مەملەكەتتىك قوس قورعاۋداعى ۇلگىلى قالا (اۋدان) اتاعىن بەرۋ جانە قوس قورعاۋداعى ۇلگىلى ورىندار مەن جەكەلەردى ماداقتاۋ - سيلاۋ جينالىسى 10 - ايدىڭ 20 - كۇنى تۇستەن بۇرىن بەيجيڭدە وتكىزىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماجىلىسكە قاتىناسقان ۋاكىلدەرمەن ىقىلاسپەن كەزدەسىپ، ولاردان شىنايى حال سۇرادى، مەملەكەتتىك قوس قورعاۋداعى ۇلگىلى قالا، اۋدانداردى، قوس قورعاۋداعى ۇلگىلى ورىندار مەن جەكەلەردى قىزۋ قۇتتىقتادى.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ كەزدەسۋدە بىرگە بولدى ءارى ماداقتاۋ - سيلاۋ جينالىسىندا ءسوز سويلەدى، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ۋاڭ حۋنيڭ كەزدەسۋدە بىرگە بولدى.
تۇستەن بۇرىن ساعات 10 بولعاندا شي جينپيڭ قاتارلىلار جيڭشي قوناق ءۇيى ءماجىلىس عيماراتىنىڭ الدىڭعى زالىنا كەلدى، زالدا شاتىرلاعان شاپالاق ءۇنى كوتەرىلدى. شي جينپيڭ قاتارلىلار ۋاكىلدەردىڭ اراسىنا بارىپ، كوپشىلىكپەن ىقىلاسپەن اڭگىمەلەستى ءارى ەستەلىك سۋرەتكە ءتۇستى.
لي كىچياڭ سوزىندە الدىمەن پارتيا ورتالىق كوميتەتى، مەملەكەتتىك كەڭەس اتىنان داڭقتى اتاق العان جەرلەردى جانە ماداقتالىپ - سيلانعان ورىندار مەن جەكەلەردى قىزۋ قۇتتىقتادى، حالىق ازاتتىق ارمياسىنىڭ قولباسشىلارى مەن جاۋىنگەرلەرىنە، قارۋلى ساقشى كوماندير - جاۋىنگەرلەرىنە، حالىق جاساقتارىنىڭ زاپاس كۇشتەرىنە، اسكەري بولىمدەردىڭ جۇمىسشى - قىزمەتكەرلەرىنە، قۇربانداردىڭ ءۇي ىشىندەگىلەرگە، مۇگەدەك اسكەريلەرگە، كاسىپ اۋىستىرعان، قوسىننان شەگىنگەن اسكەريلەرگە جانە ارميادان زەينەتكە، دەمالىسقا شىققان كادرلارعا، قوس قورعاۋ قىزمەتى شەبىندەگى جولداستارعا شىنايى سالەم جولداپ، مەملەكەت قورعانىسى مەن ارميا قۇرىلىسىنا كوڭىل ءبولىپ، قولداۋ كورسەتكەن قوعامداعى ءار سالا قايراتكەرلەرىنە شىن جۇرەكتەن العىس ايتتى.
لي كىچياڭ بىلاي دەدى: پارتيانىڭ 18 - قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا جەر - جەر، قاتىستى تاراۋلار ارميا قۇرىلىسى رەفورماسىن بەلسەندىلىكپەن قولدادى جانە وعان قىزمەت وتەدى، قامقورلىق ەتۋ، ورنالاستىرۋ، قامتاماسىزداندىرۋ قىزمەت تەبىنى اناعۇرلىم ارتتى، اسكەري بولىمدەر جەرگىلىكتى ورىننىڭ ەكونوميكالىق، قوعامدىق دامۋىنا بەلسەنە كومەك بەرىپ كورنەكتى ناتيجەلەرگە قول جەتكىزدى، اۋىر جاراتىلىستىق اپاتتاردان شۇعىل قۇتقارۋ، كومەكتەسۋگە قاتىناسۋ جانە توسىن وقيعالارعا توتەپ بەرۋدە اتويلاپ الدا ءجۇردى. بيىل ىندەت تارالعان جاعدايدا حالىقتىڭ پەرزەنت اسكەرلەرى بۇيرىق بەرىلە سالا ارەكەتتەنىپ، قيىن شايقاستارعا تايسالماي قارسى اتتاندى، ارميا مەن حالىق قول ۇستاسىپ، ءبىر نيەت، ءبىر تىلەكتە بولىپ، ۋاقىتتىق قيىنشىلىقتاردى بىرگە جەڭىپ، ىندەتكە قارسى اتتانۋ كۇرەسىنىڭ كەلەلى ستراتەگيالىق تابىسىنا قول جەتكىزىپ، ارميا مەن ۇكىمەت، ارميا مەن حالىق ىنتىماعىنىڭ قۇدىرەتتى كۇشىن ايگىلەدى.
لي كىچياڭ مىنالاردى اتاپ كورسەتتى: رايوندار مەن تاراۋلار مەملەكەت قورعانىسى مەن ارميا قۇرىلىسىن زور كۇشپەن قولداۋى، قاتىناس - تاسىمال، ارتقى شەپ قامداۋى سياقتى قامتاماسىزداندىرۋ قىزمەتىن ويداعىداي ىستەپ، شەكارا وڭىردە جانە ارالداردا تۇراتىن كوماندير - جاۋىنگەرلەردىڭ مىندەت اتقارۋى مەن قىزمەت، تۇرمىس شارت - جاعدايىن جاقسارتۋعا كومەكتەسۋى كەرەك. اسكەرلەر مەن ولاردىڭ ءۇي ىشىندەگىلەردى ۋايىمنان ارىلتىپ، قالىڭ كوماندير - جاۋىنگەرلەردى كەينگى كۇنىنەن، ءۇي ىشىندەگىلەردەن جانە ۇرپاقتارىنان الاڭداماۋعا مۇمكىندىك جاساۋى كەرەك. بيىل ورنىقتى كاسىپتەنۋدىڭ قيىندىعى اناعۇرلىم كورنەكتىلەندى، اسكەري مىندەتتەن بوساعان اسكەريلەرگە اناعۇرلىم دالمە - ءدال، دەر كەزىندە جۇمىستاندىرۋ، يگىلىك جاراتۋ جونىنەن قىزمەت وتەپ جانە كاسىپتىك شەبەرلىككە باۋلىپ، ولاردىڭ جۇمىستانۋىنا، يگىلىك جاراتۋىنا كومەك كورسەتۋ، جۇمىسسىز قالعانداردى سۇيەمەلدەۋگە كەپىلدىك ەتۋ كەرەك. ارنالاردى كەڭەيتىپ، شارتقا ۇيلەسەتىن، اسكەرلەرگە ىلەسىپ جۇرگەن وتباسى مۇشەلەرىن لايىقتى ورنالاستىرۋعا شىنايى كەپىلدىك ەتۋ كەرەك. اسكەريلەر پەرزەنتتەرىنىڭ جاقىن ماڭدا وقۋعا ءتۇسۋ، جوتكەلۋ، ورتا جانە جوعارى مەكتەپ ەمتيحانىنا قاتىناسۋىنا قولايلىلىق جاراتۋ سياقتى ساياساتتاردى تياناقتاندىرىپ، اسكەريلەر مەن ولاردىڭ ءۇي ىشىندەگىلەردى الاڭسىز ەتۋ كەرەك. سونىمەن بىرگە، ارميانىڭ ابزالدىعىن ساۋلەلەندىرىپ، ەكونوميكالىق، قوعامدىق قۇرىلىسقا بەلسەنە ات سالىسۋىن قولداۋ كەرەك. قامقورلىق جاساۋ، ورنالاستىرۋ قاتارلى قازىنا شىعىسىن قامتاماسىزداندىرىپ، قوس قورعاۋدا ۇلگىلى ورىن قۇرۋ قىزمەتىن ءۇرتىس جاقسى يگەرىپ، نەگىزگى ساتىلاردا قوس قورعاۋ قىزمەت وتەۋ جۇيەسىن اقاۋسىزداندىرىپ، قوس قورعاۋ قىزمەتىندە جاڭا جاعداي جاراتۋعا قۇلشىنۋ كەرەك.
