1. اعىمداعى ورىن:
  2. باس بەت
  3. اعىم جاڭالىقتارى
  4. سۋرەتتى حابار
  5. زاڭ - ەرەجە

شي جينپيڭ شاڭحاي سەلبەستىك ۇيىمىنا مۇشە ەلدەر باسشىلارى القالار كەڭەسىنىڭ 20 - رەتكى ماجىلىسىنە قاتىناستى ءارى ماڭىزدى ءسوز سويلەدى

日期:2020年11月12日
来源:新疆日报
【字体:

شي جينپيڭ شاڭحاي سەلبەستىك ۇيىمىنا مۇشە ەلدەر باسشىلارى القالار كەڭەسىنىڭ 20 - رەتكى ماجىلىسىنە قاتىناستى ءارى ماڭىزدى ءسوز سويلەدى

شاڭحاي سەلبەستىك ۇيىمىنىڭ ”شاڭحاي رۋحىن“ اسقاقتاتىپ، ىنتىماقتى، سەلبەستىكتى تەرەڭدەتىپ، اناعۇرلىم بەرىك تاعدىرلاس ورتاق تۇلعا قۇرۋدى ىلگەرىلەتۋ كەرەكتىگىن باسا دارىپتەدى

  11 - ايدىڭ 10 - كۇنى كەشتە مەملەكەت ءتوراعاسى شي جينپيڭ بەيجيڭدە بەينە ەكران ءتاسىلى ارقىلى شاڭحاي سەلبەستىك ۇيىمىنا مۇشە ەلدەر باسشىلارى القالار كەڭەسىنىڭ 20 - رەتكى ماجىلىسىنە قاتىناستى ءارى ماڭىزدى ءسوز سويلەدى.

  11 - ايدىڭ 10 - كۇنى كەشتە مەملەكەت ءتوراعاسى شي جينپيڭ بەيجيڭدە بەينە ەكران ءتاسىلى ارقىلى شاڭحاي سەلبەستىك ۇيىمىنا مۇشە ەلدەر باسشىلارى القالار كەڭەسىنىڭ 20 - رەتكى ماجىلىسىنە قاتىناستى ءارى ماڭىزدى ءسوز سويلەدى.

  مەملەكەت ءتوراعاسى شي جينپيڭ 11 - ايدىڭ 10 - كۇنى كەشتە بەيجيڭدە بەينە ەكران تاسىلىمەن شاڭحاي سەلبەستىك ۇيىمىنا مۇشە ەلدەر باسشىلارى القالار كەڭەسىنىڭ 20 - رەتكى ماجىلىسىنە قاتىناستى ءارى «”شاڭحاي رۋحىن“ اسقاقتاتىپ، ىنتىماقتى، سەلبەستىكتى تەرەڭدەتىپ، اناعۇرلىم بەرىك تاعدىرلاس ورتاق تۇلعا قۇرايىق» دەگەن تاقىرىپتا ماڭىزدى ءسوز سويلەدى. شي جينپيڭ بىلاي دەپ باسا دارىپتەدى: شاڭحاي سەلبەستىك ۇيىمى ”شاڭحاي رۋحىن“ اسقاقتاتىپ، ىندەتكە قارسى اتتانۋ سەلبەستىگىن كۇشەيتىپ، حاۋىپسىزدىكتى، ورنىقتىلىقتى قورعاپ، ناقتى ىستەر سەلبەستىگىن تەرەڭدەتىپ، حالىق تىلەگىن توعىستىرۋدى جەبەپ، دەنساۋلىق ساقتاۋ، سالاماتتىق ورتاق تۇلعاسىن، حاۋىپسىزدىك ورتاق تۇلعاسىن، دامۋ ورتاق تۇلعاسىن، گۋمانيتارلىق ورتاق تۇلعاسىن قول ۇستاسا قۇرىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ ءۇشىن اناعۇرلىم كوپ امالياتتىق ىزدەنىس جاساۋ كەرەك.

  وسى رەتكى ءماجىلىستى شاڭحاي سەلبەستىك ۇيىمىنا كەزەكتى ءتوراعا ەل رەسەيدىڭ زۇڭتۇڭى پۋتين باسقاردى، ءۇندىستاننىڭ زۇڭليى مودي، قازاقستاننىڭ زۇڭتۇڭى توقايەۆ، قىرعىزستاننىڭ زۇڭتۇڭى جاپاروۆ، پاكيستاننىڭ زۇڭليى يمران حان، تاجىكستاننىڭ زۇڭتۇڭى راحمون، وزبەكستاننىڭ زۇڭتۇڭى ميرزيويەۆ قاتارلى مۇشە ەلدەردىڭ باسشىلارى، شاڭحاي سەلبەستىك ۇيىمىنىڭ باس حاتشىسى نوروۆ، شاڭحاي سەلبەستىك ۇيىمىنىڭ وڭىرلىك لاڭكەستىككە قارسى تۇرۋ قۇرىلىمى اتقارۋ كوميتەتىنىڭ مەڭگەرۋشىسى گيەسوۆ قاتارلى تۇراقتى قۇرىلىمداردىڭ جاۋاپتىلارى، سونداي - اق اۋعانستاننىڭ زۇڭتۇڭى عاني، يراننىڭ زۇڭتۇڭى رۋحاني، موڭعۇليانىڭ زۇڭتۇڭى باتتۇلعا، بەلورۋسسيانىڭ زۇڭليى گولوۆچەنكو قاتارلى باقىلاۋشى ەلدەردىڭ باسشىلارى جانە بىرلەسكەن مەملەكەتتەر ۇيىمىنىڭ باس حاتشىسى گۋتەررەس ماجىلىسكە قاتىناستى.

  شي جينپيڭ بىلاي دەپ باسا دارىپتەدى: شاڭحاي سەلبەستىك ۇيىمى قۇرىلعاننان بەرى، ءوزارا قۇرمەت ەتەتىن، ءادىل، تۋراشىل، سەلبەسىپ تەڭ يگىلىككە كەنەلەتىن جاڭاشا حالىقارالىق قارىم - قاتىناس ۇلگىسىن ورناتتى. جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان كەيىن، ءار جاق قيىندىقتى بىلەك بىرىكتىرە جەڭىپ، ءوزارا قارايلاسىپ، وسى ۇيىمنىڭ ورنىقتىلىعىنا، دامۋىنا جانە حالىقارالىق ىندەتكە قارسى اتتانۋ سەلبەستىگىنە وڭ ەنەرگيا ۇستەدى.

  شي جينپيڭ بىلاي دەپ اتاپ كورسەتتى: جاڭا تيپتى ايدارشا ۆيرۋس وكپە قابىنۋ ىندەتى حالىقارالىق ارنانىڭ رەتتەلۋىن تەزدەتتى، دۇنيە ءجۇزى اۋمالى - توكپەلى وزگەرىس مەزگىلىنە ءوتتى. حالىقارالىق قوعام كوپ جاقتىلىق پەن سىڭار جاقتىلىقتىڭ، اشىق ۇستاۋ مەن توماعا - تۇيىقتىقتىڭ، سەلبەسۋ مەن قارسىلاسۋدىڭ اۋىر سىناعىن باستان كەشىرۋدە. ”دۇنيە جۇزىنە نە بولدى، ءبىز قايتۋىمىز كەرەك“ ءداۋىر سۇراعىنا اينالدى، ءار ەل حالقىنىڭ تاماشا تۇرمىسقا تالپىنىسى اناعۇرلىم كۇشەيدى، بەيبىتشىلىك، دامۋ، سەلبەسۋ، تەڭ يگىلىككە كەنەلۋ بوگەۋ بەرمەس ءداۋىر اعىنىنا اينالدى. تاريح تاتۋ كورشىلىك دوستىقتىڭ، ءسوز جوق، زوبالاڭدى وزگەگە يتەرۋدى باسىپ تۇسەتىندىگىن، ءوزارا پايدا جەتكىزۋ سەلبەستىگىنىڭ، ءسوز جوق، نولدىك جيىنتىق ويىنىنىڭ ورنىن باساتىندىعىن، كوپ جاقتىلىقتىڭ، ءسوز جوق، سىڭار جاقتىلىقتى جەڭەتىندىگىن الدەقاشان دالەلدەدى ءارى ۇزدىكسىز دالەلدەي بەرەدى.

  شي جينپيڭ بىلاي دەپ باسا دارىپتەدى: قازىرگى جاعدايدا شاڭحاي سەلبەستىك ۇيىمى ”شاڭحاي رۋحىن“ اسقاقتاتىپ، ىنتىماقتى، سەلبەستىكتى تەرەڭدەتىپ، وڭىردەگى مەملەكەتتەردىڭ ورنىقتىلىعى مەن دامۋىنا اناعۇرلىم زور ۇلەس قوسۋ ءۇشىن، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ ءۇشىن اناعۇرلىم كوپ امالياتتىق ىزدەنىس جاساۋ كەرەك.

  ءبىرىنشى، ىندەتكە قارسى اتتانۋ سەلبەستىگىن كۇشەيتىپ، دەنساۋلىق ساقتاۋ، سالاماتتىق ورتاق تۇلعاسىن قۇرۋ. ءار ەل بىرلەسىپ ساقتانۋدى، بىرلەسىپ تىزگىندەۋدى كۇشەيتىپ، وڭىرلىك جانە الەمدىك الەۋمەتتىك دەنساۋلىق ساقتاۋ حاۋىپسىزدىگىن قورعاۋ كەرەك. دۇنيە جۇزىلىك دەنساۋلىق ساقتاۋ ۇيىمىنىڭ شەشۋشى باسشىلىق رولىن ساۋلەلەندىرۋىن قولداپ، ىندەتتى ساياسيلاندىرۋعا، ۆيرۋستى بىرەۋگە تاۋەلدەۋگە قارسى تۇرۋ، ”ساياسي ۆيرۋستى“ بىرگە تيۋ كەرەك. جۇڭگو جاق مۇشە ەلدەردىڭ اۋرۋدان ساقتانۋ - تىزگىندەۋ ورتالىقتارىندا ىستىق لەنيالى بايلانىس اشۋدى دارىپتەيدى، وسى ۇيىمداعى ەلدەردىڭ ۆاكسينا قاجەتىن بەلسەنە ويلاستىرۋدى قالايدى.

  ەكىنشى، حاۋىپسىزدىك پەن ورنىقتىلىقتى قورعاپ، حاۋىپسىزدىك ورتاق تۇلعاسىن قۇرۋ. ورتاق، كەشەندى، سەلبەسەتىن، باياندى حاۋىپسىزدىك كوزقاراسى بويىنشا، ءتۇرلى حاۋىپ - قاتەرلەر مەن سىن - سايىستارعا ءونىمدى توتەپ بەرۋ كەرەك. قاتىستى ەلدەردىڭ ەل ىشىندەگى كەلەلى ساياسي كەڭەستىك تارتىپتەردى زاڭ بويىنشا ورنىقتى ىلگەرىلەتۋىن تاباندىلىقپەن قولداۋ، ءار ەلدىڭ ساياسي حاۋىپسىزدىك پەن قوعام ورنىقتىلىعىن قورعاۋىن تاباندىلىقپەن قولداۋ، سىرتقى كۇشتەردىڭ ءارقانداي سىلتاۋمەن مۇشە ەلدەردىڭ ىشكى ىسىنە كيلىگۋىنە باتىل قارسى تۇرۋ كەرەك. تىلدەسۋ جانە كەڭەسۋ ارقىلى قايشىلىق پەن الاۋىزدىقتى شەشۋگە تاباندى بولۋ كەرەك. ”ءۇش ءتۇرلى كۇشتىڭ“ ىندەتتى سىلتاۋ ەتىپ بىلىقپالىق تۋدىرۋىنان قاتاڭ ساقتانىپ، مۇشە ەلدەردىڭ زاڭ اتقارۋ، حاۋىپسىزدىك سەلبەستىگى دەڭگەيىن جوعارىلاتۋ كەرەك. ءارجاقتىڭ جۇڭگو جاق كوتەرگەن ”الەمدىك ساندى مالىمەت حاۋىپسىزدىگى باستاماسىنا“ بەلسەنە ات سالىسۋىن قارسى الامىز.

  ءۇشىنشى، ناقتى ىستەر سەلبەستىگىن تەرەڭدەتىپ، دامۋ ورتاق تۇلعاسىن قۇرۋ. ”ءبىر بەلدەۋ، ءبىر جولدى“ بىرگە قۇرۋ باستاماسىنىڭ ءار ەلدىڭ دامۋ ستراتەگياسىمەن جانە ەۆروپا - ازيا ەكونوميكالىق وداعى سياقتى وڭىرلىك سەلبەستىك باستامالارىمەن تەرەڭدەي ۇشتاسۋىن ۇزدىكسىز ىلگەرىلەتىپ، وڭىرلىك ەكونوميكالىق اينالىمدى ىركىلىسسىزدەندىرىپ، جۇمىستىڭ، ءوندىرىستىڭ قالپىنا كەلۋىن جەدەل جۇزەگە اسىرۋ كەرەك. ءوزارا قارجى قوسۋ كولەمىن كەڭەيتىپ، سيفرلى ەكونوميكا، ەلەكتروندى ساۋدا، جاساندى زەردە، زەردەلى قالا سياقتى سالالارداعى سەلبەستىكتى كۇشەيتۋ كەرەك. جۇڭگو جاق كەلەر جىلى چۇڭچيڭدە جۇڭگو - شاڭحاي سەلبەستىك ۇيىمى سيفرلى ەكونوميكا كاسىپ سالاسى تالقى مىنبەرىن وتكىزەدى. اناعۇرلىم كوپ حالىق تۇرمىسى ينجەنەريالارىن بىرگە اتقارۋ كەرەك. جۇڭگو جاق وسى ۇيىمنىڭ كەدەيلىكتى ازايتۋ بىرلەسكەن قىزمەت گرۋپپاسىن قۇرۋدى قولدايدى.

  ءتورتىنشى، حالىق تىلەگىن توعىستىرۋدى جەبەپ، گۋمانيتارلىق ورتاق تۇلعا قۇرۋ. وركەنيەتتەردىڭ ءوزارا ۇيرەنۋىن، ءوزارا ۇلگى الۋىن جەبەپ، وقۋ - اعارتۋ، مادەنيەت، ساياحات، دەنە تاربيە، اقپارات قۇرالدارى، ايەلدەر ىستەرى سياقتى سالالارداعى اۋىس - كۇيىستى، سەلبەستىكتى قولداۋ كەرەك. جۇڭگو جاق كەلەر جىلى شاڭحاي سەلبەستىك ۇيىمىنىڭ حالىقتىق دوستىق تالقى مىنبەرىن وتكىزەدى، الداعى 3 جىلدا ءار جاققا 600 جاستىڭ اۋىس - كۇيىس جاساۋ سانىن بەرەدى.

  شي جينپيڭ بىلاي دەپ باسا دارىپتەدى: ءبىز ءىس جۇزىندىك ارەكەتىمىزبەن كوپ جاقتىلىقتى امالياتتا ايگىلەپ، بىرگە اقىلداسۋ، بىرگە قۇرۋ، بىرگە يگىلىكتەنۋ پرينسيبىن ۇستانىپ، الەمدىك جونگە سالۋدى كەمەلدەندىرۋىمىز، حالىقارالىق ءتارتىپتى قورعاۋىمىز كەرەك. شاڭحاي سەلبەستىك ۇيىمى سەرىكتەستىك قارىم - قاتىناس تورىن كەڭەيتىپ، حالىقارالىق جانە وڭىرلىك ىستەردە اناعۇرلىم بەلسەندى رول اتقارۋى كەرەك.

  شي جينپيڭ بىلاي دەپ باسا دارىپتەدى: جۇڭگو جاڭا دامۋ ارناسىن جەدەل قالىپتاستىرىپ، اناعۇرلىم جوعارى دەڭگەيدەگى اشىق ەكونوميكالىق جاڭا ءتۇزىلىس قۇرۋدا. جۇڭگو ءوزارا پايدا جەتكىزىپ، بىرگە يگىلىككە كەنەلەتىن ەسىك اشۋ ستراتەگياسىن بۇلجىماي اتقارادى. ءارجاقتىڭ جۇڭگونىڭ دامۋىنىڭ جاڭا ورايىن يگەرىپ، جۇڭگومەن سەلبەستىكتى بەلسەنە تەرەڭدەتۋىن قارسى الادى.

  شي جينپيڭ ەڭ سوڭىندا بىلاي دەپ باسا دارىپتەدى: كەلەر جىلى وسى ۇيىم 20 جىلدىق مەرەي تويىن قارسى الادى. ”شاڭحاي رۋحى“ تۋىن بيىك ۇستاپ، شىن پەيىلىمىزبەن سەلبەسىپ، قايراتتانا العا ىلگەرىلەپ، وسى ۇيىمنىڭ اناعۇرلىم زور دامۋعا قول جەتكىزۋىن ىلگەرىلەتىپ، اناعۇرلىم بەرىك تاعدىرلاس ورتاق تۇلعا قۇرايىق!

  ماجىلىسكە قاتىناسقان شەتەل جاقتىڭ باسشىلارى شاڭحاي سەلبەستىك ۇيىمىنىڭ ءار سالاداعى سەلبەستىك اياق الىسىن بەلسەندى باعالاپ، مىنالاردى ءبىلدىردى: كەزەكتە حالىقارالىق جاعدايدا ءتۇرلى سىن - سايىستار مەن قاتەرلەر كوبەيۋدە، جاڭا تيپتى ايدارشا ۆيرۋس وكپە قابىنۋ ىندەتى الەمدىك ساياسيعا، ەكونوميكاعا، قوعامعا اۋىر كەرى ىقپال تۋدىردى. ءار ەل كۇش بىرىكتىرىپ توتەپ بەرۋى، ىندەتكە بىرگە قارسى اتتانۋى، ىندەتتى سىلتاۋ ەتىپ وزگە ەلدەردى داتتاۋعا قارسى تۇرۋى كەرەك. كوپ جاقتىلىققا تاباندى بولىپ، بىرلەسكەن مەملەكەتتەر ۇيىمىنىڭ ۋستاۆى مەن حالىقارالىق زاڭدى نەگىز ەتكەن حالىقارالىق ءتارتىپتى قورعاپ، دۇنيە جۇزىلىك ساۋدا ۇيىمىن وزەك ەتكەن، ەرەجەنى نەگىز ەتكەن كوپ جاقتى ساۋدا ءتۇزىلىسىن قورعاپ، اشىق دۇنيە ءجۇزى ەكونوميكاسىن جەبەۋ كەرەك. ءوزارا سەنىمدى، ءوزارا پايدالى، تەپە - تەڭ، كەڭەسەتىن، الۋان ءتۇرلى وركەنيەتكە قۇرمەت ەتەتىن، بىرگە دامۋعا ۇمتىلاتىن ”شاڭحاي رۋحىن“ ۇستانىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ كەرەك. ءار ەل حالقىنىڭ دەربەس تاڭداعان جولىنا قۇرمەت ەتىپ، سىرتقى كۇشتەردىڭ مۇشە ەلدەردىڭ ىشكى ىسىنە كيلىگۋىنە قارسى تۇرۋ كەرەك. ساۋدا، قارجى قوسۋ، وندىرىستىك قۋات، قاتىناس، ەنەرگيا، جاڭالىق اشۋ، سيفرلى ەكونوميكا سياقتى سالالارداعى سەلبەستىكتى كۇشەيتىپ، حالىق تۇرمىسىن جاقسارتىپ، كەدەيلىكتى جويۋ كەرەك. گۋمانيتارلىق اۋىس - كۇيىستى تەرەڭدەتۋ كەرەك. ”ءبىر بەلدەۋ، ءبىر جول“ باستاماسىنىڭ ەۆروپا - ازيا ەكونوميكالىق وداعى قۇرىلىسىمەن ۇشتاسۋىن قولداۋ كەرەك. ”ءۇش ءتۇرلى كۇشكە“ سەلبەسە سوققى بەرىپ، ساندى مالىمەت حاۋىپسىزدىگىن، بيولوگيالىق حاۋىپسىزدىكتى قورعاپ، تىلدەسۋ، كەڭەسۋ ارقىلى تالاس - تارتىستى بەيبىت جولمەن شەشۋگە كۇش سالىپ، ءوڭىردىڭ حاۋىپسىزدىگىن، ورنىقتىلىعىن جانە باياندى دامۋىن قورعاۋ كەرەك.

  ءماجىلىس تاجىكستاننىڭ شاڭحاي سەلبەستىك ۇيىمىنا كەزەكتى ءتوراعا ەل مىندەتىن وتكىزىپ الۋىن ۇيعاردى.

  ءماجىلىس «شاڭحاي سەلبەستىك ۇيىمىنا مۇشە ەلدەر باسشىلارى القالار كەڭەسىنىڭ ماسكەۋ جارناماسىن»، سونداي - اق جاڭا تيپتى ايدارشا ۆيرۋس وكپە قابىنۋ ىندەتىنە بىرگە توتەپ بەرۋ، دۇنيە جۇزىلىك 2 - سوعىس جەڭىسىنىڭ 75 جىلدىعى، حالىقارالىق ينفورماتسيا حاۋىپسىزدىگىن قامتاماسىز ەتۋ، سيفرلى ەكونوميكا سالاسىنداعى سەلبەستىك، ينتەرنەت سياقتى ارنالاردان پايدالانىپ لاڭكەستىك، بولشەكتەۋشىلىك جانە ۇشقارىلىق يدەياسىن تاراتۋعا سوققى بەرۋ، ەسىرتكى حاۋىپ - قاتەرىنە توتەپ بەرۋ قاتارلىلار جونىندەگى ءبىر قىدىرۋ مالىمدەمەلەردى ماقۇلدادى ءارى جاريالادى.

  ديڭ شۋەشياڭ، ياڭ جيەچى، ۋاڭ ي، حى ليفىڭ قاتارلىلار قاتىناستى.