1. اعىمداعى ورىن:
  2. باس بەت
  3. اعىم جاڭالىقتارى
  4. سۋرەتتى حابار
  5. زاڭ - ەرەجە

مەملەكەت بويىنشا جان سانىن 7 - رەتكى جاپپاي تەكسەرۋ قىزمەتىن شىن مانىندە جاقسى ىستەپ، جوعارى ساپالى دامۋدى دالمە - ءدال ساناق ينفورماتسياسىمەن قولداۋ كەرەك

日期:2020年11月03日
来源:新疆日报
【字体:

شي جينپيڭ مەملەكەت بويىنشا جان سانىن 7 - رەتكى جاپپاي تەكسەرۋ تىركەۋىنە قاتىناسقان كەزدە بىلاي دەپ باسا دارىپتەدى

  مەملەكەت بويىنشا جان سانىن 7 - رەتكى جاپپاي تەكسەرۋ قىزمەتىن شىن مانىندە جاقسى ىستەپ، جوعارى ساپالى دامۋدى دالمە - ءدال ساناق ينفورماتسياسىمەن قولداۋ كەرەك

  لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان جەكە - جەكە جان سانىن جاپپاي تەكسەرۋ تىركەۋىنە قاتىناستى

  11 - ايدىڭ 2 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ بەيجيڭدەگى جۇڭنانحايدا مەملەكەت بويىنشا جان سانىن 7 - رەتكى جاپپاي تەكسەرۋ تىركەۋىنە قاتىناستى. سۋرەتتە: شي جينپيڭ جاپپاي تەكسەرۋشى قىزمەتكەرلەردىڭ سۇراۋلارىنا جاۋاپ بەرۋدە. 

  مەملەكەت بويىنشا جان سانىن 7 - رەتكى جاپپاي تەكسەرۋدىڭ تىركەۋ قىزمەتى بۇكىل مەملەكەتتە ورىستەتىلۋدە. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 11 - ايدىڭ 2 - كۇنى تۇستەن كەيىن بەيجيڭدەگى جۇڭنانحايدا جان سانىن جاپپاي تەكسەرۋ تىركەۋىنە قاتىناستى.

  تۇستەن كەيىن ساعات 4 مولشەرىندە، شي جينپيڭ جۇڭنانحايداعى حۋايرىنتاڭعا كىردى. تىركەۋگە جاۋاپتى ەكى جاپپاي تەكسەرۋشى قىزمەتكەر باس شۋجيگە سالەمدەستى. وسى رەتكى جاپپاي تەكسەرۋدە ەلەكتروندى تىركەۋ ءتاسىلى قولدانىلدى، شي جينپيڭ جاپپاي تەكسەرۋگە تىركەلۋ تالابى بويىنشا، جاپپاي تەكسەرۋشى قىزمەتكەرلەردىڭ سۇراۋلارىنا ءبىر - بىردەن جاۋاپ بەردى، جاپپاي تەكسەرۋشى قىزمەتكەرلەر ينفورماتسيانى تاقتا كومپيۋتەرگە ەنگىزدى. سودان كەيىن شي جينپيڭ مالىمەت بەرۋشىنىڭ ەسىمى جازىلاتىن كەستەگە ءوز ەسىمىن بايىپپەن جازدى.

  تىركەلۋ اياقتالعان سوڭ، شي جينپيڭ 2 جاپپاي تەكسەرۋشى قىزمەتكەردەن وسى رەتكى مەملەكەت بويىنشا جان سانىن جاپپاي تەكسەرۋدىڭ تىركەۋ قىزمەتى احۋالىن ۇعىستى. جاپپاي تەكسەرۋشى قىزمەتكەر باس شۋجيگە قىسقاشا مالىمەت بەردى. شي جينپيڭ 2 جاپپاي تەكسەرۋشى قىزمەتكەردەن، جاپپاي تەكسەرۋدىڭ ءبىرىنشى شەبىندە كۇرەس جاساپ جاتقان 7 ميلليوننان استام جاپپاي تەكسەرۋشى قىزمەتكەردەن ىقىلاستى حال سۇرادى.

  شي جينپيڭ بىلاي دەپ باسا دارىپتەدى: جان سانى قىزمەتى مەن جان سانىن جاپپاي تەكسەرۋ ەرەكشە ماڭىزدى. ەلىمىز دۇنيە جۇزىندە جان سانى ەڭ كوپ مەملەكەت، جان سانى ماسەلەسى باستان - اياق جالپى جاعداي سيپاتىن الاتىن، ستراتەگيالىق سيپات الاتىن ماسەلە بولىپ كەلەدى. جان سانىن جاپپاي تەكسەرۋ 10 جىلدا ءبىر رەت جۇرىلەدى. بيىل جاڭا جۇڭگو قۇرىلعاندىعىنىڭ 71 جىلدىعى، جان سانىن جاپپاي تەكسەرۋدىڭ 7 - رەتكىسى. الدىڭعى 6 رەتكى جان سانىن جاپپاي تەكسەرۋ قىرۋار مولشەردە ەگجەي - تەگجەيلى، ناقتى جان سانى ساناعى ساندى مالىمەتىنە يە بولىپ، پارتيا مەن مەملەكەتتىڭ ەكونوميكالىق، قوعامدىق دامۋ ساياساتتارى، جان سانى ساياساتى سياقتىلاردى بەلگىلەۋىندە ماڭىزدى رول اتقاردى. مەملەكەت بويىنشا جان سانىن 7 - رەتكى جاپپاي تەكسەرۋ جاڭا داۋىردە مەملەكەت جاعدايى، مەملەكەت قۋاتى جونىندە ورىستەتىلگەن ءبىر رەتكى كەلەلى تەكسەرۋ، سونداي - اق پارتيا مەن مەملەكەت قىزمەتىندەگى ءىرى ءىس.

  شي جينپيڭ بىلاي دەپ اتاپ كورسەتتى: جاقىنعى جىلداردان بەرى، ەلىمىزدىڭ جان سانى دامۋىندا كەيبىر كورنەكتى وزگەرىستەر جارىققا شىقتى، جان سانى مول بولۋ قىسىمىنا دا ءدوپ كەلدى، جان سانى قۇرىلىمىنداعى بۇرىلىستان تۋعان سىن - سايىستارعا دا ءدوپ كەلدى. وسى رەتكى جان سانىن جاپپاي تەكسەرۋ ارقىلى ەلىمىزدىڭ جان سانى، قۇرىلىمى، تارالۋى سياقتى جاقتارداعى جاعدايلاردى تەكسەرىپ انىقتاپ، جان سانىنداعى وزگەرىستىڭ اۋقىمدىق ەرەكشەلىكتەرىن يگەرىپ، جان سانىنىڭ دامۋ ستراتەگياسىن جانە ساياسات جۇيەسىن كەمەلدەندىرۋدى، ەكونوميكالىق، قوعامدىق دامۋ جوباسىن جاساۋدى، ەكونوميكانىڭ جوعارى ساپالى دامۋىن ىلگەرىلەتۋدى دالمە - ءدال ساناق ينفورماتسياسىمەن قولداۋ كەرەك.

  شي جينپيڭ بىلاي دەپ باسا دارىپتەدى: ىندەتتەن ساقتانۋ - تىزگىندەۋدى ۇدايىلاندىرۋ شارت - جاعدايىندا جان سانىن جاپپاي تەكسەرۋ قىزمەتىن جاقسى ىستەۋ قالىڭ جاپپاي تەكسەرۋشى قىزمەتكەرلەردىڭ اناعۇرلىم زور قۇلشىنىس كورسەتۋىن، بۇكىل قوعامنىڭ اناعۇرلىم ءتۇسىنۋى مەن قولداۋىن قاجەت ەتەدى. 11 - ايدىڭ 1 - كۇنىنەن باستاپ، بۇكىل ەلدەگى 7 ميلليوننان استام جاپپاي تەكسەرۋشى قىزمەتكەر وتباسى سايىن، ادام سايىن تىركەۋگە الا باستايدى، كوپشىلىك تۇگەلدەي ىندەتتەن ساقتانۋدى ۇدايىلاندىرۋ تالابىنا بويسۇنۋى، سونداي - اق جاپپاي تەكسەرۋشىلەردى قارسى الىپ، جاپپاي تەكسەرۋ قىزمەتىن قولداپ - سايكەسىپ، جاپپاي تەكسەرۋ مازمۇندارىن ناقتى مالىمدەپ، جاۋاپكەرشىلىگى مەن مىندەتىن زاڭ بويىنشا اتقارۋى كەرەك. ءار دارەجەلى جاپپاي تەكسەرۋ قۇرىلىمدارى مەن جاپپاي تەكسەرۋشى قىزمەتكەرلەر عىلمي جاپپاي تەكسەرۋگە، زاڭ بويىنشا جاپپاي تەكسەرۋگە تاباندى بولىپ، قىزمەتتى اناعۇرلىم عىلمي، اناعۇرلىم دالمە - ءدال، اناعۇرلىم قاتاڭ جاقسى ىستەپ، جاپپاي تەكسەرۋ مىندەتىن جوعارى ساپامەن ورىنداۋ كەرەك.

  لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلىلار جۇڭنانحايدا جەكە - جەكە جان سانىن جاپپاي تەكسەرۋ تىركەۋىنە قاتىناستى.

  ەلىمىزدىڭ جان سانىن جاپپاي تەكسەرۋى ءار 10 جىلدا ءبىر رەت ورىستەتىلەدى. مەملەكەت بويىنشا جان سانىن 7 - رەتكى جاپپاي تەكسەرۋدە 2020 - جىلى 11 - ايدىڭ 1 - كۇنىنەن 12 - ايدىڭ 10 - كۇنىنە دەيىن وتباسىلارعا كىرىپ تىركەۋ جۇرگىزىلەدى، 2021 - جىلى 4 - ايدان باستاپ جاپپاي تەكسەرۋدىڭ باستى ساندى مالىمەتتەرى ىركەس - تىركەس جاريالانادى.