگە سالىنۋ دەڭگەيىن جوعارىلاتۋ. ءۇشىنشى، ءبىلىم مەنشىك ۇقىعىن جالپى تىزبەكتە قورعاۋدى كۇشەيتۋ. ءتورتىنشى، ءبىلىم مەنشىك ۇقىعىن قورعاۋ قىزمەتىنىڭ ءتۇزىلىس - مەحانيزم رەفورماسىن تەرەڭدەتۋ. بەسىنشى، ءبىلىم مەنشىك ۇقىعى سالاسىنداعى حالىقارالىق سەلبەستىك پەن باسەكەنى ءبىر تۇتاس جوسپارلاپ ىلگەرىلەتۋ. التىنشى، ءبىلىم مەنشىك ۇقىعى سالاسىنداعى مەملەكەت حاۋىپسىزدىگىن قورعاۋ.

  ماقالادا مىنالار باسا دارىپتەلدى: ءار دارەجەلى پارتكومدار مەن ۇكىمەتتەر جاۋاپكەرشىلىكتى تياناقتاندىرىپ، ءبىلىم مەنشىك ۇقىعى قىزمەتىنە قاتىستى سايكەستىرۋ مەحانيزمىن كۇشەيتىپ، ءبىلىم مەنشىك ۇقىعى دارىندىلار قوسىنى قۇرىلىسىنا ءمان بەرىپ، قىزمەتتە بىرىككەن كۇش قالىپتاستىرۋ كەرەك. ءار دارەجەلى باسشى كادرلار ءبىلىم مەنشىك ۇقىعى تانىمىن كۇشەيتىپ، جاڭا جاعدايدا ءبىلىم مەنشىك ۇقىعىن قورعاۋ قىزمەتىن ويداعىداي ىستەۋ قابىلەتىن كۇشەيتىپ، ەلىمىزدىڭ ءبىلىم مەنشىك ۇقىعىن قورعاۋ قىزمەتىنىڭ ۇزدىكسىز تىڭ ساتىعا كوتەرىلۋىن ىلگەرىلەتۋ كەرەك.