جاڭا دامۋ ۇستانىمىن تولىق، دالمە - ءدال، جان - جاقتىلى دايەكتىلەندىرىپ، ”14 - بەسجىلدىق“ مەزگىلىندەگى ەلىمىز دامۋىنىڭ جاقسى باستاما اشۋىنا، جاقسى قادام تاستاۋىنا شىنايى كەپىلدىك ەتۋ كەرەك
شينحۋا اگەنتتىگىنىڭ 1 - ايدىڭ 29 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى ساياسي بيۋروسى 1 - ايدىڭ 28 - كۇنى تۇستەن كەيىن ”14 - بەسجىلدىق“ مەزگىلىندەگى ەلىمىز دامۋىنىڭ جاقسى باستاما اشۋىنداعى، جاقسى قادام تاستاۋىنداعى ءتۇيىندى قىزمەتتەردى ويداعىداي ىستەۋ جونىندە 27 - رەتكى توپتىق ۇيرەنۋ وتكىزدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ۇيرەنۋدى باسقارعان كەزدە بىلاي دەپ باسا دارىپتەدى: جاڭا دامۋ ۇستانىمى جۇيەلى نازاريالىق جۇيە، دامۋدىڭ ماقساتى، قوزعاۋشى كۇشى، ءتاسىلى، جولى سياقتى ءبىرسىپىرا نازاريالىق جانە امالياتتىق ماسەلەلەرگە جاۋاپ بەرىپ، پارتيامىزدىڭ دامۋ جونىندەگى ساياسي تۇرعىسى، قۇن بەتالىسى، دامۋ ۇلگىسى، دامۋ جولى سياقتى ەلەۋلى ساياسي ماسەلەلەردى بايىمدادى. بۇكىل پارتيا، ءسوز جوق، جاڭا دامۋ ۇستانىمىن تولىق، دالمە - ءدال، جان - جاقتىلى دايەكتىلەندىرىپ، ”14 - بەسجىلدىق“ مەزگىلىندەگى ەلىمىز دامۋىنىڭ جاقسى باستاما اشۋىنا، جاقسى قادام تاستاۋىنا شىنايى كەپىلدىك ەتۋ كەرەك.
پارتيا ورتالىق كوميتەتى ساياسي بيۋروسىنىڭ بۇل رەتكى توپتىق ۇيرەنۋىندە ورتالىق كوميتەت ساياسي بيۋروسىنداعى جولداستار وزدىگىنەن ۇيرەندى جانە قىزمەت اسەرلەرىن ورتاقتاستى، ليۋ حى، سۇن چۇنلان، حۋ چۇنحۋا، ساي چي جولداستار ءوزى باسقاراتىن سالالار مەن جەرگىلىكتى ورىنداردىڭ قىزمەتتەرىمەن بىرلەستىرە وتىرىپ ءسوز سويلەدى، كوپشىلىك پىكىر اۋىستىردى.
شي جينپيڭ ۇيرەنۋدى باسقارعان كەزدە ءسوز سويلەدى. ول بىلاي دەپ اتاپ كورسەتتى: بيىل ”14 - بەسجىلدىق“ باستالعان جىل ءارى پارتيامىز قۇرىلعاندىعىنىڭ 100 جىلدىعى. بيىلعى ەكونوميكالىق، قوعامدىق دامۋ قىزمەتىن ويداعىداي ىستەۋ، ”14 - بەسجىلدىق“ مەزگىلىندەگى ەلىمىز دامۋىنىڭ العاشقى قادامىن ءساتتى باسۋ ايرىقشا ماڭىزدى. العاشقى قادامدى ءدال، نىق باسۋ، جاڭا بەينە جارىققا شىعارۋ، جاڭا ناتيجە شىعارۋ كەرەك.
شي جينپيڭ بىلاي دەپ باسا دارىپتەدى: جاڭا دامۋ ۇستانىمى − ءبىر تۇتاس تۇلعا، جاڭالىق اشا دامۋعا، سايكەستى دامۋعا، جاسىل دامۋعا، اشىق دامۋعا، بىرگە يگىلىككە كەنەلەتىن دامۋعا تاباندى بولۋدا، بۇكىل پارتيا، بۇكىل ەل يدەيانى بىرلىككە كەلتىرىپ، ارەكەتتى سايكەستىرىپ، ءورىس اشا العا باسۋ كەرەك. مەيلى ورتالىق دەڭگەيىندە، الدە تاراۋلار دەڭگەيىندە بولسىن، مەيلى ولكە دارەجەلى دەڭگەيدە، الدە ولكەدەن تومەن دارەجەلى دەڭگەيدە بولسىن، دايەكتىلەندىرۋ، تياناقتاندىرۋ بارىسىندا تولىق يگەرىپ، دالمە - ءدال ءتۇسىنىپ، جان - جاقتىلى تياناقتاندىرىپ، جاڭا دامۋ ۇستانىمىن ەكونوميكالىق، قوعامدىق دامۋدىڭ جالپى بارىسىندا جانە ءار سالاسىندا دايەكتىلەندىرۋ كەرەك. باستى قايشىلىق پەن قايشىلىقتىڭ باستى جاعىن مىقتى ۇستاپ، جاڭا دامۋ ارناسىن قالىپتاستىرۋعا، جوعارى ساپالى دامۋدى جۇزەگە اسىرۋعا ىقپال جاسايتىن كورنەكتى ماسەلەلەردى شىنايى شەشۋ، حالىق بۇقاراسىنىڭ وندىرىسىنە، تۇرمىسىنا ىقپال جاسايتىن كورنەكتى ماسەلەلەردى شىنايى شەشۋ كەرەك. جاڭالىق اشا دامۋدىڭ، سايكەستى دامۋدىڭ، جاسىل دامۋدىڭ، اشىق دامۋدىڭ، بىرگە يگىلىككە كەنەلەتىن دامۋدىڭ بارلىعىنا قىزمەت بارىسىندا نازار اۋدارىپ، سايكەسە كۇش سالۋ، بىرىككەن كۇش قالىپتاستىرۋ كەرەك، بىرىنە نەمقۇرايدى قاراپ، ەندى بىرىنە باسا ءمان بەرۋگە، ءىشىنارالىقتى جالپىلىق دەپ قاراۋعا بولمايدى. ورتالىق دەڭگەيىنەن الىپ ايتقاندا، جوسپارلاۋ، جوبالاۋ، ماكرولىق جاقتان جەتەكشىلىك ەتۋ، ساياسات - زاڭ، قازىنالىق ۇسىنىلىم، قىزمەت ورنالاستىرۋ سياقتى جاقتاردا بۇكىل پارتياعا، بۇكىل مەملەكەتكە جەتەكشىلىك ەتىپ، شەشۋشى بۋىنداردى ويداعىداي يگەرىپ، تۇيىندەردە سەرپىلىس جاساۋ ارقىلى جاڭا دامۋ ۇستانىمىن دايەكتىلەندىرۋدىڭ جالپى تۇلعالىق دەڭگەيىن جوعارىلاتۋعا جەتەكتەپ، بۇكىل پارتيانىڭ، بۇكىل ەلدىڭ جاڭا دامۋ ۇستانىمىن دايەكتىلەندىرۋ، تياناقتاندىرۋ قابىلەتى مەن دەڭگەيىن جالپى جاعداي جاعىنان ۇزدىكسىز جوعارىلاتۋ كەرەك. تاراۋلار ءوز قىزمەت جاۋاپكەرشىلىگى بويىنشا جاڭا دامۋ ۇستانىمىنىڭ ءوز تاراۋىنا ساياتىن ءتۇيىندى قىزمەتتەرىن ويداعىداي يگەرۋ، سونداي - اق ءوز تاراۋى قىزمەتىنىڭ بۇكىل پارتيانىڭ، بۇكىل ەلدىڭ جاڭا دامۋ ۇستانىمىن دايەكتىلەندىرۋىنە جاسايتىن رولى مەن ىقپالىن جالپىلاي ويلاستىرۋ كەرەك. وڭىرلەر ءوز شارت - جاعدايى مەن مۇمكىندىكتەرىنە قاراي جاڭا دامۋ ۇستانىمىن جان - جاقتىلى دايەكتىلەندىرۋمەن قوسا، ولقىلىقتار مەن ءالسىز تۇستاردى دا مىقتى ۇستاي وتىرىپ ءتۇيىندى تۇردە ىلگەرىلەتۋ كەرەك، ءىس جۇزىندىكتەن قول ءۇزىپ زورلانىپ ىستەۋگە بولمايدى، قىزمەتتەن ناتيجە شىعارۋ ءۇشىن شارت - جاعدايمەن ساناسپاي، نە بولسا سونىڭ بارلىعىن ىستەۋدى ويلاۋعا ءتىپتى دە بولمايدى.
شي جينپيڭ بىلاي دەپ اتاپ كورسەتتى: جاڭا دامۋ كەزەڭىنە ءوتىپ، جاڭا دامۋ ۇستانىمىن تولىق، دالمە - ءدال، جان - جاقتىلى دايەكتىلەندىرۋدە، ءسوز جوق، بىرگە بايۋ ماسەلەسىنە اناعۇرلىم باسا ءمان بەرۋ كەرەك. پارتيا 19 - كەزەكتى ورتالىق كوميتەتىنىڭ بەسىنشى جالپى ءماجىلىسى اناعۇرلىم ۇزاق نىسانانى بەتكە الا وتىرىپ بىرگە بايۋدى جوسپارلاپ، ”جالپى حالىقتىڭ بىرگە بايۋىندا اناعۇرلىم كورنەكتى ماندىك ىلگەرىلەۋشىلىككە قول جەتكىزۋ“ نىساناسىن ورتاعا قويدى. بىرگە بايۋ − سوتسياليستىك وسىزامانداندىرۋدىڭ ماڭىزدى نىسانالارىنىڭ ءبىرى. ءبىز باستان - اياق حالىقتىڭ تاماشا تۇرمىسقا دەگەن جاڭا تالپىنىسىن قاناعاتتاندىرۋدى دامۋدىڭ شىعار ءتۇيىنى جانە تابان تىرەر تياناعى ەتىپ، وسىزامانداندىرۋدى جۇزەگە اسىرۋ بارىسىندا وسى ماسەلەنى ۇزدىكسىز تۇردە بىرتىندەپ ويداعىداي شەشۋىمىز كەرەك. وڭىرلەر پارقى، قالا - اۋىل پارقى، كىرىس پارقى سياقتى ماسەلەلەردى سانالى، ىرىقتى تۇردە شەشىپ، دامۋ بارىسىندا حالىق تۇرمىسىن قامتاماسىز ەتۋگە جانە جاقسارتۋعا تاباندى بولىپ، جۇمىستاندىرۋ، كىرىس ءبولىسى، وقۋ - اعارتۋ، قوعامدىق قامتاماسىزداندىرۋ، ەمدەۋ، تۇرعىن ءۇي، قارتتاردى كۇتىمدەۋ، بالالاردى ماپەلەۋ سياقتى جاقتارداعى قىزمەتتەردى ءبىر تۇتاس جوسپارلاپ، ويداعىداي ىستەپ، اۋىل - قىستاققا، نەگىزگى ساتىعا، دامۋى كەنجە وڭىرلەرگە بەيىمدەلۋگە، قيىنشىلىعى بار بۇقاراعا بەيىمدەلۋگە اناعۇرلىم ءمان بەرىپ، قوعامدىق ادىلدىك پەن تۋراشىلدىقتى جەبەپ، دامۋ تابىستارىنان جالپى حالىققا اناعۇرلىم كوپ، اناعۇرلىم ءادىل تيىمدىلىك جاساۋ كەرەك. جالپى حالىقتىڭ بىرگە بايۋىن جەبەۋ ۇزاق ۋاقىتتىق مىندەت ءارى رەال مىندەت، ونى، ءسوز جوق، اناعۇرلىم ماڭىزدى ورىنعا قويىپ، تاباندى تۇردە، ۇزاق ۋاقىت قۇلشىنىپ، وسى نىساناعا قاراي اناعۇرلىم بەلسەندىلىكپەن ءىس تىندىرا قۇلشىنىس جاساۋ كەرەك.
شي جينپيڭ بىلاي دەپ باسا دارىپتەدى: جاڭا دامۋ ۇستانىمىن تولىق، دالمە - ءدال، جان - جاقتىلى دايەكتىلەندىرۋدە جاڭا دامۋ ۇستانىمى ارقىلى رەفورمانى جاپپاي تەرەڭدەتۋگە جەتەكشىلىك ەتۋمەن بىرگە، رەفورمانى تەرەڭدەتۋ ارقىلى جاڭا دامۋ ۇستانىمىن تولىق، دالمە - ءدال، جان - جاقتىلى دايەكتىلەندىرۋگە تۇزىلىستىك، مەحانيزمدىك قامتاماسىزدىق ازىرلەۋ كەرەك. پارتيا 18 - كەزەكتى ورتالىق كوميتەتىنىڭ ءۇشىنشى جالپى ماجىلىسىنەن بەرى ەلىمىزدىڭ باستى سالالارداعى رەفورمالارىنىڭ نەگىزگى جۇلگەسى نەگىزىنەن قالىپتاسىپ بولدى، ەندى كۇش سالۋ ءتۇيىنىن جاڭا دامۋ ۇستانىمىن تولىق، دالمە - ءدال، جان - جاقتىلى دايەكتىلەندىرۋدى ارقاۋ ەتە وتىرىپ جۇيەلى جيناقتاۋدى، دالمە - ءدال شارا قولدانۋدى كۇشەيتۋگە قويۋ كەرەك. قازىرگى رەفورمالار نەگىزىندە، جاڭا دامۋ ۇستانىمىن دايەكتىلەندىرۋدى، جاڭا دامۋ ارناسىن قالىپتاستىرۋدى تياناق ەتىپ، ماسەلەنى باعدار ەتۋگە تاباندى بولىپ، جاڭالىق اشۋ قابىلەتىن كۇشەيتۋ، تەڭگەرىمدى دامۋدى ىلگەرىلەتۋ، ەكولوگيالىق ورتانى جاقسارتۋ، ەسىك اشۋ دەڭگەيىن جوعارىلاتۋ، بىرگە يگىلىككە كەنەلەتىن دامۋدى جەبەۋ سياقتى ءتۇيىندى سالالار مەن شەشۋشى بۋىنداردى ارقاۋ ەتە وتىرىپ، رەفورمانى ۇزدىكسىز تەرەڭدەتىپ، رەفورما جوبالارىن اناعۇرلىم دالمە - ءدال جاساپ، ءتۇزىم جۇيەسىن اناعۇرلىم جاپپاي كەمەلدەندىرۋ كەرەك.
شي جينپيڭ مىنالاردى اتاپ كورسەتتى: جاڭا دامۋ ۇستانىمىن تولىق، دالمە - ءدال، جان - جاقتىلى دايەكتىلەندىرۋدە، ءسوز جوق، جۇيە كوزقاراسىنا تاباندى بولىپ، ەل ءىشى جانە حالىقارا سىندى ەكى كەلەلى جاعدايدى ءبىر تۇتاس جوسپارلاپ، ”بەستى ءبىر تۇلعالاندىرۋ“ جالپى تۇلعالىق ورنالاستىرۋى مەن ”ءتورتتى جاپپاي ورىنداۋ“ ستراتەگيالىق ورنالاستىرۋىن ءبىر تۇتاس جوسپارلاپ، كورەگەندىكپەن ويلاۋدى، جالپى جاعداي سيپاتتى جوسپارلاۋدى، ستراتەگيالىق ورنالاستىرۋدى، جالپى تۇلعالىق ىلگەرىلەتۋدى كۇشەيتۋ كەرەك. جۇڭحۋا ۇلتىنىڭ ۇلى گۇلدەنۋى ستراتەگياسىنىڭ جالپى جاعدايى مەن دۇنيە جۇزىندە 100 جىلدا بولماعان ۇلكەن وزگەرىستى ءبىر تۇتاس جوسپارلاپ، ەل ءىشىن تياناق ەتىپ، دۇنيە جۇزىنە كوز جىبەرىپ، شىتىرمان، كۇردەلى حالىقارالىق جاعدايدىڭ ەلىمىزگە جاساعان ىقپالىن تەرەڭ تانىپ، ستراتەگيالىق تاباندىلىقتى ساقتاۋمەن بىرگە، وزگەرىسكە شەبەرلىكپەن، بەلسەنە توتەپ بەرۋ، كۇش - قۋاتتى شوعىرلاندىرا وتىرىپ ءوز ءىسىمىزدى ويداعىداي ىستەۋمەن بىرگە، الەمدىك جونگە سالۋعا بەلسەنە ات سالىسىپ، ەل ءىشىنىڭ دامۋىنا تاماشا ورتا ازىرلەۋ كەرەك. جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، ”سىرتتان كىرۋدەن ساقتانۋ، ىشتە قايتا بەلەڭ بەرۋدەن ساقتانۋ“ قىزمەتىن تيتتەي دە بوساڭسىتپاي ويداعىداي يگەرىپ، كولەمدى تۇردە سىرتتان كىرۋدىڭ جانە قايتا بەلەڭ بەرۋدىڭ تۋىلماۋىنا شىنايى كەپىلدىك ەتۋ كەرەك. دامۋ مەن حاۋىپسىزدىكتى ءبىر تۇتاس جوسپارلاپ، ءتۇرلى حاۋىپ - قاتەرلەر مەن سىن - سايىستاردى الدىن الا بايقاۋعا جانە الدىن الا تۇجىرىمداۋعا شەبەر بولىپ، ءتۇرلى ”قارا قۋ“، ”سۇر ءمۇيىز تۇمسىق“ وقيعالارىنا توتەپ بەرۋدىڭ دايىندىق جوبالارىن ويداعىداي ىستەپ، دامۋدىڭ حاۋىپسىزدىگىن ۇزدىكسىز كۇشەيتۋ كەرەك.
شي جينپيڭ بىلاي دەپ باسا دارىپتەدى: جاڭا دامۋ ۇستانىمىن تولىق، دالمە - ءدال، جان - جاقتىلى دايەكتىلەندىرۋ ەكونوميكالىق، قوعامدىق دامۋ قىزمەتىنىڭ تالابى، سونداي - اق ايرىقشا ماڭىزدى ساياسي تالاپ. جاعداي نەعۇرلىم كۇردەلى، مىندەت نەعۇرلىم ماشاقاتتى بولعان سايىن، پارتيانىڭ جالپى بەتتىك باسشىلىعى مەن پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىنا سولعۇرلىم تاباندى بولۋ، پارتيا ورتالىق كوميتەتىنىڭ جاڭا دامۋ ۇستانىمىن دايەكتىلەندىرۋ جونىندەگى تالاپتارىن قىزمەتتەردە سولعۇرلىم تياناقتاندىرۋ كەرەك. ساياسي بيىك دەڭگەيدە تۇرعاندا عانا، پارتيا ورتالىق كوميتەتىنىڭ كەلەلى باعىت - ساياساتتارى مەن شەشىمدەرىن، ورنالاستىرۋلارىن اناعۇرلىم جەتە تۇسىنۋگە، قىزمەت ىستەگەندە اناعۇرلىم كورەگەندىككە جانە ىرىقتىلىققا يە بولۋعا بولادى. ءار دارەجەلى باسشى كادرلار، اسىرەسە، جوعارى دارەجەلى كادرلار ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، ”مەملەكەتتىڭ زور ىستەرىن“ جادىندا ساقتاپ، پارتيا ورتالىق كوميتەتىنىڭ رۋحىن دايەكتىلەندىرۋدى ەلەۋلى ستراتەگيالاردى جوسپارلاۋ، ەلەۋلى ساياساتتاردى بەلگىلەۋ، ەلەۋلى مىندەتتەردى ورنالاستىرۋ، ەلەۋلى قىزمەتتەردى ىلگەرىلەتۋ امالياتىندا ايگىلەپ، ۇنەمى ۇلگىگە، ولشەمگە تۋرالانىپ، اۋىتقۋلاردى دەر كەزىندە تۇزەتىپ وتىرۋ كەرەك.
شي جينپيڭ بىلاي دەپ اتاپ كورسەتتى: ءار دارەجەلى پارتيا ۇيىمدارى مەن باسشى كادرلار اسا كۇشتى جاۋاپكەرشىلىك تانىمدا بولۋ، اركىم ءوز جاۋاپكەرشىلىگىن ءبىلۋ، اركىم ءوز جاۋاپكەرشىلىگىن ارقالاۋ، اركىم ءوز جاۋاپكەرشىلىگىن ادا ەتۋ، مەيلى قاي كەزدە بولسىن، ىستەۋگە ءتيىستى ىستەردە ءىستىڭ سالماعىن ءبىلۋ، سالماعىن ارقالاۋ، قامال الىپ، قيىندىقتاردى جەڭۋ، قىسىمعا توزە وتىرىپ ىستەۋ كەرەك؛ ارقالاۋعا ءتيىستى جاۋاپكەرشىلىكتە كەۋدە كەرىپ ورتاعا شىعىپ، اتويلاپ الدا ءجۇرۋ، حاۋىپ - قاتەرگە تاۋەكەل ەتە وتىرىپ ارقالاۋ كەرەك. ماسەلە بايقاعاندا، ماسەلەنىڭ قىلپىن بايقاعاندا دەر كەزىندە ءبىر جاقتى ەتۋ كەرەك، نەمقۇرايدى قاراۋعا، جاۋاپكەرشىلىكتەن قاشقالاقتاۋعا بولمايدى. ءار دارەجەلى پارتكومدار مەن ۇكىمەتتەر ءتۇرلى قىزمەت جاۋاپكەرشىلىگى تۇزىمدەرىن تياناقتاندىرىپ، عىلمي ورنالاستىرۋ جاساپ، جاۋاپكەرشىلىكتى ساتى - ساتى بويىنشا ناقتىلاپ، ءار دارەجەلى پارتيا ۇيىمدارىنىڭ، ءارقايسى تاراۋلاردىڭ، ءارقايسى شەپتەردىڭ، ءار سالا، ءار كاسىپتىڭ قىزمەتىنە بارىنشا ادال بولۋىن، ىرىقتىلىقپەن ىسكەرلىك كورسەتۋىن ىلگەرىلەتىپ، پارتيا قۇرىلعاندىعىنىڭ 100 جىلدىعىن قۇتتىقتاۋ ءۇشىن تاماشا قوعامدىق ورتا ازىرلەۋ كەرەك.
