شي جينپيڭ 3 - كەزەكتى جۇڭگو حالىقارالىق يمپورت كورمەسىنىڭ اشىلۋ سالتىندا ارقاۋ ءسوز سويلەدى
جۇڭگونىڭ ەسىك اشۋدى بۇلجىماستان جاپپاي كەڭەيتىپ، دۇنيە جۇزىمەن بازار ورايىنان بىرگە يگىلىكتەنىپ، جۇڭگو بازارىن دۇنيە ءجۇزى بازارىنا، بىرگە يگىلىكتەنەتىن بازارعا، كوپشىلىكتىڭ بازارىنا اينالدىرىپ، دۇنيە ءجۇزى ەكونوميكاسىنىڭ قالپىنا كەلۋىن ىلگەرىلەتۋدى قالايتىندىعىن باسا دارىپتەدى، جۇڭگونىڭ ەسىك اشۋدى جاپپاي كەڭەيتۋدەگى جاڭا شارالارىن جاريالادى
11 - ايدىڭ 4 - كۇنى كەشتە 3 - كەزەكتى جۇڭگو حالىقارالىق يمپورت كورمەسىنىڭ اشىلۋ سالتى شاڭحايدا وتكىزىلدى، مەملەكەت ءتوراعاسى شي جينپيڭ بەينە ەكران ءتاسىلى ارقىلى ارقاۋ ءسوز سويلەدى.
11 - ايدىڭ 4 - كۇنى كەشتە 3 - كەزەكتى جۇڭگو حالىقارالىق يمپورت كورمەسىنىڭ اشىلۋ سالتى شاڭحايدا وتكىزىلدى، مەملەكەت ءتوراعاسى شي جينپيڭ بەينە ەكران ءتاسىلى ارقىلى ارقاۋ ءسوز سويلەدى.
3 - كەزەكتى جۇڭگو حالىقارالىق يمپورت كورمەسىنىڭ اشىلۋ سالتى 11 - ايدىڭ 4 - كۇنى كەشتە شاڭحايدا وتكىزىلدى، مەملەكەت ءتوراعاسى شي جينپيڭ بەينە ەكران ءتاسىلى ارقىلى ارقاۋ ءسوز سويلەدى. شي جينپيڭ بىلاي دەپ باسا دارىپتەدى: جاڭا تيپتى ايدارشا ۆيرۋس وكپە قابىنۋ ىندەتى دۇنيە ءجۇزى ەكونوميكاسىنىڭ ورنىقسىز، تۇراقسىز فاكتورلارىن كوبەيتتى، الايدا جۇڭگونىڭ ەسىك اشۋدى كەڭەيتۋ قادامى ءالى دە جەدەلدەي ءتۇستى، ءارقايسى ەلدەردىڭ ەسىك اشۋعا بەتتەۋ، سەلبەستىككە بەتتەۋ اۋقىمى وزگەرگەن جوق. ءارقايسى ەلدەر سەلبەسىپ بىرگە يگىلىككە كەنەلۋ، سەلبەسىپ بىرگە ارقالاۋ، سەلبەسىپ بىرگە جونگە سالۋ سىندى بىرگە ەسىك اشۋدى ىلگەرىلەتۋگە قول ۇستاسا كۇش سالۋى كەرەك. جۇڭگو ەسىك اشۋ، سەلبەسۋ، ىنتىماقتاسۋ، بىرگە يگىلىكتەنۋ سەنىمىنەن جازباي، ەسىك اشۋدى بۇلجىماستان جاپپاي كەڭەيتىپ، جۇڭگو بازارىن دۇنيە ءجۇزى بازارىنا، بىرگە يگىلىكتەنەتىن بازارعا، كوپشىلىكتىڭ بازارىنا اينالدىرىپ، دۇنيە ءجۇزى ەكونوميكاسىنىڭ قالپىنا كەلۋىن ىلگەرىلەتىپ، حالىقارالىق قوعامعا اناعۇرلىم كوپ وڭ ەنەرگيا ۇستەيدى.
شي جينپيڭ بىلاي دەپ اتاپ كورسەتتى: وسى كەزەكتى يمپورت كورمەسى ەرەكشە مەزگىلدە وتكىزىلدى. تۇتقيىل كەلگەن جاڭا تيپتى ايدارشا ۆيرۋس وكپە قابىنۋ ىندەتى ءارقايسى ەلدەرگە اۋىر سوققى اكەلدى، دۇنيە ءجۇزى ەكونوميكاسىن دا اۋىر دارەجەدە ويسىراتتى. جۇڭگو ىندەتتەن ساقتانۋ حاۋىپسىزدىگىنە شىنايى كەپىلدىك ەتۋ العى شارتىندا، وسى ءبىر الەمدىك ساۋدا سالتاناتىن ءدال ۋاعىندا وتكىزىپ، جۇڭگونىڭ دۇنيە جۇزىمەن بازار ورايىنان بىرگە يگىلىكتەنەتىن، دۇنيە ءجۇزى ەكونوميكاسىنىڭ قالپىنا كەلۋىن ىلگەرىلەتەتىن ىزگى تىلەگىن بەينەلەدى.
شي جينپيڭ بىلاي دەپ باسا دارىپتەدى: ىندەتتىڭ ىقپالىنا ۇشىراعان بولسا دا، بيىل جۇڭگونىڭ ەسىك اشۋدى كەڭەيتۋ قادامى جەدەلدەي ءتۇستى. مەن 2 - كەزەكتى يمپورت كورمەسىندە جاريالاعان سىرتقا ەسىك اشۋدى كەڭەيتۋ جەلىلەس شارالارى جاپپاي تياناقتاندىرىلدى. جۇڭگو يمپورتتى ۇزدىكسىز كەڭەيتتى. حاينان ەركىن ساۋدا پورتى قۇرىلىسىنىڭ جالپى تۇلعالىق جوباسى، شىنجىننىڭ رەفورما جاساۋ، ەسىك اشۋدى ونان ارى كەڭەيتۋدى اتقارۋ جوباسى جاريالانىپ اتقارىلدى، جوعارى ولشەمدى ەركىن ساۋدا كەلىسىمىن كەڭەسىپ جاساۋ، يمپورت ساۋداسىندا جاڭالىق اشۋدى جەبەۋدەن ۇلگى كورسەتۋ اۋماعىن جەتىلدىرۋ، ءبىلىم مەنشىك ۇقىعىن قورعاۋ، ”ءبىر بەلدەۋ، ءبىر جولدى“ جوعارى ساپادا بىرگە قۇرۋ سياقتى شارالار تۇگەلدەي بەلسەندى ىلگەرىلەۋشىلىكتەرگە قول جەتكىزدى.
شي جينپيڭ بىلاي دەپ اتاپ كورسەتتى: ىندەت دۇنيە ءجۇزى ەكونوميكاسىنىڭ ورنىقسىز، تۇراقسىز فاكتورلارىن كوبەيتتى. تاريحتان الىپ قاراساق، مەيلى قانداي حاۋىپ - قاتەرگە، قانداي اپاتقا، قانداي كەراعارلىققا ۇشىراسا دا، ادامزات قوعامى قاشاندا العا ىلگەرىلەپ وتىردى، ونىڭ ۇستىنە، ءسوزسىز، ۇزدىكسىز العا ىلگەرىلەيدى. ءارقايسى ەلدەردىڭ ەسىك اشۋعا بەتتەۋ، سەلبەستىككە بەتتەۋ ۇلكەن اۋقىمى وزگەرگەن جوق. ءبىز قول ۇستاسىپ، حاۋىپ - قاتەر، سىن - سايىستارعا بىرگە توتەپ بەرىپ، سەلبەسۋدى، پىكىرلەسۋدى بىرگە كۇشەيتىپ، سىرتقا ەسىك اشۋدى بىرگە كەڭەيتۋىمىز كەرەك. سەلبەسىپ تەڭ يگىلىككە كەنەلەتىن بىرگە ەسىك اشۋدى ىلگەرىلەتۋگە كۇش سالۋ ءۇشىن، كۇدىكتەنۋدەن گورى سەنىم ارتۋىمىز، جۇدىرىق سىلتەۋدەن گورى قول ۇستاسۋىمىز، بالاعاتتاۋدان گورى كەڭەسۋىمىز كەرەك. سەلبەسىپ تەڭ جاۋاپكەرشىلىك ارقالايتىن بىرگە ەسىك اشۋدى ىلگەرىلەتۋگە كۇش سالۋ ءۇشىن، ءىرى ەلدەر الدىمەن ۇلگى كورسەتۋى، نەگىزگى ەكونوميكالىق تۇلعالار وزدەرى ونەگە بولۋى، وركەندەپ كەلە جاتقان ەلدەر بەلسەندىلىكپەن ىسكەرلىك كورسەتۋى كەرەك. سەلبەسىپ تەڭ جونگە سالاتىن بىرگە ەسىك اشۋدى ىلگەرىلەتۋگە كۇش سالۋ ءۇشىن، سىڭار جاقتىلىقتىڭ، قورعامپازدىقتىڭ حالىقارالىق ءتارتىپ پەن حالىقارالىق قاعيدالاردى بۇلدىرۋىنە جول بەرمەۋ، قايتا ورەلى بەينەمەن الەمدىك ەكونوميكانى جونگە سالۋ جۇيەسىنە رەفورما جاساپ، اشىق دۇنيە ءجۇزى ەكونوميكاسىن قۇرۋدى ىلگەرىلەتۋ كەرەك.
شي جينپيڭ بىلاي دەپ اتاپ كورسەتتى: جۋىقتا عانا جابىلعان جۇڭگو كوممۋنيستىك پارتياسى 19 - كەزەكتى ورتالىق كوميتەتىنىڭ بەسىنشى جالپى ءماجىلىسى جۇڭگونىڭ ”14 - بەسجىلدىق“ مەزگىلىندەگى دامۋى جونىندە جالپى بەتتىك جوبا جاسادى. جۇڭگونىڭ جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋ، كەدەيلىكتەن ارىلتۋدان قامال الۋدىڭ شەشۋشى شايقاسىن جۇرگىزۋ نىساناسى جۋىق ارادا جۇزەگە اسادى، كەلەر جىلدان باستاپ جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارى باستالادى، جۇڭگو جاڭا ءبىر دامۋ كەزەڭىنە قادام تاستايدى. ءبىز ەل ىشىندەگى ۇلكەن اينالىمدى نەگىزگى تۇلعا ەتەتىن، ەل ءىشى مەن حالىقارا سىندى قوس اينالىم ءبىرىن - ءبىرى جەبەيتىن جاڭا دامۋ ارناسىن قالىپتاستىرۋدى العا قويدىق. بۇل استە توماعا - تۇيىق ەل ءىشى اينالىمى ەمەس، قايتا اناعۇرلىم ەسىك اشقان ەل ىشىندىك، حالىقارالىق قوس اينالىم، جۇڭگونىڭ وزىندىك دامۋ قاجەتى بولىپ قالماستان، ءار ەل حالقىن اناعۇرلىم ويداعىداي باقىتقا كەنەلتەدى. جۇڭگو الەمدەگى كومەسكى كۇشى ەڭ زور ءىرى بازار. جۇڭگونىڭ جاساۋى الەمدىك كاسىپ سالاسى تىزبەگىنىڭ، قامداۋ تىزبەگىنىڭ ماڭىزدى قۇرامداس بولىگىنە اينالىپ، بەلسەندى ۇلەس قوستى. جۇڭگونىڭ كەڭ ىشكى قاجەتسىنۋ بازارى جاڭالىق اشۋ كومەسكى قۋاتىن ۇزدىكسىز، توقتاۋسىز قاۋلاتادى. جۇڭگو ەسىك اشۋدى بۇلجىماستان جاپپاي كەڭەيتىپ، جۇڭگو بازارىن دۇنيە ءجۇزى بازارىنا، بىرگە يگىلىكتەنەتىن بازارعا، كوپشىلىكتىڭ بازارىنا اينالدىرىپ، حالىقارالىق قوعام ءۇشىن اناعۇرلىم كوپ وڭ ەنەرگيا ۇستەيدى.
ءبىرىنشى، ەسىك اشۋدىڭ جاڭا بيىك بەلەسىن تۇلعالايدى. جۇڭگو ەركىن ساۋدا سىناق رايونىنىڭ، ەركىن ساۋدا پورتىنىڭ جەتەكتەۋ رولىن ءونىمدى تۇردە ساۋلەلەندىرىپ، شەكارا اتتاعان قىزمەت وتەۋ ساۋداسىنىڭ ۇنامسىز ءتىزىمىن جاريالاپ، سيفرلى ەكونوميكا، ينتەرنەت سياقتى سالالاردا ەسىك اشۋدى ۇزدىكسىز كەڭەيتىپ، ساۋدا مەن قارجى قوسۋدى ەركىندەستىرۋ، قولايلىلاستىرۋ بويىنشا رەفورما جاساۋدى، جاڭالىق اشۋدى ىشكەرىلەي ورىستەتىپ، اناعۇرلىم جوعارى دەڭگەيدەگى اشىق ەكونوميكالىق جاڭا ءتۇزىلىس قۇرۋدى ىلگەرىلەتەدى.
ەكىنشى، سىرتقى ساۋدانىڭ جاڭالىق اشا دامۋىن جەبەيدى. جۇڭگو ۇزدىكسىز يمپورت كورمەسى سياقتى اشىق تۇعىرلار ارقىلى ءار ەل كاسىپورىندارىنىڭ جۇڭگوداعى ساۋدا ورايىن كەڭەيتۋىنە قولداۋ كورسەتەدى. جۇڭگو سىرتقى ساۋدانى ارتتىرۋدىڭ كومەسكى كۇشىن اشىپ، حالىقارالىق ساۋدانىڭ ارتۋىن، دۇنيە ءجۇزى ەكونوميكاسىنىڭ دامۋىن ىلگەرىلەتۋ ءۇشىن بەلسەندى ۇلەس قوسادى. جۇڭگو شەكارا اتتاعان ەلەكتروندى ساۋدا سياقتى جاڭا كاسىپ كۇيىنىڭ، جاڭا ۇلگىلەردىڭ جەدەل دامۋىن ىلگەرىلەتىپ، سىرتقى ساۋدانىڭ جاڭا قوزعاۋشى قۋاتىن جەتىلدىرەدى. جۇڭگو «جۇڭگونىڭ يمپورت ەتۋگە تيىم سالىناتىن، يمپورت ەتۋگە شەك قويىلاتىن تەحنيكالار ءتىزىمىن» ىقشامداپ، تەحنيكالىق فاكتورلاردىڭ شەكارا اتتاپ، ەركىن اينالىمعا ءتۇسۋى ءۇشىن تاماشا ورتا ازىرلەيدى.
ءۇشىنشى، شارۋاشىلىق - ساۋدا ورتاسىن ۇزدىكسىز ساپالىلاندىرادى. جۇڭگونىڭ ىندەتتەن كەيىن جاريالاعان قيىنشىلىقتان قۇتقارىپ، كاسىپورىندارعا تيىمدىلىك جاساۋ ساياساتتارى جۇڭگو شەكاراسى ىشىندە تىركەلگەن كاسىپورىنداردىڭ بارىنە بىردەي قاراتىلادى. بيىل، شەتەلدىك ساۋداگەرلەردىڭ قارجى قوسۋ زاڭى مەن قاتىستى سايكەستى زاڭ ەرەجەلەردى اتقارىپ، شەتەلدىك ساۋداگەرلەردىڭ قارجى قوسۋىنا رۇقسات ەتۋ ۇنامسىز ءتىزىمىن ونان ارى قىسقارتادى. جۇڭگو اشىق، جاريا شەتەلگە قاتىستى زاڭ جۇيەسىن ۇزدىكسىز كەمەلدەندىرىپ، ءبىلىم مەنشىك ۇقىعىن قورعاۋدى كۇشەيتىپ، شەتەل قارجى قوسقان كاسىپورىنداردىڭ زاڭدى ۇقىق - مۇددەسىن قورعاپ، ساپالى قىزمەت وتەۋ ارقىلى اناعۇرلىم تاماشا ورتا ازىرلەيدى.
ءتورتىنشى، ەكى جاقتى، كوپ جاقتى، وڭىرلىك سەلبەستىكتى تەرەڭدەتەدى. جۇڭگو اناعۇرلىم كوپ ەلمەن جوعارى ولشەمدى ەركىن ساۋدا كەلىسىمىن كەڭەسىپ جاساپ، وڭىرلىك جالپى بەتتىك ەكونوميكالىق سەرىكتەستىك قارىم - قاتىناس كەلىسىمىنە تەزىرەك قول قويۋدى ىلگەرىلەتىپ، جۇڭگو - ەۆروپا قارجى قوسۋ كەلىسىمى، جۇڭگو - جاپونيا - كورەيا، ت. ب ەركىن ساۋدا كەلىسىمى كەلىسسوزى اياق الىسىن جەدەلدەتىپ، دۇنيە جۇزىمەن جوعارى ولشەمدى ەركىن ساۋدا رايونى جونىندە ءوزارا اۋىس - كۇيىستى، ءوزارا ۇلگى الۋدى كۇشەيتۋدى قالايدى. جۇڭگو دۇنيە جۇزىلىك ساۋدا ۇيىمى رەفورماسىنا بەلسەنە قاتىناسادى، بىرلەسكەن مەملەكەتتەر ۇيىمى، 20 ەل توبى، ازيا - تىنىق مۇحيت ەكونوميكالىق سەلبەستىك ۇيىمى، بريكس ەلدەر سياقتى مەحانيزمدەردىڭ سەلبەستىگىنە بەلسەنە قاتىناسادى. جۇڭگو قاتىستى ەلدەرمەن بىرگە ”ءبىر بەلدەۋ، ءبىر جولدى“ جوعارى ساپادا قۇرىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتەدى.
شي جينپيڭ ەڭ سوڭىندا بىلاي دەپ اتاپ كورسەتتى: جۇڭگولىقتار ”جەتپەسەك ۇلى قورعانعا ەمەسپىز ەر“ دەگەندى ۇنەمى ايتادى. كەزەكتە دۇنيە ءجۇزى ەكونوميكاسىنىڭ دامۋى قاتاڭ سىن - سايىستارعا ءدوپ كەلدى، ءبىز سەنىمدى بەكەمدەۋىمىز، باتىلدىقتى ارتتىرۋىمىز، ۋاقىتتىق قيىنشىلىقتى بىرگە جەڭۋىمىز كەرەك. جۇڭگو ءارقايسى ەلدەرمەن بىرگە، ەسىك اشۋ بارىسىندا وراي ازىرلەپ، سەلبەستىك بارىسىندا قيىن ماسەلەلەردى شەشىپ، ادامزاتتىڭ اناعۇرلىم كوركەم بولاشاعىن قول ۇستاسا اشۋدى قالايدى!
