شي جينپيڭ كليمات جونىندەگى ۇلى مۇرات باسشىلار باس قوسۋىندا ماڭىزدى ءسوز سويلەدى
كليماتتى جونگە سالۋدىڭ سەلبەسىپ بىرگە يگىلىككە كەنەلەتىن جاڭا جاعدايىن اشۋدى، كليماتتى جونگە سالۋدىڭ اركىم شاماسىنا قاراي ىستەيتىن جاڭا جۇيەسىن قالىپتاستىرۋدى، كليماتتى جونگە سالۋدىڭ جاسىل جولمەن قالپىنا كەلەتىن جاڭا وي جەلىسىنە تاباندى بولۋدى دارىپتەدى، جۇڭگونىڭ مەملەكەتتىڭ ءوز كۇشىمەن ۇلەس قوسۋىنا قاتىستى ءبىرسىپىرا جاڭا شارالارىن جاريالادى
12 - ايدىڭ 12 - كۇنى مەملەكەت ءتوراعاسى شي جينپيڭ كليمات جونىندەگى ۇلى مۇرات باسشىلار باس قوسۋىندا بەينە ەكران ارقىلى «الدىڭعىلاردىڭ ءىزىن باسىپ، بولاشاققا جول اشىپ، كليمات وزگەرىسىنە توتەپ بەرۋدىڭ الەمدىك جاڭا ساپارىن باستايىق» دەگەن تاقىرىپتا ماڭىزدى ءسوز سويلەپ، جۇڭگونىڭ مەملەكەتتىڭ ءوز كۇشىمەن ۇلەس قوسۋىنا قاتىستى ءبىرسىپىرا جاڭا شارالارىن جاريالادى.
مەملەكەت ءتوراعاسى شي جينپيڭ 12 - ايدىڭ 12 - كۇنى كليمات جونىندەگى ۇلى مۇرات باسشىلار باس قوسۋىندا بەينە ەكران ارقىلى «الدىڭعىلاردىڭ ءىزىن باسىپ، بولاشاققا جول اشىپ، كليمات وزگەرىسىنە توتەپ بەرۋدىڭ الەمدىك جاڭا ساپارىن باستايىق» دەگەن تاقىرىپتا ماڭىزدى ءسوز سويلەپ، جۇڭگونىڭ مەملەكەتتىڭ ءوز كۇشىمەن ۇلەس قوسۋىنا قاتىستى ءبىرسىپىرا جاڭا شارالارىن جاريالادى.
شي جينپيڭ بىلاي دەپ باسا دارىپتەدى: 5 جىلدىڭ الدىندا ءار ەل باسشىلارى ەڭ ۇلكەن ساياسي بەكىممەن جانە پاراساتپەن كليمات وزگەرىسىنە توتەپ بەرۋدىڭ «پاريج كەلىسىمىن» جاساۋدى ىلگەرىلەتكەن ەدى. 5 جىلدان بەرى «پاريج كەلىسىمى» اتقارىلۋ كەزەڭىنە ءوتىپ، حالىقارالىق قوعامنىڭ جاپپاي قولداۋىنا جانە ات سالىسۋىنا يە بولدى. قازىر حالىقارالىق ارنا جەدەل وزگەرىپ، جاڭا تيپتى ايدارشا ۆيرۋس وكپە قابىنۋ ىندەتى ادام مەن تابيعاتتىڭ قاتىناسى تۋرالى تەرەڭ تولعانىسقا تۇرتكى بولىپ، الەمدىك كليماتتى جونگە سالۋدىڭ بولاشاعى جۇرت نازارىن اناعۇرلىم اۋدارا تۇسۋدە.
شي جينپيڭ 3 دارىپتەمەنى ورتاعا قويدى.
ءبىرىنشى، ءبىر نيەتپەن ىنتىماقتاسىپ، كليماتتى جونگە سالۋدىڭ سەلبەسىپ بىرگە يگىلىككە كەنەلەتىن جاڭا جاعدايىن اشۋ. كليمات وزگەرىسىنىڭ سىن - سايىسى الدىندا ادامزات تاعدىرلاس ورتاق تۇلعا بولىپ تابىلادى. جۇڭگو جاق ءار ەلدىڭ «پاريج كەلىسىمىنە» قولداۋ كورسەتۋىن، كليمات وزگەرىسىنە توتەپ بەرۋگە اناعۇرلىم كەسەك ۇلەس قوسۋىن قارسى الادى.
ەكىنشى، ۇلى مۇراتتى سەرپىلتىپ، كليماتتى جونگە سالۋدىڭ اركىم شاماسىنا قاراي ىستەيتىن جاڭا جۇيەسىن قالىپتاستىرۋ. ءار ەل ورتاق، ءبىراق پارىقتى جاۋاپكەرشىلىك پرينسيبىن ۇستانا وتىرىپ، مەملەكەت جاعدايىنا جانە قابىلەتىنە قاراي ارەكەتتى ەڭ جوعارى دەڭگەيدە كۇشەيتۋگە ءتيىس. دامىعان ەلدەر وركەندەپ كەلە جاتقان ەلدەرگە قارجى، تەحنيكا، قابىلەت قۇرىلىسى قولداۋلارىن شىنايى ارتتىرۋى قاجەت.
ءۇشىنشى، سەنىمدى بەكەمدەپ، كليماتتى جونگە سالۋدىڭ جاسىل جولمەن قالپىنا كەلەتىن جاڭا وي جەلىسىنە تاباندى بولۋ. جاسىل، تومەن كومىرتەكتى ءوندىرىس، تۇرمىس ءتاسىلىن زور كۇشپەن دارىپتەپ، جاسىل دامۋدان دامۋدىڭ ورايى مەن قوزعاۋشى كۇشىن قاراستىرۋ كەرەك.
شي جينپيڭ بىلاي دەپ باسا دارىپتەدى: جۇڭگو كليمات وزگەرىسىنە توتەپ بەرۋدىڭ «پاريج كەلىسىمىن» جاساۋعا ماڭىزدى ۇلەس قوستى، «پاريج كەلىسىمىن» تياناقتاندىرۋدىڭ بەلسەندى جۇزەگە اسىرۋشىسى. جۇڭگو جاق مەملەكەتتىڭ ءوز كۇشىمەن ۇلەس قوسۋ سەرپىنىن ارتتىراتىندىعىن جاريالادى، مىنانى ىشكەرىلەگەن تۇردە جاريالاماقپىن: 2030 - جىلعا بارعاندا، جۇڭگونىڭ بىرلىك ىشكى ءوندىرىس جالپى ءونىم قۇنىنداعى كومىرتەگى قوس توتىعىنىڭ ىعىستىرىلۋى 2005 - جىلداعىدان ％65تىڭ ۇستىندە ازايادى، قازبا ەمەس ەنەرگيالاردىڭ العاشقى ەنەرگيالىق تۇتىنۋداعى ارا سالماعى ％25 شاماسىنا جەتەدى، ورمان قورى كولەمى 2005 - جىلداعىدان 6 ميلليارد تەكشەمەتر كوبەيەدى، جەل ەلەكتر، كۇن ەلەكتر جالپى اگراگاتتار سيىمدىلىعى ءبىر ميلليارد 200 ميلليون كيلوۆاتتان جوعارىعا جەتەدى. جۇڭگو ەجەلدەن سەنىمدىلىككە ءمان بەرىپ، ۋادەسىندە تۇرىپ كەلەدى، جاڭا دامۋ ۇستانىمىن جەتەكشى ەتىپ، جوعارى ساپالى دامۋدى ىلگەرىلەتۋ بارىسىندا ەكونوميكالىق، قوعامدىق دامۋدىڭ جالپى بەتتىك جاسىلعا قاراي تيبىن وزگەرتۋىن جەبەپ، وسى ايتىلعان نىسانالاردى تاباندىلىقپەن تياناقتاندىرىپ، دۇنيە ءجۇزىنىڭ كليمات وزگەرىسىنە توتەپ بەرۋى ءۇشىن اناعۇرلىم كەسەك ۇلەس قوسادى.
شي جينپيڭ سوڭىندا بىلاي دەپ باسا دارىپتەدى: ”تابيعات ءۇنسىز بولعانىمەن، ءتورت ماۋسىم اۋىسا بەرمەك، جەر ءۇنسىز بولعانىمەن، بارشا تىرشىلىك ءوسىپ - ونبەك“. جەر شارى ادامزاتتىڭ ورتاق، بىردەن - ءبىر مەكەنى. ءبىز الدىڭعىلاردىڭ ءىزىن باسىپ، بولاشاققا جول اشىپ، تىزە قوسا العا باسىپ، «پاريج كەلىسىمىنىڭ» نىق قاداممەن الىسقا جەتۋىنە دەم بەرىپ، كليمات وزگەرىسىنە توتەپ بەرۋدىڭ الەمدىك جاڭا ساپارىن باستايىق!
كليمات جونىندەگى ۇلى مۇرات باسشىلار باس قوسۋى بىرلەسكەن مەملەكەتتەر ۇيىمىنىڭ جانە قاتىستى مەملەكەتتەردىڭ باستاماسىمەن وتكىزىلدى، ماقساتى: «پاريج كەلىسىمى» جاسالعاندىعىنىڭ 5 جىلدىعىن ەسكە الىپ، حالىقارالىق قوعامدى كليمات ارەكەتىن كۇشەيتۋگە ونان ارى جۇمىلدىرىپ، كوپ جاقتى ءۇردىستى ىلگەرىلەتۋ.
